Espuma (M88)

營業中

休息中

好難得可以喺中環食晏，因為驚冇位，所以一早就book咗枱喇，坐到窗口枱🤭我哋坐低冇耐 ，就望到出面落大雨，大到不得了，慶幸自己坐底及時 😜 呢個景觀好開揚，因為係高層嘅關係，望出去真係幾舒服。我朋友叫咗個牛扒set lunch，我就叫咗個魚set lunch，餐湯唔錯，係西蘭花忌廉湯，食到粒粒西蘭花之餘，忌廉味都唔會太過重，平衡得幾好，亦唔會太滯。朋友個扒食落去都算有肉味，我個盲曹就一般啦，不過不失。成個午餐整體嚟講都食得好舒服，價錢都ok㗎，話晒都係中環區高層市區景，人均消費＄150算值啦，如果下次我再去中環，我諗我都會再嚟嘅 😄

朋友帶我去慶生，一入門口個侍應話有蛋糕嗰枱🙂原本我朋友係想俾個小驚喜我嘅，但因為呢位難以自7嘅侍應就無哂😇人數唔多，但係上菜勁慢。仲要中間因為蛋糕問題補償free drink，但係free勁耐😚而且係好難飲嘅mojito🥰最後叫上蛋糕，又等勁耐🙂真係一餐好考耐性嘅生日飯🙃Btw黑松露鵝肝意粉係幾好食，牛扒真心呢個價錢就不過不失☺️前菜醉蜆同炸薯波都不俗，醉蜆係甜有意外驚喜嘅感覺。所以廚房做得幾好無用㗎😇因為你班侍應咁唔醒目，係無下次㗎🌝

見疫情較穩定，今日又突然好想出去食西餐，就揀左依間。一開門是十分開揚的景色，加上面對住聖母無原罪主教座堂這極具歐洲建築特色的大教堂，令原本因太耐無出門而燥悶的心情豁然開朗。亦正因為疫情，今日就特別少人，往常應該較多人。與友人點了2個set lunch:- 牛油烤帶子黑松露醬雜菌意大利飯- 烤安格斯肉眼牛扒配芒果芥末籽汁set lunch有餐湯，1個main course，餐飲連甜品南瓜湯雖然無粒粒南瓜蓉，但都幾有南瓜味，收貨向來中意食黑松露同帶子嘅我，見到餐牌有當然即刻點黎食。帶子肉質算厚，唔會太細粒，口感亦唔會太韌，而且帶子嘅牛油香味都幾突出，配上煙煙韌韌的黑松露燴飯唔會好膩，好好味。肉眼扒叫左medium well，食落似8-9成熟，但肉質都唔算好硬韌難咬。反而配菜友人覺得幾好味，仲清哂添。Drinks方面，我叫左水果茶，好大壺，酸酸甜甜，幾好飲幾開胃。食完野，飲依個就岩哂。同埋貼心在佢有個蠟燭暖住，唔驚因為慢慢飲而變凍。友人叫左Affogato 意式雪糕咖啡，佢話雪糕幾滑。食埋個甜品，滿足~慢慢飲住水果茶，望住出面開揚景致，享受寧靜的時光。

今個星期係HSBC信用卡的restaurant week，去左Espuma食午餐o(^▽^)o餐廳係中環站畢打街出口附近，雲咸街威靈頓廣場17樓。因為餐廳的樓層較高，所以望到既景觀都幾開揚💚🌲點了Restaurant week的menu（$148）包左好多野，有餐湯、主食、飲品同甜品🍮 餐廳係磨菇湯，主食就同朋友share，其中西班牙海鮮炒飯就一定要叫啦，推薦西班牙黑毛豬西京汁珍珠麵，所謂珍珠麵其實是一粒粒好似中式川貝咁樣既麵團，彈牙又吸哂啲西京汁，好有驚喜！

