Dodam Chicken (1亞太中心) (已結業)

星期六唸住同女友去試下新野， 咁一早openrice 預約啦， 去到12:15，得三枱客。安排左住卡位， 唸住幾好啦。 點個個位勁油仲有炸雞皮，第一轉已經咁，佢唔似有清潔干淨。 咁原本想叫午餐， 原來星期六沒有。 唯有散叫啦， 不過間韓式餐廳冇提供前菜，想食泡菜要另外$40， 最後冇叫，幾大碟就唔知啦。咁成間餐廳得一個侍應，門口又係佢， 拎菜又係佢，落單又係佢。大佬，間餐廳就咁睇都30張枱。個個客都係咁舉手都叫唔到人。 仲要唯一的侍應十分新手， 信用卡都可以係帳本跌返出黎，感覺太差了🤦🏻‍♂️食物是正常，偏貴。 下次行返去隔離食另一間好過🤨P.S. 冇叫炸雞，可能好味， 不過唔會再試。

近排睇韓劇又好想食炸雞就約埋男朋友收工去食😌我地叫左雙重滋味炸雞🍗，半份係香辣味，半份係香蒜醬油味～每半份大概有6大舊炸雞，即叫即炸即撈，上到黎係熱焫焫，炸嘢就係要咁先好食😋雞肉好嫩多汁，2隻味都好好食，辣味係甜辣個種，唔會好辣，係一般人都可以食到的味道👍另外我地再叫多個烤芝士豬肋骨，個底係厚厚的一層芝士，豬肋骨有7舊，配上燒烤醬，幾好食～另外一半係日式芝麻醬沙律菜，可以解下膩～超多芝士😍食到好滿足

dodam chicken 喺觀塘開咗幾個月，呢區唔算多炸雞店，地點喺APM隔離。平時呢座大廈食晏時間好多人排隊等lift, 好在dodam 可以用扶手電梯直達。平日食啦都有一定熟我嘅人要等位，今次等咗15分鐘。menu當然唔少得雞，分別有炸嘅同埋焗嘅。味道都超過20款，今日order蜜糖焗雞。人少少可以order半份，上枱熱辣辣，有手套可供選擇，可以盡情咁食。雞皮脆可可，粉漿好薄。 芝士蟹子蛋捲好大份，切開芝士流心，幾過癮。上枱用木砧板，方便大家切蛋件。原來蛋加芝士配上雞都幾match，在加上支裝啤酒terra，好享受一個愉快嘅下午。下次要食鐵板芝士拉麵年糕，感覺好邪惡，但係我最愛嘅芝士年糕。通常一碟年糕應該未必食得晒，這配搭加上拉麵感覺冇咁重澱粉質。

因為最近去咗觀塘返工，所以除咗工廈搵食，apm旁1亞太中心都係搵食好地方，今晚ot後自己心思思想食 韓國嘢部隊鍋就嚟咗呢間啦！呢間叫Dadom chicken 原來有分店嘅，晚上9點先入去都招呼我，太好了，因為有d餐廳已準備關，即刻嗌左份部隊鍋先！佢係成個爐咁上嘅，咁就可以keep住熱辣辣，而且份量好多，應該係兩人份量 ，就咁食都好飽， 另外特別要讚佢張一啲泡菜，同辣嘅醬料係分開裝，咁自己就可以自行調教辣度，如果食唔到辣，就加少啲落去， 啱曬我呢啲又唔係食得辣，但又想食少少辣刺激嘅人啦，哈哈！佢嘅部隊鍋好多料，有午餐肉，腸仔， 年糕，金菇， 芝士 ，芽菜蔥頭等等， 口感豐富！好味道！最後回家都吾覺得口渴，所以應該冇咩味精嘅，幾好！飲品我就嗌咗杯mango yogurt smoothie, 大大杯，好香濃嘅芒果味， 甜度適中，唔會太甜，所以飲落都好清涼， 整體吾！ 下次嗌埋一大班朋友嚟， 就可以食到多嘢啦

