CHEF STAGE de Eddy Chu (已結業)

餐廳環境安靜休閒，很適合和朋友忙中偷閒品嘗下午茶。由於樓層高企，加上落地玻璃，餐廳不遠前就是維多利亞海港，不但嘆到美味的下午茶，更是海景收入眼簾。細味著精緻的下午茶又能看到日落的景色一邊和好友暢所欲言。以下是下午茶餐牌令我最為深刻的是海鮮拼盤，賣相吸引，有:生蠔、 鮑魚、 日本刺身、 帶子、 鮮蝦聖子和刺身。當然不少得配上1杯白酒(跟拼盤送的)。生蠔又甘又甜~其他的海鮮當然也非常好吃~!餐廳用料新鮮，有特製的醬汁配合，價錢又相宜。配上白酒法國鴨肝醬配熱脆麵包，法國鴨肝醬呈現方形的磚，味道不算很濃，鹹鹹地咁，無咩特別。而麵包夠曬香脆，整得啱啱好，好滿意，作為下午茶最好不過了！配上藍莓和菠蘿粒，充滿水果香。最後還點了一個朱古力脆脆蛋糕，顧名思義可見到面頭有啲脆脆，味道超級好食， 朱古力味香濃，cake身食落去個質感比較硬身，帶點牛奶味，配上雲呢拿雪糕，滋味無窮！！

是日小妹生日及結婚記念日，難得第一次真正慶祝，老公搵左間高質靚景既地方~~今次真係不得不寫，平日係CD既我，都忍唔住手老公一早訂左枱，所以唔使等已經入去最終決定叫一個2人餐，因為散叫太多選擇，唔使諗咁多而且都有個海鮮拼盤，包2杯酒，但我地兩個都唔飲酒，所以加錢轉特飲菠蘿薄荷，比較清新士多啤梨 藍莓，比較甜，好少女feel好快頭盤就黎到，都唔少野食，有蠔，蝦，鮑魚，帶子，全部都好新鮮，唔需要任何調味料都得黑松露湯，夠濃味，creamy，唔會太杰連殼田螺，個汁比較咸，配薯蓉啱啱好，殼由面粉做成，好有心思黑松露年糕，年糕夠冧，配個汁非常夾，食完呢個已經六成飽主菜終於上場，烚龍蝦同肉眼（4成熟）龍蝦-夠原汁原味，肉彈牙，好甜，蝦膏美味肉眼-四成熟剛剛好，夠嫩滑，牛味夠兩個配上蕃薯蓉，無一般配薯蓉咁悶但真係好飽，所以食唔曬最後上甜品，因為老公比較低調，無同人講係任何記念日，所以甜品無特別加上蠟燭，但已經夠曬好味道做成一個凍心太軟感覺既朱古力旦糕我地走時都好夜，老闆浪子走出黎同我地傾計，佢人好nice，而且都會接受客人的意見，有機會下次再去

今天係同男朋友既紀念日， 想搵一個有情調嘅地方但又唔想食buffet，係open rice 見到都幾多人喺度慶祝紀念日或者生日去，所以即管試吓！🤓🤓餐廳唔算大，分開咗左右兩邊，用廚房做中間分界。但係兩邊嘅位置都有景睇，一邊係望尖沙咀海景，另一邊係望住尖沙咀夜景，所以環境都算唔錯，見到都好多對情侶或者閨蜜過嚟撐枱腳😇餐廳有二人套餐叫， 但係因為我哋想試多啲唔同嘅款式，所以就選擇左散叫。手打蟹肉湯：味道十分濃郁，真材實料，湯入邊真係有蟹肉同埋好香蟹味，唯獨係湯太細碗，唔夠喉。法國蘑菇拼德國肉腸： 呢個配搭幾新穎未試過，濃郁的忌廉汁配上淡味既蘑菇，再加埋鹹鹹地肉腸， 啱啱好中和返👍🏻黑毛豬仔包：廚師好有心機地用將烘脆左既豬仔包上面塗上蜜糖芥茉醬取代一般會用嘅牛油！而黑毛豬肉肉質鬆化，再配埋豬仔包，味道十分之夾😻連殼都食得嘅田螺： 廚師將田螺嘅殼都整到可以食得！初頭我都唔敢咬因為驚個殼會太硬，但係一食落去好似食薯條咁淋，配埋香草蒜蓉醬同薯蓉，好滿足，因為我本身自己都鍾意食田螺！慢煮肉眼扒： 佢侍應所講呢塊牛扒係同一般好與別不同，廚師將佢慢煮到四成熟。的而且確，慢煮鎖住肉汁之餘，牛扒肉質唔會韌👏

