Give Me 5 (已結業)

生日正日去到觀塘嘅Give Me 5食晚餐，揀咗120分鐘無限任食任飲牛扒夜地方比較偏僻，離地鐵站有少少遠，棟大廈幾舊，要自己行樓梯上五樓🤧上到去，職員即刻安排我哋入座，環境唔差，幾有氣氛，因為一早book咗位嘅關係，我哋坐咗喺近窗嘅卡位。120分鐘無限任食任飲牛扒夜包括任食沙律吧、澳洲穀飼肉眼排、德國燒豬手(每星期不同)。職員快快手幫我哋叫咗豬手，提我哋可以沙律吧拎啲前菜🥗其中，蛋沙律比較好味我哋拎咗碗蘑菇湯，唔錯！到主菜，現場有職員幫客切，牛扒好厚身，唔算好熟，略嫌有啲過硬！另外，叫左杯涷檸茶、一份薯菜，薯條剛炸好，食落好脆第二款主菜係豬手，十分香口肉幾腍最後，食咗個甜品，吧枱有幾款可以揀，細細份又夠靚，我揀咗朱古力蛋糕配泡芙順帶一提，餐廳入面嘅飛鏢機要入錢玩，有啲失望

朋友約我，問我weekend 去邊度食brunch，比我選擇，我當然找個近近的，而又有質素架啦~~午餐時有自助沙律吧、餐湯、餐包、甜品、紅酒、白酒等，任食任飲，想要咩都可以隨時出去拎嚟食！首先要個沙律開胃先， 味道清新，雖然款式冇自助餐甘多款 (當然冇啦，宜家又唔係食酒店自助餐)，但勝在材料夠新鮮，質素取勝！餐湯，雜菜湯，配上多士，絶配！澳洲肉眼扒 (8安士) 配野菌燒汁牛扒外層用網烤至焦香，8oz的份量也不少。牛扒調味得宜，醬汁不會蓋過牛肉本來的鮮味，雖然不算厚切，厚度也不會太薄，是可以接受的程度。甜品的種類雖然不多，仲有綠茶蛋糕、、朱古力蛋糕、芝士蛋糕、芒果布甸、啫喱等等，細細件，相當精緻，甜美可口！食飽，點埋杯餐飲，甘就坐左兩個幾鐘，下次weekend 想找個地方慢慢坐，慢慢傾下計，就可以選呢間喇！

朋友相約觀塘吃飯，最近都經常嚟，食嚟食去應該都冇咩新意思，今次朋友介紹一間以運動為主題嘅西餐廳， 一於試一試。小食點了炸魚薯條， 份量十足 炸魚外表鬆脆， 內裏魚嘅質感咬口一流， 不過最重要講嘅一定係薯條， 粗炸薯條最重要外表脆卜卜， 內裏仲有薯蓉嘅質感。重點左一個 4 Courses Set Dinner，前菜，蜜瓜西班牙火腿配黑醋汁沙律， 蜜瓜洋蔥 三色椒切成粒狀 ，配合埋黑醋汁整成嘅沙律 ，口感味道新鮮，清新怡人。周打魚忌廉湯， 忌廉味十足可惜魚比較少。炸軟殼蟹煙肉卡邦尼意大利粉， 原隻軟殼蟹咁上，食起上嚟有啲複雜， 煙肉卡邦尼意大利粉，意大利粉煮得啱啱好口感煙韌， 配合埋卡邦尼醬，芝味十足。芝士餅配雪糕， 最欣賞嘅就係自家製嘅雪糕，牛奶味，配合埋芝士餅獨有嘅口感，豐富味美。最後點了飲品，凍檸茶都幾驚喜，凍飲唔洗加錢。鋪頭嘅環境真係適合一大班人來， 下次嚟到再食過。

朋友之前經過見到有任食牛扒，知道我都係牛魔王，所以約定我嚟呢度食飯。餐廳地方都幾大，有桌球枱同飛鏢機，可以供客人娛樂。侍應問想叫 set dinner 定任食牛扒，我哋緊係揀任食任飲放縱吓。餐廳有1個地方係自取區，可以拎湯，沙律同排隊拎牛扒。呢晚嘅湯係蘑菇忌廉湯，食到蘑菇粒，幾好飲! 沙律吧有唔同嘅菜同沙律醬汁選擇。沙律吧嘅蔬菜都新鮮，蒜蓉包香脆，配湯最夾。澳洲穀飼肉眼扒會有店員負責切，有客人想拎先會切，呢晚嘅牛扒雖然唔肥，但唔嚡，有濃濃嘅牛肉味，肉汁亦保留到，我就鍾意加埋芥末醬一齊食，唔錯! 呢晚任食嘅主菜係德國燒豬手，呢個就要同店員落單，豬手外皮鬆脆，肉就夠咸香。薯角或薯菜都係要同店員落單，薯角炸得乾身唔油膩，好味! 甜品都係自助，食完正餐，係時候食個甜品埋尾，朱古力蛋糕配牛奶布甸，朱古力蛋糕香濃。飲品都係同店員落單，如果想飲酒，都可以加錢任飲。

