CHEF STAGE de Eddy Chu (已結業)

幾年前食過係銅鑼灣既「西餐大排檔」，吃他們那個用地中海水既打邊爐已經覺得十分滿意。難得這天因事來尖沙咀，午餐就來同系的Chef Stage醫肚。餐廳係於大廈高層，難得坐到窗邊的枱，感覺居高臨吓，心情加分！詢問同行的友人有否來這裡午饍，她說價錢略貴，故同事間也很少建議來。看看午饍餐牌，價錢由140至160不等，茶記價錢四五十元，的確一般打工仔不會上來。不過今天難得「過大海」，就豪一豪。我點了一個咖哩海鮮大會為主菜的午餐。先來沙津頭盤作始，凍蝦配上南瓜和菜，清新之開胃菜。熱辣辣的蒜蓉包（食完離開餐廳時見到廚師用焗爐焗蒜蓉包）是日餐湯，湯一送上已聞到一陣香味，一喝下去，噢！麵豉湯！又幾好味喎！主菜到來，咖哩看而不辣，海鮮中有魚，帶子和蝦。下鹽多了少許，整體都好味。（友人叫既黑毛豬午餐我覺得好好食，但他人的午餐，不便用我的相機先食）食到甜品已經飽了。一杯咖啡作結。

每個月的月底是跟另一半的紀念日, 我們會輪流在網上搜尋餐廳及訂座, 今個月又到我了今晚訂了位於亞士厘道的西餐廳, 先乘電梯上19/F, 在電梯上升期間已經慢慢看到尖沙咀的夜景, 到達門口後便等候侍應安排坐位, 入座後侍應先為我們鋪上餐巾, 其後問我們需否先點飲品, 西餐的正統禮儀, 未進食已經感受到飲品點了一杯無酒精Fruit Tea Cooler, 果茶配上幾款果汁混在一起, 帶生果粒充滿熱帶風味頭盤先點一份香燒日本吞拿魚腩沙律, 加上黑醋汁的沙律菜配上菠蘿及蕃茄粒, 特別之處是沙律中竟然發現有荔枝味的爆珠, 主角魚吞拿魚腩共八件, 四四方方的放在底部, 並加上淡淡的wasabi沙律醬醬汁, 味道沒有被搶, 吞拿魚腩煎得香脆, 魚肉爽實, 味道越咬越出, 仲可以將吞拿魚自行壓碎跟沙律菜一起進食食完第一道冷盤, 店員便換上另一隻碟, 沒有任何污跡的新碟子, 是熱的松露煮日本年糕, 年糕本身帶點咸咸的味道, 每一塊都切得夠薄, 醬汁可以完完全全地黏在年糕上, 口感除了應有的煙靱外, 更帶來多一份軟滑, 松露醬內加上洋蔥及白酒在等候另一道菜的期間, 侍應亦不忘幫我們更換新碟此店的廚房是Op

曾經看到傳媒報道過這間Chef Stage 是由酒店做了多年西廚的Eddy Chu所開辦的，一直也很想嘗試，今天終於有機會與朋友在這裏享受晚餐，果然質素確實不錯。走進餐廳內，具有格調的裝修，感覺舒服親民，而且景觀也很不錯。與朋友商量後先來個Seafood Platter，Seafood Platter 包括生蠔、刺身帶子、刺身聖子、鮮蝦及鮑魚，再配以三種特製醬汁包括麵豉醬、泰式醬及cocktail sauce ，全部也是我的至愛海鮮，而且非常新鮮。法國生蠔，海水味重十分creamy， 肉質軟滑口感非常豐富。刺身帶子帶有少少甘甜味道，肉質極富彈性。刺身聖子口感滑順而且細緻，柔中帶爽。吞拿魚雜菜沙律看似平平無奇，但其實吞拿魚煮得剛剛熟，配以沙律醬非常開胃，感覺清新具有清清味蕾的作用。這個中式魚廚師大膽用法式海鮮湯方式烹調，應該與法式馬賽魚湯同出一轍。湯底味道濃郁，魚肉鮮甜無比，這個crossover 之作絕對驚喜，一定要試！燒西班牙黑毛豬上枱時十分吸睛，紫薯蓉實在太吸引了，有少少喧賓奪主，令人不得不搶著試它一口，果然味道香濃，口感細軟，雖然是配菜也絕不馬虎，而黑毛豬肉質燒得也很香嫩。