星期天去中環辦點事，之後順便找吃的。在街頭逛著卻遇上大雨，時間已是接近兩點，記得之前吃過一間叫Espuma的餐廳在附近，先打電話問一下有沒有午市套餐供應，接聽的人說套餐只有平日供應，不過你們來吃也可提供的。服務態度不錯，於是就決定去這餐廳吃。不是上班的日子，餐廳食客不多，加上限敘令的關係，每桌只准兩人座，環境更顯清靜。午市套餐的選擇很多，都是包沙律或餐湯，甜品和餐飲的。我們兩人來，就點了兩份午餐共分享。餐湯，甜品以及餐飲不怎麼特別，所以還是說說主菜好了。牛油烤帶子黑松露醬雜菌意大利飯，意大利飯不同於絲苗白飯的質感，意大利飯帶有濕潤口感，飯是較硬身而且一粒一粒小小一顆。帶子有三大隻，鮮甜而肉厚，帶子被微微烤過的焦香，送往咀內慢慢細味其鮮，爽而不膩。飯內也混和了點點黑松露的香，整個意大利飯是香和味俱佳。烤安格斯肉眼牛扒配芒果芥末籽汁，一上桌已嗅到牛肉的香味，牛扒是用烤的方法做出來，油份就不會太多的走出來，肉質也是嫩滑而容易咀嚼，我們要求五成熟，烤出來也不會過火。份量也多，整整兩大塊，所以配菜已不用薯仔，反而是蔬菜類為主，有翠玉瓜、豆角、西椒粒，正好中和了肉食的飽脹感。伴吃的芒果芥末籽汁，酸

food and price are not equal service is not bad but food needa improve i don’t think we have next time for here besides, the waiter forgot to give us the menu,we waited about 10 mins then he noticed we raised hand for the menu. what a bad experience i had for my bff birthday.

第一次去呢間餐廳食嘢，係朋友介紹，佢話佢去過好多次晚飯，環境唔錯之餘食物質素亦都好好，所以佢今次就約我去食high tea。去到睇佢嘅Menu，價錢非常之抵，食物係以夏日為主題，所以成個Tea set上菜嘅時候，都用咗好多唔同嘅夏日擺設，例如沙灘椅、沙灘遮等等。至於食物款式鹹甜都好味，令我最印象深刻嘅就係佢個焗釀蟹蓋，同埋香橙啫喱，個香橙啫喱係用一片橙嘅造型，又靚又好食。最令我覺得有誠意嘅係，佢個set上面放咗一個breezer，會發出海浪聲，雖然唔係好大聲，但係我覺得真係好有創意。Tea方面，我哋都upgrade咗去成壺serve嘅水果茶同埋荔枝茶，兩個都好飲，最好笑嘅就係我鍾意飲朋友嗰個多啲，朋友鍾意飲我嗰個多啲，所以最後我哋交換左黎飲。

每年生日都打風落雨，今日仲要黃色暴雨警告，邊到都去唔到，就早早地食晚餐。老公係經openrice book既，剩係係remark講左係生日晚餐。我地叫左一杯招牌水果菜，一個小食，一個main course，同一個甜品馬介休炸薯波❤️ （有六粒）好少食馬介休既食物，好特別，好新鮮。低溫岩鹽烤穀飼安格司肉眼牛扒❤️我地叫左5成熟，塊扒超級Juice，D筋都唔會咬唔到，而且配菜都超多。薯條食到係有甜味😍 而且D蔬菜係真係好食，唔會係出面個D白恰又熟唔透好難食個D。流心軟芝士麻糬厚鬆餅❤️無諗過餐廳會係碟上面寫Happy Birthday俾我，見到既時候好surprise 好感動，而且仲送左個小甜品俾我地，好開心。開頭擔心咁大個鬆餅食唔晒，但一食落去個蛋香味勁濃，勁鬆軟，一口氣食左半個，而且仲係流心！本來因爲無得點出去慶祝唔開心，但餐廳為我送上呢份小驚喜，即刻開心返晒，而且餐廳食物真係好好食，職員又Nice，好細心

今日陪朋友過黎拎野，於是提前係Openrice訂左衣間餐廳，見到佢有個asiamile x Openrice menu ，一於就試下。。佢同平時menu唔同係，佢湯同沙律兩樣都有，唔駛話選邊一樣，另外，佢個甜品係西班牙油炸條，好似中式沙翁咁，但有個朱古力醬比你點。。Openrice 既menu有西班牙海鮮炒飯，覺得係西班牙野，所以叫左黎食，都可以既，有青口，有魷魚，有兩塊辣肉腸，味道不過不失，味道濃返就會好食好多，可以再加強一下

叫了二人餐，份量很足夠3人吃😄店內現有餐酒(紅白酒、啤酒都有)買一送一，8點前埋單仲有九折，幾抵食！西班牙炒飯份量很大，女生未必食得晒！跟餐前菜都做得唔錯！餐湯有驚喜！

