Dodam Chicken (1亞太中心) (已結業)

觀塘apm隔離1亞太中心，係一棟餐廳滿佈的大廈！每層都有各自特色的餐廳，dodam chicken就位於3樓環境寬敞,有sofa位亦有卡位，私隱度高！食物種類亦非常多！最capture到我係蘋果pizza！！可惜當日得我同媽咪，胃口有限，唔做大晒鬼！🌟蜂蜜牛油香蒜焗烤雞（$188）係一隻全雞！啖啖肉！相比炸雞烤雞較為沒有那麼熱氣，但滋味程度並不失色！蜜糖中和油膩感，外加幾片杏片，Yumyum🌟千層酥薄餅（$88）餅皮係酥皮，鬆脆又香口，比一般pizza底更易消化！加埋kimchi同芝士，越食越開胃！（太肚餓都忘記了影相）💡💡💡💡💡💡💡💡💡💡💡💡💡💡💡如果係觀塘區想食韓國嘢，Dodam chicken係一個不錯的選擇。地方大無限時選擇多，聚餐好地點！🏮 Dodam Chicken (1亞太中心) (觀塘)觀塘觀塘道414號1亞太中心3樓1號舖

超邪惡😂炸雞仲要加咸蛋黃，不過好滿足😍😍如果你鍾意食黃金炸魚皮，你都一定會鐘意依款，上碟都聞到好香咸蛋黃味，仲要勁多咸蛋黃粒粒係面😂😂炸雞的皮都算炸得脆，炸雞的肉都好嫩好多汁😋 另外，依間店都好細心，有手套提供，唔洗怕整污糟隻手👍🏻有一碟酸蘿蔔解油膩😋芝士雞蛋卷超多芝士，仲要拉芝，d芝士係咁流出黎😂加埋上面我們嘅茄汁同芥末醬，超正！另外，餐廳的裝潢都好靚，位置都好大，坐得好舒服，好岩一班朋友唱水食飯🥰我去果日係星期日 所以無set lunch，佢地平時set lunch都幾抵😍 觀塘做野既朋友好方便🥰

上星期同同事嚟呢間食韓國菜，鐘意佢呢度可以自己任夾泡菜同埋炒粉絲， 唔洗次次叫店員refill泡菜咁尷尬！泡菜唔會太酸太辣，味道適中的。炒粉絲就次次來都會食一碟仔，雖然係免費，但到落足料！！好有誠意！粉絲炒到岩岩好，又唔會太乾或者漿住我最鐘意食佢嘅烤雞，感覺上健康，岩減肥女士。所以我就叫左佢個韓式辣焗烤雞lunch set，包埋飲品係70幾蚊咋！呢個價錢但有半隻雞嘅份量，好抵食！雞皮邊帶有少少微脆，雞肉肉質實且嫩滑，唔會老柴，特別係雞脾位。配菜沙律有加芝麻醬，所以都唔錯，幫助解膩。同事叫左牛排骨湯，$92但勁多牛排骨件件都好大舊，好抵食。呢度啲lunch set 都有好多款式，連pizza 都有，所以同同事成日黎食

又有一排無食韓式嘢🍗，好掛住食韓式嘢嘅滋味，所以就近近地去咗觀塘嘅dodam chicken🐥。今次食咗pizza同BBQ魷魚🍕🦑，都唔差果喎🤟🏻！.半半簿餅（$158）Gorgonzola + Black Truffle & Mushroom Pizza呢款Pizza係薄脆底，食起嚟一啲都唔膩。加上1個Pizza有2個口味，絕對滿足到多心嘅草根😬🤟🏻。芝士鹹香味突出🧀，加上香甜嘅蜜糖🍯同脆卜卜嘅杏仁片做餡料，味道討好，令人食唔停口。另一邊嘅松露pizza以茄醬做底🍅，瑞加上芝士、雜菌同松露醬。松露味夠香加上微酸嘅茄醬完全唔膩，好食！.照燒汁焗魷魚（$158）Oven Baked BBQ Squid原條魷魚價錢都有少少貴🥲，不過燒得夠香又真係幾好食。算係燒得夠乾身，尤其係魷魚頭同觸鬚位特別香口😋，肉質唔會韌，同時加上香甜嘅燒汁味道真係唔錯㗎🦑。.Menu

