影片
開飯介紹
主打融會亞洲和新派西班牙及歐洲料理，一系列Tapas、海鮮飯、打卡甜品，咖啡亦甚有心思。
繼續閱讀
營業時間
今日營業
12:00 - 22:00
星期一至四
12:00 - 22:00
星期五
12:00 - 23:00
星期六至日
12:00 - 22:00
公眾假期前夕
12:00 - 23:00
以上資料只供參考, 請與餐廳確認詳情
有關獎賞計劃
相關文章
Espuma 位於中環M88，地點方便，望出去仲有山景，環境頗舒服，氣氛輕鬆。試咗佢哋嘅Set Menu（$398 + 10%），包頭盤、湯、主菜同甜品頭盤中最有驚喜係辣味蟹肉撻，撻底鬆脆有牛油香，入面蟹肉帶微微麻辣，加上融化芝士，味道層次幾豐富。男友唔食蟹，所以我一個人食晒兩件（笑）。其他幾款頭盤比較清新，包括香芒牛油果蝦沙律同吞拿魚Ceviche，調味偏輕，適合夏天食有兩款湯選擇。鮮茄海鮮湯略為煮得濃縮，味道偏鹹，但入面有大帶子、青口同大蜆，海鮮好足料。相對之下，龍蝦湯（+$10）味道順滑，有龍蝦肉，我就鍾意海鮮湯多啲主菜揀咗波士頓龍蝦西班牙Paella（+$40）同炭燒美國Prime肉眼扒（+$50）。熱辣辣上枱，龍蝦肉質正常發揮，但蝦膏真係幾香，軟硬膏都有。肉眼扒厚度偏薄，熟度掌握得好，口感都尚算正常甜品係芝士蛋糕，簡簡單單作個結尾菜式風格以西式fusion為主，有幾款菜式做得幾用心。尤其係蟹肉撻同海鮮湯，個人覺得可一試。餐單設計多選擇，適合想嘆一餐唔太heavy又有啲變化嘅朋友。同埋餐廳幾適合傾偈
繼續閱讀
今晚去咗中環一間餐廳食飯，環境一流，仲可以望住夜景添！😍 我哋叫咗個套餐（每人$398）由頭盤到甜品都有，每樣都好好味！首先係頭盤，個芒果牛油果大蝦沙律好清新，芒果同牛油果嘅配搭好夾，大蝦好爽口彈牙，個醬汁酸酸甜甜，啱晒做開胃菜！😋 跟住個檸汁醃吞拿魚🐟，酸酸甜甜，好開胃！辣味蟹肉撻就香脆惹味，蟹肉好多，辣度適中，唔會太辣🤣之後係芝士焗法式鵪鶉，鵪鶉肉好嫩滑！然後係鮮茄海鮮湯，湯底好鮮甜，海鮮料都幾豐富，飲落去暖笠笠，好舒服！暖胃又開胃！🥣重頭戲嚟喇！波士頓龍蝦燉飯，龍蝦肉鮮甜彈牙，燉飯吸收晒龍蝦嘅精華，米飯粒粒分明，唔會太濕，味道濃郁，真係好好味！🦞 肉眼扒煎得岩岩好，外層香脆，內裡肉汁豐富，嫩滑多汁，完全無韌口！🥩最後係甜品，麻糬窩夫配雪糕🍦麻糬窩夫煙韌有嚼勁，配埋提子冧酒雪糕，冰火交融，甜而不膩，係個完美嘅ending！🧇 整體嚟講，呢間餐廳嘅食物質素高，服務態度都好好，環境一流，係慶祝或者約會嘅好地方！推介指數：⭐️⭐️⭐️⭐️⭐️
繼續閱讀
