CHEF STAGE de Eddy Chu (已結業)

萬里無雲的周末，特別讓人舒暢起來，再享用一頓美味的午餐，便很完滿。我們去到最愛的Chef Stage by Eddy Chu用餐，不過今天幾乎全場爆滿，我們稍等一會也沒問題。沙律是朋友超喜歡的蜜糖芥辣鴨胸沙律，蜜糖芥末香甜微酸，配搭爽脆的生菜，新鮮的蕃茄，肉質彈嫩的鴨胸，沙律清新感源源不斷。這裡的海鮮拼盤絕對令人一吃難忘，每次來我們都會點上一盤。海鮮拼盤多元化，包含鮑魚，鮮蝦，日本帶子，生蠔及鮮螺，一次盡嚐鮮之味。看見肥美的生蠔，任誰人都不願錯過它，生蠔鮮鹹多汁，放進口裡不滿足是騙人的吧。大家可以先嚐一口原味，再沾點醬料，轉換口味，那麼就不會單調。記得之前只有一款香草醬汁，今次增添了冬蔭功醬，相信是餐廳最近新研發調製而成，又多一款口味品嚐。日本帶子輕輕咬下，肉嫩甘甜，混搭美酒愈嚼愈香，風味絕佳。嚐到濃郁海味的鮑魚，也不枉此行，鮑魚處理恰到好處，彈牙中又不失鮮嫩，一旁的冬蔭功汁使嚐起鮑魚時味道更為精彩，沉醉這份美味之中。熱呼呼的牛油餐包未上桌，我們經已聞到它濃重的蒜香。餐包上薄薄的牛油呈現好看的鮮黃色澤，每一片均香脆可口，沒有膩味的感覺。今天的是日精選餐湯黑松露蘑菇湯頗合我心，彈力十足的

同男友慶祝生日，訂位時已經要求話坐窗邊睇到境既位，佢話盡量安排，咁都知會好難做到，所以都無期望唔太大，結果去到佢俾左中間位我地，坐正係蛋糕櫃前，俾男友見到我幫佢預訂既蛋糕，🤦🏼‍♀️又嘈好似去左街邊食野咁，所以我都即時再要求坐窗邊位，佢地就話有人走可以安排我地搬去坐。到叫野食時都仲好好服務，係咁不斷推薦我地食個最貴既餐，因為見份量太多所以我同男友最後都係各自叫左個一人餐就算，個侍應話會有杯酒問我地飲咩，我地話唔飲酒唔要，咁佢就話調杯特飲送俾我地，到問題黎喇，上菜竟然上左個貴既餐刺生俾我地，我地就話無order 叫呢個餐，咁就收走左個刺生，之後個侍應發覺我地無叫貴既餐後，態度180度變，仲走黎同我地講，因為你係唔係叫貴果個餐所以杯野飲要收錢，我同男友都呆左，一開始我地都話唔要，而家見我地唔係叫貴既餐就黎收返我地錢，呢個咩道理？而且果杯野係佢要格硬俾我地，但見今餐係同男友慶祝生日，我都唔想有d 咩爭吵，所以就由佢收兩杯野飲既錢。仲有我要求坐窗邊位既事，當然個侍應已經無理我地，我見窗邊位有人走左佢都無叫我地調位，我地最後埋單都$1300都唔平，但就因為無叫貴餐，就得到咁既服務，呢間野唔會再去！

