CHEF STAGE de Eddy Chu (已結業)

做野做到攰，又難得星期五，同事提議去呢間餐廳食😋 一直都聽聞chef stage性價比高，食物有質素服務又好，雖然以其他午餐比會比較貴，但決定放縱一次😆我地係無book位的，去到約12:30唔洗等位，餐廳地方唔算大，但又唔會坐得好逼。我地被安排坐窗邊位，景觀亦唔錯我同同事兩人最後叫做一個燒美國rib eye ($178)，一個西班牙黑毛豬 ($158) 同一份海鮮拼盤 ($55)剛剛order完唔夠1分鐘，就即刻有沙律食小小的煙三文魚沙律入面嘅透明荔枝味爆珠雖然食落口感好新鮮，但味道同煙三文魚沙律唔算太夾，但又唔會太怪，整體上沙律普普通通😐食完沙律之後就上海鮮拼盤！同餐牌上面寫嘅有小小唔同，無左聖子刺身，以凍螺代替。生蠔唔算太肥，但好新鮮。蝦同凍螺都不過不失，同平時嘅差唔多。反而我以為最普通嘅帶子同鮑魚最有驚喜！帶子好鮮甜，鮑魚好淋好鮮，味道一流！ 以$55嘅價錢可以食到咁多野真係好抵。跟住上嘅蒜蓉包同餐湯一上餐湯已經聞到好香，摸一摸原來裝湯嘅碗係預先整熱左嘅，就算同朋友傾多幾句慢慢飲，都唔怕湯會好快變凍。終於到萬眾期待嘅主菜最先上嘅係我叫嘅燒美國牛肉眼，唔算好大塊但好厚。 我係叫5成

星期日 就想休閒下 迎接星期一ge來臨黎到好耐冇黎食ge西餐廳 食一個悠閒ge午餐12點黎 唔算多人好好彩被安排窗口位置（美中不足係當日天公不作美）餐廳有大大玻璃窗 採取自然光 令人更加心鄺神宜現場仲有live 歌聽 好舒服 一路慢慢食 聽住情歌係另一種享受 令我好懷念我係外國ge日子野食方面假日都有lunch menu 我地揀左米酒薑味海鮮湯浸原條鮮沙巴龍躉燒美國肉眼加2份海鮮拼盤🙂煙三文魚沙律酸酸甜甜ge柚子沙律汁配上新鮮ge沙律菜同煙三文魚 好開胃🙂海鮮拼盤跟餐加$55就有有生蠔 日本帶子刺身 鮑魚 翡翠螺同蝦樣樣都好新鮮 生蠔冇腥味好甜 日本帶子帶有少少酒香味 食完仲會回甘 鮑魚好入味 d肉淋得黎又有少少爽口 蝦同螺d肉質好結實同好爽口 個香草汁絕對有畫龍點睛之用 更加提升鮮味必叫 平時出面食隻高質少少ge 生蠔都要$30啦 呢度$55就有咁多款 所以一定要加香蒜包法國面包搽滿左牛油同蒜蓉 雖然好邪惡 但好好食🙂是日餐湯周打蜆湯 飲得出用左大量ge海鮮去煲 好鮮甜 仲係冇味精🙂燒美國肉眼（$178）7成熟剛剛好 肉質鮮嫩多汁帶點油脂 一口一幸福配菜d紫薯都超好食🙂米酒薑味海鮮湯

