Chatterbox Café (K11 Musea)

營業中

休息中

呢排忽然間好想食海南雞，於是諗起呢一間位於K11 Musea嘅Chatterbox Café，平時好多人排隊，今日早嚟好彩唔使等。嚟到梗係要食招牌《文華海南雞飯升級 雞髀 (+$10) $133 》因為我唔鍾意食雞胸，所以加咗$10 轉雞髀肉，已去骨，啖啖肉食得方便。雞肉都滑，但如果再嫩滑啲會更好味；而油飯香而不油膩，但我覺得還可以再濃味一啲，豆腐雞湯清甜。另外第一次嗌《 素菜炒貴刁 $103 》呢個另有海鮮版本。黑醬油味香濃，有炸腐皮舖面，腐皮外脆內軟幾好味，不過都幾油膩；河粉寬身，炒得均勻，混有菇、鮑魚菇、榨菜、椰菜、芽菜，都好豐富，兩個人share食岩岩好。《 黑醬油炒鮮蝦蘿蔔糕 $82 》呢個都係用黑醬油炒，件件蘿蔔糕都入味，有蛋、三、四隻大蝦，蝦口感爽脆。《 炸素春卷6件 $52 》熱辣辣好香脆，入面係素蔬所以唔會太油，加埋甜酸醬仲好味。埋單每人 $200 左右，食到好飽。

K11 Musea 餐廳多，但其實好多都唔平，chatterbox cafe 就算抵食了（特別係比較埋B2 food playground的話）餐廳必食係文華海南雞飯（$123）及鹹蛋雞翼（$62/4隻），真係雞全部都係雞！海南雞飯作為餐廳招牌菜，選用雞肉都幾滑，啖啖肉，加埋油飯、例湯同醬料，簡直係一個完美配搭。鹹蛋雞翼有2個size，我地叫左細份量，兩個人食四隻剛剛好，鹹蛋味都幾出，雞翼就係雞全隻，有點似日本的手羽先。星州海鮮炒貴刁（$103）即炒上碟熱辣辣，有海鮮配料例如魷魚、蝦肉等等，都幾有鑊氣。最後唔少得特色飲品，凍美祿恐龍($38)及涼粉豆漿（$38）！

男友話好耐冇返佢鄉下，好掛住星加坡美食喎。身為女友梗要照顧好佢個胃，於是帶佢試吓正宗星加坡口味嘅海南雞飯，就係位於K11 Musea Chatterbox Cafe店內環境較為簡撲，以卡位為主，自助形式點菜，減成本基乎每張枱都見到……文華海南雞飯套餐 $133識食梗要轉雞髀，只加$10 咋！套餐整盤送上，包括了海南雞髀、油飯、清鷄湯、三色醬油。夾起期待已久的海南雞髀，目測油潤的鷄皮下藏了層簿簿的啫喱，相當誘惑。先吃原味將鷄肉連皮放入口，一次過可嚐到爽滑鷄皮和細嫩鷄脾肉，美味，超幸福！再試埋加上三色醬，當然可以令鷄肉更富層次，但辣椒醬較為辛口，所以我只點了黑豉油和xx蓉已經足夠了。油飯有香茅味、好香，不算太油，只係份量少咗啲。清鷄湯一滴油都冇，付加一片嫩豆腐，味道清甜。黑醬油鮮蝦炒蘿蔔糕 $82先被大大隻鮮蝦吸引眼球，蝦隻爽甜好好味；蘿蔔糕被咸中帶甜的黑豉油包著，入口軟糯香口，還加上蛋花和香蔥令香味更突出，好味到令人停吾到口。傳統甜蝦醬蔬果花生沙律$98這款沙律完全顛覆了我對沙律的印象，完來是星加坡特色沙律，材料有花生碎、沙葛、青紅蘋果、青瓜、油炸鬼、菠蘿等，入口暖暖的，口感層次十分豐富

叫了海南雞飯，雞肉完全沒有雞味，又鞋又柴，完全唔值呢個價位。 完全失望！海南雞可能係冇加到$10轉雞髀所以肉質好鞋，但係都唔會俾多次機會佢😅。 對比起出面荃灣或者西貢或者佐敦嗰間金雞海南雞飯（42蚊）都好味過佢多多聲！男朋友叫了咖喱豬肋骨，完全覺得佢煮完啲豬肋骨就咁放上咖喱汁，啲肉完全冇咖喱味， 得個辣字， 佢話食大快活仲開心啲。 完全沒有服務，飲完啲水都唔會refill 。全個商場咁多餐廳，完全唔會想俾多次機會佢。