Chef Stage一向食品質素不錯，久不久亦會訂坐一嘗其創意美食。近期到來覺得枱與枱之間的空間越來越少，人客亦越來越多，就算訂了枱亦可能要等。餐廳加插駐場歌手顯得更加擠擁。餐廳既有套餐亦可散叫，散叫食品較有特色。乳酪鮮蝦芒果雜菜沙律乳酪芒果清甜，鮮蝦沙律鮮味爽脆，荔枝珍珠沒有如珍珠奶茶的珍珠般的煙韌，質感比較軟身，一咬之下有荔枝汁流出，減低沙律菜的青草味。黑毛豬熱脆包此豬扒包與澳門豬扒包不同，包身更薄更脆，猶如兩塊酥皮夾著黑毛豬條。嫩滑黑毛豬條混上日式芥末汁，味道辛辣刺激。旁邊的菠蘿清甜多汁，加上羅勒葉為餐廳特色。黑松露蘑菇湯黑松露磨菇湯內有很多磨菇碎，再加少量忌廉煮成，磨菇湯入口順滑，黑松露與蘑菇菌味道幽香濃郁。燒法國黃油雞扒配松露鮑魚松露鮑魚有兩大隻之多，味道鮮甜，肉質結實彈牙，每人獨享一隻很滿足。黃油雞扒厚身，外皮煎脆，內裡肉質嫩滑，雞扒切件點上香濃松露汁入口惹味。紐西蘭蟶子配米酒白汁扁意粉紐西蘭蟶子切碎，質感略為硬身但十分爽脆。米酒白汁扁意粉味道很特別，有很明顯的酒香味，味道比白酒煮意粉來得強烈，扁意粉煙韌彈牙，加上羅勒葉帶出味道。

友人成功轉工，搵到份自己有興趣既工作，少不免要慶祝今次既餐廳位置並唔難搵，近I-SQURE，裝潢、燈光都好有情調而且有唔少食客都係黎慶祝生日，駐場結他歌手會上前唱生日歌，係幾特別既生日體驗前菜先來個沙律冬陰西班牙煙豬腩沙律配荔枝珍珠沙律中增添荔枝珍珠，唔單止口感特別，荔枝既甜味更同帶咸香既煙豬腩有強烈對比，但又異常地合襯本身以為煙豬腩都係一片片既煙肉，但原來係燒腩仔咁，比較厚身，更有口感而且煙燻味好濃，咸香十足，同荔枝珍珠一樣，有畫龍點睛之用忌廉鮑魚冬陰海鮮湯很特別的餐湯，有鮑魚的冬陰湯，立馬變得更吸引但望多兩眼，發現入面有湯匙咁大粒既帶子、大蝦根本就係豪華版冬陰海鮮湯!!!各樣海鮮都好新鮮，鮑魚&蝦彈牙、帶子鮮味湯香辛料同海鮮既鮮甜味都恰到好處，味道融洽得黎，2種味道各自又可突出，真係值得一試紅咖哩蟹肉配易脆麵包蟹肉既甜味，無被味濃既紅咖哩蓋過，而且蟹肉份量唔小紅咖哩既香辛味唔係太濃，比較香咖哩較為稠身，就更易掛上麵包咖哩香濃、麵包激脆，兩者味道&口感都好夾燒西班牙黑毛豬肋條黑毛豬肋條油脂位更多，入口更香，呢陣滋味係食豬排等、較瘦既部位無可能體驗到靚豬肉既油脂香係一樣享受，肉味亦更加

去得茶記多 偶而都想去一下高品格既餐廳 最近就愛游走尖沙咀地帶搵食 這天難得有點空閒 想靜靜慢活一下 於是搵到尖沙咀亞士厘道呢間叫Chef Stage de Eddy Chu Chef Stage de Eddy Chu帶點簡單文青風 環境怡人景觀開揚 跟三五知己來個慢活消磨實為不錯 下午茶時段更有即場表演 剛剛好可以欣賞到 感覺似走進外國特色餐廳一樣 說好的要慢活渡過休閒時光 當然要品嚐一個休閒下午茶 點了一個茶餐再點了一個特色茶餐 茶餐跟特色茶餐均有蒜香牛油法包拼雙蛋配煙三文魚或是火腿 蒜香味濃厚 本來偏向硬身既法包亦變得軟身易入口 蒜香夾帶著牛油香 滿口幸福感 雙蛋其實就是炒滑蛋 香嫩細滑 火腿是用上巴拿馬火腿 咸香味重 不失咬口 肥瘦剛好不會太鞋口煙三文魚入口肥美 油甘味美 吃著隱約滲出淡淡煙燻味 口感瞬間即溶 另外還有湯意粉 這次選了香燒黑毛豬以及香草雞扒 黑毛豬外皮香脆滋味可口 肉質燒得剛好 吃得出豬肉既甘香 肉質爽口但不肥膩 既juicy又富嚼勁香草雞扒皮脆肉嫩多汁滋味可口 味道剛好不會太過 特色茶餐還包括了這個海鮮拼盤 分別有生蠔、鮮花螺、日本帶子、鮮蝦以及聖子刺身

