562
34
35
港鐵觀塘站 B2 出口, 步行約8分鐘 繼續閱讀
電話號碼
21140343
21140345
開飯介紹
餐廳位於觀塘工廈內,環境寬敞,適合多人聚餐。以西式菜餚為主。設有2小時任食海鮮,提供燒鮑魚、燒蠔等。 繼續閱讀
營業時間
今日營業
12:00 - 15:00
18:00 - 22:00
星期一至日
12:00 - 15:00
18:00 - 22:00
付款方式
Visa Master AlipayHK 支付寶 現金 AE 銀聯 Apple Pay Google Pay 微信支付 OpenRice Pay
其他資料
網上訂座
Wi-Fi
酒精飲品
自帶酒水
VIP房
電話訂座
賞訂座積分
加一服務費
海景景觀
當面支付
以上資料只供參考, 請與餐廳確認詳情
有關獎賞計劃
食評 (684)
等級4 2022-06-12
3886 瀏覽
琴晚約左老友一家食飯,我揀左呢間Give me 5,未食過,純粹網上一搵就搵到,試下啦我搭269c,喺開源道落,行一陣就到。6點去到剛開門,坐窗邊卡位,都幾好坐,小朋友又可望下出面啲車,後面有缸金魚,又可以望講返野食,半自助,我地三個大人叫樣主菜,揀左牛扒、烤雞燒同豬扒,其他凍海鮮、沙律、串燒、甜品同野飲就任食任飲。三樣主菜都好大份,又有薯仔,好易飽,所以我都冇食哂啲薯仔三樣主菜都正常水準,建議趁熱食,凍左冇咁好食凍海鮮都係大路野,蝦、螺、青口、石蟹,蝦都新鮮嘅,蟹隻隻爆膏、厚肉,雖然係平價蟹,但有水準的串燒就好普通,腸仔呀、蝦、扇貝、雞翼、雞肉、茄子粟米嗰啲,正常到唔正常甜品我冇食,但睇落唔差,雪糕就貴野黎我試左個白湯幾好飲,可以試下埋單$11xx,今時今日正常,嗰度地方幾大,啱小朋友行下,唔會咁易撞到 繼續閱讀
(以上食評乃用戶個人意見 , 並不代表OpenRice之觀點。)
等級2 2022-08-14
0 瀏覽
成日係fb見到呢間嘢的廣告,睇落以為唔錯。但四百幾一個人,其實無咩嘢食。環境麻麻,仲要坐左個對住部冷氣機的位,凍到傻。主菜的質素真係好麻麻,我煎的牛扒都好食過佢。個廚師完全唔需要技術。任食的嘢,除了凍蝦算不錯之外,其他都好一般。總結就係,食物配不上呢個價錢。 繼續閱讀
(以上食評乃用戶個人意見 , 並不代表OpenRice之觀點。)
等級3 2022-08-12
0 瀏覽
肥C9覓食記《Give Me 5》肥C9有個同事一早就話拎左消費券之後要去食個豐富午餐,財散人安樂咁話😂於是我就諗起依間係公司附近既Give Me 5🤭之前都聽聞過依度好多野食,除左有主菜之外,仲有自助沙律吧、湯、小食、水果,雪糕同甜品😋仲有紅白酒任飲添呀!我地當日滿心期待咁終於等到Lunch time,一夠鐘就衝過去攞位先😆12:05入到餐廳已經有好幾枱客食緊野啦,都幾受歡迎!我同事仲話拎住消費券一定食全場最貴個餐🤣結果佢叫左澳洲肉眼扒餐,價值$168!係1️⃣6️⃣8️⃣仲要加一🤣🤣而肥C9我就叫個$128既德國咸豬手就好了🙂留返d消費券食多幾餐嘛!我地叫完主菜當然出去拎下沙律吧既野食先啦,沙律菜都幾多選擇,有5款!我最鐘意配搭埋粟米同車厘茄,再諗芝麻醬做個日式沙律🥗😋最緊要d菜夠新鮮嘛!然後仲夾左d小食,不過每款試少少就好了,因為個主菜份量都幾大😂結果我食吾曬,但又留左肚食甜品同雪糕🤭總括黎講,依度座位闊落又坐得舒服,間吾中想食豪d黎依度慢慢食傾下計都吾錯👍🏻👍🏻 繼續閱讀
