Dodam Chicken (1亞太中心) (已結業)

韓國！原本我每年都會去旅行，但因新冠疫情嚴重去唔到，諗起韓國嘅食物，真係好回味，從同事口中得知韓國人氣過江龍Dodam Chicken，最近喺觀塘開左新分店，唔洗去韓國都有得食，味道方面同韓國一樣咁好！原味焗烤雞， 烤炸雞加入27種天然草藥醃製，烤雞皮脆肉嫩好入味！配上芥末醬和甜辣醬更加好味！另外還有酸蘿蔔醒醒胃！芝士雞蛋卷，一切開雞蛋卷，中間嘅芝士多到流晒出嚟，雞蛋卷嫩滑有蛋香，配埋芥末醬、沙律醬和茄汁，味道酸酸甜甜甚惹味！Corona啤酒，食烤雞少不了的冰凍啤酒！

平時去開觀塘我首選一定係呢一間韓國餐廳佢位置幾方便平時晏晝都好多人所以今晚一於約朋友擦餐勁嘅好彩一早又book位如果唔係都起碼等一個鐘以上。今晚係平日如果唔係呢通常都冇位呀今日有幾位男士一齊食一於試啲飽肚嘢呢間餐廳整體價錢都係一百蚊一款小菜但係其實都已經夠三至四個人分享啤酒方面係韓國嘅傳統la啤酒飲落嚟清爽價錢仲有超特價今晚都開咗六支啤酒好正主菜方面當然係食完一關都即刻重新載點保持好耐食咗半個鐘啲雞仲熱又脆。今晚唔想食咁多肉，嗌咗個簡芝士蛋試下，分量都非常之驚人，入面有好多隻蛋同埋芝士四個人分享，完全足夠4人分，芝士係拉絲流心，超過兩款芝士，非常正，我最鍾意就點沙律同埋黃芥蘭同啤酒非常之夾。又係一晚開心盡興之夜。

喜歡食韓國菜的女兒，知道Dodam chicken 在觀塘亞太中心開咗分店，就叫我陪佢去食烤雞。餐廳位於樓上3樓，地方都好大，裝修設計雅致，座位寬敞舒適。招牌甜辣芝士無骨烤雞：除咗雞之外, 仲有芝士獅子狗和年糕，份量十足，烤雞冇骨啖啖肉，獅子狗彈牙，年糕煙靭，個甜辣醬汁調得好夠味，甜中帶辣十分惹味，醬汁上面加有芝士，可以做到拉絲效果。芝士雞蛋卷：嫩滑的雞蛋卷包住流心芝士，再加上沙律醬、茄汁和芥末醬，無論味道和口感都令人回味無窮！

今日嚟觀塘呢度附近攞驗身報告見到報告靚仔決定好好大食一餐呢間餐廳喺呢幢食肆臨立大廈裏面，見到餐廳都幾闊落又有我鍾意嘅韓文歌就入去試下。呢間餐廳午餐種類真係非常之多，雞類，pizza, 炒年糕，湯飯炒飯咩都有。而且價錢都幾實惠我最後揀咗個古剛左拉pizza而朋友亦揀咗蜂蜜牛油蒜焗雞呢度提供嘅雞都幾多選擇，唔止係味道多種類，而係除咗炸雞可選有骨無骨仲可以選擇焗烤雞。除咗午餐包咗一罐飲品之外，仲有自助前菜，當日就有泡菜同埋韓式粉絲任食，更加覺得抵上抵食住泡菜及粉絲同朋友傾計，好快pizza就送上，份量都唔細有成8塊，同埋佢嘅pizza都幾特別，佢嗰邊好似係兩塊薄pizza搭起呢咁，嗰邊非常之脆口。芝士亦都好多另外上面嘅綠色醬食起嚟好濃郁，搭配芝士好夾。而鋪上杏仁片同蘑菇增加口感，呢個pizza好岩我口味，讚。蜂蜜牛油蒜焗雞食起嚟個雞皮甜甜地又有牛油同蒜頭嘅香味，可以咬到細細粒嘅蒜，作為蒜愛好者實在好滿足。雞肉好嫩入面亦都好多汁，時間真係啱啱好，有成半隻雞，一個人食都幾多，幾飽，佢伴碟仲有埋啲沙律平衡返食雞嘅罪惡感，下次試埋炸雞應該仲滋味。

今日同朋友黎食呢間炸雞，裝修同埋環境都幾好。我哋叫咗蒜香豉油炸雞同埋辣嘅炸雞，可以雙拼真係好好多可以試多一隻味。蒜香豉油炸雞真係好好味，豉油再加埋蒜嘅香味撈埋一齊真係一流，出邊嗰層皮都好脆同埋好惹味。叫埋杯啤酒真係絕配。而其中一款辣嘅炸雞就好啱我嘅口味，辣度就啱啱好，唔會話辣到食唔到，啲辣好香好好食！烤芝士豬肋骨啲芝士多到好誇張，鍾意食芝士嘅人一定要嗌，喺豬肋骨出面加1層芝士，呢個搭配都好正！炸雞嘅份量都唔少，真係唔錯！下次都會再黎食呢間炸雞！