餐廳分了2邊，如果坐近窗邊，可以望到尖沙咀漂亮的夜景。環顧餐廳內都坐滿了食客，如想一試，大概先預約會比較好。餐桌排得有點密，坐位雖然不算太大空間，但依然舒適，配合上輕鬆的英文歌，都是一個幾適合朋友傾計聚會。乳酪鮮蝦芒果雜菜沙律($158)因為有大蝦﹑蕃茄仔﹑新鮮沙律菜﹑芒果等，顏色十分豐富，單看已經令人心情愉快增加食慾。大蝦夠大隻，而且彈口結實，實是好吃。蔬菜新鮮，芒果又夠甜，加上乳酪醬的微酸，味道很搭。最特別的是沙律椰子味爆珠拌在一起，咬落去有椰子味流出，令味道更多層次。海鮮冬陰公湯($88)冬陰公湯偏甜，但加上不同香料的味道，帶有微酸，十分開胃。湯偏濃稠，加上一點忌廉奶，令質地更幼滑，味道好濃。海鮮有魚和鮑魚。魚完全唔腥，肉質很滑溜。鮑魚很軟及彈牙。慢煮美國牛肉眼($388)一直都覺得牛扒4成熟是最完美的，既能保留到牛肉本身的鮮味，又能感受到肉質的柔軟。這裡就以慢煮方式烹煮肉眼，所以能完美做到大約4成熟左右。肉眼扒很厚身，14OZ足夠我和友人一同分享。因為這塊肉眼脂肪比例很好，能輕易地把肉切開。切開後不會流出好多血水，看到外層煮熟而內裡還是漂亮新鮮的粉紅色。由於脂肪比例很好，就連脂

男友又帶我食好東西，今次一啲都唔hea, 揀左呢間有靚景有情調嘅餐廳。研究左menu好耐，諗左好耐叫2人餐好定散叫好，最尾決定散叫，flexible 啲，可以試試侍應哥哥誠意嘅推介。燒呑拿魚沙律 $128呢個係餐廳新菜式。吞拿魚有4-5大舊，每舊都燒至四邊微焦，入面魚肉保持嫩滑彈牙。沙律菜新鮮爽脆，加入菠蘿、車厘茄、爆珠，酸酸甜甜而且口感豐富，最令人驚喜嘅係個沙律醬，mix左少少wasabi, 為味覺帶來刺激，夠特別！沙律份量同滿足感可比美main course, 抵食！燒BB鴿 $98再黎個熱頭盤。呢度嘅BB鴿唔係主打皮脆，而係主打肉汁多、嫩滑，鴿肉充斥著茴香味，真係令人一試難忘！大廚建議用手食更滋味！冬蔭功海鮮忌廉湯 $88呢個湯真係好好飲，一定要試，第二度真係食唔到！冬蔭功味十足，夠辣夠酸，海鮮用料唔會hea你，有鮑魚、蝦、魚，夠鮮味，加上忌廉，令湯飲落滑啲，唔會嗆喉。黑松露年糕 $98黑松露味好出，白汁夠creamy，年糕夠煙韌，每一塊年糕都被白汁同松露香包裹住，正！銀鱈魚䭝海鮮 $258呢道菜係chef's special, 真係不得了，一個字，鮮！大廚選用左多款海鮮去䭝煮，

跟朋友慶祝生日，選了久仰大名嘅Eddy CHU餐廳，地方比較峽窄，枱與枱之間都較為貼近，畢竟是尖沙咀吧！Lunch set $128-158， 免加一， 基本包沙律、餐湯，麵包等，另可加$48有海鮮拼盤（熟蝦、帶子、生蠔，象拔蚌刺生，熟鮑魚各一）認真抵食。我們三人選了一份海鮮嘗試，餐湯是雜菜湯，並不簡單，用了牛肉粒來煲，可惜有一友人戒牛肉的，湯到來時才發現，但餐廳的四眼仔哥哥很窩心，特別為朋友再弄沒有加牛肉來的湯😊我和朋友各選了$158 羊鞍，另一友人個選了黑毛豬，我們的羊架大件夾好食，出面餐廳普遍都係細件，肉質鮮嫩爽口， 至於黑豚肉扒便不是我杯茶，總括而言，價錢合理，食物有質素，會再來的。