聽講觀塘亞太中心開咗一間韓國食店 今日放工就同三五知己約埋試試佢 位置係亞太中心三樓 坐扶手電梯就去到睇下個menu, 基本上新式韓式餐廳會有既食物佢都有 炸雞 年糕 部隊鍋。最後我哋叫咗三樣食物原味烤焗雞一上菜，第一個感覺係，好大碟，基本上兩個人食既話，食完都七八成飽😂 雞肉鮮嫩仲配返兩個醬比你 牛排骨湯入面有四五塊排骨，肥瘦適中，食落絕對唔會覺得乾柴。湯好鮮甜。鮑魚人蔘雞湯兩個大大既雞脾，湯汁有人蔘味，食完感覺好補身😋

心癢癢想食炸雞，今次黎食呢間位於觀塘既Dodam Chicken餐廳係觀塘亞太中心，係apm商場同港鐵觀塘站既隔離，方便易到。同一座樓都有唔少既食肆呢鋪頭裝修華麗，當日晚上入座，都見幾乎坐滿。今次叫咗兩樣菜式，分別係自選雙拼pizza，揀咗黑松露蘑菇薄餅，拼瑪格麗特薄餅，另外點咗半份香辣脆雞。呢個黑松露蘑菇薄餅拼瑪格麗特薄餅分量都好大，雙拼pizza可以一次食曬兩款味道。黑松露味夾芝士都好香，瑪格麗特薄餅甜甜地加埋芝士香脆可口，份量大到同朋友share都夠食炸雞嘅份量雖然半份都唔少，辣到啱啱好唔會太辣食唔到，香辣惹味

之前食過銅鑼灣分店，有韓國店員之餘，餐廳主打炸雞同其他韓國菜，食物味道都唔錯。今次同朋友喺觀塘分店食！😋1.原味焗烤雞$182份量十足！外皮薄、脆、甜，肉質粉嫩、juicy、冧滑，正！😋2.鮑魚人參雞湯$168有2隻大雞肶！雞肶肉已經煲到冧哂，非常易咬。仲有一隻鮑魚、冬菇、金菇、杏鮑菇、栗子、紅棗、人參，好足料。湯都幾有人參味😋3.牛排骨湯$195有六舊大既牛排骨😍有牛味之餘仲好易咬。牛骨湯比人參雞湯濃味，2款都唔錯，視乎個人口味🤪

好耐無食過炸雞，見到介紹係人氣炸雞店，決定試一試。餐廳環境寬敞舒適，播埋韓國流行歌曲，真係好似去左韓國甘。我地見菜式既份量都幾大份，但因為樣樣野都想試，所以點左3款菜。韓式原味炸雞：炸雞大大隻，炸粉唔會太厚，真正做到外脆內滑既感覺。雖然係炸雞，但食多幾隻都唔會太膩。牛排骨湯：佐料夠多，保持到鮮味。牛骨湯唔太咸，牛味濃厚，撈白飯當湯飯食好正！韓式部隊鍋：好有韓國特色既菜式之一點可以唔試。入面除左有基本會有既配料方面，仲有海量既泡菜，令到湯底辣而不咸。

一向都十分喜歡吃鹹蛋黃的我怎可能錯過黃金鹹蛋王脆雞? Lunch來說價錢$78不算貴，還跟餐有一杯韓國飲品或柚子茶，及任食韓國泡菜及粉絲。落Order後大約十分鐘有得食，侍應放上台上就即聞到極級香的鹹蛋王味道，賣相討好。炸雞拿上手是熱辣辣的，證明他們的炸雞是即叫即做。炸雞大約有6件，每一件上面都沾滿起沙鹹蛋黃碎，吃下去充滿咸香，惹味非常，口感鬆脆，雞肉肉質未算十分嫩滑，但整體滿意度是高的。另外配上沙律菜及蘿蔔，中和油膩感。韓國食物中我的另一至愛是年糕，尤其是卡邦尼年糕，Dodam Chicken也有黑松露卡邦尼年糕供應，只需$72就連飲品及韓式小食，就點來試試。年糕份量十足，同樣是即叫即做，上台時還是熱度十足的，口感煙煙韌韌，非常嬾滑，每一件年糕都掛滿了大量黑松露卡邦尼芝士汁，十分滋味。除了年糕外，還加入了些椰菜和切成三角形的韓式魚糕片，都與卡邦尼汁十分夾。另外還奉上韓式原味炸雞4件，非常香脆嫩滑。每份午餐都跟一罐飲品，我們選的錫蘭檸檬茶味道不太甜，不錯的，韓式小食有泡菜及炒粉絲都是任食的，我不吃泡菜，但韓式炒粉絲很美味，還加入大量的紅蘿白及魚糕絲，非常香口。