Chatterbox Café 尖沙咀梳士巴利道18號Victoria Dockside K11 Musea B1樓B110號舖香港酒店食一個海南雞飯, 要成HKD $300, 我普通市民真的吃不起, 要貼地的有個大眾化選擇。Chatterbox 1971年開業於新加坡文華大酒店, 獲獎無數的文華海南雞飯以招牌喇沙、特色咸蛋雞翼都是必食。$98 豬肉SATAY 6串, 爽口的翠玉瓜和洋蔥, 加埋沙嗲醬好惹味。$123 文華海南雞飯這名物, 自然要點上一份試試啦。湯及3個沾醬是海南雞, 雞肉確是嫩滑, 沾醬可咬獨或混好後再用來蘸點雞肉吃, 薑蓉, 濃厚的甜醬酒膏同辣醬,一起發揮出雞肉的味道到淋漓盡致。跟碗油飯同冬瓜粒湯加$45醬油西生菜, 加了炸蒜, 有蒜香$83 特色咸蛋黃雞翼 (6 隻) 自數年前鹹蛋黃魚皮紅極一時後,很多食物都相繼加入咸蛋黃, 雞翼肥美多肉, 咸蛋黃醬難得唔成鹹, 加了糖來平衡鹹度同風味, 甚是好吃, 一定要加點的小吃,才是不枉此行。小食、海南雞飯同喇沙都好有新加坡食到架感覺, 味道十足呈現出亞洲風味, 主食款式多, 都是港人去新加坡旅行時必食的

已經食左好多次啦 ，每次都唔會令我失望，係K11 Musea可以搵到呢個價錢又好食嘅真係唔多。佢地嘅海南雞飯真係好正💯如果食lunch set嘅話海南雞飯$113 記得要加10蚊就可以轉雞髀🍗好厚肉好juicy🤤

><友人去咗新加坡工作有時會分享食過嘅海南雞飯而餐廳都出名 喺當地酒店入面經營文華海南雞飯($123)升級雞髀(+$10)原來雞肉係經過慢煮而成難怪肉質很嫩滑 雞皮算薄唔會好多脂肪 食落啖啖肉白胡椒肉骨茶配白飯($112)白胡椒香濃但唔會刺鼻有淡淡蒜味 油條嗦湯好食豬肋排 冇咩肉臊味 同個蘸醬都夾黑醬油炒鮮蝦蘿蔔糕($82)看似濃味其實啱啱好甜甜地蘿蔔糕粒軟滑 配料都惹味雙球椰子雪糕($38)自家製雪糕 用椰子肉整成食得出好足料 仲有少少口感><><><><><><><><><Chatterbox Café尖沙咀梳士巴利道18號Victoria Dockside K11 Musea B1樓B110號舖

位於尖沙咀梳士巴利道18號Victoria Dockside K11 Musea B1樓B110號舖的Chatterbox Café，主打精緻新加坡菜。餐廳以啡色及深綠色作主調，椰林樹影，充滿阿熱帶風情。餐桌安排上，與鄰桌的距離不會太過近，私隱度充足。筆者頗為欣賞餐廳職員的服務態度，窩心又有效率。掃描二維碼（QR Code）下單後，熱騰騰的食物在十分鐘內便上桌了。文華海南雞飯 - $123（Mandarin Chicken Rice）📌The world-famous Hainanese Chicken rice - tender-boiled chicken, fragrant rice and chicken soup with homemade chilli, ginger and dark soya sauce海南雞飯是餐廳的招牌菜，水準也相當不錯。海南雞的份量慷慨而充足，會有雞脾肉和雞胸肉各一大片，可以滿足地吃一件海南雞配一口油飯。筆者相當愛吃雞胸的位置，雞胸肉質嫩滑，除了雞肉的味道，還能聞到淡淡的酒香。雞肉下的醬汁也不會過鹹，不會蓋海南雞本身的味道。。三款醬汁包括有黑醬油、

今天來到K11 musea行街，喺度唔知食咩好之際，就見到這間新加坡菜餐廳，之前又未食過這間餐廳。見佢個招牌菜係海南雞飯，咁一於點呢個。首先個油飯已經好香，個雞的肉質好嫩滑，另外果三款醬都好味，食得出呢間好有誠意。另外再叫多個海鮮喇沙湯米線。呢個都好好味，我食過啲喇沙湯粉係會連個湯都飲埋的，個湯底好香濃，我飲到芝麻花生同蝦味都好出，而且食材靚，蝦係新鮮彈牙的。加多個沙嗲豬肉串，個豬肉串一啲都唔乾，好有肉汁同鮮嫩。這間餐廳值得再來。

📍Chatterbox Café (尖沙咀)尖沙咀梳士巴利道18號Victoria Dockside K11 Musea B1樓B110號舖🔹文華海南雞飯 $123海南雞雞皮爽薄又無骨，份量都幾多，配搭埋醬油，辣椒醬同薑蓉，再食埋個油飯真係好好味👍🏻基本上每檯都會叫😹🔹招牌珍寶帶子喇沙 $163喇沙有3粒帶子都幾大粒，配埋豆卜，魚片同雞蛋，料都好足，但食入口比較’杰‘身同喇沙味道唔夠及細細碗價錢貴左d🙃🔹特色鹹蛋雞翼 $62（4隻）炸完出黎有小小濕濕地，鹹蛋味道較淡總結：海南雞最好食👍🏻推薦指數：🌟🌟🌟🌟（5🌟最高）