令我要寫這間店的食評，全因為店員的殷切服務。當日炎夏入店後不久，隔離檯卻有人說冷氣太猛了，吹到很不舒服。職員即時很緊張關低空調及風。可惜我因為體質問題，很快已感到空氣極之不流通，頭也開始漲痛。無奈左右兩檯的客人之前都投訴冷氣太凍了，我都不好意思開口要求調節冷氣，唯有在手袋拎了紙扇出來搖晃著。沒想到很快一位男職員察覺了我的不適，主動埋來跟我溝通，並即時再一次去調教。這一次，隔離檯沒有覺得凍，而我亦都感覺到空氣流動了，不像之前那麼悶焗。這是我第一次遇上觀察入微又細心的餐廳職員，印象非常深刻。輪到講食物，炸雞非常惹味，甜點份量不小氣，打卡拍照的好選擇。我因為愛喝人蔘雞湯，所以也點了一份。湯入面有一隻小鮑魚，我把它給了女兒吃，而雞不是全雞或半雞，而係一隻大雞脾，吃起來就是啖啖肉。整體來說，食物味道沒有話特別特別好，但亦不差，起碼這次來了，感覺會再來，所以值得給一個舔舔脷公仔。食物價錢方面不是街坊價，單說人蔘雞湯已比九龍灣另一間韓店高出差不多100元喲！所以下次來，我會揀吃一些在別家店吃不到的菜款。

其實之前已經食過Dodam Chicken，但上次2個人食發現食物份量好大，唔可以叫好多嘢之餘又好容易滯。今次一於叫多2個朋友一齊去，可以試多幾款野😍🤟🏻。近近地去咗觀塘分店，感覺好似好食過上次嘅銅鑼灣店。.呢度嘅芝士麵包炸雞好出名，不過由於叫咗烤雞我哋就轉移叫個類似嘅芝士麵包炸物。鐵板上有齊炸薯條🍟、蕃薯條🍠同薯角🥔，炸得唔油膩之餘調味幾好。重點係中間有個裝滿芝士嘅麵包盒🤩。芝士流質唔會太杰🧀，用嚟點炸物就啱啱好！食到最後連個麵包都可以食埋，唔單止浸滿晒芝士，仲要係用咗鬆軟嘅提子包🍇，軟身又香甜，好食❣️。.烤雞份量好多，4個女仔每人都有3-4件夠晒食😙🤟🏻。除咗雞胸外，其他部短肉質勁嫰滑，食落啖啖肉又Juicy🐓。外皮唔會油膩，蒜味超級濃🧄同時蜜糖味都好突出🍯，唯獨喺有啲位醃得未夠入味，如果可以鹹少少應該會更好食😝。.

亞太中心嘅dodam chicken喺3樓，都幾大間一出𨋢就見到。因為去到tea time，店裏面都冇咩客人，我地獲安排坐卡位，相當舒服。窗外就睇到一班又一班嘅港鐵經過，加埋後面嘅樓景，望落都算舒服。餐廳menu有各種炸雞，烤雞，pizza，韓式小食同經典嘅韓國湯類。我地見menu相入面嘅蜂蜜牛油芒果無骨脆雞望落幾吸引同特別，就試下啦～蜂蜜牛油芒果無骨脆雞份量好足，炸起夠乾身，雞肉都算嫰滑，火候啱啱好。芒果同雞件大大粒撈埋一齊。蜂蜜牛油醬食落香甜，仲有少少杏仁片，幾好咬，未試過甜味炸雞的話可以一試！鮑魚人蔘雞湯，鮑魚都算係鮮甜，但就同韓國傳統人蔘雞湯有少少唔同，唔係用一隻雞包住糯米，紅棗，栗子等一齊煲。而係用左兩隻大雞脾，加人蔘，紅棗，栗子喺湯到一齊煲，味道都唔錯，人蔘甘香而冇咩澀味，湯底都有少少人蔘味，仲加左粉絲落湯一齊煲，幼滑亦吸左唔少湯汁，都算唔錯。因為朋友唔飲酒，所以我地飲品就叫左apple cider soda. 飲落同啫喱粉號味道有少少相似，不過唔算好甜，飲起上黎有汽但都算清清地。

