CHEF STAGE de Eddy Chu (已結業)

從未試過要為咗間餐廳寫食評，一心諗住搵間好少少嘅餐廳同女朋友慶祝週年紀念，見佢寫住有海景好似好有情調，神咁早已經打去訂枱，去到安排我地坐正水吧正中間，說好的海景去咗邊，問返位男侍應，佢竟然答我地係嚟到安排的，唔係一定有，咁點解訂枱時唔講，因為當曰係假曰，我地唯有照食，叫咗海鮮拼盤，簡直係垃圾一啲鮮味都冇尤其係個聖子刺身，完全未解凍就拎出嚟比客人食，生蠔唔肥不特止連檸檬都唔俾，黑松露蘑菇湯簡直係搵笨又貴又唔好飲，罐頭貨色扮高級，所謂的慢燒牛肉，問完我地要幾多成熟，不如唔好問啦，為問而問，攞出嚟都7，8成熟，收得咁嘅價錢，但食物質素真係好差

很喜歡尋找一些旺中帶靜的地方，今日呢間西餐廳有fusion 菜食，環境雖不是很大，但光線很充足，亦很整潔，置身其中，食一個悠閒的午餐，也是一種享受！米酒薑味海鮮湯浸原條鲜沙巴龍躉：西餐廳內食龍𧄌真是等一次見，但今次是用酒及海鮮一齊煮的，材料相當豐富，除了龍躉外，還有扇貝、象拔蚌、大蜆等等，所以啖湯相當鮮甜，魚肉亦很鮮味，是一道頗具創意的主菜。燒美國牛肉眼：件扒本身都唔差，只係因為朋友唔可以食生野所以叫咗個全熟，所以件扒食落會有啲靱，不過個主菜啲配料就好好食，有紫薯蓉和羽衣甘籃菜，用呢兩款菜配搭主菜都係第一次食，尤其係羽衣甘藍，之前聽過好多關於它的好處，但係食都係第一次，原來係好爽脆、好清新、好好味的；至於個紫薯蓉都好有質感，好甜。午餐會跟有前菜三文魚沙律、菜蓉湯、及飯後甜品紫薯蛋糕，好抵食！

再次又來到 CHEF STAGE de Eddy Chu，喜歡這裡的環境和美食，味道令人難忘！CHEF STAGE de Eddy Chu 設計簡約時尚，環境優閒寫意，餐廳內有很多窗口，可遠望街景，感覺開揚舒適。Lunch Menu 只有星期一至五及免加一，星期六、日及公眾假期就除外。午餐包括沙律、餐湯配牛油麵包、主菜、甜點及飲品，而我最喜歡這餐廳的魚和牛，烹調方式與衆不同，特別好味，這價錢吃到高品質的西餐，很不錯。兩個午餐都是先來鰻魚沙律，魚味香不會過咸，配搭翠綠蔬菜，入口鮮爽，這綠色享受，清新醒胃好開始。海鮮拼盤   (午餐另加  $55/位)兩份午餐另加海鮮拼盤，包括生蠔、鮑魚、日本剌身帶子、鮮蝦和聖子刺身。鮮甜肥美，海鮮一點腥味都沒有，用食材非常新鮮，鮮甜十足，沾上香草汁，味道更提升，口感滿足。今日午餐餐湯是青紅蘿蔔牛肉湯。清甜牛肉湯，配熱烘烘的香草蒜蓉多士，焗得又香又脆 ; 與香氣四溢又足料的青紅蘿蔔牛肉湯，非常合拍，清香美味。香燒原條鮮青石斑  (加米酒薑味海鮮湯  $30)      $178原條的青石斑，表面香軟，肉質嫩滑，鮮味十足，好吃。我另加米酒薑味海鮮湯，用米酒、