晏晝同閨蜜喺觀塘工厦做完facial，行街，夜晚繼續喺呢頭覓食。行入少少去到鴻圖道，都有唔少選擇，我哋揀咗呢間西餐廳，佔據全層，地方闊落舒服， 仲有大電視，播住流行MV工廈租金一定比地鋪平，可以放較多資源喺食物質素上。地方大到仲可以擺張桌球枱同兩台飛鏢機，其實最終都係食客受惠。用平板電腦睇menu，呢度有120分鐘無限任食任飲牛排，仲要包餐湯，沙律，甜品，餐飲。不過今日我哋想食羊架多啲喎，所以單點然後加咗個4 courses set dinner。蜜瓜西班牙火腿配黑醋沙律擺盤精緻，鹹香嘅西班牙火腿配上黑醋，沙律菜，粟米粒，非常開胃週打魚忌廉湯配蒜蓉法包忌廉湯夠足料，裏面有切咗粒粒嘅紅椒，黃椒，洋蔥 口感豐富。蒜蓉法包香脆可口香煎紐西蘭羊架配薄荷燒汁叫咗五成熟嘅羊架生熟度剛剛好，一碟三件，冇羊羶，燒得好香北海道帶子黑松露意大利飯帶子煎得金黃，裏面仲好嫩滑。意大利飯唔會話好硬， 配上黑松露，好香濃惹味甜品有芝士餅配雪糕伴碟好靚呀! 芝士餅細細件加埋一球雪糕，啱啱好。一人一杯餐飲，結束我哋今日嘅觀塘之旅。其實呢幢工厦行出去巴士站唔使三分鐘，交通非常方便

觀塘係其中一個工廠大廈的集中地，亦係美食天堂！ 今次同朋友搵到間環境舒適，食物美味的餐廳！ *雖然餐廳係樓上舖，但係招牌及指示都清晰易明，跟住指引就可以搵到餐廳，我同朋友都係路痴，但係跟足指引行 ，係地鐵站一出唔洗10分鐘就上到餐廳*店內環境舒適，十分寬敞，而且座位多之餘，檯桌分佈距離適中，適合大班朋友一齊去聚會的聖地！ 室內的擺設和壁畫也令人望落十分舒服和吸睛，可見餐廳設計落足心機！*有“選擇困難症”嘅我地，見到咁多美食心大心細，餐廳員工見到我地咁苦惱，就好有耐心咁向我地一一介紹餐廳的特色菜式同埋選擇，最後，我地揀左$218蚊每位 任食！ *前菜方面沙律菜十分新鮮，仲有攪拌好的芝士螺絲粉和涼拌青瓜，食主菜前夾碟前菜食下，非常開胃，回味無窮！*黑椒燒汁* 紅酒燒汁*餐廳職員非常專業，燒牛肉任食，要幾多份量，佢地都會切得靚靚咁上碟，簡直係酒店級待遇！主菜方面，每日嘅主菜都會唔同，入座後餐廳職員都會話俾我地知今晚嘅主菜係邊兩款，今日嘅主菜有燒牛肉和德國燒豬手！牛肉可以隨時任添， 但係德國燒豬手需要添嘅時候就需要同餐廳職員落單，即叫即烹，豬手唔會凍曬，上檯果陣係岩岩出爐嘅狀態！*德國燒豬手*

聽到舊同事說這間有扒任食，就來了哈。是一間跟觀塘地鐵站有段距離但又不算遠的樓上餐廳。室內燈光挺亮，跟一般扒房不一樣，餐廳內部頗大所以都適合一大班人聚餐。任食是一星期舉辦4日，2小時任食，人多會有生蠔附送挺抵。不過我們人不多所以就沒試反而單點了。單點跟套餐價錢是有差，套餐會包4樣：沙律+湯+甜品及餐茶。所以我們加了套餐。先來是蒜蓉包，挺香脆重牛油味，足料然後是套餐的密瓜西班牙火腿配黑醋汁沙律。火腿不會過咸及軟韌適中，沙律則挺新穎加了切丁的哈蜜瓜爽甜及因醬而有微酸甜的口感。餐湯是周野魚忌廉湯，鮮而不會糊，還不錯。主菜美國安格斯肉眼扒（10安士）伴野菌燒汁 $288/套餐：$368挺大份足料，肉質還好，不過煎得剛好能鎖肉汁北海道帶子黑松露意大利飯$118/套餐$198帶酥肥美多汁，飯的份量很多，醬汁滲透在飯裡入味挺好吃會很飽肚甜品是芝士餅配雪糕，正常水準整體而言是一班人去吃飯聊天的好地方。能吃多或想試多樣肉食就挺任食。

