Dodam Chicken (1亞太中心) (已結業)

第一次去DODAM CHICKEN 食，才發覺原來觀塘都有好吃的炸雞！在觀塘上班不久，常以為會冇啖好食，但今次同事推介了這間開了不久的炸雞店，試過覺得性價比十分高。首先，炸雞店十分大，我下午十二時半前到仍然有小量空位，而店內都有電視不斷播韓國男女團的演出，就好似去左韓國一樣。說到食物，炸雞烤雞都有十幾款，花多眼亂選了黃金咸蛋脆雞。另外亦有年糕、炒飯、韓式拉面等等，我就叫了韓式炸醬年糕。點完主食就可以出去拎自助餐，有韓式粉絲及泡菜，飲品亦有不小選擇。不久侍應將黃金咸蛋脆雞放到我們的台面，咸蛋香味四溢，好想即刻食。6大件脆雞炸得香脆而且非常熱辣辣，咬下去有Juicy口感，口感亦十分鬆脆，肉質嫩滑，加上咸蛋香味令脆雞味道昇華。配上沙律菜及醃蘿蔔可以中和油膩感。再來一道是韓式炸醬年糕, 個年糕口感剛剛好, 不太軟又不太硬, 每件都掛住韓式炸醬, 非常惹味, 另外配料絕不馬虎, 豬腩肉肥瘦適中, 仲有獅子狗卷裡面係滿滿的芝士, 依餐真係邪惡美食之一

成日聽朋友話Dodam chicken 唔錯，今日終於有機會嚟試下！鮑魚人蔘雞湯有一隻連殼鮑魚、幾條人蔘、兩隻雞髀、紅棗、金菇等，湯底好鮮甜，配搭人蔘苦苦地，飲落全身都覺得好暖。雞髀用叉就好輕易咁整散啲肉，好淋又嫩滑。芝士蛋熔岩泡菜炒飯飯嘅外圍有一圈蛋，仲有唔少芝士，撈嘅時候都做到拉絲效果，食落有少少辣，口感好豐富，又有泡菜、芝士同蛋，飯又唔會太淋，好食！黃金鹹蛋脆雞（半份）因為我地得兩個人，又好想試下炸雞，呢度可以半份咁叫，真係好好，但半份絕對都唔少。可以揀有骨或者無骨，我地叫咗無骨，食落都好嫩滑。鹹蛋味都幾重，外皮沾滿鹹蛋碎，又炸得好香脆。Somersby apple cider

如果想食韓風雞，第一時間諗起呢間上次食過番尋味，今次同朋友又想食韓國炸雞，不過得2個人仲要係女仔，真係有啲可惜因為好多款食物都好想食呀上至炸雞，炸薯條，炒麵，芝士蛋餅，鍋物，樣樣都好吸引我地最後都點左3款食物三重芝士烤雞，本身已經有一大堆芝士溶淋上烤雞件上面，但再沾上用麵包盛著的車打芝士漿充滿住濃濃芝士味，非常邪惡烤雞亦好入味，最驚喜係發現入面有芝士獅子狗仲有個重口味既芝士年糕炒麵，味道唔駛質疑，一見過顏色就知道啲面吸晒啲汁，勁好味，我就麻麻哋年糕，不過朋友話個年糕好軟熟好好味其實食晒啲糧未俾一半已經好飽，好在我哋嗌左一個沙律呢個沙律我係非常推介既一款食物，好好味，喺咁重口味嘅食物之中，食啲清新嘅食物中和返個油膩感，係非常舒服而且個沙律上面仲有啲腰果花生，入口好爽口好正食幾多次下次都會再encore

一直以黎都好想吃韓式炸雞 發現觀塘有間Dodam 於是就搵日同屋企人去食我地三個人去食午餐 發現價錢都幾抵 炸雞都係$72仲有紙包嘢飲/柚子茶 於是就嗌左兩份炸雞同一份卡邦尼意粉 大家一齊share嚟食搞笑嘅事情就發生啦 嗰兩份炸雞嚟到嗰陣時 我哋都O咗嘴 因為實在太大碟😂 同Menu張相好大分別 Menu 嗰度都係細細碟 大概5-6件雞 但係我哋一碟起碼都有10件雞 所以都好擔心食唔曬我哋嗌左蜂蜜牛油味同醬油味 兩款味道都唔錯 雞肉都好juicy 我個人就比較鍾意蜂蜜牛油味 份卡邦尼意粉味道亦都唔錯 正常份量 個人覺得卡邦尼醬好厚 一個人食可能會好快膩 三個人share一人一住就食晒 不過啲配料都幾好食 有魚糕,獅子狗,蔬菜等等 意粉餐仲送埋三件炸雞 🤣整體來講 今次嘅用餐體驗都好愉快 食物質素唔錯 餐廳環境舒適 最重要價錢都幾抵 我哋三個人食左$200左右 好滿足好豐富 下次會再幫襯!!!!