在尖沙咀亞士厘道17-19號19樓有一間名為“Chef Stage de Eddy Chu”的餐廳, 老闆將自己的名字用做餐廳名來招攬客人, 一定是有相當的名氣在飲食方面才有這個想法, 原來老闆入行超過三十年, 曾任職多間星級酒店及高級會所, 甚有知名度。未步入餐廳, 門外可以看到很多餐廳的介紹和大廚的獎項及報導, 還有紅、綠、藍三色霓虹燈打亮著“Chef Stage”特顯其品牌。餐廳每週的午餐都有所不同, 今個星期的沙律是咖哩菠羅雞肉沙律, 主菜我們自選了燒美國牛肉眼及紐西蘭羊鞍, 另加叫海鮮拼盤。 咖哩菠羅雞肉沙律之配搭確實不太常見，但吃落惹味又開胃。 海鮮拼盤極為值得推薦, 每位55元已可品嚐到生蠔、鮑魚、日本刺身帶子、鮮蝦及聖子刺身, 每款海鮮的份量十足, 味道鮮甜, 口感也爽彈。燒美國牛肉眼, 口感軟嫩多汁。紐西蘭羊鞍, 肉厚香甜，肉質鮮嫩，口感豐富。最特別是兩款主菜都配有紫芋頭茸，令味覺更增添香甜軟糯。餐湯及甜品是日安排各有特式。

最近有位外國朋友來香港，既想帶她去吃有港式特色的西餐，又想要一個寧靜的環境談天說地，於是便選了這間餐廳。午市套餐的選擇也不少。一行二人點了雜扒拼海鮮午餐和紐西蘭羊鞍午餐。因為外國朋友喜歡吃海鮮，我們另外加了海鮮拼盤。沙律：日式青瓜蟹子沙律餐湯：青紅蘿蔔湯這款餐湯相當有驚喜，一般青紅蘿蔔湯都是中式湯，但大廚便以西式湯的做法呈現。湯裏面的蘿蔔蓉清甜，味道不錯。海鮮拼盤海鮮拼盤豐富，包括鮑魚、生蠔、鮮蝦、帶子及聖子刺身。生蠔新鮮鮮甜，加幾滴香草汁，別有一番風味。日式磯煮鮑魚亦不錯，味道獨特，口感彈牙。主菜：雜扒拼海鮮這道菜可以一次過滿足我幾個願望，可以一次過食大蝦、魚柳、肉眼扒、黑毛豬。魚柳外皮煎得香脆，肉質柔嫩。肉眼扒帶有燒烤香味又可以保留肉汁，是我最喜歡的。主菜：紐西蘭羊鞍羊鞍的表面煎香，成功鎖緊肉汁，而且羊肉味突出。配菜也有心思，選用了羽衣甘藍和紫薯蓉，外表和味道都配搭得好好。甜品：香芋蛋糕芋頭味道濃郁，蛋糕質感柔滑，為是日午餐畫上完美的句號。

臨近聖誕，我和男友打算出來尖沙咀慶祝，不需要想太多，聽朋友介紹，就去咗尖沙咀CHEF STAGE de Eddy Chu之所以揀呢間餐廳係因為餐廳望出去係尖沙咀個夜景，雖然唔係對症海景，但夾岩時間都可以睇到幻彩詠香江㗎😊另外，餐廳仲會有駐場歌手邊彈結他邊唱歌，好有情調囉！松露煮日本年糕 $98看似冇乜特別，實質係好好味，嫩滑彈牙，美味又飽肚，口感不錯，食一碟都唔夠，勁想再叫，正！ 香港豬扒包 $88 (黑毛豬熱脆包)個包好脆，豬扒切成小塊，但估唔到中間係豬扒上加左黃芥末，但都唔會比黃芥末搶走啲豬扒味，非常特別。呢個包仲有配上菠蘿，菠蘿上邊仲有香草，菠蘿好凍好甜。黑松露蘑菇湯 $68呢度嘅餐湯，比起一般餐廳黑松露嘅味道會比較重，同埋會有好多肉粒係入面，飲起嚟好似有陣陣果肉嘅感覺。忌廉鮑魚冬陰海鮮湯 $88裡面真係有原隻鮑魚， 再有原隻帶子及一隻甜蝦，性價比極高。焗法國連殻食田螺 $128(極度推介)焗田螺酥又係幾好食，一啲都唔腥，底部有薯蓉，仲好香口添，蒜香味勁濃。燒法國黃油雞扒拼松露鮑魚 $178呢個配搭非常特別，雞扒夠嫩滑，雞扒上的黑松露忌廉汁，非常入味，兩者配搭非常匹配！鮑魚好大隻

