Give Me 5 (已結業)

平日下午相約友人到觀塘Give Me 5 一試佢哋嘅半自助午餐，位置唔算好近地鐵站，出站大約步行10分鐘到, 餐廳位於工廈5樓，進入餐廳被那偌大環境吸引, 午餐亦好多選擇，我選擇咗「鮮茄蜆肉意粉」「香煎雞扒配蘑菇松露汁」兩款中規中矩，每一個lunch set都可以任食沙律吧，任飲任食餐湯甜品同紅白酒，實在驚喜! 🤟🏻自助餐時段都幾長— 11:00-15:00，供應各種沙律及新鮮水果，汽水，一個價錢有晒咁多野真係好抵食，而我仲預約窗口卡位，感覺悠遊自在，餐廳員工服務態度好友善，而且refill得好快，睇得出佢哋態度認真, 希望下次會試佢個晚餐。餐廳環境好適合10人以上嘅聚會, staff gathering 不妨考慮!

午餐晚餐都有幫襯過，以厰廈西餐嚟講，坐位算寛敞舒服，午餐幾十蚊個餐，性價比算高。但晚餐呢，港式西餐+茶記式招呼+轟炸韓國K pop歌，每個餐二百幾近三百，定價過高。

今日約左友人食飯，今次去左觀塘工廈覓食。觀塘係個美食之地，朋友話呢間不論環境，還是食物都不錯，一上到餐廳見到個海景連心情都不同了、令人有放鬆的感覺、平日返工的壓力又忘記了。平日返工時間，感覺同放假有D唔同，多左份悠閒感。聽著流行音樂，吹下水，享受下美食，仲可以望下街景，又可以玩下些桌球，好輕鬆。叫左兩個套餐，一個係燒春雞，另一個係軟殼蟹卡邦尼意粉。我最欣賞個燒春雞，一隻法式原隻春雞，熱辣辣，香噴噴。

相約咗一班朋友去觀塘嘅工廠大廈玩啲團體嘅遊戲活動咁玩之前當然要醫下肚先玩啦 玩完都好夜架喇應該咁原本去咗第二間 諗住wall in 但佢話full booking 所以唯有走人 去第二間咁我地就去咗呢間叫give me 5 嘅西式餐廳因為我地比較早到 所以呢到係冇乜客 不過我地食完走人個陣 呢到都唔算有好多客嘅蒜蓉包我地一行六人行 佢比咗六個蒜蓉包比我地食一般般 話脆唔脆 蒜蓉味都唔算特別濃味 算係不過不失德國燒豬手配黑椒汁豬手唔錯 但佢話燒烤 但燒烤味唔濃個黑椒汁比較辣 但佢個豬手啖啖肉嘅比較其他餐廳呢個算唔錯 但未到最好 因為曾經食過深水埗某大排檔嘅黑椒豬手 個間真係出色但呢間都係合格之上日本熊本霜降西冷牛扒(10oz)配野菌燒汁我地就點咗五成熟 但唔似五成 佢煮得好熟下但個西冷質素唔錯嘅 入口感覺好好 肉質鬆軟 但肉味欠奉 黑松露野菌意大利飯好一般嘅意大利飯黑松露味冇乜 飯都係一般般 整體唔算太好炸軟殻蟹煙肉卡邦尼意大利粉但軟殻蟹比我想像中好味炸得唔錯 軟殻蟹唔算出眾 但比預期好但意粉一般般 但材料都算十足香辣燒烤醬雞肉pizza個pizza 比較辣呀真係 味道酸酸甜甜咁但我覺得

set lunch 11:30-3:00 一個價錢有主食，有飲品，仲有salad bar, 有甜品(蛋糕都吾馬虎，好好食丫，特別係個牛奶布丁同 tiramisu)，水果，沙律，湯，麵包同紅白酒，真係好底食。如果你book果時留定窗口位仲正丫，好寬落，好正。食物方面叫左個南瓜鴨胸意大利飯，好好食，朋友叫左個比目魚就麻麻地！煎得有d散。但整體都好係食！服务都有有禮貌，果日係星期6都吾會多人，夜晚就吾知啦！值得再去

好耐冇同朋友黎give me 5 ,記得呢到西餐好食之如又有free salad bar,都係百幾蚊有找。Salad bar 仲有甜品Tim, 朱古力蛋糕同芝士蛋糕味道好好，仲有puddings!沙律係自助形式，仲有白酒紅酒任飲。忌廉湯口感都好好,有D似紫菜頭。叫左兩個Set 沙律吧+西京燒挪威三文魚配珍珠飯$108三文魚份量足夠, 燒香左味道好好，落左欖油煮夠晒健康。同澳洲肉眼扒配野菌燒汁$128牛扒7成熟既煙Un 度唔錯，幾juicy, 加埋野菌燒汁味道更惹味，仲有雜菜Tim