銅鑼灣美食代表有登龍街 尖沙咀嘅美食代表我諗就係亞士厘道啦 呢度成條街都充滿着唔同世界各地嘅美食無論 中式 日式 美式 韓式都會有今日嚟到chef stage by eddy chu 聽到個名已經覺得好高級好彩朋友一早有book定位 因為一入到去都見到其實幾full之後侍應就俾咗餐牌我哋我哋每人叫咗一個lunch set今日嘅前菜有-煙三文魚沙律三文魚煙得啱啱好非常好食 而且沙律唔同平時配嗰啲醬汁 今次呢個醬汁係酸酸甜甜咁樣 非常開胃 而且份量亦都啱啱好 釣到少少癮又唔會好飽😂😂是日餐湯- 雞肉蝦味清湯配蒜蓉包個湯上到枱面嘅時候見到真係好清 基本上你可以望到晒入邊嘅所有食材 見到有雞肉洋蔥紅蘿蔔等等 飲落去好大陣蝦味 另外蒜蓉包值得一讚 隔咗一陣食都仲係好脆而且蒜蓉味非常夠！海鮮拼盤-帶子&生蠔&鮑魚&蝦&螺叫咗每一個lunch set都可以加＄55要呢一個海鮮拼盤 個人應為係非常值得加嘅因為所有海鮮都好新鮮 帶子仲會有個杯仔裝住入邊就係一啲味噌 從來都冇諗過原來味噌同埋帶子會咁夾 而且加埋嗰個香草汁真係好好食！主菜-蒜香鮮蜆扁意粉朋友叫咗蒜香鮮蜆扁意粉 蜆真係非常之鮮甜 而且意粉都煮

如果要吃美味的西餐，又要有海景，仲可以看維港燈光滙演，我想消費起碼要每位一千元以上吧！不過友人推介這裡，一様有以上條件，價錢只是每位約五佰，既然這麼超值，值得一試。到達時，被安排坐在落地玻璃窗附近，可以看到維港晚上的景色，八點時還看到幻彩詠香江，一路進餐，一路看燈光滙演，絕對適合情侶、夫妻到來，談談情說說愛。不過下次可能要早點訂座，因為原來分兩邊，一邊向海，另一邊看大廈的。蟹肉煙三文魚沙律配茘枝珍珠，一個非常新穎而美味的沙律，蟹肉中有少許洋蔥帶出蟹的鮮味，珍珠粒內的茘枝汁令到沙律酸中帶甜，非常有田園氣息，亦有海鮮的味道。冰鎮東風螺冬蔭公汁，東風螺被冰凍之後，肉質爽脆，粘上冬蔭公汁，酸辣鮮甜，這個吃法好特別。松露煮法國原粒磿菇，原粒磨菇好鮮甜又大粒，松露的香味覆蓋了大大粒的磨菇，還有西班牙辣肉腸，再加上忌廉汁的味道，一粒粒的蘑菇，很快吃完。黑松露磿菇湯，將磨菇打爛再煮湯，加上了黑松露，適合喜歡黑松露的我。雜扒拼盤，原本有羊架，因為我們今晚不想吃羊，所以撇除了羊，只留下慢煮西冷牛扒、鮮蝦燴鱸魚、黑毛豬、咸牛脷，仲有配菜：茄子、紫薯蓉、冰菜。慢煮西冷牛扒，看上去好似四、五熟，吃落完全沒有血水

上次和女性友人來，留下深刻的回憶。今次就嚷著要寶寶帶我來，幸好他早早便訂位，因為餐廳真的很好生意，只是一個晩上我已聽了三篇生日歌了。我倆先點兩杯神秘雞尾酒，所謂神秘就是每杯也不同，夠有驚喜。我的是玫瑰奶溝伏加特，外表就十分過癮，雪白的奶上面鋪上玫瑰花瓣，味道就香滑的奶味和濃郁的伏加特，很新奇但又好喝。而寶寶的則是荔枝紅莓酒，也是溝伏加特，底下就是爆珠，口感就一流了，但味道就偏甜了一點，可能女士便為適合。前菜是鮮蝦芒果沙律，生菜夠清新，蝦肉爽口彈牙，加了芒果更香甜開胃。但説到驚喜還是有爆珠，甜甜的沙律原來也很好吃。然後冰鎮田螺配冬蔭功汁也很特别，田螺也吃得多，也是鮮甜爽口。但主角竟是其冬蔭功汁，冬蔭味十足，非常惹味和搶鏡，但又不覺辣，這道前菜我給滿分！還記得上次吃了焗田螺，比較上今晩的更滋味。濃郁黑松露磨菇湯是不可缺少的，每一口香濃的黑松露湯也吃到粒粒磨菇碎，湯質很滑但偏稀。松露煮日本年糕是我整晩最欣賞的菜，這道 fusion 菜就是用了口感煙韌的日本年糕配上濃郁的松露醬汁，上面還放了大量的爽口青葱來增加層次感。是肉類拼盤呀～燒牛脷是厚切的，肉質彈牙，外表燒得香脆，而裡肉則煮得腍而入味。