一向好少覓食既老公，今晚竟然有驚喜俾我，帶我去觀塘Give Me 5 餐廳享受晚餐。Give Me 5 位於觀塘鴻圖道90號，佔5樓全層，地方寬敞闊落，可容納超過100人，環境雅致，燈光幽暗，有情調，另有梳化位( 有些更可眺望海景)， 餐廳有幾台電視機不停播放著多個國家既流行mtv，還提供飛鏢機、桌球檯，帶給客人一個有美食又有得玩既好地方。餐牌方面，餐廳用現代流行既平板電腦介紹美食，客人多數會揀選120分鐘無限任食任飲牛扒夜( 逢星期一至三及星期六18:00~21:30)，成人每位價格只須$218,小童每位價格只須$168, 價格相宜，好適合一家大細，三五知己， 但今日想同老公好好地傾談，不想走出走入，所以我倆揀選了有4 courses既套餐。前菜 : 蜜瓜西班牙火腿配黑醋汁沙律清甜嘅蜜瓜及微辣嘅辣椒沙律，配合鹹味嘅火腿， 加上少許嘅意大利黑醋， 醒胃無比，百味交集。餐湯 : 周打魚忌廉湯濃稠嘅湯充滿牛奶及忌廉嘅香氣，口感細膩幼滑，切成一粒一粒嘅材料，煮得軟腍，配合香脆蒜蓉包，豐富滿足。主菜 : 茄汁肉丸意大利粉(套餐$178)番茄醬汁味道香濃，甜中帶酸，肉丸保持濕潤 ，完全吸收了醬汁

食肉獸又出黎覓食，今次黎到“任食牛扒之夜”，200蚊左右可以任食牛扒、羊髀肉、薯條薯菜、沙律、甜品、餐湯、蒜蓉包，仲要普通飲品任飲，幾抵食。路就唔難搵嘅，地鐵站一出行一陣就搵到。最奇怪嘅係openrice話餐廳在5樓，餐廳的確在電梯5樓一出就係，但全部poster（甚至連餐廳門口嘅poster）都話餐廳係4樓，明明4樓就係教會，搞到差d入咗去聽聖詩。講返食物，沙律吧有6款菜，全部都唔錯------除咗個蘑菇，咬落竟然去會頓時散曬，好似食緊擦膠咁，嚇親。餐湯唔錯幾好飲，點蒜蓉包一流，蒜蓉包好脆，略嫌蒜蓉唔太夠。到正餐牛扒羊髀肉，牛扒一次攞兩小塊，雖然唔多，但來回食幾轉一定夠飽肚，味道都唔錯，食得出香牛味，同平時自助餐食嘅嘅差唔多，呢間仲厚切d添。羊髀肉就睇服務員切幾多就食幾多，反正來回幾輪一定飽，羊髀肉好好食，唔會好騷，口感好好，好彈牙。我地叫咗一碟薯角，分量好多，夠曬兩個人食，薯角好脆，熱辣辣，真係一流。最後食埋甜品，一碟細細份，質素中規中矩，反正甜品唔係今晚嘅主角。最後要讚一讚員工嘅服務效率，食完嘅碟真係秒速收好，辛苦曬。

Friday night 拍下拖既日子這星期五晚上 到觀塘工廠區搵食我們點了兩個set (4courses)有頭盤、湯、主菜 及甜品頭盤：火腿配沙拉 （開胃前菜）湯：香濃忌廉湯 （飲完已經飽左一半）主菜1: 黑松露野菌意大利飯 （這飯香但唔膩，食多少都唔會頂住）主菜2: 美式碳烤豬肋骨跟燒汁 （豬肋骨燒得唔錯 唔會太乾 加埋個汁幾好）甜品: 芝士餅 （味道可以 不過細左少少 如果喜歡甜品應該覺得唔夠）