亞士厘道真系美食天堂， 除左街鋪， 還有千千萬萬的樓上食店可供選擇, 今次 CHEF STAGE 就在亞士厘道的樓上店。餐廳景觀開掦， 從玻璃窗向外望， 一望無際， 餐廳情調非常浪漫，啱曬情侶拍拖。想食好d? 二人精選晚餐，承惠$1388，食物很豪華，我地今次食平dd, 炒散。Fantasy Holiday ($98 alcohol free /draft)顏色奪目, 用新鮮士多啤梨及紅莓打成果汁, 再加上Cranberry Juice, 青檸汁等調較而成, 清新果香, 還保留了少許果肉, 有得飲又有得食。BB 乳鴿 ($98/隻)服務員極力推介, 剛剛走油後，立即上檯, 乳鴿還熱辣辣香噴噴。 廚師火候拿捏得剛剛好, 乳鴿皮很薄, 由於唔系深炸, 只系輕脆, 乳鴿肉肉汁飽滿, 嫩滑又 Juicy, 鴿肉帶淡淡的滷水清香, 好得。吞拿魚沙律 ($128)配料豐富, 顏色豔麗, 兩個人份量啱啱好， 沙律菜很清新, 配上新鮮菠蘿及臺灣檸檬爆珠, 口感豐富, 加上醋汁酸酸甜甜，越食越想食。吞拿魚略煎香, 嫩口。燒黑毛豬 ($188)黑毛豬加入少許黑椒粒及海鹽調味煎香, 配上菠蘿、南瓜、脆肉瓜片

Chef stage是吃過想再吃，亦想推介身邊的朋友吃的一間餐廳。上次點了一個二人餐，實在太豐富了，所以今次選擇了單點。*Warm Tuna Salad ($128)沙律用上黑醋和橄欖油，亦少有地加了新鮮菠蘿，再有乳酪味的珠珠，真的很特別。熟的吞拿魚每一件都很大舊，煮熟了更能散發魚油的香味。*Truffle Mushroom Soup ($88/pc)這個湯的水準和上次一樣，黑松露味濃！*King Prawn Toast ($168)這是一件巨型蝦多士。的確是很有睇頭的，不過味道就比較普通，蝦味不夠突出，點芥末醬吃會更好。*Iberico Pluma ($188)這是黑毛豬肉眼蓋，肉質很爽口，但又帶點淋。店員說，吃的時候先吃一口菠蘿，再吃肉。黑毛豬可以生一點食*Lamb T-bone ($198)羊扒就真的吃得多了，羊T骨就真的第一次。羊T骨的肉質沒有羊扒的淋身，是比較實一點的，而且個人認會羊味沒那麼重。*Fruit Tea Cooler ($40/pc)今次覺得太甜這杯是新鮮菠蘿、菠蘿汁、青檸和薄荷葉打成的，個人覺得比較清新一點，和少一點甜。

Chef Stage de Eddy Chu食物不錯，大廚Eddy Chu入行超過三十年，任職過多間星級酒店及會所，廚藝經驗豐富，曾得過不少奬項，除了擅長法國料理， 還會在餸菜內加入不同食材, 創作出創意美食。餐廳環境優美，還可以看到尖沙咀夜景，景色也很吸引，坐在餐廳享受美食，也是一件樂事。******************************位於尖沙咀亞仕厘道的Chef Stage by Eddy Chu，我是第一次來的，一直都聽說食物不錯，今天終於可以相約朋友前來，一起來品嚐一番。餐廳的環境和燈光配搭很舒適，只要出電梯，便看見接待員，然後便分為左或右2邊的地方入座。Open Drink Pineapple Mojito HKD116，一樽可以分配到4杯的份量，都幾抵飲。用上新鮮菠蘿、冧酒、青檸、薄荷和梳打水調製，酒味不重多了點菠蘿汁的清香在其中，合適不愛濃列酒味的人仕飲用。色，兩款都好啱女仔飲！Irish Rock HKD50/隻，蠔雖然不算很大隻，但看上都幾新鮮。Irish Rock的蠔肚不算很飽滿，帶子位也不算大粒。入口海水味都幾重，口感都很Creamy，蠔味鮮味也很突出

