CHEF STAGE de Eddy Chu (已結業)

朋友生日，看了看openrice尖沙咀有什麼情調比較好的西餐，看見這家超多好評，便馬上訂座了。特別喜歡這個玻璃廚房，看到廚師忙忙碌碌的準備菜色。怖置也是很有情調，只可惜靠窗的座位都被預訂了。吞拿魚沙津，這個看似普通的沙拉，其實真是 「禾稈擒珍珠」，「珍珠」全藏在底了。蔬菜很新鮮，吞拿魚是七成熟。而且還有芒果爆爆珠，跟沙律竟然奇異的搭，沙拉也做得如此用心，令人不禁期待下一道菜。再來便是黑毛豬脆包，一上桌已經聞到陣陣香味。麵包很脆，裡面黑毛豬很juicy ，有少許肉汁，這個太好吃了！伴碟菠蘿酸酸甜甜很是開胃。我平時不吃包，章連法包也不吃，但這個我一個人吃了2件。松露煮原粒磨菇，上桌時侍應告訴我們，這個磨菇是從法國入口的。每一口都配上辣肉腸，清香和辣味加起來，味道不錯。磨菇煮得很軟，非常容易切。燒西班牙黑毛豬肋肉，肉質鮮嫩有彈性，簡單的調味已經非常好吃，伴碟薯蓉依舊清空了，特別喜歡翠玉瓜，煮得很軟。意粉，這個汁簡單卻很美味，蝦肉鮮甜，就算已經很飽，我們也把這個清光光了。菠蘿雪芭，賣相很美呀，拿來拍了很多照片。用菠蘿作容器的雪芭，濃濃的菠蘿香，非常清新。飲品，左手邊的是水果茶，清新消濟。另一杯

歌星嘅夢想係晉身紅館開騷……拳手嘅夢想係打上世界第一嘅擂台……政客嘅夢想係當選晉身特首辦……其實每個行業都有佢地嘅舞台，能夠在台上發光發熱3分鐘，台下何止3年功！……好似位於阿士厘道由Eddy Chu打造嘅"厨神"舞台，以高質法國菜攫取食客歡心，親嚐過後，驚喜連連，大呼值回票價！Encore!Encore!……驚喜1. 身處法國餐廳竟然有燒乳鴿食，與經理閒聊，他極力推薦，本來不抱期望，上碟見到色澤勻稱，細細隻鴿肉嫩皮香，而且唔會食到成口油，又唔太鹹，比中菜館更好食！驚喜2. 法式田螺去殼起肉再釀喺麵粉製成嘅仿真殼內，大啖大啖連"殼"都食埋，認真方便過癮！驚喜3. 蟹肉蓉搽脆包，作為前菜實在"太過份"，蟹肉仲要一大碗，撒上蟹籽香噴噴！驚喜4. 紐西蘭蟶子扁意粉，係咪fusion定正宗法國菜！？搭配新鮮我鐘意，唯一要彈蟶子略嫌過老，建議先蒸分半鐘備用，意粉上碟再鋪面淋汁即可！驚喜5. 西班牙黑毛豬七成熟，肉香濃盛結實不失juicy，調味後鹹香滿溢，稍嫌肥肉唔夠啫。驚喜6. 佐餐紅酒Sangria及Mystery Mocktail 充滿果香，為是晚菜餚加分！

今晚台灣男友來香港為我慶祝生日，我好開心也預先訂好了尖沙咀夜景最漂亮的餐廳Chef Stage de Eddy Chu, 可以一睹全香港最漂亮的夜景，實在太幸福了!首先的頭盤是Tuna 茘枝雜菜沙律，又香又爽口, 没想到真的很有創意的菜式令我的味蕾又增添誘惑!第二個starter 也令我驚喜，因為是一道特別的法國菜，松露煮法國原粒蘑菇，這個菜是由松露做汁，而用上每天新鮮大大隻磨菇，一定要和辣肉腸一起吃的，層次感很豐盛呀!艾廸BB鳹是不能缺少的一環，因為BB鳹又香又脆又嫩滑，真的百吃不厭呀!忌廉鮑魚冬蔭海鮮湯真的第一次喝，而這個湯夠酸夠辣，加上飽魚又厚又實，而且蝦又很爽口，男友超喜歡!黑松露蘑菇湯很濃又很氣，因為用了磨菇和松露，真的很夠誠意呀!燒西班牙黑毛豬是招牌必叫的菜，豬肋條十分香而且菠蘿把豬的味道帶出來，我們真的很欣賞!燒牛脷厚切，加上用了黑椒和海鹽，而伴菜又有紫薯泥，紅籮蔔和嫩豆角，真的很有牛的濃濃味香，没法抗距!特別的是還有神秘的兩杯飲品是由待應調整，mystery Cocktail 用上strawberry 做主題的特飲很清香，加上紅莓的香濃，口感一流!男友的薄荷Gin 酒也