晚市放題明明寫到明話係「任食澳洲穀飼牛扒！」去果個陣老細話到明：出面沙律+甜品+燒肉任食，牛扒&黃春雞要食就要揾人叫。叫左三份牛同一份雞之後就出去攞左啲燒肉試下，點知佢俾得細細份，又乾又硬 咁都算啦，有牛扒。侍應黎左份雞同薯條就冇，隔咗一排，啲牛扒都未黎。叫人追一追，結果佢地話出面啲燒肉係「牛扒」喎？！同佢地投訴，竟然攞啲燒肉入廚房度煎一煎就俾我地！！明明人地撰文影相果啲根本唔同，依家食果啲同酒店啲cheap cheap牛肉一樣！仲要成200幾蚊，一啲都唔抵！！！我寧願用相同價錢去食其他放題。

自從聖誕同朋友book位吃了這個christmasset，就一直想約「大圍」朋友再來這間餐廳掟鏢。觀塘廣場這間餐廳可以掟飛鏢和「篤波」，就約埋朋友嚟篤波掟飛鏢。 先來了一客蒜蓉包，夠香脆。再點了一碟沙爹雞肉串  重口味的我，個人覺得，沙嗲醬的味道略淡， 不過雞肉好嫩滑。 由於我個同事係食肉獸，所以點了一碟肉眼扒。 肉眼扒好大塊， 他點了六成熟，肉眼扒的肉汁豐富，煎得超香。 我朋友喜歡食生蠔所以佢點了三隻「自私食」。 這次生蠔的優惠價十蚊一隻，抵！生蠔的size不會太細隻。飯方面，叫了一客黑松露北海道帶子意大利飯。兩粒帶子好鮮甜嫩滑，好大隻！ 飯底好夠腍，又多醬汁！ 全晚我們最滿意這個黑松露北海道帶子意大利飯。

今日同一班同事諗住食扒放題，網上咁多評語話好食，諗住都唔會太差啦，點知就中咗伏。上到去地方都唔唔錯，成班人都坐得好闊落。第一時間去睇下啲扒，賣相已經唔係多好，其實係牛展唔係牛扒，一試之下其實未到真係好似煲湯豬肉。唯獨是啲汁有啲味道。佢哋話有牛同羊，但係啲羊好快就已經冇晒，但係都冇乜所謂，因為牛同羊都係冇味道。講咗咁耐講番啲正面野，啲嘢飲都幾快，薯角味道唔錯。另外有嘢玩成班人都玩得開心。但係如果諗住食嘢就唔好啦。

我今日又去觀塘行街啦行到晚餐時間！當然係去工廠區果邊搵野食啦行行下就搵到呢間叫Give me 5嘅餐廳，好熟口面好似睇過有d page 介紹過佢地！所以就揀咗呢間啦！去到樓下，見到佢嘅水牌同埋佢地嘅廣告牌 有少少伏因爲佢地個廣告牌竟然係寫 4樓全層但我check 過Openrice 係5 樓全層 真係搞到有d亂，好彩！入lift 果到係5樓果到有貼佢地店嘅貼紙如果唔係就搵餐飽，所以要去嘅朋友記住係5樓啦一入到去就見到佢有呢個2小時 218 蚊任食燒牛扒及4款（其中一款）肉 都幾吸引 而且仲包任食沙津吧嘅沙津，蒜蓉包同湯。本身以為冇包野飲點知原來仲可以任飲咖啡或茶，任食薯條薯角薯菜果d 仲有煮香草意粉（呢d就係即叫即做的）最後仲可以任食甜品係另一邊自己拎！ 當然仲有其他野食不過我就揀咗呢個餐呢到環境都幾好 ！呢到好大，所以可以坐得幾舒服。佢地會播下d k pop 同埋輕快嘅英文歌，聽住食心情都好d ，另外佢地仲有2 部飛標機同 一張桌球枱 所以都適合一家大細或者一大班人黎食同玩！沙律吧喔！都幾好有成6種選擇而且醬都有幾款，仲有黑醋。蒜蓉包同湯 ，蒜蓉包要讚下因為我拎果陣係新鮮整好所以熱辣

男友今日帶到我嚟觀塘嘅give me 5🐥🐥 原來1至3同6都可以218蚊任食牛，但唔好肉嘅我就決定就咁單點啦😀😀我地先點左個crab spaghetti($108)🦀🦀😋 軟殼蟹都幾大隻，炸得香脆！意粉幾煙韌，味偏淡，可以濃味番d🤷🏻‍♀️🤷🏻‍♀️🤵 之後再咪左spicy chicken pizza ($88)🍕🐥🐥 係酥皮餅底，好特別，重牛油香！而上面配料好豐富，雞肉多汁偏辣😌😌 食完仲可以任你篤波同飛標添🙆🏻‍♂️🙆🏻‍♂️