今日同朋友食飯，突然間想去食炸雞就揀咗呢間試吓，排咗成半個鐘頭隊，本來排到一半已經想放棄，但係排緊隊故事發光叫號碼嗰個職員原來係講韓文嘅，我同朋友就心諗韓國人開嘅可能會好比起其他餐廳嘅口味正宗，所以就決定繼續等落去。入到去之後發覺，門面可能感覺上有啲細，不過入到去起碼佢有好大嘅空間，坐低之後就急不及待去點餐。餐牌語言有中英韓，炸雞主要分為焗同炸、乾身或有汁，最後我就揀咗兩味 （原味同埋香辣），另外仲加咗個煎海鮮餅。炸雞食囉好似喺韓國食咁好食，煎海鮮餅好脆口(唔似出邊其他啲煎餅識落有啲粉狀嘅感覺) 而且煎餅光面你有放金菇上面去煎，口感一流。整體體驗唔錯，服務員嘅服務又好好，一定會再翻去食。 下次會去試埋佢啲歌好邪惡嘅鹹蛋黃炸雞🍗

今晚同好朋友聚會去了觀塘亞太中心，大家覺得去唔到韓國玩不如去食韓國餐。一行四人我們order 原味炸雞（帶骨）、招牌甜辣芝士無骨烤鷄、海鮮煎餅。炸雞有肉汁不太油膩，芝士無骨烤鷄喜歡吃芝士的不容錯過，海鮮煎餅脆口不厚不薄令人吃了齒頰留香，而且位置也很方便，

餐廳：Dodam Chicken (觀塘)地址：觀塘觀塘道414號1亞太中心3樓1號舖香港人一直都深愛日韓台泰嘅菜式，一講起韓國菜🇰🇷，相信唔少人都會諗到韓國炸雞🍗。韓國人氣過江龍Dodam Chicken @dodamchickenhk 喺銅鑼灣開咗好幾年，但因為成日大排長龍一直未有機會去，最近終於去咗觀塘開咗唔夠半年嘅分店😎Dodam Chicken主打Dodam同Hwaggudak兩種唔同嘅整法嘅脆雞：Dodam喺源用北歐國家嘅方法，先醃製雞肉，再用薄餅烤爐去烤焗同埋蒸烤烤爐去烤製同脆炸，令炸雞食落香脆而保持到雞肉嘅水份，唔會乾「真真」🦃；Hwaggudak喺用高達400°C高溫嘅薄餅烤爐去烤雞肉，令整出嚟嘅烤雞做到皮脆肉嫩，唔知你又鍾意邊一種嘅整法呢🔥？✝️黃金鹹蛋脆雞(無骨)半份 $148全份就$198，半份就$148，一個人嚟食半份就好夠🤣，有接近二十舊，同時可以揀有骨或者無骨，我份人就比較懶同貪方便，所以就揀咗無骨😜，大小適中嘅size可以一啖至兩啖一舊，炸雞嘅外層唔厚粉，蘸滿香濃但唔油膩嘅鹹蛋黃香，同炸雞嘅味道夾埋幾均勻，而且雞肉有啲肉汁，一啲都唔嚡👍✝️千層酥薄餅 $88

早兩日同事問我有冇食過韓式炸雞，我話麥當x同肯德x嗰啲就食過，韓式真係從未食過🤣🤣🤣，今日同事就帶咗我嚟呢間餐廳食🥳🥳🗒餐牌既炸雞🍗🍗種類有好多選擇，但其他韓式食物亦都有好多，真係花多眼亂，好多嘢都想食🤤🤤，不過我哋得兩個人，唯有選擇炸雞啦😂😂因為得兩個人嘅關係，所以淨係叫咗👇三重芝士脆雞🍗HK$198首先我哋係比圖片吸引咗😍😍，因為我哋兩個都超級鍾意食芝士😋😋，食物嚟到，果然同相片一模一樣👍👍，炸雞係無骨，大約有8至9件，中間用提子麵包裝住芝士醬，炸雞拎起有拉絲🤩🤩🤩🤩，超級正，芝士味超級濃，啱晒我哋呢啲芝士控👏👏👏飲品方面我哋揀咗傳統嘅韓式汽水👇Original milks HK$22Chil Sung Cider HK$20另外lunch亦有套餐可以揀，而且有好多款選擇；其實我哋仲有其他嘢想試，例如人蔘雞湯、韓式年糕等等，不過我哋真係食唔晒，所以唯有下次再嚟😆😆上菜嘅速度唔算耐，唔使等好耐已經有嘢食🤗🤗，座位亦坐得舒服😌😌，👨👩而且Staff們都好有禮貌