今日難得不用上班，約家人行行街，食個休閒午餐位於尖沙咀的CHEF餐廳，是西的裝飾，有著浪漫的感覺。一坐下店員已經好熟手推介菜式比我們，午市套餐好似好正，叫來試下。先來個雜扒拼海鮮，有香煎熱辣大塊的牛肉眼、靚大蝦、美味魚柳及黑毛豬等，進在一大圓盤碟上，再加上惹味燒汁及蕃茄薯蓉紅蘿蔔肉豆配料等，真是入口食過都在番尋味境界中， 特別喜歡大蝦，咬落肉很結實有口感，呢掛外出食過好多的。燒美國牛肉眼，大塊香煎醃味的牛肉眼，煮七成熟已香滑嫩熟美味，再加燒汁蕃茄薯蓉等，食落就更滋味無窮。意大利湯，以蕃茄湯配以椰菜洋蔥紅蘿蔔粒作餸料，再洒些黑胡椒粉上，飲落惹味無窮。又有沙津食，好開心。蛋糕甜品，朱古力蛋糕自香甜美味嫩滑，再加上士多啤梨及黑梅粒，食過心都甜。

不經不覺結婚已經兩個月了，大家更了解彼此，相親相愛，很感恩及珍惜每天的美好時光。這天特意找了我喜歡的西餐餐廳吃飯，甜蜜一下。場內環境舒適，有一些聖誕佈置，增添不少氣氛，而且更有歌手在場演唱，浪漫氣氛提升不少。乳酪鮮蝦芒果雜菜沙律 $158酸甜開胃，蝦身大、肉質爽口彈牙，新鮮蔬果，清新可口。艾迪乳鴿 $98肉質鮮美多汁又厚肉。黑松露年糕 $98年糕軟滑口感佳，黑松露滿滿的，味道香濃。黑松露蘑菇湯 $68蘑菇打至碎狀，味道香醇有口感。忌廉鮑魚冬陰海鮮湯 $88老公說試試新口味，冬陰湯以西式烹調，creamy且不失其冬陰公的味道。而且鮑魚真的不是小小的一件，材料豐富。燒原隻法國春雞 $188肉質鮮嫩、軟滑、多汁，大大隻，滿足感高。烤牛舌忘了價錢，老公說不是太多餐廳有牛舌吃，所以點了一份。份量大，肉質厚且嫩滑，味道香濃。

當天中午相約老師午饍, 難得的聚會, 當然希望找來一間食物有質素, 服務亦妥善的餐廳, 結果, 我選了這間西餐廳。幸好沒令我失望!  那兒地方雖小, 佈置卻甚雅潔, 而服務員亦相當友善, 收碟很快。食物方面, 我們選了黑毛豬, 另各加$55要了一個海鮮拼盤, 這是真心推介的餐食, 有大大的鮑魚, 象拔蚌, 蝦, 帶子等, 都非常鮮甜, 而且, 只是$55元, 還想點呢?唯一是餐飲方面有待加強, 都只有一般的咖啡, 奶茶, 0茶等, 不過, 由於我點選了Double Expresso, 只得一小迷你杯份量,  而老師則點了正常咖啡, 但他們送來時, 卻誤送上了兩杯DE, 後來更換正確後, 他們竟把先前弄錯了的DE都贈送給我飲, 嘩, 有賺!兩人埋單四百幾, 以這樣的食物水準及服務態度, 我認為是值得的!