平日想食個豐富嘅tea time lunch,同朋友一齊去左觀塘亞太中心嘅dodam chicken 食韓國菜。之前都有食過銅鑼灣分店，覺得味道唔錯，坐得又舒服。 食物方面，我同朋友二人叫左蜂蜜牛油芒果無骨脆雞同芝士烤豬肋骨。 飲品就試左apple cider soda, 飲落夠氣，都幾清新。 蜂蜜牛油芒果無骨脆雞味道係偏甜嘅炸雞，無骨食落啖啖肉，每件嘅大細都可以一啖或者兩啖食哂。醬汁平均裹住每一件脆雞。芒果味道正常，少少酸甜加埋脆雞都幾夾。醬汁都充滿住蜂蜜味，炸雞連酸蘿蔔一齊上，間唔中食一兩粒解一解膩又可以再食多一兩件。 而芝士烤豬肋骨，用鐵板上，成個鐵板佈滿芝士，豬肋骨有6至7件左右，旁邊就有少少沙律菜。一夾起芝士拉絲程度再轉返幾個圈先整得斷。豬肋骨味道偏甜，同軟綿綿嘅芝士一齊食又係一番滋味。 餐廳光猛，位置之間都有間隔，適合同朋友小聚。

約左朋友 平日放工黎試韓國炸雞！餐廳係主打韓式炸雞 餐牌淨係炸雞都有幾樣野揀不過見到menu 有烤雞 相比之下我鍾意食烤雞多過炸雞 所以我哋就揀咗烤雞☺️烤雞都有幾隻味 由於係第一次是我一定係揀原味 另外仲揀返個澱粉質見到芝士年糕配拉麵 勁邪惡😈芝士+年糕+拉麵辣辣地 又夠熱👍🏻 仲可以拉絲 碟雞上枱 我地好驚訝 原來係咁大份😱四隻雞髀兩隻雞翼 下面仲有雞身😂佢有跟一下份韓式辣醬同埋蜜糖芥茉醬我好鍾意佢嗰個韓式辣醬 佢少少酸酸地 又辣辣地重點當然係碟雞 雞皮係脆🤭 入面既雞肉滑 呢碟雞仲跟咗一份韓國醃蘿蔔 都係酸酸地同埋好想讚下 兩份食物都係熱辣辣咁上就算食到最後一件雞 都唔會話凍左👍🏻

今日個女🎉生日🥳決定去呢間韓式餐廳試試水溫，我哋三代同堂加工人姐姐，一行四人，點咗🥘五款食物加四杯飲品🥤因為生日，所以有九折，埋單八百幾蚊，唔算貴😊環境都算坐得舒服，因為有老人家，略嫌音樂大聲咗少少🤏🏻蒜香雞同韓式辣烤雞味道唔錯，但烤得唔夠脆，有啲鞋口韓式辣雞，一啲都感覺唔到有辣味😅不過都好，老人家都食得蕃茄卡邦尼年糕味道香濃，又多汁😋佢採用嘅韓式年糕，唔係間間韓國餐廳都有呢種口感，煙韌得嚟夠滑身，讚👍🏻海鮮泡菜煎餅味道都唔錯，唯獨又係唔夠脆口人蔘鮑魚雞湯呢個得🥰味道濃郁，人蔘味十足，唔欺場👍🏻飲品唔記得咗影相😬總結: 價錢，環境加食物質素= 等着我回來

一直掛住韓國嘅人蔘雞湯，但疫情影響冇得飛，惟有喺香港揾好嘢歎。餐牌好吸引，選擇夠多約埋好友出觀塘食晚飯，韓式風味餐廳嘅鮑魚人蔘雞湯係必選。湯端上來就聞到極甘甜人蔘味，材料豐富，當然有鮑魚、人蔘及鮮雞，仲有冬菇、粗粉絲及金菇煲得出味，奶白色嘅湯，啖啖透出蔘味，鮑魚及雞肉依然嫩滑，飲湯之餘仲可以食埋啲湯料，滋潤保氣又飽肚，兩個人啱啱好。再有韓式海鮮煎餅，大大塊煎得金黃色，薄身而香脆，當中嘅海蝦及魷魚鬚，充滿鮮味，夾雜住韮菜，更惹味。飲品就試吓Mango Milk Shake，夠大杯可以兩個人share，飲落唔似一般milk shake咁杰身，上面係輕身嘅泡沫，好滑；下面係芒果奶味，甜度剛好，入口唔會太漏，冰凍透心涼。但如果芒果味再突出啲就完美喇！餐廳座位舒適，燈光佈置合適，歎美食一流。總括嚟講，好味指數爆燈！