Give Me 5喺觀塘唔算好就腳，由觀塘地鐵站B出口行過嚟大概15分鐘，但就因為咁餐廳地方好大，景觀亦超級好，仲望到海添！首先，我們點了兩個set lunch，都包咗任食嘅salad、甜品、白紅酒、同一杯餐飲，非常抵食！1. 澳洲肉眼扒（8安士），我叫咗七成熟，好juicy，配上野菌燒汁，原來味道都幾夾。2. 三文魚扒配白飯，因為三文魚煮到好淋，佢足足都兩大塊都好快食完，唔需要任何醬汁都好香，送飯一流。3. 愛爾蘭生蠔，餐廳做緊promotion，十蚊一隻生蠔，有半隻手掌咁大，有濃濃嘅海水味，好新鮮。4. 餐飲點了一杯凍檸茶同凍檸水，正正常常啦。我諗餐廳最大嘅賣點，一定係佢嘅半自助餐！甜品方面，今日有五款選擇，同樣可以任食，我最鐘意係牛奶布甸！好滑！仲有香濃嘅牛奶味！忍唔住要食幾返個！

今日放假，約左朋友7點去食好西🤤早左三個字到，太陽伯伯都未收工🌞呢間Give me five幾個月前黎食過午餐，質素唔錯，一直想黎試下晚餐，今日終於有機會😎坐得舒服對一個晚餐係好重要🤓主菜小食甜品樣樣齊甜品選擇都唔少🤤因為想試下小食，所以我地淨係一個主菜跟餐，+$80有前菜沙律、湯、甜品、飲品，食得曬既話都幾抵食周打魚忌廉湯口感幼滑味道濃郁蒜蓉包好夠鬆脆，蒜蓉味再濃d會更完美雞肉沙嗲串燒$60（半打）呢個比想像中好味，值得一試！除左有燒烤風味外重有香草味，肉質嫩滑有肉汁唔乾洋蔥圈$38其實呢道d小食都幾抵食，價錢唔貴洋蔥夠厚身食落好有口感，但粉一d都唔厚，又夠脆跟洋蔥圈有沙律醬，點埋一齊食更正！野菌黑松露意大利飯$88個人很喜歡黑松露，但見有食評話無味有d驚，所以本來係叫薄餅，但侍應話兩款薄餅暫停，所以博一博叫返呢個飯！結果，成餐最驚喜最鐘意係呢個飯黑松露味好濃、好香飯好creamy ，濕度適中，飯質夠軟身個飯入面收埋好多野菌🤤勁足料，每筆一啖飯都至少有幾粒野菌，口感十足德國燒豬手伴黑椒汁$168（跟餐$248）份量好足皮脆肉嫩，好夠味，我個人就唔點黑椒汁，覺得更原汁原味配酸菜頭食出奇

以往選擇食放題慶祝生日，但覺得食物種類多而質素一般。今次朋友生日，就選擇咗呢間Give Me Five半自助午餐，前幾日打電話book定位，仲發現有得加錢訂鮮果拿破崙蛋糕慶生。啲食物一到，賣相已經極為吸引。幾個朋友，大家每樣share嚟食下，覺得好食到無得彈。雞排、三文魚扒、牛扒、豬手，肉質甜美，而且醬汁配菜亦值得一讚，薯角同薯蓉好食！半自助午餐亦都有任食甜品沙律，朋友對蒜蓉包讚不絕口，沙律種類算多，而甜品亦有水準！對比起以往食過嘅放題，價錢相若，但大家一致認為是次半自助餐更加抵食，質素高，值得推介！

喺觀塘約咗幾個月無見既朋友食晚飯，緊係要揾間市正啲㗎啦，我靈機一觸就諗起公司附近既give me 5餐廳，上open rice睇呢間唔錯咁喎，就訂位去試。 餐廳位於工廈，但一踏出𨋢門就有驚喜！ 餐廳寬敞，仲有開揚景觀，未食已經心曠神怡！側邊仲有飛鏢機同桌球，可以成大班知己又食又玩！餐牌係用tablet的，我叫咗北海道帶子黑松露意大利飯同安格斯牛小排伴虎蝦伴香辣燒烤汁，我地兩個都算肚餓，所以都轉晒兩個餐做SET DINNER。前菜係蜜瓜西班牙火腿配黑醋汁沙律，餐湯係周打魚忌廉湯，甜品係芝士餅配雪糕再加飲品，雖然呢到地方大同好快就坐滿人，但係啲侍應工作好投入又好有禮貌，連我同朋友講話個前菜好好味唔知搵咩整。佢都主動行過來解答我地，真係好有愛😍蜜瓜西班牙火腿配黑醋汁，Ham味道濃，無豬羶味，用料新鮮。蜜瓜碎加入洋蔥碎，用ham捲住食就夠晒惹味。北海道帶子黑松露意大利飯，帶子大大粒脹卜卜煎得外脆內軟，好味！ 飯粒分明夠彈口同火候，賣相仲唔錯添。安格斯牛小排伴虎蝦伴香辣燒烤汁，隻蝦好多肉汁好鮮味，一啖牛一啖蝦再加埋啲汁，咬落去勁爆汁呀。呢間餐廳其實我嚟咗都有十次八次，食極都覺得好好食，連我朋友都

