Espuma (M88)

營業中

休息中

The food was great! Two people for a main and a tapas was 400hkd, so not cheap, but portion sizes are quite reasonable. Service is great too! The view from the window seats is good as you can look out over St Paul’s Cathedral. Would recommend for a relaxed meal!

要在中環找一間較為經濟實惠，又坐得舒服既餐廳並不容易。想起從前多在Espuma用午膳，卻未試過晚餐。點了四人晚餐，菜式很多，份量很足夠，每人$400也不用啊！頭盤有牛油果雞胸沙律，慢煮八爪魚，後者配上蕃茄粒清新鮮味，還有大大隻的炸蟹鉗，超好肉！主菜有豬肋條，西班牙海鮮炒飯和煎盲鰽魚。三個主菜當中我最喜歡魚，魚皮煎得香脆，豬肋條個人嫌不夠淋，西班牙炒飯就不過不失吧！炒得不夠乾身。最後加錢要了流心芝士麻薯鬆餅, 好鬆軟，但多啲麻薯更好呢！

【中環CP高西餐廳】今日有嘢要出去中環做，所以大約四點出到去，咁岩遇着下午茶睇一睇餐牌下午茶都幾抵食😍以下兩個為下午茶餐包飲品！🍝卡邦尼意粉 💰$48hkdCarbonara 汁夠濃掛麵條😋$48份量不會太少，夠女生吃。真係好抵食😍良心🍟🐠Fish and chips 💰$98 hkd 下午茶來說會貴少少，但係食落又會覺得呢個價係正常😂 炸魚和薯條夠熱夠酥脆(唔知有冇落啤酒係麵糊中)，因為好驚啲炸漿會係硬過石頭咁樣，魚不會乾還保持濕潤感👍🏻薯條夠粗，配上黑松露沙律醬😋正！ (散叫) 🍕巴馬風乾火腿蘑菇薄餅💰$148hkd本身好驚食唔晒，但係知道呢個係薄脆餅底就ok 😂呢款紙咁薄嘅底我通常會捲住嚟食，好似Burrito。薄餅烤得非常脆，Parma ham亦算多👍🏻good 今天過着休閒的下午😁 P.S 須加10% service charge 📍Espuma (中環)中環威靈頓街2-8號威靈頓廣場M88 17樓

同好朋友慶生晚飯，點了二人餐，重點想試西班牙海鮮飯，點知好失望，海鮮唔鮮甜，青口仲縮水到得殼無肉既，另一個主菜豬肋骨無肉味又乾身都不值一試，最好食竟然係頭盤同甜品窩夫。除左食物質素，另有三個地方要改善：1.冷氣唔夠涼，我怕凍都食到出汗😂2.座位安排：我去個日有公司搞gathering, 無間開散客同公司客，比班公司客嘈到傾唔到計 3. 唔夠人手：點餐，加水，埋單都要客人等，雖然唔係貴價餐廳都唔使好似街坊酒樓咁要客人舉到手軟先有人招呼架，好趕客

朋友係都要約我，佢又揀埋餐廳，唔好意思推，太忙都唯有邀約啦！我覺得呢個女仔係唔識慳錢，即使佢賺唔多，佢果然揀左呢個人均消費過二百！差不多七點，唔多人坐，叫左一個沙律，一個意粉，一份窩夫。沙律幾高質，平時沙律菜冇咩味，一味靠好濃嘅黑醋或者好肥嘅沙律醬，呢個我唔記得佢落咩，總之好食又唔漏！意粉一向冇咩要求，唔評價！至於窩夫，其實我每次都唔會主動食，通常都係陪朋友食～今次都唔例外！餐牌上影出上碟好靚，但職員話原來要叫八件先可以有呢個靚靚玻璃瓶，如果四件我估就咁放碟。八件可以揀兩隻味雪糕～上面係綿花糖，食完先食到入面！呢個有點le hea,因為瓶口仲有殘餘綿花糖，伸手夾窩夫一定掂到成手痴笠笠！呢個ok la，主要食賣相，隔黎枱小朋友見到咁靚都嚷著要叫一個！