兩口子今晚外出撐枱腳，老公喜歡食炸雞，就近近地喺觀塘揀咗間韓式餐廳試試。內部簡單裝修但型格，地方好寬敞，餐枱與卡位同樣闊落，坐得舒服，冇侷促感覺。熱辣辣炸好的黃金咸蛋脆雞出場，即時透出咸蛋黃的甘香，雞件份量頗多，急不及待要試。咬落肉嫩多汁，外皮炸得乾身脆口，唔覺油膩，咸蛋黃嘅咸香與雞肉鮮味融為一體，韓式醃味果然另有一種風味，Very Good👍🏻！另一款韓式炒牛肉粗粉絲，牛肉切得蒲身，好入味，粗粉絲質地似紅薯粉，又似河粉，吸收晒甜甜地嘅韓式醬汁，煙煙韌韌好好味，正呀！加多杯柚子Yogurt Smoothie，夠冰凍幼滑，奶味香濃，但冇蓋過柚子獨有嘅清甜味，而且仲飲到有柚子碎粒，好特別。韓式食品啱口味，有時間再試多啲款式。

最近天氣涼左少少，最岩食韓國野，食d辣辣地熱辣辣嘅最岩了！去觀塘1亞太中心搵食。見到呢間韓國炸雞店去試下！我地2人先嗌黃金鹹蛋脆雞（無骨）份量勁多丫！2個人食吾晒！而且可以揀無骨嘅，食落啖啖肉好香脆，又好香咸蛋味！即嗌即炸好惹味，食到人熱辣辣！另外值得一讚嘅係食完呢唔覺得口渴！平時應該勁口渴，佢吾會，所以我估應該唔係加咗好多味精，應該真係炸粉同咸蛋！味道好好食！而且炸得岩岩好，雞仲好滑同吾鞋，整體吾錯！仲有好多雞款可以嗌下次再試先！除左炸雞仲有蛋卷，年糕， 部隊鍋，泡菜薄餅等等，都好多選擇，下次一大班fd來可點多d野食！下次再試！

喺觀塘食韓國野好多時都會去小火焰，今次見亞太中心原來開咗間韓國野，啲相同菜式都好吸引，見8點半仲有8折添，就決定試試⋯點知中伏了☠️⚡️✍🏻 / 黃 金 鹹 蛋 黃 脆 雞💵價錢：HK$148 / 半份🔘整體美味指數：❤️❤️🤍🤍🤍可以揀有骨或無骨，我都係鐘意吮骨多過食肉，就叫咗份有骨。其實我揀呢間野食最主要都係衝住呢碟雞嚟，因為見網上啲相真係好吸引、好惹味！點知一上菜，半份嘅份量原來真係好小，5舊左右（HK$30/舊😂？），我仲以為會唔夠分，點知我最後只係勉強食咗一舊⋯因為完全食唔出鹹蛋黃味，仲要係甜味多過鹹味，個甜味仲要唔係蜜糖雞翼嘅甜，係好膩嘅甜！同埋鐘意炸雞嘅朋友要留意，呢碟只係「脆雞」，唔係「炸雞」，所以冇炸粉㗎。✍🏻 / 鮑 魚 人 蔘 雞 湯💵價錢：HK$168🔘整體美味指數：❤️❤️🤍🤍🤍雖然個湯都幾足料，有1隻鮑魚、2隻雞脾、紅棗、人蔘、粉絲、雜菌⋯但唔知點解煮出嚟完全冇人蔘味，冇雞味，淨係飲到好重嘅味精同好鹹，真係好鹹 鹹 鹹！呢鍋湯其實網上都幾多好評，但我完全食唔到人哋口中講嘅「甘甜人蔘味」、「藥膳味」、「滋補嘅味道」😞⋯埋單時朋友畀咗錢先，我都冇為意幾錢，事後驚覺佢冇幫我哋

好耐冇食過韓式炸雞，今晚約咗朋友去觀塘呢間分店，餐廳好闊落，職員仲安排咗窗口位置，卡位坐得好舒適餐牌嘅選擇好多，連炸雞都有幾頁選擇揀咗黃金鹹蛋脆雞，份量好多，外皮炸得好酥脆，鋪滿鹹蛋黃碎，食落好香好惹味肉質炸得剛剛好，唔會太乾，好有驚喜另外叫咗個鮑魚人蔘雞湯，用料好豐富，真材實料，有一隻鮑魚、香菇、雞肉同粉絲用心熬製嘅湯好補身，尤其適合冬天食，份量都唔少，人蔘味夠濃，粉絲吸滿湯汁另外叫咗杯雲呢拿奶昔，味道唔會太甜，但個人認為雲呢拿味可以更加重，配上炸雞食可以消滯職員態度友善，上菜速度都算快，餐廳亦好乾淨，下次可以試吓其他菜式