Kailash Parbat

營業中

休息中

今日接朋友收工 見到時間仲早去左食個下午茶🥰上網search完之後搵到間印度菜 好多正評 所以一於試下先！餐廳入面啲員工全部都係外國人 而且餐廳設計色彩繽紛 好有去到外國嘅感覺😳本身打開Menu全部都係英文同印度文 有少少嚇親🤭但發現原來有另一份中英對照 好細心😂最後我叫左從來冇係香港食過既印度菜式 印度特色薯蓉餡圓脆餅同埋咖喱薯仔包(奶酪)！印度特色薯蓉餡圓脆餅似冷盤咁 口感層次多變 一開頭上面既係脆餅 底下既係薯蓉 食落去酸酸甜甜好開胃☺️而咖喱薯仔包(奶酪) 個人十分推薦試下 食落去有牛油既香 再加埋啲醬 食完一啖停唔到口🥰基本上對我黎講係必點菜式而孟買‘半杯’茶比起我食過既印度餐廳味道比較淡 由於個人中意比較清淡 呢杯拉茶幾岩我飲😂可以中和返小食既香料味

最近香港人興起食印度野所以我同男朋友就揀咗呢一間連鎖印度店雖然係樓上鋪但係好易搵樓下仲有個印度人好好心教你點上去店內環境都好有家的感覺走親民路線餐廳好貼心有中文嘅餐牌～嘢飲方面帶咗芒果奶昔($49)，印度風味嘅芒果奶昔入邊有啲薄荷葉嘅配料，10分獨特～經典印度孟買炸蒜蓉包($65)有2個餐包夾住過炸薯仔，而炸薯容入面有啲印度配料好似青辣椒咁，成個包都熱辣辣，好味！咖喱薯仔包($75)成餐最滿意就係呢個首先嗰兩個餐包入邊都查咗牛油，然後點上咖喱，真係一流，咖喱入邊仲有少少薯仔令到口感唔單調，怕你太制重有檸檬同洋蔥條吓味令你食慾大增！推介馬薩啦芝士烤餅($40)呢個係烤餅中間嗰層佈滿，10分足料，令到烤餅個口感冇咁dry～正買單兩個人二百零蚊淨係食包都勁飽呀

好久沒吃過印度咖喱，聽說咖喱能保暖和強健脾胃，天氣轉冷是食咖喱的好時機。本來打算去重慶大廈，收工行過寶勒巷看到這家店餐牌就放在街上，更特別的是一看之下原來是素食的，於是就決定了這裡了。乘搭電梯上去時可以靠近透明窗口一覽尖沙咀街道的夜景。店內環境非常優美，和重慶大廈可說相差很遠。簡直有點像美麗華2期的食店那種感覺。店內播放印度特色音樂，雖然筆者聽不懂，但也很柔和和舒服。桌上的飲用水是瓶裝Bonaqua，感覺既高級又令人放心。筆者畢竟是個港仔，於是就按照港人的習慣叫了一份咖喱（奶酪馬薩拉$85）、一份烤餅（馬薩拉印度芝士烤餅$45）和一杯飲品（凍咖啡+雪糕$49）。飲品的賣相不錯，咖啡香滑，不太甜。而且雖是凍飲，杯內卻沒有多餘的冰。可惜的是筆者沒有來得及吃雪糕，但後來喝下去融掉了的雪糕混合咖啡也產生新的味道和口感，很有趣。然後是烤餅，看表面的焦香斑紋已經感受到烤得很透徹，表面沒有看到印度芝士，原來是包裹在裡面的。印度菜中烤餅的功能當然是霑著咖喱吃，但筆者也會先吃一小口原味的烤餅。熱騰騰的烤餅非常煙韌，餅身有烤焗的小麥香氣，偶爾咬到的芝士味道也非常香濃，鹹甜適中。作為主菜的奶酪馬薩拉上桌了。