捱過咗好忙碌好忙碌嘅一個星期，終於等到星期五可以同老公食返餐好嘢！左諗右諗，決定黎大廚Eddy Chu的餐廳，好好咁享受一餐晚餐。踏入餐廳，見到差唔多全場滿座，好在我哋book咗位，不過就book得比較遲，坐唔到窗口位，如果唔係坐係窗口位望出去都應該幾正。餐廳燈光幽暗，每張枱面都有小小的蠟燭，頗有情調。打開餐牌，發現好多野想食，又有比較抵食嘅套餐，但最後我哋就決定咗散叫。我哋叫咗兩杯飲品、三個前菜、兩個湯同埋兩個主菜，真係非常豐富飲品好快到左。左邊嘅係sangria，紅酒加左少少蘋果粒，酒味唔算濃烈，好易入口；右邊嘅係水果茶，又係酸酸甜甜咁，幾refreshing。兩杯飲品都好清新，喚醒晒我哋嘅味蕾，準備迎接呢餐豐富嘅晚餐。呢個乳酪芒果大蝦沙律真係必食嘅推介！講真，沙律其實只要蔬菜用料新鮮，個醬汁正正路路，就唔會難食得去邊；然而，呢個沙律突出之處係佢加左啲乳酸味爆爆珠（即係平時可以加喺珍珠奶茶或者泡冰嗰啲），加埋新鮮嘅芒果同蔬菜，仲有爽口彈牙嘅熟蝦，口感同味道都非常豐富之後就到烤乳鴿，佢上枱嘅時候，我哋好自然咁問個侍應有冇淮鹽，侍應就即刻同我地講，我哋試完就知道係唔需要點淮鹽的！果然，

早已留意Chef stage及旗下餐廳，欣賞主廚Eddy的大膽和創新，卻未曾到訪過，今天晚上決定來個晚餐，試試他所設計的菜式。店內環境較暗，配上適當燈光營造浪漫氣氛，加上有一角落為酒吧，絕對讓客人放鬆心情。先點了2杯酒，Sangria的紅白酒 $58紅酒果香味濃郁，十分易入口，絕對要一試，能令你對普通紅酒改觀。白酒很清新，不重酒精，配上蘋果粒味道頗特別。然後是海鮮冬蔭功湯 $88很特別的組合，冬蔭功湯底加上帶子，蝦和鮑魚，還有一點點的蟹籽。加了忌廉緩和了冬蔭功的香辣，卻又令人有衝勁一口接一口，不錯。黑松露蘑菇湯$68如圖一樣，料比湯多，濃厚的菇類讓嘴巴得到享受，但喜不喜歡則見人見智了，始終作為頭盤有點膩。再來前菜 黑松露蘑菇配辣肉腸 $98原隻蘑菇配上黑松露忌廉汁令人很滿足呢，辣肉腸偏鹹，配着同吃又是另一翻風味，份量絕不欺場。另一道前菜 牛脷豬仔包 $88豬仔包比較難咬開，而牛脷味道不濃，反而有種午餐肉的味道，相比其他菜式遜色了點。主菜 羊架 $258兩大塊七成熟的羊架，賣相不錯，切開生熟度亦剛好，肉質鬆軟沒有騷味，可是肥膏太多，左邊的肥膏被我切掉後仍剩下很多。特別的是用上了蕃薯蓉，比