韓國菜一定要多人去先得，因為份量比較多，又可以試多d菜式，所以今日帶埋屋企人試呢間都開左一段時間既dodam chicken，係觀塘亞太中心三樓，環境幾舒服😌座位之間都幾寬敞，唔會好迫芝士雞蛋卷呢個韓式玉子燒又係夾有濃厚芝士，一切開，芝士𣊬間流出，夾起一小舊蛋卷即刻有拉絲嘅效果，表面舖上茄汁、芥末汁同蟹籽，真係好juicy😋但記得要幾個人share食，唔係嘅話真係會食滯芝士年糕拉麵呢個係其中一樣推介，份量超多，滿滿芝士，有一半係拉麵，有一半係年糕，仲有我好鍾意既魚糕😍沾上辣醬好惹味，口感煙煙韌韌，不過拉麵有點腍，如果煮少幾分鐘就更好味

邪惡芝士拉絲韓式炸雞店🍗好耐無食韓國菜啦！一於搵間又地道又好味既 Dodam Chicken 試下先🤩 一入去店就覺得佢裝修好有品味 有點情調😊 招牌甜辣芝士無骨烤雞份量真係夠哂多啊！你睇下面頭上既芝士🧀 幾厚身！每一塊雞肉都可以被濃濃芝士包圍住 再一啖食落口😋 味道甜甜地帶有小小辣 辣度好易接受到 一定唔洗怕會太辣！除左烤雞佢仲有年糕係入面 一樣咁好味啊🤩🤩芝士年糕拉麵🥘呢個味道反而辣小小呀 不過都接受到😋 又有年糕又有拉麵 仲有獅子狗 魚片 泡菜 真係好足料！年糕好煙靭不過食多幾舊就好滯啦😝炸魷魚鬚薯角🦑呢個超級推介👍🏼👍🏼 魷魚鬚炸到卜卜脆 一d都唔硬！點埋個醬汁一流😍😍😍飲品方面叫左Apple Cider 同埋grapefruits Juice 兩杯都好好飲😋🍹一定要encore 啊 佢其他野食都好想試呀 但實在太飽😆 建議多d人去一齊share 🧡

朋友聚會有人提議食韓國野，最後揀左去Dodam Chicken，貪佢有炸雞、烤雞、沙律、韓國料理等等，一次過滿足晒大家既口味餐廳裝潢簡約，有卡座，亦有梳化位餐具除左有叉，仲有每人一個夾，方便大家夾野食，夠哂衛生同方便，相當貼心招牌沙律 $128 食炸雞之前叫左份沙律開下胃，呢份招牌份量夠大方，三至四人分享都夠，滿滿蔬菜，包括有羽衣甘藍、腰果、菠蘿、提子乾等，豐富口感，仲加入蜜糖芥末醬後同芝士粉，幾好食芝士雞蛋卷 $128價錢都比較進取，但都幾值得一試，雞蛋卷加上滿滿醬，一切開芝士多到湧出黎，軟綿綿好輕易就有拉絲效果，蛋幾嫩滑，唔會過老，整體極富滿足感

韓國炸雞的美食熱潮一直不減，係香港愈開愈多過江龍店，包括今日呢間dodam chicken🤣星期六下午到唔算多人，不用訂座都可以招牌沙律 $128大大碟沙律有齊紅蘿蔔片、菠蘿、紅腰豆、粟米、杏仁、腰果等，搭配芝麻醬一齊食，相當開胃🤤蜂蜜牛油香蒜脆雞 $188聽人介紹呢到既烤雞係好出名，所以就冇叫炸雞，叫左一份烤雞試試，店員有提供手套，食得方便，由於係即叫即炸，攞上手非常熱，蜂蜜牛油好好食😍唔會覺得好膩，雞肉比起一般的韓式炸雞，熱量及脂肪相對較低，食得放心

這家主打韓國炸雞，食物款式既吸引又足料，餐廳裝修精美，環境舒適，電視播住韓國歌MV，充滿韓式地道風。芝士年糕拉麵 $158 7.5/10芝士超香，份量好厚身，味道雖然有點辣，但可以接受🤣材料足料豐富，有獅子狗、魚糕同泡菜，鐵板中間仲有隻烚蛋，年糕口感好煙韌，未食見到都已經流晒口水🤤蜂蜜牛油香蒜脆雞 $195 8/10上碟時，炸雞嘗有少許微溫，岩岩出爐一咬落去外皮酥脆，食落甜甜地帶有微微牛油香，雞肉肉質唔嚡，醬汁惹味濃厚，滋味無窮😋

