Dodam Chicken (1亞太中心) (已結業)

dodam chicken 喺觀塘開咗幾個月，呢區唔算多炸雞店，地點喺APM隔離。平時呢座大廈食晏時間好多人排隊等lift, 好在dodam 可以用扶手電梯直達。平日食啦都有一定熟我嘅人要等位，今次等咗15分鐘。menu當然唔少得雞，分別有炸嘅同埋焗嘅。味道都超過20款，今日order蜜糖焗雞。人少少可以order半份，上枱熱辣辣，有手套可供選擇，可以盡情咁食。雞皮脆可可，粉漿好薄。 芝士蟹子蛋捲好大份，切開芝士流心，幾過癮。上枱用木砧板，方便大家切蛋件。原來蛋加芝士配上雞都幾match，在加上支裝啤酒terra，好享受一個愉快嘅下午。下次要食鐵板芝士拉麵年糕，感覺好邪惡，但係我最愛嘅芝士年糕。通常一碟年糕應該未必食得晒，這配搭加上拉麵感覺冇咁重澱粉質。