第一次寫食評，見呢間餐廳嘅評價都唔錯，就book枱同老婆慶祝生日，一上到去個環境同d相根本兩回事，仲要安排咗坐門口，又迫，坐得勁唔舒服，佢地比我嘅感覺係一間高級茶餐廳，佢地d waiter好亂，前一日打比我確認booking,分別打咗3次，每次都唔同人打嚟，茶餐廳d侍應都有件白色制服呀，呢間d waiter係普通一件T恤，根本分唔到係客人定waiter,食物質素一般啦，但驚喜就無㗎喇，仲要係呢個價錢，一定無下次

返足六日工，星期日要食下放鬆下! 今日都係同朋友黎chef stage，就黎變左我開飯必到既餐廳。一入門口已經聽到結仔他聲同歌聲，最鍾意呢間餐廳既原因就係因為有人唱歌今日有窗口位坐，正! 一邊聽歌睇靚景一邊食野，人都開心啲!餐牌間唔中會有變動，今日都係點左兩個main再加海鮮拼盤生蠔夠肥夠甜夠creamy，今日既螺幾特別，加左泰式醬汁，味道唔錯。幾煮鮑魚香腍夠入味但我始終最鍾意呢粒蜜糖麵豉汁配帶子帶子大大粒，入口又甜又滑，加左蜜糖特別甜，仲有淡淡麵豉醬味，特別香甜跟餐蒜蓉包，蒜蓉醬夠多，外脆內軟餐湯每日唔同，今日應該係椰子雜菜雞湯?有蘿蔔西芹洋蔥椰子同雞肉，飲落椰子味好香，味道非常清甜美國燒牛肉眼，食左咁多次都咁好味，手準keep得好好。要左五成，切開肉色好靚，入口嫩滑多汁。但今次個紅酒汁酸左少少田園雜菜清湯浸法國原隻春雞!!拎出黎既時候覺得好誇張，因為非常大盤。撥開一睇真係原隻雞，有豆角，椰菜，洋蔥，磨菇，薯仔做配菜。試左一啖湯，味道係加多黑椒既蔬菜湯，清甜得黎帶微微黑椒辣雞肉唔算太滑，顏色同外皮質感似係烤完再浸，食落好多湯汁。第一次西餐食浸雞，味道唔錯，主要用雜菜同黑椒做調味今日既

尖沙嘴有時真係比旺角還要逼, 星期六日更加嚴重, 走在街上一定被撞散但無理由因為人為而經常宅在家裏的吧!?  還是找個樓上cafe 去歇腳, 同閨密歎個下午茶, 涼下冷氣傾下計, 宣洩一下星期一至五遺留下來既壓力...諗起壓力個心都酸一酸......今日行完誠記書局, 由水洩不通既海港城 搵到呀士厘道, 好多樓上餐廳可以選擇!最尾揀左有少少海鮮食既, 環境比想像中chill呀這一刻,  覺得自己高高在上,  比起樓下迫來迫去既人, 顯得好自在裝修唔錯,  比酒同openkitchen既包圍下覺得有點high class食物  其實來得好地道,  常餐快餐,  加左廚師既少少心思成為了fusion常餐海鮮做頭盤帶子特別好味!炒蛋可以配ham or salmon, 我和朋友都是三文控重點我覺得係湯意湯意----完全係香港人創造既偉大發明,   濕濕地,  又低GI個黑毛豬好好食!!就咁樣, 過左個輕鬆下午na!

等我滿心歡喜以前去過元朗果間，以為都係差不多味。原來係完全兩回事叫左個二人餐，頭盤係個海鮮拼盤，樣就幾好啦⋯⋯⋯一啲都⋯既海鮮拼盤⋯⋯⋯帶子好似比人一開二放入杯仔，仲要已默認點左佢果隻汁，我想食原味囉⋯蝦同鮑魚無咩野，幾好味，隻蠔吾生肉之後就係黑松露蘑菇湯，個湯係好味既，好重味。飲完湯就到焗田螺，個焗田螺非用殻包住，成粒都食得，係幾得意既跟手就上左個松露年糕，同頭先個湯撞晒味，無咩驚喜，食完就到主菜了上左兩塊扒，呢塊扒⋯⋯⋯蕃茄做配菜林之之甘, 推介