老婆近來有少少唔舒服，唔食得太多多海鮮類。我又想帶佢食好嘢，於是今晚同佢食樓上優質西餐-Chef Stage de Eddy Chu，雖然menu上有好多海鮮選擇，為左佢就食肉類為主啦。餐廳已經有聖誕佈置，座位唔多但氣氛搭夠！夜晚仲有live music聽添！冬蔭煙豬腩沙律（$138）呢個沙律辣辣地，超惹味，食完胃口全開！松露煮日本年糕（$98）充滿松露香嘅煮年糕，忌廉汁好creamy又唔會漏！黑松露蘑菇湯（$68）同年糕一樣，呢個蘑菇湯都一樣咁rich咁creamy!香港豬扒包（$88）呢款豬扒包，麵包脆身，豬扒配芥末醬，加埋個配搭好新鮮，唔錯，超適合下午茶小吃！黑毛豬扁意粉（$188）呢個扁意粉炒得乾身，亦有橄欖油香，加埋黑毛豬更添貴格呢！

每個dish都都好好食，因為有小朋友一齊食，就無點個海鮮拼盤，但見到隔離檯點左，海鮮好新鮮，不過地方就有小小窄，勝在有人唱歌，好好氣氛，連我7歲的女女都樂在其中。

Date: 9Dec很久沒有來吃，趁著家人生日再來一次，可是卻失望而回。首先訂檯的時候訂了8點，餐廳再打來confirm booking的時候卻說讓我們8點半到，說怕我們來到要等，因為上一輪的食客的還檯時間是8點。我明白這是出於好意，但忽然要跟家人改時間也是不方便，如果可以在訂檯時說清楚就好了。↑海鮮拼盤，家人說蝦不太新鮮，自己也吃了鮑魚和蚌刺身，不知怎的有點咸。帶子的份量也有點小⋯⋯↑某程度上是為著這個燒牛脷而來，也給家人強烈推介這個，誰知道質素下降了很多。很久之前第一次試的時候，配菜是紫薯薯蓉，今次吃的時候變了松露薯蓉，其實也不錯。重點的牛脷卻嚴重失色，不久前吃的時候還是切得很精緻的長條狀，煎得外脆內軟的，軟得來會吃到牛脷的纖維和牛味。今次的一上菜就不吸引了，牛脷像隨意的切，沒有了外脆內軟的口感，甚至牛脷味道也不重，只有咸味。真的讓人很失望⋯⋯↑黑毛豬扁意粉的味道一般，扁意粉其實煮得剛剛好，不會太硬或太軟。黑毛豬的豬肉味道也很濃，只是豬肉切得太細條，也煮得太靭。有點失望⋯⋯↑法國黃油雞扒配松露鮑魚，整個菜式全部倒滿了松露醬汁，只能吃到很單一的松露味道，雞扒很咸⋯⋯↑黑松露蘑菇湯不錯

2年後重臨，環景裝修還保持沒甚麼大變化咁。。食材呢~~？ 待會分曉。。。先睇睇今星期Lunch Menu有咩好野食先樓上舖黎講午餐價位算是偏高 是日餐湯：蘑菇忌廉湯 waitress還未放枱上已經嗅到好濃郁既蘑菇味嘩！材料好rich每啖都是滿滿既蘑菇蓉 (回味中) 是日沙律：蝦仔田園沙律賣相不錯，鮮蝦好彈牙，亦都唔係店家講既蝦仔 沙律菜新鮮、鮮甜 海鮮拼盤(跟餐另加$55)有5款海鮮：生蠔：新鮮、算厚肉、好juicy鮑魚：好入味、好冧唔韌帆立貝：用個杯仔盛載著，底部醬汁跟帆立貝好夾鮮蝦：冷盤凍食、蝦身好爽脆聖子刺身：真係未試過聖子刺身，口感有d似象拔蚌刺身，都係切成薄片，脆口唔腥再講下個sauce溝得好特別，好似有d 香草、又有d橄欖油、又有d檸檬汁，能帶出每款海鮮既鮮味，食落好鮮甜、好正主菜1燒美國肉眼扒叫左個5成熟 so juicy Chef可以煎得塊扒邊微焦，咬落脆口，而裡面仲有粉紅肉、肉質好嫩主菜2紐西蘭羊鞍本人就唔食羊既，但同事就勁Like，佢話煮得岩岩好，肉質好冧完全唔酥主菜3烤西班牙橡果級別黑毛豬烤得時間岩岩好，唔會過火，肉質好嫩滑，食落仲有d似食緊牛扒 另外我想講下跟扒