俗語有云「男人不壞，女人不愛」，所以在情場中，浪子永遠都比君子受女士歡迎，但不知道有「西餐浪子」之稱的Eddy Chu，又能否受食客擁戴？事緣朋友說尖沙咀有一間西餐廳，有靚景有美食，主廚是曾為多間星級酒店任主廚的Eddy主理，正所謂睇戲都講卡士，有這個陣容，絕沒有不試試的道理，所以就促成了是晚的美妙飯局。＊＊＊＊＊＊＊＊＊＊＊＊＊＊＊＊＊＊＊＊Chef Stage位於有尖沙咀食街之稱的亞士厘道內的一棟銀座式商廈內，餐廳主要分成兩部份，佔了大廈整層樓面，約可容納三十位食客。餐廳燈光昏暗，透過一整排大玻璃窗，讓人更清楚看到窗外的景色，由於餐廳位於大廈高層，所以景觀都算開揚，更能遠眺灣仔會展。Irish Rock($400)Irish Rock體形不大不少，呈奶白色，有黑色裙邊。生蠔邊除了檸檬和茄汁外，還多了綠色的酸汁，不過個人吃生蠔比較喜歡不加任何調味，這樣才吃到生蠔的原味，當然如果吃平價自助餐的廉價生蠔又另當別論。這生蠔入口爽脆而海水味重，是我喜歡的口感。King Prawn Toast($168)一般大蝦多士比掌心還要小，而這個則有整隻手掌般大，真不愧King之名。蝦多士右手邊的是wa

今晚和老婆及家人都餐廳外出晚膳，之前吃過同為Eddy主理的西餐大排檔，有感食物質素不錯，今次也甚有其望。 蝦多士($168)，此處的烹煮方法和一般的有所不同，這裡用了大蝦，再釀落多士，多士面再塗上特製醬汁再炸，食落多了一份層次感。 西班牙黑毛豬($168)，很腍，豬以橡果餵飼，味道甘香！ 西班牙辣肉腸炒什菇，這道菜調味得宜，菇的清香加上辣肉腸的惹味，為味蕾帶來不同刺激！ 每道菜都看得出廚師的用心，值得推介！

今晚約了家人外出吃晚飯，常常吃中餐都悶了，今次帶他們出去吃好西～這家Chef Stage，小妹是第一次來，原來它是和銅鑼灣的西餐大排檔同一個老闆，那就要試試了！ 餐廳比銅鑼灣面積小，但景觀開揚，可看到幻彩詠香江！ 必食的當然是大廚Eddy的著名菜式，艾迪乳鴿啦（$98一隻）！不負眾望，保持水準，已調味的乳鴿先以低溫煮再炸香外皮，超入味，肉質鮮嫩無比！ Pineapple Mojito ($98/ jar)，把鮮菠蘿肉打成汁，再混入梳打和薄荷葉成這杯非酒精飯品，很fresh很好味！廚師特意打造這杯飯品用來清清客人的口腔再戰下一道菜的！ 下一道菜就是黑毛豬多士($168)了！未吃之前可以菠蘿香草先清口腔，此黑毛豬為Bellota，以橡果餵飼，肉味份外甘香，肉質亦很鮮嫩，加上多士，小妹認為這才是真正的豬扒包呀！ 吞拿魚沙津($128)，沙律菜夠鮮夠脆；吞拿魚微調味過再煎香，味道鮮美；加上乳酸爆珠，為沙律帶來甜酸感；麵包粒亦夠熱夠香脆，得！ 慢煮牛扒($388)，可以說是物超所值，超大塊！10安士也有！雖然是四成熟，但一點血水也沒有，廚師花數小時以慢煮方式去烤，肉質非常鮮嫩，牛味重，為高質素