Espuma 的食物款式多，我們看了一會set lunch及a la carte餐牌，決定點一個午市套餐--Toronto Pizza，其餘單點。Pizza夠薄夠鬆脆之餘，吃完也不覺熱氣，最難得的是放涼了也好吃，薄餅皮不會變韌！緊接著pizza上桌的是頭盤Nachos。一般的Nachos都偏硬，而這裏的Nachos是比較薄的類型，較鬆脆。上面白色的醬酸酸的，不知道是芝士還是酸忌廉。配料還有酸瓜、牛油果醬、蕃茄醬，很豐富，可見餐廳並不馬虎。另外還點了1飯1「麵」，先說「麵」。西班牙橡果黑毛豬柳西京汁珍珠麵，這道菜的名字實在有夠複雜的，吃下去心情也複雜。黑毛豬柳外層雖然稍乾微韌，內裏 肉質軟腍微嫩 ，非常難得。珍珠麵圓滾滾的，口感如意粉；只可惜珍珠麵的醬汁是甜的，完全不合我胃口！這裏雖是主打西班牙菜的西餐廳，卻居然賣起芝士牛肉泡菜飯這種韓式菜來。這泡菜飯小辣，飯團中間的芝士流漿效果不錯。最後我們點了半份的Devil Black。窩夫外皮微脆，尚算鬆軟，不過並沒有我所追求帶煙韌的質感。Brownie感覺普通，因此整份甜品最好味的是雪糕。跟套餐的甜品是芝士蛋糕。雖然我們只點了一份套餐，但侍應多

襯住比較得閒的日子同兩位同事過來附近食tea順便慶祝生日一上openrice揾就見呢間排好前咁就決定試下！上到去地方都幾闊落 我地窗邊都好光猛開場可能平日下午關係所以無咩人我地三個人叫左一個tea set加一個海鮮西班牙飯Tea set 賣相好靚 好有渡假感覺野食都唔錯 特別個春卷幾好食西班牙海鮮飯仲出色上枱時熱辣辣又大碟！味道都好正不過青口就不太新鮮 扣左少少分但整體幾好！如果想同班朋友靜靜地影下相傾下計呢間係唔錯選擇

印象中中環樓上食肆都係以西餐同酒吧居多，諗起下午茶都唔知去邊度好，今日朋友介紹咗一個新地方，好有驚喜。一入去已經見到個好靚嘅花牆，仲細心到排好高櫈，好適合朋友/情侶打卡。餐廳係落地玻璃設計，係17樓睇到唔少特色建築，但見唔到人多車多嘅馬路，可以遠離煩囂專心享受美食了！2個女仔最岩食tea set,因為唔洗選擇困難，每人加多$15就可以試到招牌果茶（左），我就叫左凍荔枝茉莉。果茶唔太甜，但好清香，仲見到好多粒粒果肉，顔色鮮艶，最重要係夠新鮮，飲得安心。一黎到，店員係拎住個木箱行過黎，我地覺得奇怪，一打開果下真係「嘩」一聲然後笑唔停，盒入面真係有個迷你喇叭播放住輕輕嘅海浪聲，真係好驚喜，鹹點甜品放埋一齊完全無違和感，好夏日。由鹹點開始食，迷你牛肉芝士漢堡，牛肉裏面有少量洋蔥碎，咬落都幾有肉汁，分量細細，啱曬之後留肚食更加多甜品。之後繼續試牛油果，鮮蝦多士卷，牛油果同蝦以外哋好夾，嚇係比較爽脆嫩滑嘅質感而牛油果就係軟滑嘅，兩樣嘢夾埋再加上外皮好爽脆嘅多士包圍住，非常配合。仲有粉紅色底、外表好靚嘅巴馬風乾火腿蜜瓜紅菜頭撻，帶有鹹香味嘅亁火腿配上設成球體嘅蜜瓜，女仔想有儀態咁食就最岩，哈哈櫻桃