見呢間西餐响好幾個 fd 子嘅都 ig 出現過, 又都係話牛排有水準, open rice 又多 lam lam 脷, 所以, 咁啱知道會有 cancel class 就預約定同鍾意食西餐食牛排嘅佢黎食食囉... 入門口呢個位其實幾醒目, 慳位得黎又做到吸睛效果~ 呢個 L位最正啊, 有客訂咗 所以我惟有厚頻去影張相當坐咗啦... XD相信坐近窗邊, 感覺會開揚得多啊~我 book 枱時無留意呢樣嘢, 所以我只能坐近牆邊門口位啦... 飲杯 解解渴 開開胃先~前面嘅係水果茶, 淡淡果香下係微澀嘅茶, 飲落都 ok 的;後面嘅係 maggie, 澀味葯水味頗重, 我飲咗一啖就唔願再飲鳥.. XD黑松露磨菇湯, 味道 ok呀 夾住細細菇粒粒~份量細細, 不過我反而覺得 arm arm 好, 因為我平日飲曬碗湯就有 d 飽感... XD冬蔭公海鮮湯, 我飲咗一啖, 我怕辣 所以飲唔落去鳥~大大隻帶子, 仲有鮑魚仔, 羡慕食得辣嘅佢~ 呢個豬扒包, 意想唔到地好味啊!!! 豬扒薄身得黎有著肉汁 配合 熱辣辣 香脆脆包包, 間住清甜金菠蘿 一齊食, 零膩感!!! 熱辣辣超多汁磨菇菇 搭住咸咸香香

今晚朋友生日，約左佢係尖沙咀區食飯慶祝佢生日，去左依間有靚夜景睇既西餐廳同佢食晚飯，本想食好少少叫海鮮，但最近佢因為敏感所以唔食得，所以特意叫左黑毛豬系列既菜式同佢一齊食首先點左兩個黑松露蘑菇湯飲下先，淨看賣相就已經見到蘑菇粒非常多，面頭落左橄欖油同忌廉，飲落非常香濃，完全唔會覺得有膩滯感松露煮日本年糕年糕用左黑松露汁煮成，每塊切得非常薄片，口感煙韌，而且松露汁幾濃又夠creamy艾迪乳鴿同一般係酒樓食到既燒乳鴿唔同，以度以烤煮方式煮熟，肉質爽嫩，但味道比酒樓食到既淡味，確實遜色左少少，同埋平時西餐禮儀都以刀叉為主，但店員建議我地用手拎黎食，確實第一次食西餐係用手食，非常有趣黑毛豬熱胞包賣相平平無奇，似普通豬扒包，但估唔到咬既時候，麵包外皮香脆可口，中間夾左芥末蛋黃沙律醬同黑毛豬肉，肉質軟熟同幾juicy，同脆包配搭得好好，另配左羅勒葉菠蘿粒，味道幾特別同出奇地夾，食完一口肉食粒菠蘿清一清又唔錯啵黑毛豬芝士焗飯芝士蕃茄汁味道適中，誠意在焗飯係用左蛋炒飲底，食落令飯更香，除左黑毛豬肉片外，仲有蘑菇片，整體味道十足某快餐店既焗飯，如豬肉片醃得入味點同軟熟點會更好吧燒西班牙黑毛豬肋條肉估唔到

一直與男友慕名Chef Stage de Eddy Chu的晚餐，可是預約了三個月都未有佳期，直到昨晚終於可以品嚐我們朝思暮想的美味。很幸運可以安排到靠窗的位置可以遠眺海景。心情也因此愉快起來。乳酪鮮蝦芒果雜菜沙律滿佈新鮮彈牙的蝦隻，淋上乳酪汁，鋪上鮮美的蕃茄，雜菜，享受多汁豐富的滋味。乳酪汁酸酸甜甜，芒果香甜開胃，品嚐驚艷創意的火花。水果紅酒與白酒味道香甜，果味濃郁但不像汽水死甜，紅酒葡萄味重，也很清爽，入口溫順。松露煮法國原粒蘑菇絕對是重頭戲，#黑松露 蘑菇一送上那香味就散之不去，一定要趁熱吃。蘑菇配料簡單，就是#香腸 與濃郁的黑松露，增添口味層次，融合蘑菇鮮甜，回味無窮。黑松露蘑菇湯聚集了蘑菇的精華，再用黑松露增添香氣，濃醇滑順的口感和松露的清香，這湯平實得來又好喝，相當不俗。忌廉鮑魚冬蔭海鮮湯夠酸夠辣且帶勁，加入忌廉後更是入口絲滑，海鮮也給得誠意十足。鮑魚處理乾淨，而且厚實，有勁的口感，淡淡甘甜富海味。半熟的帶子肉質軟綿細密，沒有任何腥味，吸收湯的精髓，吃完意猶未盡。燒西班牙黑毛豬「肋條肉」絕對不能錯過，肉質軟嫩不見血，簡單的搭配鹽就非常美味。肋條肉逆紋切法口感札實有彈性，油脂