最近發現呢個舖位轉咗做韓國菜, 預先一早訂位因為人數比較多, 怕LUNCH時間等位等得耐, 呢到環境都好寛落, 午巿定食都好吸引, 價錢唔算話好貴, 仲要包埋飲品古岡左拉芝士薄餅 - 賣相OK, 芝士味唔算太濃, 但味道還可以水牛芝士沙律 - 感覺冇乜特別韓式炒牛肉粗粉絲 - 比較味濃偏甜, 份量都算多蜂蜜牛油雞翼 -  好重密糖味, 其實同普通炸雞冇乜分別芝士蛋熔岩泡菜炒飯 - 賣相幾吸引, 但一定要襯熱食, 因為啲蛋凍咗就唔流心, 變咗普通蛋炒飯柚子年糕腸仔無骨雞 - 呢款好好味,  年糕好煙韌, 加上濃濃既柚子味, 感覺好清新芝士雞蛋卷 - 要襯熱食先有流心感覺, 蛋裡包住流心芝士, 幾好味韓式海鮮煎餅 - 感覺唔夠乾身, 但味道係可以既黃金咸蛋炸雞 - 好濃咸蛋黃味道, 但其實同普通炸雞冇乜分別, 只係面層加咗蛋黃Blueberry Yogurt Smoothe Cafe Mocha Smoothe Strawberry Yogurt Smoothe Yuja Yogurt Smoothe Yuja Ade - 柚子梳打, 其實我覺得呢杯飲品係等於飲梳打水, 因為永遠底層既柚子

經openrice落單，方便快捷又有discount👍🏻。大概30分鐘就有得拎，太爽😚。叫咗個芝士焗雙食薯條，啲芝士多到浸住啲薯條🍟🤩🤩，超正，香濃芝士味仲要可以拉絲❤️。勁豐富嘅芝士焗雙薯😌炸雞叫左全份咸蛋黃炸雞，同半份甜辣炸雞🍗。2份都係無骨😆，食落啖啖肉呀😍，鹹蛋黃真係超正，蛋黃碎勁掛雞😌，食落脆口咸香又啖啖肉🤤，真係食唔停😂。而另一款甜辣炸雞就另一種感覺，味道唔會太辣，沾滿醬汁，雖然係外賣，但依然係脆👍🏻

3pm前有lunch set, 揀一款主食（有各種味道嘅炸雞， 人參雞湯等等）就可以任攞泡菜、飲品同埋炒粉絲。叫咗蜂蜜牛油炸雞同埋咸蛋黃炸雞，去骨啖啖肉。剛炸起啲雞熱辣辣超好食，不過食埋泡菜粉絲就超飽，食咗一大半雞都飽飽喇。飽到9pm真係誇張🤣泡菜係新鮮脆口，但我覺得淡味啲。粉絲好夠味好食！午餐係抵食大概$80/人，最緊要係好食嘛！不過任攞區喺餐廳最入嘅位置，啲碟仔都有污跡，呢方面侍應要留意下清潔同埋refill。

難得嚟到觀塘，嚟到呢間位於APM隔離嘅商場-亞太商場，非常方便，因為好近地鐵站！ 方便喺APM行完街過嚟食 嚟到呢間韓國餐廳，必定要點呢度嘅人氣炸雞🍗，佢有好多炸雞款式選擇 ，如果驚太氣亦都有烤雞選擇， 兩款雞都有好多味道選擇！ 我哋叫咗一款推介炸雞-香辣炸雞，老婆唔食得辣，所以我哋另外叫香蒜炸雞。 餐廳容許選擇兩款口味，價錢為$238，啱晒有選擇困難症嘅我哋 我哋一致認為香辣脆雞非常之好味，其實佢係甜辣炸雞，辣度適中，非常之惹味😍另外我哋仲有叫咗呢度嘅人氣芝士雞蛋捲，一上枱非常吸睛😍我哋都急不及待要打卡👍🏻$128 一份，份量大份， 而且雞蛋好香滑，切開非常驚喜，因為好多芝士流緊出嚟，一啲都唔慳 啱晒芝士迷呢度嘅飲品唔係好貴，我叫咗杯凍柚子茶$3x 大大杯，配炸雞一流！

星期六過來呢邊搵嘢食，係樓下排左幾條隊先上到去，但一切都係值得嘅🥰.門口餐牌已經好吸引，超多唔同樣式嘅韓國料理。.超鐘意食炸雞，來親韓國店都必食，今次都唔例外。😁.🌸黃金鹹蛋脆雞 有骨 $148一端上來就聞到濃郁嘅蛋黃味，蛋黃包裹住炸雞🍗，肉質鮮嫩多汁，外脆嫩軟。份量係半隻。有得揀有骨同冇骨，我鍾意有骨，鍾意慢慢啃嘅感覺🤣.仲贈送醃蘿蔔，可以解一解炸雞嘅膩味，酸脆爽口。.一口炸雞一塊蘿蔔，無敵絕配！