尖沙咀美食林林總總，今天特定和朋友來初嘗印度美食，沒想到七點多，餐廳已經滿座，熱鬧非常。餐廳裝修以活潑生動的色調為主，有別傳統印度餐廳，給人一種耳目一新的感覺。大部份印度餐廳只出售傳統菜式，怎料在餐牌上，竟然見到有fusion，更加是四川和印度的混合，既然咁特別，當然要試吓。喜歡印度菜的其中一個原因，就是其豐富的色彩，這個客家麵上鋪上不同種類的蔬菜，再加上香濃的香料醬汁，非常吸引。雖然麵條是一般的炒麵，不過四川麻辣加上印度香料，味道很獨特，還有豐富的雜菜，口感和味道層次十足。另外叫了一個side dish，就是印度黏土烤特色奶酪，奶酪即是芝士，不要誤會是很油膩飽滯的那一種，這種奶酪十分鬆軟，質地綿密，滲透出陣陣鮮奶香，加上薄荷醬汁，味道清新。去印度餐廳怎能不吃咖喱？店員推薦這個咖喱薯仔包，果然冇介紹錯，雖然咖喱比較鹹，但香料層次豐富，使其他菜式代替不了的，用來點用牛油煎過的香軟麵包，非常好吃。最後以一個特色甜品作結，就是印度特色新地!開心果雪糕球旁邊有綠豆蓉，口感像雪芭，雪糕球客是布丁質地的乳酪，裏面竟然有米粉！但竟然沒有違和感！反而吸收了士多啤梨和芒果醬的香味！很有趣！推薦大家在這裏

如果一問大家~ 要吃印度菜可以去那裡，大家的第一反應都會是去重慶大廈~但有朋友介紹了這一家餐廳給我~~ 說可以試試! 好朋友介紹果然沒錯!!7點鐘一進餐廳，人不多，還以為中伏呢...一開始點了一杯lime water (salt/ sweet)，待應還很貼心的問我是要甜的咸的還是MIX....以前試過的都是咸甜咸甜，這一次當然不例外!味道跟我知道的是一樣的~再來就是小食~ 叫了印式暑餅麵包~印式暑餅做得很好~ 香料不會太多~ 暑仔粒軟硬度剛好~入面加左黎麥..有的咬口..個包就有小小辣香料，夾埋一齊食岩岩好!當然唔小得要叫咖哩同NAAN BREAD! 當日叫左茄子MASALA同蒜味NAAN....MASALA同我以前成日食的咖哩係一樣味~只係NAAN就冇咩蒜味....但其他都算好食既!咖哩好食到一塊NAAN唔夠食....但因為真係好飽...冇叫多一塊...環境係真係一般餐廳一樣....坐得舒服...唔迫....真心可以試!結語係.....好食，唔貴，要試!

嚟到呢間餐廳睇餐牌會係一個考驗😂😂我同朋友唔知道餐廳有無提供中文餐牌我地無理到有定無拎住個餐牌就只睇圖亂咁叫😂😂由於我哋都唔知叫咗咩所以冇辦法係食評入面寫得出每碟叫咩菜式😆😆只可以講我哋叫嗰啲嘢食基本上每碟味道都好唔錯！😋我哋下次都會再嚟‼️‼️菜式如下：1. Patiyala Lassi (Mango) (Salted) $492. Tikki Chaat -Shallow fried discs of mashed potato patties topped with curried chickpeas, dicious chutneys yogurt & spices $803. Dal Makhani - Black lentils, kidney beans simmered overnight, enriched with butter and cream $754. Kulcha - Choose: Masala $355. Stuffed Paratha - Cheese $456. Veg cheesy sheekh - Vegetable sheekh coated w

食咖喱就食得多姐但係大家有冇食過真係正宗嘅印度咖喱先今日個同事帶咗我嚟呢間食素食嘅印度咖喱鋪其實就咁聽落去本身完全唔吸引 因為我本身都有個食肉獸 加上成日覺得素食冇乜選擇但係入到去嘅時候無論中環嘢食嘅質素同埋選擇都令我好驚喜見到大部份客人真係印度籍嘅人 睇黎真係幾正左宗其實食物來講我真係唔識形容佢嘅味道因為好多香料但係我未食過嘅只能夠說所有食物都係偏重味為主印度奶酪薯仔馬薩拉餡餅印度粘土烤蘑菇串燒野味特色小菜 馬薩拉芝士烤餅重芝士味好正青馬薩拉芝士香飯飯好推薦 辣得來好香好香得來會食唔停口