朋友常常帶我食好野，有時間就帶我去食好野了，今天他就帶我黎尖沙咀搵好野食啦。朋友一開始就點了兩個特色既前菜俾我試下，一個是焗法國連殼食田螺，一個就是忌廉鮑魚冬蔭海鮮湯。焗法國連殼食田螺($128)好有心思地將螺肉察熟了之後就取出黎，然後用薯粉炸了一個香脆的外殼，以螺肉及醬汁都放入去新既外殼入面，而下面就放入薯蓉。一口將薯蓉及螺一齊食，螺中濃濃既醬汁就在口中流出，跟全部食物混合在一起令到薯蓉也十分美味。忌廉鮑魚冬蔭海鮮湯($88)這款是十分有特色的湯，在忌廉湯中混合了冬蔭功的味道，令人食到辣而開胃的味道，另外一方面用料十分豐富，有鮑魚，帶子等海鮮配料，配合上冬蔭海鮮湯，真是鮮味十足，是既新穎又好味的湯。香燒正宗法國羊腩($158)一般出外食飯都是食羊鞍比較多，第一次試羊腩，羊腩的脂肪豐富而不會油膩，廚師將羊腩的外皮煎得十分白脆，不會有油膩感。而中間的脂肪跟瘦肉是恰到好處的，入口由外皮的香脆再食到脂肪的油及肉汁流入口中，羊腩位置肉質肥美及嫩滑，還有香草的味道令羊肉味更加香騷。燒西班牙黑毛豬肋條($178)豬肋條是一個幾有趣的菜色，豬肋條的肉質有嚼勁，令你有豐富的口感，在咀嚼當中食到濃郁的醬

去尖咀或中環食飯，梗係要覺得對全住個維港食會開心Ｄ，所以好鐘意選擇高樓層餐廳，將景色一覽無遺！餐廳位於尖沙咀亞士厘道，交通便利，近地鐵站，餐廳位於19樓，景觀開揚，部分餐桌位置可欣賞夜景。但某些餐桌位置略顯擠逼，身形壯碩可能坐得唔舒服。一入大門口，就可以見到個開放式廚房，見到廚師細心料理！再行入Ｄ，又會見到個甜品同冷藏櫃。餐廳提供幾款晚餐選擇，五道菜，三百幾至四百幾不等，價錢都可以；唔鐘意都可以散叫！Cold Seafood Salad $168海鮮蔬菜沙拉中有鮮蝦鮑魚帶子，鮮蝦肉質細膩，鮑魚鮮甜又煙韌，帶子大隻而且沒有腥味，絕不是超級市場冷凍包裝貨，整盤沙拉新鮮提味Tom Yum Soup $88同樣值得推介的是冬蔭功海鮮湯，因為同樣有新鮮又美味的鮮蝦鮑魚帶子再加上冬蔭公獨特的香辣，刺激味蕾，賣相也非常好看，最鐘意佢超多蟹子，粒粒在口中爆發！Pork Bun $88脆脆豬個包真係超薄超脆，好似食薄餅咁，夾全住塊厚豬肉，好正！入口前可以食啖菠蘿同羅勒葉清清味蕾，個件半肥瘦豬肉特別香膩！Whole Mushroom $98三個超厚肉既磨菇浸於滿佈黑松露點既白汁中真係見到都流口水，個菇真係