今日同男朋友好好心情，所以決定食餐好我鍾意食黑毛豬所以叫咗份黑毛豬，男朋友鍾意食羊所以叫咗份羊鞍 午餐仲包埋甜品我好期待我哋見到隔離枱叫咗海鮮好豐富咁，所以我哋都叫咗兩份海鮮拼盤環境高級，侍應都好專業好開心呀！有鮑魚又有蠔，係我同男朋友最鍾意嘅海鮮可惜呢度冇聖子，轉咗做螺肉，都好鮮甜！最特別嘅係佢哋特別調製嘅汁，好配合啲海鮮呢度嘅沙律好特別，係生菜配咖喱雞肉菠蘿，點知甜甜地又幾夾喎雜菌忌廉湯，粒粒菇好有咬口黑毛豬入口即溶，我仲想講嘅就係嗰啲番薯好甜好鍾意在羊肉唔so好肥美芋頭蛋糕我第一次試點，知原來做蛋糕既口味都好配合

只是踫踫運氣,看是否好介紹,最初入門口感覺有點其貌不揚,但飯局中對於:服務態度(食物逐碟上,且不會催促用餐)食物質素(食物好味亦很新鮮)現場環境(因為用餐時間較早,故安排入座向維港偏廳,又因未有太多客人,故此有一半飯局都像"包房"用膳,位置很舒服)種種都令我留下好印象,會考慮再次幫襯!

工作繁重，好耐無同honey食飯，為左好好賠罪，浪漫西餐係個好選擇今次揀既餐廳，有尖沙咀夜景睇，仲睇到少少幻彩滙香港，岩哂打卡但最吸引我既，係晚市仲會有live show，有樂師彈結他，有得點唱之餘，又會對生日既客人唱生日歌，然後成間餐廳既人都會拍掌慶祝，真心有氣氛係時間講返食物蟹肉煙三文魚沙律配荔枝珍珠煙三文魚超新鮮，色澤光鮮，而蟹肉份量ok，亦帶鮮甜同少少咸味當中比較特別既，當然係荔枝波波，爆開既甜味，又同沙律醬既甜酸幾搭配，外加一層口感焗法國連殼食田螺連殼食既田螺，係小妹第一次見，梗要試試佢先講螺肉，好結實同彈牙，而殼既厚度好似同見開既田螺一樣咁厚，但食落就好似薯片既質感，好香口同脆身，所以要趁熱食，唔係既過薯蓉既熱力會整淋左個殼燒法國黃油雞扒配松露鮑魚黃油係件好邪惡，但又好吸引既元素，由於我都算慰勞自己，所以唔介意得咁多雞扒外皮好香脆，切開內部見到一絲絲既肉仲好嫩滑，完全無雪藏味鮑魚就夠哂彈牙，而本身既鮮甜味同松露既甜味都好夾，出身燒西班牙黑毛豬豬頸肉豬頸肉超香，超有肉味，燒得又靚，真係必食豬頸肉本身帶有油脂，燒一燒香味已經出哂黎，肉質又嫩又爽口，實在無得頂

海鮮夠新鮮 每樣菜都顯出廚師用心制作服務態度好好甜品的水蜜桃雪葩本人十分喜歡因為夠晒創意同特別一邊食仲可以欣賞風景 雖然說不上全海景再開埋支白酒 埋單2個人1200蚊