去咗好多日西班牙葡萄牙旅行終於返到香港好耐冇見男朋友，所以今日就一齊去食飯預祝紀念日係西班牙飲酒飲上引，番到香港都忍唔住叫左sangria!!!餐廳有酒精同無酒精既sangria比人選擇，同男朋友各叫左一杯！水果味道非常易入口，飲落去都唔飲飲酒，好有西班牙既感覺男朋友話預祝紀念日要長長久久，所以今日要叫9樣食物!!!乳酪鮮蝦芒果雜菜沙律，鮮蝦配上乳酪、醋、及芒果，酸酸地令人開胃。豬扒包就成日食喇，但係食黑毛豬做既包我都係第一次食！黑毛豬熱脆包，外層麵包非常之脆，黑毛豬豬肉非常之林，名副其實外脆內軟。非常推薦依個小食焗法國連殻食田螺，第一次食一個係連殼都可以食嘅焗田螺啊！點解個榖可以食，因為嗰個殼其實係用麵包做，而且做得非常將像真係好似一個田螺殼田螺放於田螺殻嘅中間，底層配有薯蓉，非常配合美味。然後叫咗個松露煮日本年糕，松露味都常香濃，而且年糕煙韌好好食，不過比男朋友搶曬去食跟住成餐最鍾意嘅係忌廉鮑魚冬陰公海鮮湯！鮑魚、帶子、鮮蝦都好大隻，完全沒有想過泰國既冬陰公都可以煮成西餐食法食咗咁多小食係時候食主菜啦，叫左兩個主菜同男朋友一齊食第一次食唔係煮到林曬嘅羊腩啦！依個香蒜正宗法國羊腩，好

今晚想靜靜地過2人世界，同老公黎到尖沙咀~Chef Stage 之前同姐妹食過一次~印象中食材質素好，而且煮法有特式~發現餐牌轉左唔少，睇黎餐廳都不停推陳出新~令客人保持新鮮感！前菜點左芒果大蝦沙律~沙律口味清新~放入” 荔枝味爆珠” 算係好創新~荔枝味同芒果十分夾~~ 帶出點點夏日感覺~值得讚下大蝦食得出鮮甜味~另一個前菜係咖哩蟹肉配多士~多士十分薄身~ 每一啖都非常香脆~咖哩醬入口香辣而濃郁~可以見到好多蟹肉絲~ 主菜點左明爐海鮮鱸魚~咖哩 & 鱸魚，突然覺得今晚有d泰國風情~其他海鮮部份都相當有睇頭鮑魚、大蝦、帶子、蜆等等~除左蜆肉比較細隻，其他都新鮮彈牙！主角當然係條魚~ 少骨多肉，岩哂我呢~~肉質嫩滑，係湯度煮耐左都唔會韌~其實最欣賞係湯底~真係好鮮甜~~ 可能因為多種海鮮一齊煮~亦可能係洋蔥、露筍的功勞~總之湯底係精萃，大家唔可以錯過！！除左美食，今晚重飲左杯特式Cocktail名為神秘特飲 ，哈哈哈好奇心下點左黎望下~主調係藍苺、士多啤酒等果味~容易入口，適合女孩子~~