重回espuma的懷抱😂😂對上一次食espuma已經係年幾前，眼見espuma餐廳有夜景睇下，就再同女友試試🍸。🍴菜式上無點得太多，貴精不貴多好過😼🍴黑松露芝士薯條🍟🍴新鮮炸起爽脆基本，係薯條上有芝士絲，加上黑松露醬好美味，戰然黑松露味唔係好夠，但是夠creamy，感覺上食落無咁熱氣。薯條粗幼度適中，最重要係真係好大碟上。🍴西班牙辣肉腸配西西里魷魚茄汁長通粉🇪🇸🍴個名真係夠長😂賣相睇落唔大，但其實都幾多，配料亦唔係幾舊仔hea下你就算。個人覺得個汁調得好好，酸度夠之餘辣味係有，但唔辣，連我好唔食得辣既人黎講都carry到。🍴招牌雜果冰沙🍸🍴十分十分之大杯，兩人叫一杯都足夠，甜度十足，加上小許切細既橙，蘋果等既水果，值回票價。🍴主角到😬 安格斯肉眼牛扒🥩🍴唔知道又係跟薯條😅，另有一個焗甜薯，配菜。甜薯本來好食，但加上偏咸既cream感覺怪怪，倒不如唔好落cream。配菜正常。牛扒叫左5成熟，牛味好重，咬到，調味恰當，收貨啦😋

今晚收工跟朋友聚舊，約在中環方便大家，因為上次我們到過"Espuma"，感覺不錯，今次我們再去試下其他菜式。馬介休炸薯波 $108朋友愛吃香口，點了這個馬介休炸薯波，炸得金黃香脆，裡面熱辣辣，馬介休和薯蓉夠Creamy夠幼滑。巴馬風乾火腿蘑菇薄餅 $148餅皮薄脆， Parma Ham夠咸香，整體芝香味濃配搭很不錯。醬燒豬肋骨配脆薯條 $208平時食到的醬燒豬肋骨都是要自己切開，這裡的已經預先切好一件件，餐廳十分細心。醬香和豬肋骨溶為一體，十分吸引，薯條鮮炸脆身夠熱。

天氣咁炎熱，係條街行得耐好快就敢攰又口渴呢個時候最岩就係搵間餐廳High個Tea，歎下休息下😂一講到要High Tea女朋友就即刻提議去Espuma啦🤣.Espuma位於中環威靈頓廣場M88位置方便就腳，係中環D出口行一陣即到.餐廳裝修以日系簡約為主地方寬敞，空間感十足除左一般二至四人枱仲有梳發卡位如果幸運地安排到近窗位就可以飽覽中環嘅街境啦，景色不錯👍.足足有兩人份量嘅薄餅表層鋪滿勁多料如沙律菜，蕃茄仔，雞肉，菠蘿等等仲有大量芝士為薄脆料而批底非常薄，好似粟米片般嘅薄而脆食落口感豐富又帶香脆嘅口感，正.其實仲有另一款牛肉漢堡但由於呢個幾有特色，所以就揀左佢😂漢堡包烘得脆口入面有綿綿口感嘅牛油果同香脆可口嘅大菇大菇外層鬆脆，內裡軟滑JUICY而且完全吾會覺得有苦澀味味道，口感比一般嘅牛肉漢堡更出色.果然係招牌沙冰因為真係超級大杯，可以話係King size!沙冰口感綿密冰涼估計用左香橙同蘋果攪拌成沙冰酸酸甜甜，好清新好FRRSH!.心形拉花，令人賞心悅目咖啡濃郁富有陣陣嘅鮮奶香女朋友大愛😂.中間三粒餛飩，旁邊放滿雜果，堅果等賣相特別又吸睛👍餛飩其實係班戟皮包住雲尼拿雪糕同菠蘿粒味道清涼