都唔係第一次幫趁呢間野，點知今次奶野。我地叫左個芝士辣撈面 ,由入座計大半個鐘都未到。咁見到隔離台d 炸雞都到哂，就叫左個waiter 過黎問， 頭兩次我地d 態度都好好，waiter剩係話我再睇下啦下，冇你再搵我啦。第三次問佢既時候我話，我等左成個鐘啦都未有得食，係咪漏左單，煮個撈面應該唔洗咁耐？然後佢死口唔認漏左單, 仲用唔好既語氣同我講，睇左你張單係半個幾鐘前同你落架咋。半個鐘等個五分鐘煮得起既面係好正常既事？仲要串個客。到個撈面黎，自問唔係唔食得辣，而且之前黎食都食過呢個面。但今次個面辣到完全食唔到，食左兩啖就開始胃痛，最後成個面冇食到。我唔相信個面辣到咁樣落單前唔會提醒個客囉。埋單都仲係好肚餓同好胃痛，又唔係平，咁既服務態度，咁既質素，冇下次。

喺觀塘食lunch最怕就係坐得逼唔舒服，呢度座位安排幾鬆動，有足夠空間坐得舒服傾吓計Lunch set menu有五六版，全部跟餐送飲品一罐（呢日見到有檸檬茶、荔枝烏龍茶、薑母茶等放雪櫃自取）。小食有兩大盤任夾，韓式炒粉絲好香麻油味，而泡菜香得嚟唔會好辣，冇過甜或者過酸，個人兩款都幾中意食✨ C4A 蜂蜜牛油香蒜脆雞（免費轉無骨雞）蜂蜜超多！牛油同蒜味都食到好濃，調味上係幾足料。略嫌炸粉過厚，一路食一路可以搣返走一舊舊嘅炸粉。伴碟有酸蘿蔔同沙律，清新啲可以中和返冇咁漏✨ R6 芝士蛋熔岩泡菜炒飯（跟湯）鐵板上菜一嚟到見到啲蛋漿已經全熟，完全做唔到熔岩拉絲效果。不過食蛋發現原來有粟米、三色椒同少量芝士，用料係ok嘅。炒飯完全唔辣，食到頗多泡菜同煙肉但啲飯係冇乜味嘅

今日放工約咗朋友喺觀塘食飯，朋友話想食韓國嘢，search之下發現原來1亞太中心有間韓國過江龍 - Dodam Chicken⋯香港分店除咗引入Dodam Chicken之外，亦引入同一集團嘅Pizza 焗爐烤雞 - Hwaggudak，實行一間餐廳2個享受！餐廳環境舒適，店內嘅電視播放住K-pop MV，令人好似置身於韓國一樣，好有feel！黑松露蘑菇薄餅真係意想不到炸雞店嘅pizza竟然都做得咁有水準！黑松露味未算太突出，pizza用上番茄醬為主調，酸酸哋，而且餅底薄脆食起嚟一啲負擔都冇！蜂蜜牛油香蒜焗烤雞個烤雞唔錯！好好食！牛油味香濃，而且烤得一啲都唔乾，一啲都唔柴皮，雞肉嫩滑，非常juicy⋯蘸上蜂蜜一齊食，甜甜哋，好滋味！牛骨排湯最近天氣轉涼，食返個滋補暖笠笠牛骨湯就最好不過！調味配料方面，只係單單用上大蔥同埋紅棗，將牛嘅原汁原味完美咁呈現出嚟！餐廳菜式份量都幾大！下次可以約多幾個朋友一齊嚟gathering⋯