Espuma餐廳location 幾方便，食物整體穩定，如果想搵個地方坐低 Chill 一下，呢度係唔錯嘅選擇。🐟 檸汁醃鮮吞拿魚吞拿魚鮮嫩細滑，檸汁令味道更清新，乾蔥帶少少辛香，薯片脆口增添口感變化，算係一款輕盈前菜。🦀 辣味蟹肉撻 呢個蟹肉撻我幾鍾意，蟹肉鮮甜順口，撻皮香脆，蟹肉餡料滿滿一口，食落幾香口。🍅 鮮茄海鮮湯 海鮮湯夠鮮味，唔係酸甜嘅蕃茄湯，反而會有少少辣味，幾有西班牙特色。🥩 炭燒 360 日穀飼美國頂級牛肉眼 牛扒肉質都算嫩滑，肉味同油香都好重，不過因為份量都幾大，建議兩個人嚟先好叫。
繼續閱讀
昨晚跟朋友來到中環威靈頓廣場17樓食西班牙菜。餐廳的落地玻璃窗更可飽覽半山的景觀。餐廳做緊set dinner （4-course), 每位只係$398，我覺得呢個價錢非常抵食。Starter ~香芒牛油果沙律香甜嘅芒果搭配綿滑嘅牛油果和爽嫩嘅鮮蝦，再加埋香甜醬汁，帶嚟清爽嘅口感。檸汁醃鮮吞拿魚、乾蔥、脆甜薯片、紅甜椒片吞拿魚粒嘅鮮嫩、紅甜椒片嘅清甜、乾蔥嘅香氣和薯片嘅酥脆，帶來極豐富嘅味覺體驗。辣味蟹肉撻撻底做到非常酥脆，裡面配上微辣嘅蟹肉絲，非常開胃。芝士焗法式洋蔥法國鵪鶉烤焗過嘅鵪鶉，肉質仍非常鮮嫩，再配上用洋葱煮成嘅湯汁，口感獨突。Soup ~海鮮蕃茄湯微辣嘅蕃茄濃湯配搭咗青口、魷魚和帶子，口感極為豐富。龍蝦湯呢個湯煮到非常creamy, 每啖都能品嘗到濃郁嘅龍蝦味。Main ~伯爵茶意大利飯、慢煮西班牙八爪魚、青蘆筍伯爵茶嘅韻味跟意大利飯嘅軟糯相互融合，令到口感更加豐富醇厚。而慢煮嘅八爪魚肉質非常鮮嫩且勁有彈性。鮮雞蛋幼麵、白蜆蒜香白酒汁用白酒蒜蓉煮過嘅幼面，口感有嚼勁，入口爽滑兼且啖啖充滿著蒜香味，而蜆肉煮到剛剛好，非常入味，肉質勁鮮嫩。Dessert ~檸檬芝士蛋糕從酥脆嘅餅底到綿密嘅芝士，再到清新嘅檸檬味，層次感豐富，為這頓豐富晚餐劃上完美的句號。
繼續閱讀
1.香芒牛油果大蝦沙律沙律帶有陣陣牛油果香，加上芒果既香甜，相當醒胃。2. 檸汁醃鮮吞拿魚，乾蔥，脆甜薯片，紅甜椒汁吞拿魚肉質好嫩滑，加埋檸檬汁去醃製就更顯鮮味。脆甜薯片爽脆，使口感豐富。3. 辣味蟹肉撻賣相相當漂亮，非常吸睛。撻皮香脆，中間釀咗惹味嘅XO醬同蘑菇餡料，香濃惹味。撻面放有蟹肉，味道鮮甜。4. 芝士焗法式洋蔥法國鵪鶉法國鵪鶉，表面煎至金黃，肉質鮮嫩，芝士味道甚濃!5.鮮茄海鮮湯強烈的顏色讓這道湯品一上桌就吸引大家的目光和食慾，番茄酸甜與海鮮的鮮甜非常搭配，海鮮足料，有帶子、青口、蜆、蝦等等，鮮味立即提升。6. 伯爵茶意大利飯，慢煮西班牙八爪魚，青露筍意大利飯飯粒煮成半溶狀態，飯粒濕潤又有咬口，味道咸咸的，帶有微微伯爵茶香味，口感層次豐富。7. 香脆西班牙純種伊比利亞黑毛豬腩肉伴甜醋珍珠麵黑毛豬腩肉表皮煎得香脆，有啲似我哋燒味嘅燒肉，黑毛豬的甘甜多汁與鮮嫩口感!8.芝士蛋糕淡淡檸檬芳香配上幼滑忌廉芝士，結合出細膩軟滑口感!
繼續閱讀