Book左枱一點鐘係中環食個午餐，上到去個view很好，一整排落地玻璃令充足陽光滲入餐廳好舒服！職員見我地企係門口即刻過黎同我地做登記，超有禮貌咁叫我地等多陣，執好窗口位俾我地坐，再介紹唔同潔手液同埋口罩袋，俾我地隨便拎同埋用。☺️ 👍🏻我地叫左兩個set: 燒雞胸椰汁意大利飯($138) 海鮮西班牙炒飯($148)，兩個都不過不失，夠香又足料。餐湯係南瓜湯，隻色幾好但飲落竟然好淡無咩味😟另外每人都加左$15叫特飲，兩杯雖然未去到飲唔落果種假甜，但真係偏甜熱飲有蠟燭一路加溫，一早叫定都唔驚凍，可以慢慢嘆！👍🏻 👍🏻 👍🏻食完坐一陣職員自動遞上甜品，很貼心！(我都唔記得包埋甜品呢哈哈)餐廳入面環境好有特式，好舒服，輕鬆去坐下真係幾好。仲有好有design既牙籤套，忍不住要影埋😂

今次揀選咗Espuma同朋友慶祝生日！可能時間尚早，餐廳唔係咁多人！我哋睇完餐牌後就叫咗以下野食：黑松露芝士薯條 - 薯條炸得好脆，而且夠熱，配埋個黑松露醬一齊食好好味！馬介休球 - 呢個係我覺得成餐飯最好食嘅一樣野，完全超出我嘅預期！馬介休球熱辣辣，好好味！德國豬手 - 啲皮好脆，而且豬手入味，幾好！份量都幾多，建議多啲人先至叫！巴馬風乾火腿蘑菇薄餅- 我鍾意食薄批，呢個Pizza餅底好薄，好脆！Parma Ham好香！巴馬風乾火腿配西班牙番茄醬多士 - Parma Ham連埋番茄醬好夾，多士整得好脆，我超級鍾意食呢個小食！西班牙海鮮炒飯（2人份）- 雖然話係2人份，但我哋4個人都食唔晒，因為我哋仲叫咗其他野食！不過我覺得啲飯硬咗啲，而且唔係好夠味！對呢個飯有啲失望，因為話晒都係西班牙餐廳，我期望會好好食！最後叫咗個窩夫甜品，不過我覺得啲醬同雪糕太甜，啲材料夾埋一齊唔係太好食，我唔太鍾意呢個甜品！只係個樣好得意，影相一流！總括嚟講呢間餐廳啲食物都好高質素，我覺得好好味，我一定會再去幫襯！

First thing i noticed upon entering the restaurant are the stack of envelops and bowl full of sanitizer wipes provided freely to the customers; it's a considerate move given nowadays when everyone is worried about the spread of the covid-19 (i forgot to bring an envelop for my mask so i was grateful to get one)Ordered a set lunch that came along with soup and drink; the spaghetti was tasty and the portion was adequate. I've enjoyed the food and the cozy environment here.

星期六放假難得有空~與友人到中環去食個LUNCH由於出發得比較晏，很多地方的LUNCH時間已過~找到ESPUMA~~ LUNCH時段至4:30pm我們叫了一個HIGH TEA SET + 一個意粉 +水果茶~HIGH TEA SET~~ $258加一包飲品，特飲 (水果茶需另加$15)中間的焙茶火鍋味道香濃~不會太甜英式鬆餅~~包括在HIGH TEA SET中配上栗子蓉及蜜糖~~味道不錯!黑松露雜菌意粉~$128黑松露味較淡，但意粉口感不錯!中規中舉~~~水果茶~TEA SET + $15味道香甜~~解膩一流!!餐廳整體感覺不錯，適合約會及聊天~~食物味道不過不失~~

今日介紹同事去我同家姐最愛嘅餐廳lunch呢度簡直可以話係我嘅飯堂呀～「Lunch soup：Pumpkin Soup」「Scallop Ceviche $128」用芒果同蕃茄粒做底下嘅sauce帶子兩邊輕輕煎過，令入面保持濕潤配埋個sauce一齊食，清新又開胃「Pan-fried Salmon Steak $158」個人來講不論生定熟三文魚都好鍾意食叫得做salmon steak佢又真係做到扒咁大塊喎～而且生熟程度恰到好處本身舊三文魚都好靚，魚油鎖晒係入面啖啖肉～正呀！「Peach Pomelo Jasmine Tea +$13.5」每次來到必飲嘅水果茶熱比凍更好飲呀，記住食埋啲生果粒！總括而言，已經係老顧客，第n次光顧了水準一如以往嘅好，下次再見～