平時好少食韓國菜，今次朋友想食就嚟試下啦！呢度Menu嘅選擇好多元化，除咗炸雞、烤雞、沙律、Pizza、意粉之外，仲有其他唔同嘅韓國菜，例如韓式年糕、牛排骨湯、魚片湯、泡菜餅等等…店員安排坐卡位，空間寬敞舒服而且餐廳不停播韓文歌，好有身處韓國嘅氣氛。蜂蜜牛油香蒜焗烤雞原隻烤雞嘅份量，好大碟！賣相吸引，烤雞外皮帶點焦脆，肉質嫩滑juicy，每件雞都沾上甜甜嘅蜂蜜醬汁，極為惹味，非常好食。每份烤雞都會配一碟醃蘿蔔，酸甜開胃，可以解下油膩。古岡左拉芝士薄餅Pizza好薄身，食落口好鬆脆，芝士味突出，加入蜜糖同脆卜卜嘅杏仁及冬菇片做餡料，配搭好新奇，味道甜甜哋，真係食唔停口。牛排骨湯湯香，味濃，配菜有金菇、冬菇、紅棗、大葱同粉絲。牛排骨脂肪均勻，每件都好厚身，煮到好冧好入味，味道同口感都唔錯。

好少見芝士年糕如此足料🤤有魚糕 年糕 拉麵 蛋同滿滿既芝士🧀食落極之惹味😙拉麵方面唔會太過淋😛旁邊既芝士仲可以瘋狂拉絲🧀簡直就係邪惡之選呢🤩芝士迷一定不可以錯過啊😙

尋日同女朋友行街經開，search openrice見到呢間好多好評，就陪佢去食下，思念下家鄉。我地食左2個lunch set, 價錢唔貴，都係$70-90，呢個價食到韓國菜我覺得算唔錯。我地叫左「黃金鹹蛋脆雞」同埋「牛排骨湯」。黃金鹹蛋脆雞本來以為lunch set 份量會好少，得三四舊雞，點知有成半隻雞咁多！幾有驚喜。我地揀左無骨雞，所以真係啖啖肉。雞肉嘅面頭仲要撒上啲蛋黃碎！賣相吸引。好脆嘅雞皮再被鹹蛋黃包裹住，真係好邪惡但又忍唔住係咁食，充滿蛋黃嘅咸香味，雞肉幾嫩口同juicy。不過呢個最好2人share一齊食會無咁膩。牛排骨湯會想試呢款係因為我見佢lunch set平過晚市餐牌好多！同埋冬天暖暖胃。端上來時熱辣辣，好香牛味。啲湯好好飲，有淡淡嘅紅棗味，令碗湯多左一份天然甜味，飲落唔肥膩。牛排骨份量都好多，仲要好厚身！ 食落牛味唔算重，可能啲精華去晒湯到啦已經，但肉質都保持到，好稔唔會乾韌。呢間食物質素都唔錯，份量又唔會因為lunch 平左而少。仲有任食韓式粉絲同泡菜，每個set有支汽水，下次會再幫襯！

喺觀塘要食飯，亞太中心係一個非常之好嘅選擇，因為餐廳林立，總會有一間啱你胃口。我哋平時去食，多數都係食放題，但係原來喺3樓，有一間韓式餐廳，食物質素係非常之好。今晚我哋經過亞太中心，突然間好想食炸雞，所以我哋就上咗去呢一間韓式餐廳入邊食飯。餐廳嘅位置都比較寬躺，唔會話坐到好迫夾，可以舒舒服服咁樣享受晚餐。我哋叫咗鹹蛋黃炸雞，芝士牛排骨，人蔘雞湯，仲叫咗杯雲呢拿奶昔。首先講吓個鹹蛋黃炸雞，一諗起鹹蛋黃，就會諗起高膽固醇，同埋好油膩嘅感覺，不過佢哋嘅炸雞係好鮮嫩，唔會話好油膩嘅感覺，加埋鹹蛋黃一齊，完全唔會覺得好濟，不過份量係偏大份，兩個人食，可能叫半分都應該夠，或者可以試吓兩隻味道，每樣半份。然後到芝士牛排骨，鍾意食芝士嘅人一定唔可以錯過，因為佢芝士嘅份量係非常之多，而且佢係用Mozzarella 嘅芝士，可以拉絲拉到好長。牛排骨就同平時喺韓國菜式入邊食到嗰啲牛排骨差唔多，肉絲係比較分明，配搭芝士一齊食，口感係非常之好。跟住就要講客人蔘雞湯，佢入邊真係好多人蔘，人蔘味道好重。而且佢哋嘅雞湯，用嘅係雞髀，比較嫩滑，唔會好似平時喺出邊韓國餐廳食到一樣，全部都係雞胸，所以可以食晒成煲都唔會覺得