來到 Chef Stage，今次算坐近窗邊，在19樓飽覽到維港夜景，夜景確實好靚。店員介紹了剛推出的mocktail 士多啤梨梳打 $40，以大量新鮮的士多啤梨、粒粒大藍莓製成，微甜帶酸，味道不作假，相當不錯。Pineapple Mojito $40這杯是以新鮮菠蘿汁、薄荷葉弄成，味道好清新之餘有少少薄荷涼涼的，店員說好適合其中一道菜。BB 乳鴿 $98跟中式酒樓的炸乳鴿有所不同，外皮不是脆，但一撕開是好嫩滑的鴿肉，流著爆多肉汁，好美味好juicy!! 法式繪海鮮配美國鱈魚 $258這個除了品嚐海鮮外，湯也是一個主打。片片鱈魚肉也是嫩滑無比，入口即融似的。不用說彈牙的帶子、煙韌的青口、蝦每樣也十分新鮮及充滿鮮味。而鮑魚經過磯煮後，既入味又煙韌，令人回味。第一次品嚐到「真正」鮮味的海鮮湯，鮮味中帶少少蕃茄酸味，相當開胃，更意想不到西菜中也有薏米。西班牙橡果級黑毛豬肉眼蓋 $188黑毛豬？菠蘿？跟Pineapple Mojito好夾！配菜是鮮甜的三色椒及甜美幼滑的紫薯蓉，一點都不馬虎。切開已有不少肉汁滲出，外皮有少少脆，內裡有嚼勁又juicy，完全鎖住到肉汁，如果覺得太膩，可以吃一口新鮮

生日正日當然係留番同老公慶祝, 老公同我講話已訂好餐廳同菜式, 要俾到我驚喜云云.是日一踏入餐廳就聽到正播著小野麗莎歌曲. 好喜歡Bossa Nova新派爵士樂歌曲, 能夠聽著喜歡歌曲用餐實在係一大享受.老公點選咗a la carte, 芒果蝦沙律好清新, 最喜歡好似珍珠奶茶嘅荔枝味珠珠, 佢冇珍珠奶茶嘅珍珠咁彈, 比較軟身, 一咬之下有荔枝汁流出, 配上車厘茄沙律菜會減少青草味.酒精飲品以外選擇咗蘋果粒果茶, 蘋果香甜味加上紅茶甜甜的很好喝.黑松露忌廉焗磨菇應該係新菜式, 如果同黑松露煮日本年糕相比, 我會覺得黑松露忌廉焗磨菇更加鮮味, 磨菇本身品質很高, 菇菌味濃郁, 再加上黑松露忌廉獨特幽香簡直係菇菌味滿瀉.燒牛舌配日本蜜糖芥辣係餐廳熱門菜式, 燒牛舌質感很獨特, 非常嫩滑軟熟, 外層輕輕烤過, 就算平日不食牛舌的老公都欣賞.主菜法國馬賽海鮮湯用大圓盆盛上, 感覺上很豪氣, 海鮮種類亦很多, 龍蝦開邊每人半隻, 龍蝦肉彈牙扎實, 口感鮮甜. 鮑魚帶子青口蜆各種海鮮都鮮嫩清甜. 海鮮湯欠缺魚肉沒有正宗馬賽海鮮湯的濃杰, 可能係改良以配合香港人口味.另一主菜西班牙黑毛豬肉眼蓋亦係餐廳

朋友話，最近響尖沙咀食過一間樓上餐廳，食物質素相當唔錯，所以帶我黎到呢間位於19樓既CHEF STAGE de Eddy Chu。 餐廳比較細小，唔少座位都坐擁無敵維港景，可能我地遲訂位，窗邊位無晒，要坐走廊位，有D逼狹，下次惟有早D訂枱。 Fantasy Holiday ($50) Pineapple Mojito ($50)先黎兩杯飲品。Fantasy Holiday由新鮮士多啤梨同藍莓打成，再加上伏特加、cranberry juice、青檸、士多啤梨酒等製成；Pineapple Mojito則用上新鮮菠蘿，配以冧酒、青檸及菠蘿汁、梳打水調製；前者甜美，後者清新，各有特色，兩款都好啱女仔飲！ 燒吞拿魚沙律 ($128)主角燒吞拿魚外層燒得香，內裡仍保持粉嫰，有魚香，唔錯；配菜更有驚喜，菠蘿清甜無渣，加上西柚味啫喱珠，一咬即爆，非常過瘾；個汁加入左青芥辣，少少嗆鼻既刺激感，成碟沙律配搭得好，讚！ 艾迪乳鴿 (每日限量，$98)呢晚食過最喜歡既菜式。據經理介紹，因為準備功夫多、醃製時間長，所以乳鴿每日只供應8至10隻。一拎上手，乳鴿熱辣辣，鴿皮被輕輕油泡過，酥脆得黎唔會乾身；更不