大家都知全香港最多印度野食一定係尖沙咀，呢間Kailash Parbat不黝想試好耐，咁Happy Friday 當然就係好機會入裡裝飾好靚而且色彩繽紛，就好似典型印度文化一樣五顏六色，令人望到已經好心情見到幾多印度人一家大細家庭聚會，証明應該幾authentic 下 適合三五知己小聚呢個隨便點既bambai nagri 超級好食，我平時唔食包既朋友都贊不絕口朋友叫既salted lassi 好好飲，唔鹹又唔會太酸，味道岩岩好我叫既係傳統印度奶茶，香而茶味重 每次食印度野必叫既nann（$44)，今次要左Masala cheese naan熱辣辣而且個nann烘到軟熟，入面既cheese係口中融化一刻實在大滿足，必點！當然仲要左奶酪番茄masala咖哩配naan啦，呢種味既curry唔係度度都有，黎到可以試下，一定唔會失望印度粘土烤蘑菇串燒，見到佢放係好似竹筒既小船上就知餐廳好有心思又健康又美味 走既時候見到咁多印度甜品小點心，下次黎一定要再試試 呢間可以拍心口同大家推薦係我覺得全香港綜合評分最高既印度餐廳

今日約左朋友食farewell飯😁由於我地都好鍾意食東南亞既菜式，於是就黎到尖沙咀搵食😋大家都好有興趣試下印度菜，就揀左呢間黎食喇～一入到去間餐廳，啲裝修擺設都好有民族色彩，俾人一種好開心嘅感覺。😃一打開份menu，見到好多唔太認識既文字😂所以我地都係主要睇圖黎點菜😁我地叫左3碟餸，仲有2份薄餅同埋一個汁黎食。Gobi manchurian (Dry)係一個類似魚肉加花椰菜整成嘅肉球，雖然佢寫咗係dry，不過都算多汁，幾juicy🤪🤪🤪Tikki Chaat 呢碟係由類似印度米、豆、芝士、薯仔等等唔同嘅材料而整成。開頭見到咁多唔同嘅食材煮埋一碟，好似有種格格不入嘅感覺，不過食落去就覺得呢種配搭出奇地好味！而呢碟Veg cheesy sheekh應該係一碟素菜🤣🤣🤣佢仲配左一碟菠菜汁，可以點黎食。素菜食落去冇肉類咁容易覺得濟👍🏾👍🏾而且都好好食！薄餅方面叫咗以下呢兩款：Kulcha + Stuffed Paratha ～～ 佢哋嘅薄餅都可以再選擇一個餡料，Kulcha我哋就揀咗Masala，而Stuffed Paratha就揀咗Cheese。兩款薄餅嚟到都係熱辣辣，而且有少少煙煙韌韌嘅感

呢間店嘅裝修都唔錯好有feel，位置都幾闊落，好多菜都系用芝士同乳酪嚟做調味嘅，我最鍾意個芝士蕃茄湯，口感好好，番茄味好濃郁啊，芝士有好多，印度特色薯蓉餅都好特別啊，分量都好夠！

寶勒巷真係有好多好餐廳，吾少仲價錢親民服務貼心，呢間樓上印度餐廳係其中一間。1) 冰淇淋凍咖啡 咖啡味夠濃，吾會比雪糕溝到好淡。雲呢拿雪糕奶味重，跟咖啡好夾。2) 粉紅秘魯 呢杯係番石榴味既cocktail，賣相精緻，少甜微酸，好岩我口味。3) 咖哩角 用架色彩繽紛既車仔上菜，不過有個轆吾見左，好搞笑。咖哩角炸到好香，餡料好豐富，倒少少另上既咖哩汁，味道更有層次。4)薯仔餡餅 餡餅有好幾種餡料選擇，包括薯仔、芝士、印度芝士及雜菜。餡餅厚度適中，吾會太油，薯仔蓉加上少少香料，令到成個餅都好香口，必叫。我地仲叫左咖哩、券餅同小食拼盤，食得好飽好豐富，每人都係150蚊有找。雖然侍應姐姐吾識講廣東話，但好nice咁介紹野比我地食。呢餐真係食得滿足又開心!

