Chatterbox Café (K11 Musea)

營業中

休息中

係K11 Art Mall食飯就試得多，今日都係去K11食，不過係K11 Musea到食，餐廳位置方便，沿住尖東港鐵站J出口方向行，入到商場上一層行前少少就到👍餐廳佈置以開放式為主，外面可以一眼睇晒餐廳嘅情況，座位以卡位為主，而且可以用電話落單📱落單之後大約十分鐘就有野食啦🤤文華海南雞飯$123🐓三色醬、海南雞、油飯、清雞湯組成，海南雞肉質鮮嫩，雞皮咬落爽口，配埋三色醬就有唔同層次嘅味道，仲可以飲啖清雞湯去清一清口中嘅味道，而油飯粒粒分明，唔算太油而且好香，只係份量有啲不足😞招牌大蝦喇沙$163🦐一上枱就俾啲蝦吸引住，都算大隻味道鮮甜，仲要已經剝左殼🍤，另外仲有雞蛋同豆卜，最正係個喇沙湯底好惹味，食晒米線都要拎嚟撈飯食😂咖喱豬肋骨煲配白飯及香脆薄餅$122🥘熱辣辣，每條豬肋骨都被咖哩包住，濃濃嘅咖喱味相當惹味，拎嚟撈飯同配薄餅食一流👍另外有茄子🍆同細細粒嘅薯仔🥔增加口感白胡椒肉骨茶配白飯$112🍲係K11 Art Mall食飯就試得多，今日都係去K11食，不過係K11 Musea到食，餐廳位置方便，沿住尖東港鐵站J出口方向行，入到商場上一層行前少少就到👍香炒河粉燴牛肉$112🐮河粉夠爽

星加坡有好多美食，最為人熟悉嘅有胡椒炒蟹，喇沙…. 還有文華酒店內的chatterbox， 無人不知的海南雞飯。香港人真係好幸福，不用飛過去都可食到正宗海南雞飯。海南雞飯食過多次，今日要試吓招牌珍寳帶子喇沙。一般嘅喇沙湯底又紅又橙，呢個好特別，啡色。嚐了一口，那椰子和花生食材融合一體，非常滋味。濃香濃稠。帶子真係好大件，又厚身。中心位置還好嫰滑。芽菜，豆卜夠入味。招牌椰子雪糕賣相好吸引。雪糕內有－絲絲椰絲，好香。充滿熱帶風情。紅莓鮮菓梳打清爽的飲料，refresh。

去到K11 Musea，冇理由唔一試咁出名的新加坡文華海南雞飯 Chatterbox Cafe 🐥 海南雞飯 $123 有睇開我其他食評應該都知我好鐘意食海南雞飯😂 係海南雞飯唔係只係海南雞，因為冇咗油飯再出色嘅海南雞都變得好單調😮‍💨油飯又香雞味又有小小香茅的清新 加分雞的份量比相象中多，皮肉分離，唔會過肥，肉質好有口感好細膩，好似可以食倒隻雞曾經做過gym咁😂 佢秘製個豉油令到我有撈飯既衝動配料方面薑茸偏甜，不過如果係因為地道新加坡風味就明點解，辣汁如果辣多小小就更好。白胡椒肉骨茶 $112 朋友叫左，然後我偷偷飲左一啖湯頭同食左條骨，湯頭胡椒相當濃但又不失肉鮮味，分量多到食唔哂🤣