今日同女友人相約到尖沙咀食lunch,去左一間佢好鍾意食既一間餐廳。就係係亞士厘道既19樓。(題外話 20樓果一間都好想試下，不過好貴...)上到去要等一陣位，都幾多人滿坐咁濟呀我地嗌左雜扒拼海鮮同芝士牛肉粒焗蛋炒飯，當然唔少得海鮮拼盤啦。頭盤就係蒜蓉包，外脆內軟女友人唔食，我幫佢食埋沙律 清清甜甜特別開胃節瓜瘦肉湯，聽名好似中湯，飲落去係西湯 幾特別海鮮拼盤 有大蝦，帶子，蠔，鲍魚，田螺。價錢平之外，味道又鮮甜 其實食到呢一到，已經飽飽地主菜芝士牛肉粒焗蛋炒飯呢個飯一流，首先係牛肉粒唔係d乾爭爭既牛肉，而係每粒都好似食緊牛柳咁，重牛味。再加蛋同芝士，正！雜扒，睇賣相就知道好食啦魚柳，黑毛豬，牛肉扒，大蝦。魚柳煎得金黃色，外脆內軟，唔會熟過龍。黑毛豬同牛肉扒都各有好處，平分秋色，雜扒好處就係可以試哂咁多野。甜品 睇相就知道cream啦，食到呢到已經覺得物超所值。總結，價錢唔算太貴，食到咁高質既質素實在難得！我一定會再光顧！

假日想係尖沙咀搵間餐廳慢慢食個lunch都好難，所以都預咗食完就即刻閃，但呢間又唔錯，沒有俾臉色你睇，等你食完一樣再上一樣，定係因為我地比較早食，人少呢😂原本想食海鮮，但佢lunch只要set lunch~好彩有得追加迷你海鮮拼盆，賣相一般，但個鮑魚同蠔好ok，如果可以多啲就好了❤️主菜牛扒比黑毛豬好味，對得起個價錢，甜品同咖啡反而有驚喜，食完會感覺成餐飯好完美，好似樣樣都岩岩好，整體食物質素都唔錯，就比較細間，要提早book窗口位先有景睇，會有下次🤗

很久未到Chef Stage晚膳，原來現已改為有歌手駐場自彈自唱。當晚聽到歌手唱了四次生日歌，原來Chef Stage係慶祝生日熱點，真的有點意想不到。今晚沒點上套餐，改為散叫共享。C. Van Nell Kaseler, Riesling, Germany為配合海鮮，叫了一杯味道帶蜜糖及蘋果味的白酒，少喝白酒如我都覺得此酒甜中帶乾，很配合之後的海鮮菜色。墨西哥鮑魚仔配鮮蝦蟶子沙律此沙律的顏色很豐富艷麗，配料有鮑魚仔、蟶子、鮮蝦、彩椒、車厘茄、青瓜、洋蔥碎、香草及沙律菜。海鮮中的鮑魚為磯煮鮑魚，鮑魚吸滿濃郁湯汁，肉質鮮嫩彈牙。蟶子口感硬身爽口有嚼頭。鮮蝦蝦味濃肉質爽口彈牙。此沙律最特別部分為用上大量生洋蔥碎，生洋蔥碎入口較為辛辣，幸好加上油醋汁調味後辛辣味變得較為溫和亦較易接受。法式明爐原條沙巴龍躉配鮑魚、帶子、鮮蝦及鮮蜆主菜法國馬賽海鮮湯用大圓盆盛上，下面放有gas爐，滾著食感覺有點似中式邊爐。海鮮有原條沙巴龍躉，魚肉厚身，肉質鮮甜嫩滑，鮑魚帶子蜆等各種海鮮都鮮嫩清甜。海鮮湯加上原條魚肉令馬賽海鮮湯更加濃杰可口，旁邊的配菜洋蔥絲吸滿海鮮湯的精華，味道不比海鮮遜色。黑毛豬扁意粉黑毛豬柳