覓食之夜開始!!!朋友一直想試Give me Five既任食牛扒今日就book左黎食~120分鐘任食 其實我食左60分鐘已經頂唔住價錢218 加一 係抵食既環境真係好大 又有野玩 當晚都7成full由觀塘mtr 行去8分鐘左右 都易搵既坐低左 餐廳就介紹法國蠔 10飯 即叫左半打味道唔錯 可以一試沙律吧有6款選擇 菜類都幾新鮮等野食 可以打番場波先首先 飲個白湯先 夠creamy 個包仲好脆口tim呢個羊脾都算嫰口 又唔太蘇 唔錯牛就5成熟 好淋 有牛味即炸薯角 好香口仲有碟薯條仲有芝士蛋糕 同我最愛既milk pudding甜品都有水準既朋友就試choclate 都係滑同濃既2個人食左個半鐘就夠皮埋單560左右 算抵~下次有機會再食過!!!!!

五星好评，Give Me 5必须点个赞，强烈推荐！有朋友帶我去了Give me 5。1)香煎紐西蘭羊架 HKD128先不說它的份量，整件羊架烤起來剛剛好。吃的時候還有一點點肉汁鎖在裏面，而且很香我朋友怕吃羊也接受到。再加上一份3大件是真的大大件。2) 澳洲肉眼扒8安士配野菌燒汁HKD128這個超厚肉很適合食肉獸的我，只是不小心叫太熟，生一點吃應該會更捧。沙律吧任吃任取，質素都很好就是我去的時候已經14：00多，所以沒太多款式。期待下次去吃 9

假期回來，成枱都係文件， 做到天昏地暗，朋友約食晚飯，提議在公司附近食，可以遲少許放工都得。最後訂了 Give me five。餐廳在工廈內， 看來其貌不揚但入到裏面，地方寬敞整潔， 卡位窗邊可以 欣賞到海景， 整個人都覺得放鬆了！main course + 80元可以變 set dinner, 費事諗，加錢算了蜜瓜西班牙火腿配黑醋汁沙律薄薄西班牙火腿入口煙韌，帶有鹹香味道，配上新鮮雜菜和蜜瓜粒，口感清新，令人醒神周打魚忌廉湯湯底好 creamy， 魚粒滑溜，非常可口配上蒜蓉包更是一流，可惜每人只有一片，太小了香煎紐西蘭羊架配薄荷燒汁羊架大件又厚身，有3件算多了， 七成熟煎煮恰到好處，唔會太韌， 醬汁黑椒薄荷，味道好襯安格斯小牛排伴虎蝦伴香辣燒汁有炒洋蔥蕃茄和新鮮蔬菜伴碟， 小牛排又薄又冧， 虎蝦好大隻，用香燒汁點食， 微辣好惹味雲呢拿雪糕士多啤梨醬cheese cake 細細件，唔會滯， 雲呢拿雪糕配士多啤梨醬略甜。邊飲檸檬茶邊談天說地， 在這個優美的環境非常享受。

觀塘有越來越多樓上既餐廳，朋友今日帶左我黎一間比較有特式既~環境好大，仲有桌球枱同飛標玩雖然好早到，但已經有set dinner，有沙律、湯、主菜、甜品、飲品，唔同既主菜有唔同既價錢美式碳烤豬肋骨配燒烤汁(set dinner $248)前菜: 蜜瓜西班牙火腿配黑醋汁沙律自家製的沙律有一粒粒既蜜瓜同蘋果好清新，同鹹鹹地既火腿好配合！周打魚忌廉湯最喜歡就係忌廉湯同蒜蓉包既配搭！主菜:好大份！肉質比較容易離骨，唔會食得好辛苦。燒烤汁份量好足夠，好惹味～甜品: 芝士餅配雪糕好欣賞碟邊既士多啤梨汁，令芝士同雲尼拿雪糕冇咁單調另外仲叫左個 小食拼盤 $168估唔到份量好多！所有野都係即製熱辣辣，推介薯角同香辣雞翼

食物味道尚可，份量大， 但員工人手嚴重不足，餐牌又不清晰，員工沒有照顧顧客的需要，提供舒適寧靜的環境用餐。餐廳有很多小孩在走動和尖叫，令人耳朵很不舒服。小孩把桌球的波碌嚟碌去，職員也沒有制止，也沒有能力制止。因為人手嚴重不足 ，耳朵難受，周圍佈滿嘈雜的聲音似地disco，完全無法和朋友聊天，幾乎要做手勢，員工雖然落力配合，但忙到甩轆，收拾碗碟也放得很粗魯。如果拍拖週年及紀念日餐廳一定不推介，感覺上只適合一班柴娃娃嘈吵的年輕人聚會，情願幫襯其它cafe