朋友前排喺度食過話好食，呢日就特登同老公嚟撐下枱腳。餐廳位大廈19F，一入門口已經見到好多獎狀。餐牌好多選擇，有set有單點，各適其式。見有位歌手自彈自唱，咁好情調，一於點返兩杯白酒享受下😚墨西哥鮑魚仔配鮮蝦聖子沙律 - 材料豐富，有鮑魚、鮮蝦、聖子、番茄、青瓜、紅黄椒、沙律菜同荔枝珍珠。鮑魚仔爽腍入味；鮮蝦爽口彈牙，加上爽口新鮮嘅蔬菜，用上黑醋及檸檬橄欖油做dressing，好食又清新開胃！黑松露蘑菇湯 - 黑松露味香濃，刻意保留一粒粒爽口嘅蘑菇粒令口感更有層次。忌廉鮑魚冬陰海鮮湯 - 冬陰功味同忌廉味好夾又好平均，湯入面仲原隻鮑魚、大粒帶子、蝦、蟹子、草菇等材料，令到個湯更加鮮美。大大隻蝦多士 - 蝦多士咬落外面鬆脆，入面蝦身好爽口，配上蜜糖芥末醬同清新沙律，好食又唔油膩。燒西班牙黑毛豬「肋條肉」- 黑毛豬豬味濃，口感腍得嚟帶爽，配上燒汁、鮮菠蘿、番茄一齊食，更加鮮美！甜品為芝蔴味蛋糕，表面的芝蔴令口感更有層次，甜度適中，為呢餐畫上完美句號😋

約咗好耐冇見嘅友人就嚟到尖沙咀呢一間餐廳食晚飯 午餐就食得多啦 晚餐唔知又會點呢？ 餐牌 份份個名都好吸引唔知揀邊一個食好cocktail & 白酒 白酒點了杯餐前酒又或者用來搭配海鮮也不錯，更能幫助帶出食物的鮮味。cocktail酒精濃度相對較低，果汁搭配的cocktail，酸酸甜甜，十分清新！冬陰西班牙煙豬腩沙律 $138 呢份沙律好新鮮 蔬菜唔係冷藏既凍 係岩岩好既頭盤 非常開胃 寶物沉歸底 啲豬腩係沙律嘅下面 份量仲要超級多 冬陰公算係微辣 連我唔係好食得辣既人都食到 仲一舊接一舊法式明盧原條每日鮮魚配鮑魚，帶子，田螺，蜆肉 $388 呢一道菜式見到個樣 未食都已經流哂口水 勁多海鮮加埋條鮮魚再滾住既湯 一流！老實講 我同友人清哂成個湯 濃郁海鮮同魚既味 仲有番茄 夾得天衣無縫 雖則條魚係滾住嘅但係啲肉質都好鮮嫩 仲要無乜骨 淡淡肉 其他既配料亦沒有腥味 黑毛豬扁意粉 $188蒜香意粉配搭黑毛豬，黑毛豬嘅份量分分鐘仲多過啲意粉 肉汁好juicy 肉味好濃厚 意粉雖然係用扁意粉但係亦都好有口感 讚呀！總結，再一次無令我失望 每一次都保持到水準 環境好同時價錢又合理 真心推薦大家

今日想去尖沙咀行下，所以於網上搵左哩間位於亞士里度19樓既餐廳試下佢地質素。餐廳地點尚方便，由尖沙咀A1步行5分鐘便可到達， 電梯可直達位於19樓的餐廳。餐廳環境尚算乾淨衛生，侍應的質素雖不能與高級餐廳比較 ，但尚算有禮，另外由於餐廳位於19樓，可遠眺維港景色。我們二人中午上去點了兩個lunch set ，分別是一份芝士黑椒牛柳粒焗蛋飯 和一份燒美國肉眼，另外加了一個海鮮拼盤， 老實說賣相只有70分，但食物味道有一定水準 絕對冇伏，埋單連加一價錢不用400， 而且分量很十分足夠， 絕對值得推介！