港式素菜我就吃得多，但係印度素菜真係第一次食，今日經朋友介紹下，來到尖沙咀寶勒巷萬事昌廣場 Kailash Parbat，品嘗一下正中既印度素菜!!~Patiyala Lassi 印度芒果奶昔 ($49)芒果奶昔超級大杯，顏色鮮黃吸睛，一入口，奶昔既質地好濃厚，帶點杰身，而且非常細滑，除左有濃郁既芒果味，仲有一陣陣既印度特色香草味，非常好味又解渴!!~Namkeen Pink Peru 粉紅秘魯 ($49)呢杯係粉紅色既無酒精雞尾酒，顏色係粉紅色，感覺好少女，杯邊有一些微辣既調味粉，飲落去有甜甜既番石榴味，但亦混合左特製既微辣味，味道非常特別。Masala Cheese Naan 馬薩拉芝士烤餅 ($40)來食印度野，一定要食印度烤餅，呢個芝士烤餅係即叫即做，烤得好香，入口外邊脆而內軟，有微軟既cheese味道，相當好食。Stuffed Paratha 薯仔餡餅 ($45)由於呢道既烤餅實在太好食，所以我地再order左一個薯仔餡餅，如果吾鐘意食薯仔既，都可以簡反cheese做餡料。呢個薯仔餡餅夾雜着薯仔蓉同濃郁既印度香料味，又係外脆內軟，非常好食。Paneer Tikka Labab

呢間印度餐廳staff都係唔識廣東話不過唔洗怕 餐牌上面都有中文翻譯 用英文溝通都no problem~tea time 叫左2個小食 (staff recommendations)Veg Kheema Pav 辣素咖哩包 ($85HKD)有2個餐包 中間有少少牛油個staff好nice咁教我將洋蔥放落個咖哩到 再加檸檬汁 搞好嚟食雖然係素咖哩 但入面都有好多配料 亦有好似肉texture嘅食材 不過就真係唔知係咩😂😂整體個咖哩都好香濃 又辣得過癮 配埋個包吸收哂咖哩汁 超正👍Lokandwala frankie 印度奶酪薯仔馬薩拉餡餅 ($80HKD)呢個餡餅入面有好多料 （e.g. 薯蓉,綠豆）外面再有cheese 灑係面 本身佢入面個馬薩拉sauce就已經有少少辣 以為加埋cheese會太heavy但一食就知我錯了 cheese 同馬薩拉佢仲有另一個spicy sauce 點左個辣度會勁好多會recommend 第一個Veg Kheema Pav比大家試少少地做個snacks 唔錯~Ps 有加一服務費

平時經過尖沙咀，經常會比一個banner吸引，今日終於同三個同學仔上去一齊去會一會佢一講起印度餐，第一時間會諗起咖哩 羊肉同辣,，但係呢間餐廳就有d特別 特別在呢一間係食素既印度餐廳，餐廳環境好大坐得好舒服又乾淨，都幾滿意。唔講咁多即刻叫菜，打開menu，唔係咁識睇，不過好彩有中文翻譯，侍應姐姐亦都有好心機咁為我地介紹，一於交比當地人為我地發板，哈哈話明食印度野，薄餅加咖哩呢個組合又點小得，咖哩味好地道，辣度適中，配上啖啖咸香既芝士，好食。賣樣好夠既咖哩角，一上台個個都嘩嘩聲，食落都可以接受，偏辣，咖喱味亦好濃。我個人最鐘意既就係大蒜烤餅同埋馬薩拉芝士烤餅，即叫即烤，香脆好味，配埋傳統印度素咖哩，正，最後重"安歌"左一次。飲品方面，我叫左雪糕咖啡，不過不失，無特色但幾好飲。以上都係重點推介既食品。

平時好少食印度嘢，起初都有啲驚唔啱胃口，但係原來唔係，印度美食都好適合香港人。首先去到值得一讚餐廳座位寬闊，適合朋友仔三五知己傾計吹水，一開始我哋嗌咗嘢飲，我點了一杯Desi Kara Khatta，味道有d似無酒精雞尾酒，最適合我哋呢啲， 想飲杯酒輕鬆下， 又要健康嘅人。我朋友叫咗孟買半杯茶，如果鍾意飲奶茶，係值得一試，非常特別。我哋叫咗好多嘢食，我自己最鍾意就係薄餅，因為有唔同味 最緊要係飽肚。當中馬薩拉芝士薄餅，就出色啦。另外，最鍾意，在一架車仔裝住出的咖哩角，如果帶埋小朋友去，小朋友一定最開心。不過要小心如果唔係太食得辣嘅朋友，點菜時最好問一問侍應，因為有啲菜式都比較辣。我自己就比較食得辣， 反而我唔鍾意食甜嘅嘢， 呢度某啲菜式包括甜品吾算好甜，但顏色就好靚好似去咗啲糖果店。總括嚟講 今次我會比9分(10為滿分)。對印度菜有興趣嘅朋友，一定要試下呢一間正宗餐廳。人生太短 ，咩應該都試下！