平時去中環Espuma都是吃Tea Set，今晚就去吃晚飯。日夜感覺截然不同，日間光猛悠閒，晚上就帶點浪漫。看過menu後點了一個 「dinner set for 2 $588」- Appetizerd《牛油果烤雞胸沙律》份量足，沙律新鮮，雞胸肉不韌，還有脆身麵包粒，整體豐富。《巴馬風乾火腿配西班牙番茄醬多士》Pama ham夠咸香，配脆多士，口感不錯。Soup 《忌廉蘑菇湯》忌廉味重，質感濃稠。Mains《至尊海鮮西班牙炒飯》材料豐富，有蝦、帶子、青口、蜆和魷魚等，炒飯質感煙韌，說真的味道有點似西炒飯。《安格斯肉眼牛扒半焗薯配野菌汁 （另+$98）》賣相吸引，十分厚身，輕輕切開，粉嫩紅潤，剛好medium，肉汁豐富，還配焗薯和配菜。包《西班牙果酒 x2》《鮮雜果麻薯窩夫 +$68》這裡的signature窩夫，做得外脆內軟糯，因為裡面還有麻薯，配上雪糕和吉士醬，口感味道層次豐富。

連續兩三個禮拜落大雨終於有返個好陽光！一於同屋企人去食返個lunch，曬番個大太陽！十二點去到餐廳，仲未算好多人。可能啱啱開舖，啱環境好舒服，位置都好闊落！望望個新Menu裏面嘅嘢都好吸引！於是叫咗個煙三文魚叼草菠菜薄餅！👀同埋將燒豬立骨配薯條😂 Pizza個餅底非常之薄脆！批面鋪上左不少嘅煙三文魚食落口非常之惹味！豬肋骨份量都唔少，有至少八塊除咗薯條之外仲有啲沙律菜、方便解油膩！份量都幾多下兩個人食就啱晒！叫咗個雜果沙冰同埋草莓沙冰賣相非常之一流！影相打卡必備！飲落去都唔會好甜呢個時候飲，即時有消暑解熱之用！好正正！

那天晚上我們2人來到這間西班牙輕食餐廳吃晚餐，這裡有提供水果茶特飲和窩夫等等的甜品。先每人一杯Sangria de cava($108/glass)。因為我們都不算很餓，就只要了兩款菜式：第一個是醬燒豬肋骨配脆薯條($208)。豬肋骨的份量很多，約有8件左右，肉質不是很滑但很入味，薯條的份量有點少而且是普通的幼薯條。整體份量覺得三個人吃的話會比較適合。第二個是鵝肝多士伴糖漬蘋果($108/8件，平均$13.5/件)。這個配搭非常適合，重油份的鵝肝伴着軟甜的蘋果，還有酸甜的果醋，味道的層次感突出，既令人滿足又令人開胃。雖然還很想試試他們的甜品可惜大家都已經非常飽了唯有留待下次吧。

Espuma有唔少分店，不過我最鍾意都係嚟中環店，望住呢個靚view，食得特別寫意。Espuma Nachos $108 Nachos夠薄，香脆而不油膩，表面鋪上一層 mozzarella cheese，半溶可拉絲，蘸點牛油果蓉、酸忌廉同番茄莎莎，經典滋味。西班牙橡果黑毛豬柳西京汁珍珠麵$158珍珠麵吸收醬汁，完全入曬味，食落粒粒紮實彈牙，嚼感很特別，黑毛豬柳肉質軟嫰，肉味香濃。西班牙茄汁燉牛肚 $118牛肚炆得好腍，柔軟得嚟富有彈性。番茄汁酸度頗高，帶點橄欖果香。Pineapple Espuccino$58 呢款菠蘿沙冰，加入鮮果，酸酸甜甜，好refresh !