第一次上OPEN RICE寫食評, 因為係覺得親身體驗同呢度咁多好評完全係兩回事。見呢度多數人都係慶祝生日同埋話食物好味先諗住嚟試吓。上個月尾同男友慶祝生日食咗個午餐，真係好難忘。唔知係咪午餐同晚餐既食物同服務會有好大分別, 所以呢度COMMENT會咁極端。環境地方比較窄, 食物一般, 個湯比較稀, 但服務真係要改善。BOOK位時已經同個WAITER講我男友生日, 佢話個SET會有甜品, 亦問咗我男友個名話到時會寫上佢個名, 但到食甜品既時候, 卻係送黎兩個普通跟餐的甜品, 我問送餐嚟個WAITER, 佢話佢唔知, 仲竟然問我俾Visa定俾Cash, 叫我快D俾埋佢去埋單, 真係當堂O咀。然後我叫另一個WAITER埋黎問, 呢個就話個生日甜品係另外上嘅, 佢即刻去準備。好喇, 最正嗰幕係, 佢返嚟問我生日嗰位叫咩名, 俾咗張紙我叫我寫俾佢, 咁即係其實佢哋根本就冇MARK低過啦! 而且呢個WAITER話佢哋LUNCH係冇限時的, 我唔明點解之前嗰個WAITER會叫我快D俾錢佢埋單, 我只係食咗一個鐘頭。總之, 我就唔會再嚟了。

禮拜六系尖咀逛完食tea！ 但係好似去慣地鋪既 想搵d新野試下！ 就行jor 去亞士厘道那邊呢間樓上鋪！ 見comment like 數都幾多下！ 就去試下！ 見下午茶有兩款 價錢差別於個頭盤有海鮮拼盤~ 所以分別嗌一款!坐系窗邊~ 的確見到個景！ 雖然都係石屎森林 但係天氣好好 ~ 而店鋪岩岩好 有singer 唱歌~ 令到成個環境都覺得好舒服~ 海鮮頭盤,  裡面分別有生蠔 北寄貝 象拔肨 同鮑魚！ 見賣相唔錯~ 生蠔都肉身厚的, 食落口一d 都唔腥！個北極貝都好鮮甜, 鮑魚其實都好大件~ 如果覺得單調 加上佢個醬 都唔錯~ 再黎個煙三文魚加炒蛋！個扒 分別嗌jor 黑毛豬同埋香草雞, 份量都好大~  首先講過黑毛豬 肉身比較厚, 其實裡面差不多系冇脂肪~ 肉質實身, 所以口感十足！加埋杯凍啡~ 話咁快 就食完一個tea 啦~ 

星期日放假,  上網見到e間西餐廳,  有景觀、食物賣相佳, 一於約埋朋友去e到歎歎tea！ 餐廳離地鐵站大概8mins。3點幾上去tea下, 入左餐廳門口, 下午茶唔多人, 見個景觀好靚,😊👭👍🏻 餐廳窗花大, 一望無際, 周邊樹木、大廈同碼頭海景都望到！ Tea-time menu 好易睇！好快就落左一個$128特餐同$68茶餐。👭分別係特餐多左個海鮮拼盤, 同埋可加$35跟杯紅/白酒。🍸🍷 海鮮拼盤有冰填生蠔、熟蝦、螺同帶子各一件, 配埋青綠同米黃色醬汁。青綠醬汁酸酸溜溜, 又有d檸檬香, 好味好開胃👍🏻👍🏻, 而米黃味似麵鼓。比較喜歡青綠汁, 每樣海鮮都點下佢！😂加左杯白酒, 提子香味濃郁, 酒味唔哽喉, 唔會搶左水果香甜！非常推薦！😍👍🏻👍🏻 煎蛋同炒蛋賣相佳, 炒蛋炒得好滑！👍🏻😊蒜蓉包唔大件, 但上面鋪左好多蒜, 加埋牛油, 幾香脆！煎火腿粒size好大粒, 彈牙有咬口！餐廳好貼心, 上枱前已將黑毛豬扒切好, 大小適中, 加分！黑毛豬好彈口、肉嫩, 豬肉味香濃！雞扒不過不失, 肉質亦彈牙。相比下, 黑毛豬較特別！😋 細慢靚景美食！😎🍸👍🏻