朋友喜歡吃海南雞飯的，關注了酒店文華出色的海車雞飯，他也介紹了這個店子，要排一個小時間新加坡美吃佳餚有海南雞飯，叻沙炒，福建蝦麵，烤魔鬼魚，魚頭咖哩，沙爹，棒棒，跟朋友到這個地方吃新加坡菜。海南雞飯來這要吃的～味道不錯～一上菜大大海南雞， 雞肉嫩滑，保持到非常之好之水準，值得一吃！店子主打每日新鮮送到香港的雞～真心肉多嫩滑！值得支持 海南雞飯是新加坡必吃美食之一，店子保有肉質的彈性，烹飪後變滑嫩順口，店內的雞皮、雞肉沾滿湯汁，在飯上淋上雞油精華，美味在入口時蔓延，非常好吃。 沙嗲豬肉在新加坡，一串串香甜可口沙嗲，到新加坡旅遊時必吃的小吃。這店子沙嗲串搭配洋蔥、大黃瓜等蔬菜吃用，由蔬菜之清甜，為肉串提出了另一股甘爽滋味，略帶辛嗆之清脆洋蔥子～增加口味層次，豬肉口感是畫龍點睛呢。豬肉串沾上醬之後，濕潤沙嗲的醬汁提升烤肉與蔬菜間味道呢，棒 肉骨茶東南亞受歡迎，尤其是馬來西亞，新加坡等。店子帶肉連骨跟中藥，當歸，玉竹，當參，杞子等，更看到八角，甘草，原個蒜頭，熬煮出來的湯水帶香味。店子的食物很有東南亞特色的在地口味，食物味道協調非常～

提起Cafe，有部份人都係諗起文青，呢度就走休閑chill嘅路線，但食星馬野，環境都好舒服，多卡位，仲有bar位！招牌海南雞飯無得輸，入味，嫩滑，可以加$10換髀，我呢set係普通，但都唔弱，真係啖啖肉，滑得黎唔會成口油，平日忍口唔食皮都破例食左豆腐湯好清，唔會太鹹朋友之後到，點左豬肋骨咖喱飯配薄餅，咖喱質感好濃厚，少少辣，椰漿味唔重，香料味較搶，而且配菜係茄子同秋葵，好健康呢！份量都多架，2個女仔食呢2set係食唔哂，多個人仲可以加碗飯都夠食非常足料好大件，一煲有5-6件，肉厚飯後甜品：椰子新地，大推！呢個味道較少見，椰子味清新唔太甜，食過太濃太假嘅椰子雪糕真係好膩，呢個唔會，配上脆脆花生，爆珠，白色嘅應該係椰肉，口感豐富-脆，滑，creamy！特別留意，如果想食甜品早d order 剔餐後送上，我地晏左叫，好多都無哂，唯有下次先食🥲 原來甜品咁受歡迎仲有其他招牌菜用app落單好方便，店員都好主動幫手，見到有老人家慢慢督機會過去問要唔要直接幫手，好好呢！呢個商場呢個價錢，抵食！

放工拖着疲累的身軀，到K11Musea 搵食。咁啱屋企人想食肉骨茶，諗起來自新加坡嘅「Chatterbox Café」招牌大蝦🦐喇沙$168濃郁的喇沙湯底絕對係精粹，椰香和蝦味融為一體。米線質地較稔身，吸了不少湯汁。大蝦已剝殼，肉質結實彈牙夠新鮮，幾塊魚片爽口彈牙，豆腐卜同樣吸滿湯汁。白胡椒肉骨茶配白飯🍚$112喜歡新加坡嘅肉骨茶，胡椒味特別重特別香，亦冇馬來西亞咁重藥材味，幾件一字骨都熬煮到好稔好入味。沾上辣椒甜醬油風味十足！配置嘅油炸鬼又香又脆。😋馬來特色香煎辣魚餅$58薄薄一塊煎魚餅竟然辣勁十足，唔怪得餐牌上面有辣椒🌶️標記😅白方包可以夾着魚餅，中和返味道，好有驚喜嘅一道小食。凍美祿恐龍$38招牌嘅特飲一定要試！濃郁嘅美祿凍飲，冰塊啱啱好飲到最後都唔會冇晒味。大量美祿球夠晒脆口，再加埋美祿粉份量十足十，應該算係飲過最美味的~