西餐大排檔太好，返到屋企都有search下呢間餐廳本身係咪咁出名，俾我誤打誤撞搵到黎食!原來真係出自名廚之手，老闆兼總廚係一位人稱西餐浪子既星級廚師eddy chu，而我都終於知道西餐大排檔點解了!的確係一個中西合壁，想客人食西餐既同時，享受下西式既用餐規格，但又可以好似坐大排檔咁輕鬆自在。今次我專程走去左總店食(應該係)上到黎同西餐大排檔都係一樣，有個變色既霓虹燈牌門口旁邊係一大堆既獎牌，睇黎總廚既實力的確係大受肯定未行到入黎就聽到歌聲，估唔到真係有人拎住結他唱英文歌，唔知係lunch先有定晚上都有呢總店當然唔少得大廚既相總店同西餐大排檔都唔係太大，設計上差不多，但呢度更開揚，採光度夠，整個環境睇落都大d餐廳中間都係水吧位有咩酒都放哂出黎，唔想睇menu可以慢慢揀menu都係大同小異! 但呢度lunch set包埋salad同dessert黑毛豬太驚喜，所以一定要encore，另外點左份原條燒魚知道佢真高級餐廳，真係要飲下酒扮下野享受下!見係食魚，所以點左款白酒c. von nell kaseler入口香甜，而白酒多一種有氣既質感，好似飲緊碳酸飲品咁，飲落舌頭有點剌刺既感覺海鮮拼盤唔

天氣清涼，本是郊遊好時機，點知訓唔醒，打斷了今個星期六的行程，咁當然要轉戰食餐好，然後遊九龍公園補番數😅西餐就係今日的首選，倆隻小貓係阿士厘道遊左個圈，決定上去chef stage de eddy chu 食set lunch ❤ 嘩，居高臨下咁望住尖沙咀感覺不錯。餐湯非常足料，濃濃美味! 鮮甜得令人興奮。沙律菜亦很新鮮。我地點左燒美國牛肉眼(7成):$178呢份牛扒真係食到我幸福滿滿，完全唔想同人分享😬 成日出街食七年的牛扒，唔係血淋淋就係熟得牛扒縮晒水而且，今晚我終於找到我最愛的七成熟!!!! 牛扒表面焦香熟透，一切開，肉紋清晰，粉紅色的，口感軟熱，肉汁鮮甜，肉質鮮美緊緻，最重要係牛扒仲係大大份，很明顯廚師有細硏最完美的七成熟，果然係大師級，原來廚師對廚藝的熱誠是吃得出來😋西班牙橡果級別黑毛豬$158橡果級別到底係點架！？好期待！原來係非一般的鮮嫩，而且豬味濃，易嚼，好正。原來有海鮮拼盤加配 $55一份X2 海鮮拼盤也不錯。最後吃上甜點，非常快樂，還陶醉在肉眼扒的美味中。

美好的一天我總是由午餐開始。今日黎到尖沙咀既高空，一嚐美景配美食。室內座位不多，但唔會太迫。------------------------------睇左一下餐牌發現同日前去過的西餐大排擋原來是同一公司。餐牌大部分相同！------------------------------日式青瓜蟹籽沙律份量剛好，清新的沙律菜加上黑醋，但甜甜的油豆腐中和了一切。蟹柳唔會膩，配搭得好好。海鮮拼盤生蠔海水味好重，好濃蠔味。蝦肉好新鮮彈牙，鮑魚依舊係最出色的，好入味好軟。粟米蟹肉湯打碎的粟米配上一絲絲的蟹肉，唔似罐頭一樣死甜。但加上了蔥反而有點兒奇怪。蒜蓉包偏軟熟的蒜蓉包，正常水準。雜扒拼海鮮-大蝦&魚柳&牛肉眼&黑毛豬($158)呢個拼盤滿足哂所有人，有肉有菜有海鮮。大蝦好新鮮，肉質彈牙鮮美。黑毛豬好結實，十分難切。但食落肉質十分彈牙。魚肉唔會好易散，但魚味唔太出，唔腥。燒美國牛肉眼($178)點了7成熟，好大一件。外面睇落火喉控制得好好。好靚既肉，油脂分佈得好平均，邊邊位好淋。但中間位肉味好濃，而且好有咬口。唔似低質好鬆化既霉肉一樣。甜品係chocolate cake,細細件唔會太甜太膩。而且D