相識10幾年嘅好朋友就嚟生日，當然要同佢好好慶祝生日，千挑萬選之下就揀咗Chef Stage by Eddy Chu喇。雖然今日係閒日，但餐廳都差唔多坐滿，早訂位的話，可以要求坐窗邊位望夜景。點餐嘅責任當然交俾壽星仔啦。今日點咗:::::黑毛豬熱脆飽松露煮日本年糕松露煮法國原粒蘑菇燒西班牙黑毛豬肋條肉香燒正宗法國羊腩點餐後，店員推介咗有氣果汁俾我俾飲，我哋分別揀咗桃味同葡萄味。平時飲果汁只係會飲到藥水味或好假嘅果味，但依度嘅果味自然且甜度適中，好好飲。黑毛豬熱脆飽充滿肉汁嘅黑毛豬肉夾喺脆飽裡面，外脆內軟，口感十足。小碟嘅菠蘿可以一解口內嘅油膩感，所以可以一口食飽，一口菠蘿咁食㗎。松露煮日本年糕每一塊年糕都沾上濃稠適中嘅忌廉松露汁，非常入味。松露煮法國原粒蘑菇依個係小鍋上菜嘅，除咗原粒蘑菇外，仲有幾片辣肉腸用嚟同蘑菇食。松露同蘑菇一向都係絶配，今次加辣肉腸一齊食，為味覺上帶多點點刺激。依個松露味會比煮年糕的淡少少，唔會遮蓋蘑菇本身嘅味道又無咁滯。(唔好打算就咁食腸，會好咸。。。)燒西班牙黑毛豬肋條肉平常比較少機會食，燒得啱啱好，唔會靭而且肉質好彈牙。可能因為豬肉本身質素高，唔洗其他醬汁都

網上看見這間餐廳好評，於是打算同朋友去慶祝生日。結果令人非常失望！叫了兩個沙律，好難想像所謂「高級」餐廳會用奇妙醬做沙律！吞拿魚腩沙律的呑拿魚熟到「奀」，像叫紙皮！海鮮拼盤也好一般 over price!叫了 slow cook 牛扒，味道合格！而春雞太老！兩個朋友生日，交帶了做兩份甜品寫字，一人一份影相，而結果只做了一份，而可能字長了，竟然把其中一位朋友名字最後三個字 cut 了，又串錯字！好掃興！雖然 waiter 有話可以寫過個名，而氣氛早已打折，我們也不用他改！整體來說，這個價錢食物好一般，服務好 hea ，waiters 黑口黑面，要叫好多次先有反應！勁失望！破壞慶祝生日氣氛！不會再去！

呢個沙律幾特別，就係加左爆珠啦。一開始以為會唔夾，不過原來荔枝味既甜甜酸酸都幾match沙律，Good try!第一次飲Sangria, 加埋爽口既鮮果，酒精濃度7.5%,唔算高，女仔都唔會覺得難入口。($58)呢度既菜式都準備得幾好！每隻碟都pre-heat左先。紅咖哩蟹肉配熱脆面包 $148咖哩上面有蟹子，蟹肉份量都幾多，啖啖肉！咖哩辣得黎唔會太over,食得返蟹肉既味道同質地，咖哩夠杰身！一讚係個包，真係做到菜名既“熱”同“脆”，入面非常香口同鬆軟！最後咖哩同面包都清哂！松露煮法國原粒磨菇 $98松露味岩岩好，唔會遮蓋磨菇既香味！餐廳上菜時特別講多次磨菇係法國空運黎。的確，磨菇食落真係唔同，大大粒，結實同好香菇味！肉腸亦成道菜既味道有所提升！冬蔭功海鮮 $88有帶子，鮑魚，蟹子同磨菇(呢個磨菇同之前果個唔同架，比較下失色少少)鮑魚同帶子都唔韌，冬蔭功較至杰身，似汁多過湯，不過又唔會過濃，係一個成功既fusion菜！燒牛脷配日本芥辣蜜糖汁 $128大型連鎖店好少會食到牛脷，因為賣既價錢無咁高，又無咁多人鍾意食！不過本人幾鍾意食，所以係餐牌見到都會心心眼！牛脷好厚身，腍得黎好有肉味，

曾經來幫襯 Eddy Chu 的午餐，之後見到下午茶的餐牌就念念不忘，這次和朋友特意來試下午茶, 水準非凡 ---西班牙水果酒配咖哩蟹肉麵包, 這樣的下午茶配搭, 2 星級價錢, 5 星級享受，絕對由心笑出來，一個下午都心情大好!