(以上食評乃用戶個人意見 , 並不代表OpenRice之觀點。)
📌 Give Me 5 - 觀塘鴻圖道90號5樓🗓(9/8) 星期二 ⏰ 下午6點左右💈特式:餐廳位於觀塘區,觀塘區都食肆林立,當中有好多位處於工業區內,因為舖租會平d,所以地方相對會大d好坐d,環境就自然會舒服好多。🥩🍔🌭🌮🥗🥯🥘🍲🍝🍣🥟🍤🍱食物:今日因為咁啱去到觀塘,盲摸摸搵到呢間餐廳,上到去第一個感覺地方都大 ,環境唔錯,佢除左散叫西餐,仲有2人餐同包一份主菜嘅半自助餐,但我地兩個都唔係太肚餓所以就無試半自助餐,淨係叫左個2人餐加一份燒菠蘿,但都等我都講吓味道先......餐湯🍵 - 今日佢個是日餐湯係紫薯湯,本身睇個樣好似怪怪咁,但飲落又幾好飲,但可能佢係紫薯味,所以感覺都係有d似甜品多過餐湯🤣。燒牛肉🐮野菜沙🥗 - 佢有4塊燒牛肉,size都ok,生熟度都唔錯,沙律菜都好新鮮,份量仲好多,多到食唔晒咁滯。澳洲肉眼扒🐮配燒汁 - 因為我鐘意食牛,所以主菜都係選擇牛扒,叫左5成熟,佢出嚟個生熟度都幾好,唔韌亦有相當嘅牛肉味,配菜就少d,但整體唔錯。墨汁魷魚🦑意大利粉 - 呢個意粉真係抵讚,賣相好,墨魚汁味道好香濃,又夠乾身唔會水汪汪,但份量就少左d,而且唯一要彈嘅地方係叫得2人餐,得1隻魷魚就好似差少少咁,食得頭又食唔到腳。燒菠蘿🍍 - 新鮮即燒,可能因為新鮮同夠熱,個菠蘿燒完出嚟好香,但食落去都仲係好多汁同埋好甜,不過$60得4舊菠蘿就有d貴,甜品🍰🍦 - 甜品有藍莓芝士蛋糕配一球雪糕,個芝士蛋糕幾香芝士味同幾滑,但因為我唔鍾意食藍莓,所以如果唔係藍莓,係普通芝士蛋糕就更好喇,而雪榚就有芒果/綠茶可供選擇,我每款叫左一球,味道正常,普普通通。☕️🍵🥤🧋🍺🍷🥃🍹🧉🍾🍶🥛飲品 - 餐飲跟普通咖啡/奶茶/檸茶/檸水等等,個咖啡應該係即磨,都幾香濃,中上水準。🍽環境:餐廳環境的確唔錯,地方夠大之餘仲有好多卡位,就算唔係卡位d枱都夠大,坐得好舒服,當然仲有佢竟然有飛鏢機🎯同桌球枱🎱,飛鏢機就要收費,而桌球枱就唔需要額外收費,所以睇準時間無人就可以過去玩,呢個我覺得都係餐廳嘅其中一大賣點。🤵🏻🤵🏻‍♀️🤵🏻‍♂️服務:職員服務唔錯,有禮貌又有笑容,會同你介紹吓餐牌之類,又會同你講可以去玩下桌球咁,感覺幾友善親切,重點係,可能因為平日餐廳唔太多人,佢地收碟換碟好快,我一餐飯都換左4~5隻碟🍽🍽🍽🍽🍽😂。💰💸價錢:今日個2人餐做緊特價$377,加多個燒菠蘿$60,連埋加一$500咁上下,又唔算好平,但勝在環境舒服,食物質素又有返咁上下。🐲💬總結:我覺得呢間餐廳值得去,而且如果你三五知己,又有鋪飛鏢/篤波癮就更加推介你去呢間餐廳試吓,坐得舒服,又有得食又有得玩,應該可以過一段愉快嘅時光。 繼續閱讀
(以上食評乃用戶個人意見 , 並不代表OpenRice之觀點。)
等級2 2022-08-11
0 瀏覽
主菜一份,揀左燒羊架,幾淋幾好味,但就細舊左dd沙律新鮮,多細汁選擇東風螺個味唔錯重有3-4款蛋糕仔,燒賣魚蛋、小丸子、啫喱仔,乳酪雪糕,西瓜、菠蘿、蘋果、紅白酒任飲 繼續閱讀
(以上食評乃用戶個人意見 , 並不代表OpenRice之觀點。)