餐廳主打韓國美食，其中以炸雞同烤雞成為招牌最為突出，口碑一直都唔錯。午市平日提供午市套餐，可謂平靚正之選。叫左黃金鹹蛋脆雞($78)，鮑魚人蔘雞湯飯($88)。脆雞賣相非常吸引，外皮炸得脆脆，而且沾滿鹹蛋碎，惹味十足。雞肉又唔會炸到太乾爭爭，肉汁仲係好鮮甜。尼到既人蔘雞湯味道非常濃郁，人蔘甘甜味好突出，材料除左人蔘，仲有紅棗、菇、栗子等一齊燉煮，帶出濃濃既藥膳味道。餐廳落足料，用左整整一隻雞脾。而鮑肉亦都好鮮甜。滋補又抵食，岩哂秋冬時間暖洋洋。另外，餐廳提供無限添加泡菜同粉絲服務，鍾意食泡菜既朋友可以任食，而飲品就一人一罐。整體，lunch set經濟實惠，岩哂想食韓國菜既朋友，而且炸雞真係好出色。

黎到Dodam Chicken食平日嘅午市，估唔到已經座無虛席。佢嘅午市套餐非常親民，介乎60至80蚊，包一罐飲品，仲可以無限添加小食。小食係出面嘅自助區自己夾，有泡菜同炒粉絲，泡菜唔會好辣，而炒粉絲嘅配料都好豐富。隔離有飲品櫃，唔想飲凍野都可以沖柚子茶黎飲。黃金鹹蛋脆雞($78)，一共六件，有唔同雞嘅部位。黃金鹹蛋味有獨有嘅鹹香味，而脆雞嘅得娸黃色，加上鹹蛋黃就更加金閃閃，入面嘅雞肉仍然保留住肉汁，亦都好嫩滑。旁邊仲有一啲沙律同醃蘿蔔，非常開胃。韓式冷湯麵($72)，夏天太熱食冷麵就最好不過。上菜後侍應會幫手剪碎，有平時嘅蛋、蘿蔔絲、青瓜、梨片。麵食仲會附送一碟脆香雞肉，非常貼心。因為樓高又坐咗係靠窗邊，可以欣賞到遠遠嘅街景~

最近喺觀塘又發現到有新開嘅韓式餐廳韓式人氣炸雞Dodam Chicken 喺觀塘開咗分店梗係要過嚟試吓啦店面 環境舒適 以藍色為主調 好適合一班朋友收工嚟傾偈食飯炸雞選擇多而且好多口味！招牌甜辣芝士無骨烤雞分量十足 舖滿濃濃嘅芝士 酸酸甜甜好開胃微辣嘅濃度 唔會怕太辣 而且仲配韓式年糕 好味人氣芝士雞蛋卷雞蛋捲好滑好香 上面鋪滿蟹子切開係流心嘅芝士 加埋沙律醬一齊食 幾好食超多芝士 芝士迷必叫！ 人氣韓式pizza可以揀兩種口味，我地擇左Margarita + Black Truffle ！份量超大！薄脆餅底好cheesy ! 黑松露蘑菇好好味 Margarita 甜甜既芝士香脆可口！食炸雞梗係要飲啤酒 🍻 配上1664 冰凍解渴下次可以多D 朋友一齊去Share 🥳