壽星女係我相識３x戴的同學仔。亦係知心友。生日當然要食餐好啦！上網搵吓有咩餐廳。見到 Chef Stage de Eddy Chu。環境及菜式介紹唔錯。就去試試。不過好可惜坐唔到窗邊位。望唔到維港海境。望望餐牌。先叫兩杯飲品Sanglia 配白酒&白提子有汽果汁先叫兩款不同餐湯海鮮冬陰功湯～鮑魚不是太大隻、帶子大大粒、蝦適中size。我自己覺得夠辣，但椰奶多咗。如果減少椰奶，加多一些香茅。咁就更加好味。蘑菇湯～蘑菇味非常香濃Ceasar Salad ～配有三文魚及新鮮沙律菜再加上水牛芝士。感覺新鮮開謂BB乳鴿～係西餐廳好少會有乳鴿的，叫咗一隻試吓。果然唔錯，肉質非常軟滑又多汁燒牛脷～厚切牛脷。有３條，外脆內嫩，肉汁多。西班牙黑毛豬勒肉條～ 廚師把豬勒肉切成條狀，容易食，肉質多汁。配有黃肉蕃薯及豆角。最後叫咗個菠蘿雪芭，好冰涷，好香菠蘿味壽星女今晚食得好開心。而我就請得開心

🍎每次同朋友仔食飯都會左諗右諗🤔，梗係想搵間間餐廳環境好又🈶好野食，大家可以輕輕鬆鬆咁傾下計，輕鬆下😊！要靚景通常大家都會去啲知名酒店食個下午茶，但雖知道又要一大早預約同埋又會分時段限制， 既然係咁，🍎決定由餐廳入手🤘🏻，左搵右搵最後就揀咗 Chef Stage By Eddy Chu ❗️·Eddy Chu 位於亞士厘道17-19號19樓！1️⃣9️⃣樓哦，咁啱附近都未有啲高樓大廈🏢，所以如果好彩仲有窗口位坐，都有開闊嘅風景可享受☺️！（💡風景就無啦🤷🏻‍♀️，但起碼開揚無建築物阻擋，望出去都幾舒服⋯）·🍎如無意外咁又揀咗佢地嘅weekly lunch menu~ weekly 嫁，每星期更新一次，夠晒fresh！🤣Weekly lunch menu 價錢由$128-$178不等，包咗個日式鰻魚薯仔沙律，是日精選餐湯（個日係椰子雞湯），甜品及咖啡或茶！·Weekly menu 之香燒原條鮮青石斑🐟：❣️日式鰻魚薯仔沙律🐟🥔🥗：套餐黎講算唔錯了，鰻魚薯仔比沙律菜多😆～鰻魚🐟都有幾舊，外皮仲煎得帶點香脆但又唔油膩❣️椰子雞湯🐔：初初唔知係咩，一口飲落去時，真係：嘩，好清甜呀❗️問咗店員先知係椰子雞湯！條狀嘅

寫意的週末中午，悠閒地到此用餐，餐廳裝潢頗有格調，陽光從餐廳兩旁的玻璃窗映入，室內只開了一些射燈，但已經足夠明亮。甫坐下侍應已利落地放下兩杯暖水，是為了給我們清清舌頭認真品嚐味道? 是餐廳表現自信的手段? 還是我想多了? 【海鮮拼盤】點了Set Lunch後，侍應即介紹跟餐加$55可配海鮮拼盤 - 有生蠔、鮑魚、聖子刺身、鮮蝦、日本刺身帶子，喜歡吃海鮮的我們根本無需考慮。未幾，大盤海鮮擺在眼前。還配了檸檬、日本芥末醬油及香草汁任君配搭，非常周到。生蠔 - 不用多說的清甜而且不帶腥味，趁著清涼的感覺滑下喉嚨「Opps，爽呀」磯煮鮑魚 - 一般海鮮拼盤的鮑魚都不會特別去處理，但可能考慮到生蠔、蝦都沒有特別處理，所以就在鮑魚著手「special一下」。鮑魚的是「磯煮」 - 日式的製法 - 用日本醬油和昆布炆出來的鮑魚，煙靭有咬口之餘又啖啖的醬油，但不阻鮑魚本身的鮮甜，很特別。聖子刺身 - 有點像象拔蚌刺身，非常爽甜。日本刺身帶子 - Shot glasses (烈酒杯)中的帶子浸在蜜糖麵豉汁內，我絕對相信放在Shot glasses為了提示給我們這帶子是要飲的! 把帶子和蜜糖麵豉汁倒入進口後