在K11見到一間極具人氣的chatterbox cafe,這裏主打新加坡菜，原來也是米芝蓮星級推介。鑊氣炒貴刁，貴刁加入甜醬油炒香，食落夠晒惹味👍🏻 用料高級豐富，入面有唔少大蝦、kings size帶子、魷魚、臘腸及白飯魚仔，極之豪華！豬肉沙嗲6串 $98 少許焦香，肉質爽口入味，配上香濃的沙嗲醬，加上爽口的翠玉瓜和洋蔥，惹味又不肥膩！文華海南雞飯
幾乎每枱都會點呢道菜。雞肉慢煮方式烹調，肉質嫩滑，雞皮爽薄，配上辣椒醬、薑蓉和特製黑醬油，更有風味。這裏的雞會去掉肥油，所以怕肥嘅朋友絕對啱食，油飯粒粒分明，非常香口，冬瓜雞湯清澈得來非常入味，整個飯都非常出色，不愧為米芝蓮推介！人均消費不到$200，就能吃到高級星馬菜式，地方舒服乾淨而且位於高級商場，實在值得翻桌！

K11 食肆眾多，今次到了chatterbox Café 這裏主打文華海南雞飯 Mandarin Chicken Rice。價格合理，黃金地段都是百多元一位消費招牌海南雞，呢個飯每一個細節都非常出色，雞皮爽滑無肥膏，食曬全部雞皮都無罪惡感！油飯入味，粒粒分別，雞湯清澈但係非常入味，飲完都唔會口乾。鹹蛋雞翼有辣有唔辣，咸蛋包住成隻雞全翼，鹹香味十足，雞翼嫩滑香口，外脆內嫩，極邪惡的小食。足料肉骨茶以新加坡口味為主，胡椒味較重 ，而且份量十足，入面仲有豆卜同金菇，索晒啲胡椒味，配飯一流，再加上有一小碟油炸鬼，真係好似去咗新加坡🇸🇬必點的牛奶咖啡，咖啡味帶微酸，醒胃又醒神！

位於尖沙咀K11 Musea 的新加坡過江龍Chatterbox Café , 系我最喜歡的餐廳之一，正宗的味道在疫情下依然保持水準。店面以綠色為主色調，熱帶雨林系壁畫，小盆栽擺設，很有新加坡特色。「是日餐點」👉🏾 文華海南雞飯Mandarin Chicken Rice 💰123HKD+10升級轉雞髀通常海南雞飯都係極速上菜，幾乎每枱都會點呢道菜，一個托盤裝晒湯，辣椒醬、薑蓉和特製黑醬油，飯，雞。雞肉質軟冧保留鮮味，慢煮方式烹調，肉質不錯，雞皮爽薄，沾醬更有風味，我尤其喜歡特製黑醬油。雞油飯超級吸引，香噴噴的雞油飯，忍唔住一啖接一啖。👉🏾招牌雞肉喇沙Chatterbox chicken Laksa 💰 112HKD喇沙湯底非常濃稠，香料椰香味濃不會辣，粗米粉爽滑，配料有魚片、豆卜、雞蛋，做法很正宗。👉🏾 特色咸蛋雞翼 Salted Egg Chicken Wings (6隻）💰 83HKD必食！極吸引！極邪惡！金黃色的咸蛋黃均勻包裹住雞翼，皮脆肉嫩，咸香美超級好味！👉🏾椰子雪糕（雙球）Coconut Ice Cream（Double S) 💰38HKD椰子雪糕濃濃椰子香，口感細膩，不會

其實之前食過柏x海南雞飯之後入院瞓咗兩晚後，我都唔敢再係街食海南雞飯。但今朝破界，原因係女友真係食咗好多次好多次！佢極力推介呢間！呢間海南雞飯真係可以係世一，加錢可以轉雞髀，識食一定食雞髀！（無骨架）佢嘅雞好滑，無粉紅肉，因為好多出面嘅海南雞都係會有半粉紅嘅。咁呢間就無，加上佢嘅油飯超好食，勁香😙😙😙之後我地再叫咗XO醬炒蘿蔔糕，一粒粒好方便食。超惹味。最後食埋黃金蝦球，超好食，又粒粒都有咸蛋黃醬，超香超濃。最後要叫埋美祿恐龍！呢個真係不得了！雖然邪惡！但真心好飲。必叫！

襯平日k11 musea泊車優惠，過嚟食個晏入到去餐廳感覺都幾舒服，好似有啲熱帶雨林既感覺，依間餐廳係食新加坡菜Lunch set既話包咗熱飲，我揀咗個白胡椒肉骨茶，有得揀配飯定麵線，平時出面都係得飯，今次揀咗麵線用個鍋上嚟到熱辣辣，個湯都重胡椒味，但唔算好辣佢啲麵線同喇沙既麵線咁，一啖湯加麵線，好好味。個鍋既肉都份量多，有好多舊，唔係剩係得骨，有肉食架我朋友嗌咗個帶子喇沙，帶子都有幾粒，仲有大大粒添！依到既喇沙都唔算好辣，都好惹味既另外再嗌個辣魚餅，酸酸辣辣，幾開胃個餐加咗杯芒果菠蘿梳打，甜甜既，好解渴埋單400蚊左右，lunch都值得嘅，食物幾好，坐得又舒服，下次都會再尼食