呢日晏就要出去觀塘一帶做嘢，咁就早啲過去順便喺附近食埋飯。十二點幾一點，Lunch hour嘅觀塘都算好多選擇，今日落大雨，所以我哋揀咗商場舖頭廢事咁狼狽，行到嚟亞太中心呢邊搵食，位置好方便，喺APM行過少少就見到。呢到都有幾多餐飲食肆好選擇，我哋最後入咗嚟3樓一間食韓國嘢嘅舖頭。Lunch menu都幾多選擇，大約$60-$80左右一個set lunch，價錢喺商業區嚟講算係咁。舖頭門面幾闊落，環境都幾好坐，呢個鐘數嚟會見到好多打工仔。跟餐可以揀一罐凍飲，或者自己沖柚子茶。食韓國嘢，識食當然係食佢哋嘅前菜啦！呢到雖然係食set lunch，但係都包埋任食前菜，分別有炒粉絲同埋泡菜。炒粉絲幾入味，同埋有幾多配料，泡菜就係正常水準，越食越上癮。我哋嗌咗兩個set互相分嚟食，第一個係原味脆雞。相當經典嘅韓式炸雞，雞肉肉質好嫩，唔會話好老好「鞋」，食落口啖啖肉。炸雞跟兩個醬汁，一個係甜辣醬，另一個應該係Honey Mustard。第二個set lunch係韓國海鮮湯麵(跟一細碟炸雞)，麵底正常偏軟少少。一開始都唔期待碗麵會有太多餸，點知入面有青口、蝦、魷魚，絕對係對得住呢個價錢有餘。成碗麵份

Yeah!!!!! 觀塘又多間韓國餐廳啦！飯堂飯堂呀！12點早d 到可以唔洗等就有位啦！叫左3份韓國炸雞Share有蜜糖牛油香蒜味， 甜豉油味， 香辣脆雞味，三款都好好味，去唔到韓國，可以黎呢度止口痕，當自己去左韓國啦！仲有kimchee，同粉絲任食，d韓國粉絲好好味，最欣賞佢落左魚糕，refill 左幾次tim, 其實半份都好大份，食唔晒，我地外賣拎走返到屋企叮熱，都有8成水盡，唔錯唔錯可再encore, 又多一間飯堂了，下次試埋其他，期待中........

經Openrice係某啲既間訂座會全單8折，今日我就訂左晚上8點半，就可以用到依個優惠。依間餐廳有好多唔同種類既野食，比起平時啲韓國餐廳黎講算多。因為我唔係好食得辣，平時大部分韓國餐廳都係食辣係主，今次依間就有好多菜式都岩我食。我見每台都有一碟醃蘿蔔，酸酸地好開胃。🔸鮑魚人蔘雞湯 $168個湯既味道好濃人蔘同埋雞味，而且入面仲有唔同材料，有冬菇、大蔥、金針菇、魚片，而鮑魚就只有一隻。隻雞好腍，好容易就可以將啲肉插到出嚟食，而且啲雞肉好滑。🔹蜂蜜牛油香蒜脆雞 $195呢度嘅炸雞有好多唔同嘅味道，有辣有唔辣，不過得幾款可以叫半份，我哋呢一款就只有存全份選擇。呢個味道甜甜地好開胃，個皮好脆，啲肉仲好juicy，好味道😋🔸韓式手抓飯 $78呢個手抓飯好大碗，入邊有紫菜、蟹柳、蟹子，個飯入邊應該仲加咗啲油，食落去唔會好乾。雖然呢個配搭感覺好日式，但係手抓飯又令到件事變到好韓式，不過最緊要都係好食。🔹Yuja cocktail makgeolli $128 呢個柚子味嘅米酒係佢自己溝嘅，其他米酒主要都係現貨一樽樽，所以最後就揀咗依個。呢個酒味好重，如果柚子味重返少少會好啲，會比較易入口。最後炸雞同