朋友話這間吾錯，男人專登訂左今日黎試下，整體都吾錯，待應服務都？不錯，每人$510左右…超飽離開。黑松露蘑菇湯…我的最愛，依然菇味濃郁仲有蘑菇碎口感，黑松露味令整個湯提升不少。忌簾鮑魚冬陰公海鮮湯…沒想到比心目中滑同辣，有忌簾同薑味，3款海鮮好新鮮又厚肉。燒西班牙黑毛豬肉眼蓋…豬肉好淋身好香豬肉味，份量都幾大件，而配菜都十分出色，是蕃薯粟子，有蕃薯和粟子淋身之餘又有碎增加口感，食到豬肉有少少滯仲有菠蘿可消滯。紐西蘭聖子扁意粉，白汁味都重，意粉都有口感，聖子意粉的確十分特別。焗法國連殼食田螺…原來殼係麵粉造的，少少脆口而香草好香，田螺都幾大隻，薯蓉清清地原汁原味。大大隻蝦多士...多士邊脆而入面軟熟，蝦新鮮但乾身左少少。入面沙律有乳酪爆珠幾特別。意大利有氣萄葡汁，今次選了2個味…青提，沒想到味道濃郁而吾假，好清甜。桃味偏濃少少酸吾錯喎。橙味雪芭…終於黎到啦，雪芭好滑又香橙味，帶微酸，可以將剛剛飽肚感消滯不少。

WORST service ever! Recommended by a friend and turn out to be a disaster.  Booked a table for 7 at 8 pm. Tables were not set when we arrived. What's the point for booking then?  Food is decent.  But tables were so tiny and no one bother to come and take way the empty dishes. Dirty dishes on table for more than 10 minutes, all waiters walked past pretended not seeing them. Tried to arrange a veggie dish in advance but in vain.  Turn out they said they can only do a crappy mixed vegetable pasta w

最近食過最正最滿意既西餐就係依間廚社，所以一定要紀錄低！當天係去慶祝朋友既生日，就揀左身邊好友推介既依間西餐廳。廢事令朋友仔生日都失望嘛。話晒食貨，食到伏野真係會成日黑面LOL！位於亞士厘道既17至19號，依棟樓可說是蘊藏左好多好西既地方！之前吃過一間omakase都係好高質的！所以今次都好期待～先點酒精飲品。但只想輕嘗，點果酒就最好不過了！！Sangria $58平時飲Sangria都愛飲白酒那種，但今次意外地比較愛紅酒。紅酒帶甜，白酒帶微澀。女生還是愛甜酒，但晚飯配酒就是必需的！就是慢慢吃慢慢聊，所以先點了２個小食。燒牛脷熱脆包 $88表面睇好似係豬柳強既包皮，但食落係好脆身再帶煙韌感，加上薄切牛脷，增添惹味。加上中間有點醬所以吾會乾乾的。牛脷口感帶爽但質感偏腍，就是燒得剛好才可以這種效果！伴碟仲有甜甜新鮮既菠蘿肉，清一下味蕾，迎接下一道菜最適合不過！松露蘑菇湯 $68呢個湯大受我地既好評，很濃郁！一上枱係撲鼻既松露香，飲落係相符既！粒粒既蘑菇碎粒既比例都多，好足料！可算是我喝過最濃郁既松露蘑菇湯松露煮日本年糕 $98接住松露蘑菇湯又是松露料理喔，係煮年糕！用既係日本年糕，有別於韓