這店是好值得細意品嚐的餐廳，今日又同男朋友來一起悠閒地慢慢品嚐一下！！今次更揀了下午茶時間，貪人少一點有７款Tea Set，生蠔當然不能少！而且這份生蠔set更會配一杯餐酒，諗都不用諗，海鮮當然配白杯啦！！＄１４８生蠔新鮮肥美，當中有１隻比較瘦弱，一啖滑入口，咸咸的海水味，不會過咸，好美味啊！！本身配有２款醬汁，謹記只要加少少吊吊味就可以啦～這裡的酒精都沒有令我失望，不會過酸，又不會太淡，一啖生蠔一口白酒，這就是享受。在日光微微落下時，感覺真的好舒坦！！！＊因為１杯係唔夠我地２個人飲，所以我另外再order多１杯。法國鴨肝醬配熱脆麵包＄９９鴨肝醬好幼滑，油香濃郁，一片脆包放上一塊鴨肝醬再加上碟邊的黑醋，多重口感，有脆脆的包，幼滑香油的鴨肝醬，濃郁酸甜的黑醋，食落去好過癮，好想再食多份啊黑醋更可中和一點油膩感添！！食完２份Tea Set我都仲未滿足到我的食慾，好明顯杯白酒打開了我的胃！！！再叫多１份紅咖哩蟹肉配熱脆麵包＄８８紅咖哩看上去唔算好紅及好辣，心想會不會比較淡味呢？熱脆麵包同上一道菜一樣，熱騰騰，而且真的脆到不得了，咬下去的聲音勁清脆紅咖哩蟹肉更配上草菇及蟹子，而且看得出好多蟹肉

今天白色情人節，男友知我喜歡吃西餐，便帶我去尖咀知名度頗高的Chef Stage食Dinner。人多爆滿，幸好他預先訂座～松露煮法國原粒蘑菇，大大粒磨菇份量十足，多菇汁又彈牙，啖啖獨特的松露香味，再配上酸酸辣辣的莎樂美辣肉腸，口感層次豐富，滋味無比！黑毛豬熱脆包，包面及包底皆脆身富麥香，內餡黑毛豬的甘香味與芝士味味道襯絕，濃郁惹味！配菜菠蘿新鮮肉汁多帶微甜，平衡黑毛豬及芝士的油膩感～蟹肉濃湯配鮮蠔杯，濃湯稠密度高，口感幼滑，蟹味濃郁，配上的大大隻鮮蠔浸在酸香微辣的青檸香草凍湯中，味道更清新鮮美!忌廉鮑魚冬陰海鮮湯，矜貴的鮑魚煙韌鮮甜，厚身帶子香口軟嫩，湯底味道鮮香，辣味溫和，酸辣醒胃～慢燒美國牛肉眼，份量十足，色澤粉嫩，肉質腍滑軟嫩，鮮美多汁，肥潤油花甘香肥美，入口即化，即使不蘸燒汁，每口也能嚐到牛肉原汁原味，不愧是該店的大師級招牌菜!紅莓Mocktail，香濃的紅莓及草莓味，嚐到水果的原汁原味及鮮味，每口飲到微粒果肉，口感更豐富。男友點了蘋果汁，味道香甜～雖然人多比較喧嚷，但沒漏單也沒催人走，最重要整餐食物以至飲品絕對是大師級水準，令人回味無窮～