友人選了Chef Stage吃午飯。即使已經來過兩次，毫不介意再吃第三次，因為質素實在值得回頭。午餐有沙律、湯和麵包，另加＄55有海鮮拼盤。比起A la carte的海鮮拼盤，抵食得難以抗拒。千島木瓜沙律普通的沙律，一早已做好放雪櫃，連碟子都是冰凍的，不過沙律幾新鮮，配黑醋酸甜開胃。木瓜腍得入口即溶，未完全乾透，都幾甜。蝦爽口，混了沙律醬，味道可以。海鮮拼盤生蠔可以，爽口，很鮮，不算很肥，是較淡的選擇。刺身帶子裝在shot glass裡，加了味噌做的汁，嫩滑，少少甜，幾特別。蝦大得可以放兩口吃，很爽。沾點辣汁更惹味。聖子刺身意料之內的淡味，主要是吃其爽脆。鮑魚幾大隻，以醬油稍為醃過，鹹鹹甜甜的，嚼勁十足，是最喜歡的一款。是日餐湯是牛肉清湯。稀如水，卻有幾濃的味。內有不少煮腍的蔬菜，還有細細粒熬至出味的牛肉。吃完冷盤喝碗熱清湯，正合時。蒜蓉多士十分香脆。蒜香夠出，吃完卻沒留下久久不散的蒜味。馳名西班牙橡果級別黑毛豬友人本想點最多人吃的牛肉眼，但店員個人推介黑毛豬。來過的我也知道，這裡的豬扒有保證，不會嚡不會硬。薄薄的黑毛豬，醃上顏色，淋上醬汁，看起來有點似牛扒。配菜有很爽，但沒生吃那麼乾

今日同友人來試試呢一間係尖沙咀頗有名氣的西餐廳，一進入餐廳感覺進入了一間迷你咖啡店。我地點了兩個lunch set，分別是雜扒配海鮮拼大蝦魚柳肉眼扒黑毛豬同埋美國燒肉眼扒。另外加$55點了一個海鮮拼盤。海鮮拼盤呢間餐廳其中一個熱門菜式就是海鮮拼盤，聞名不如見面，不敢相信這是一個僅價值$55的拼盤，小小一盆有齊鮑魚，鮮帶子，生蠔，大蝦，聖子刺身等。醬汁選用芫茜醬，十分清新，配搭新鮮海鮮意想不到的配合！每款海鮮都新鮮鮮甜，特別對帶子同聖子情有獨鍾，大大粒份量多，一d腥味都無，絕對抵食！日式青瓜蟹子沙拉&龍蝦湯蟹子沙律作為前菜，十分開胃，青瓜配搭生菜絲同粒粒蟹子，口感豐富。龍蝦湯味道濃郁，粒粒蝦肉，。配埋又脆又熱辣辣既蒜蓉包。雜扒配海鮮拼大蝦魚柳肉眼扒黑毛豬一見到呢碟上檯，外觀一流，單看已經流曬口水。食雜扒的好處就是多款食物在你眼前任你挑選。第一口吃的當然是最愛的肉眼扒，筋同肉的比例剛剛好，十分juicy。接下來嘩然一聲的就係煎魚柳，成個手掌咁大，重要淡淡肉，完全無骨。大虎蝦經過燒烤過，亦十分惹味！值得一讚的係配菜，最驚喜的是紫色薯蓉，真係紫薯味，又好睇又好食！美國燒肉眼(7成熟)唔知道係唔