經朋友介紹，知道亞士厘道有間好正嘅上樓西餐廳，就專程帶媽咪嚟試吓。一上樓就見到餐廳嘅廚房，食客分左右兩個偏廳坐，兩邊都可以望到海景，環境清靜有靚景又有好嘢食，正晒！今日我哋食咗六道菜式，每道菜唔止份量多，有特色得嚟仲好好味，包你第二度食唔到：乳酪鮮蝦芒果雜菜沙律艾迪乳鴿松露煮法國原粒蘑菇配辣肉腸黑松露蘑菇湯 / 忌廉鮑魚海鮮冬陰公湯燒西班牙黑毛豬肋條肉芝士蟹肉焗鮑魚乳酪鮮蝦芒果雜菜沙律$158，罕有咁用咗較甜身嘅乳酪醬，又灑了點陳醋吊味，味道層次頓時變得豐富，蝦肉彈牙，芒果肉甜，仲細心地選用了較軟身同冇苦味嘅沙律菜，令人口就吃到各種材料。艾迪乳鴿$98，看樣子與中式燒乳鴿無異，食落便知非池中物，吃了多年的乳鴿都沒有像此鴿般肉嫩多汁，是不能錯過嘅推介菜式。松露煮法國原粒蘑菇配辣肉腸$98，用上上乘嘅法國蘑菇，juicy且菇味很香，配襯松露汁真係無得彈，誇張嘅我把汁蘸點到一滴不剩！煎香至乾身的重口味的辣肉腸，與多汁軟身的磨菇一剛一柔的結合恰到好處，大廚的心思真令人折服。驚喜真係一浪接一浪，吃罷上一道蘑菇菜式就已知道黑松露蘑菇湯$68無得輸，落足料黑松露，每口都有滿滿的蘑菇粒，讚！然而，好的

有個朋友以前在法國讀書，他十分掛念精緻的法國菜式 所以我便提議到Chef Stage de Eddy Chu 。餐廳地點不錯，從地鐵站只需十分鐘。暗淡的燈光令餐廳顯得十分有情調，再配上尖東的夜景，環境真是無可挑剔。環境好之餘， 食物的質素亦十分重要。首先，我們點了兩個前菜：香嫩的黑毛豬配上芝士，加上烤脆了的包， 香和脆是這道菜的特色。而松露煮法國原粒磨菇的特色就係鮮香濃集在一身，原粒磨菇的鮮配上肉腸濃郁的咸香味，吃起來新鮮又開胃。叫來兩款湯：黑松露磨菇湯和忌廉冬陰海鮮湯。黑松露獨特的香味再配以鮮香的磨菇湯，好吃之餘又暖胃。 另一道忌廉冬陰海鮮湯。酸辣的冬陰湯帶出了帶子，鮑魚和其他海鮮的鮮味，這個新鮮的配搭真令人十分開胃。主菜：燒黑毛豬肋肉條，肉質鮮嫩又肥美的黑毛豬吃起來十分香口，而肉條的外層則被燒至十分香脆， 這道外脆內軟的菜式真是令人回味無窮。 燒牛脷日本芥辣蜜糖汁。牛脷肉質的細嫩是無庸置疑的，但燒牛脷本身是一道又乾口又膩口的， 但廚師設計這道菜時候想得十分周到，配上的日本芥辣消除了牛脷的膩口和乾身的感覺

之後睇朋友ig 見過間野賣相唔錯， 專程book 左位同男友試試!男友減肥唔吃澱粉， 叫set dinner 嘅主食又驚吃唔散、 唯有散叫。 前菜小吃叫左兩款， 分別係煙三文魚塊同白汁蘑菇（聽staff 講人氣） ， 主菜叫左西班牙海鮮煮魚同埋慢煮黑毛豬。最先黎左煙三文魚前菜， 我真係覺得佢setting 好靚好賞心悅目， 三文魚同辣根汁配吃十分平衡，厚砌三文魚吃落真係好有口感～ 前菜嘅白汁原粒蘑菇都上台，只能說佢嘅汁真係好好吃， 唔會似出面嘅白汁禁油， 好清新，超想叫碗白飯加汁吃（劣根性）， 忍唔住叫多左碟白汁原粒蘑菇！主菜要左原條魚配海鮮， 用西班牙嘅汁煮成一大盤， 超壯觀！ 海鮮有青口，蜆， 蝦，仲有鮑魚！超鐘意吃魚嘅我， 真係超好味！ 魚肉配上西班牙醬汁， 超級鮮甜， 我一個人都可以ko 成盤！仲有慢煮黑毛猪扒， 男友是吃肉獸， 見佢一陣已經ko 80% 就個正野， 吃左幾啖發覺猪肉真係好入味，好軟身、配蕃薯蓉吃真係好正！價錢雖然唔係特別平， 但食物質素真的不錯， 大家拍拖可以黎呀， 成個餐廳細細間好靜，值得推介