爸媽成日都想去K11 Musea食下飯，所以今晚帶咗佢地去食呢間Chatterbox Café，好彩等一陣就有位。3個人食都好夠。《 文華海南雞飯 $123 》呢度主打海南雞咁當然要食下啦！佢本身係雞胸，雞髀 (+$10) 。因為佢啲肉夠嫩所以食雞胸都無問題，啲雞肉好滑，加埋三款醬油更好味。油飯同湯夠熱。《 咖哩雞煲配白飯及香脆薄餅 $122 》有炸薯仔、茄子、秋葵同幾件大雞肉。咖哩杰身香濃帶小辣，好香好惹味！炸薯仔入面軟糯，茄子同秋葵吸汁好味，雞肉大件但肉嫩，係雞胸位置。配有白飯同兩片白脆薄餅，岩晒撈咖哩食。《 黑醬油炒鮮蝦蘿蔔糕 $82 》都幾多，黑醬油炒嘅食物特別好味，蘿蔔糕入晒味，鮮蝦大隻厚肉，有驚喜嘅小食。《 新加坡老虎啤酒 $32 》不帶苦澀味，入口清，當自己去咗轉新加坡～

尖沙咀🏘Chatterbox Cafe ❤️文華海南雞 💰133肉質較實，但唔係乾，最好味嘅係佢嘅汁，完全係精華！三種醬汁中，最好味係個辣醬！而個湯就一般般！個飯就有雞油啲香味，少少濕，但我個人偏好乾身嘅飯，所以我麻麻地個飯！但整體其實係唔錯，不過要排隊食我就唔制啦⋯⋯🤩咖喱雞煲配白飯及薄餅💰132個咖喱唔算好辣，而且味道都唔錯，啱晒怕辣嘅人食，而且個薯仔係炸完先再煮，所以口感有少少爽脆！雞肉亦唔會太乾，但唔入味！敗北嘅係佢個汁都有唔少碎骨，所以撈汁食飯嘅朋友就要小心啲進食啦！🤩椰子雪糕 跟餐+💰10個椰子雪糕堅好味！一定要加錢試下！勁香嘅椰子味！五星⭐️為最高食物：⭐️⭐️⭐️⭐️抵食：⭐️⭐️⭐️環境：⭐️⭐️⭐️⭐️服務：⭐️⭐️⭐️

朋友從台灣回來，3年沒有見面，今天就帶她到這間新加坡餐廳試一下，聽說這間餐廳在新加坡很出名的。我們點了招牌菜：文華海南雞飯 $123和 招牌大蝦喇沙 $163這裏是用QR code點餐的，下單了一會兒，文華海南雞飯就到了，超快！應該所有材料都是預先準備好，所以覺得飯和湯都不夠熱。雖然雞的賣相不錯，但朋友吃了第一口雞，就告訴我雞肉很鞋，大多是雞胸肉。到我試一口，雞肉真的很鞋而且味道很淡，十分失望！這個價錢，雞肉不是用雞髀肉，而且雞肉的肉質也不夠嫩滑，實在不值這個價錢！然後招牌大蝦喇沙賣相也是很好，但味道非常普通，還有只有3隻大蝦，但一碗的價錢是$163，也不是很大碗，實在太低性價比了。總括而言，很多新加坡餐廳都做到這個味道，而且價錢亦便宜很多，所以會選擇其他也不會再選擇這間餐廳了，試過一次就夠了。

【Overall 評分】食物質素：★★★★☆環境感覺：★★★★服務質素：★★★★衛生指數：★★★★抵食指數：★★★★打卡指數：★★★☆回頭指數：★★★★🔜 想試新加坡著名嘅五星級文華海南雞飯，推薦位文華大酒店的「Chatterbox Cafe」，位於K11 Musea，環境裝修自然過得關，主打新加坡菜式，比起平時食開的中日港西式，帶黎不少驚喜及新鮮感呢～────────────────────【文華海南雞飯 $123】。貴為招牌菜同時亦係新加坡著名名菜之一。絕對值得一試。選用文華雞，肉質比一般雞結實嫩滑，有質感之餘，雞味濃郁。沿用40多年嘅食譜製。以上溫水浸泡雞肉，既能保持肉質鮮嫩，入口滑而不膩。配上粒粒分明嘅油香，飯香十足，香而不油。隨附三點醬料，分別係辣椒醬，薑蓉及醬油。雞肉蘸上醬汁，更能襯托出雞肉肉】。最後飲埋嫩豆腐雞湯 ，真係大滿足.【素菜炒飯 $103】。簡簡單單嘅素菜炒飯竟然帶黎意想不到的驚喜。米飯粒粒分明，加入菜粒及鹹菜粒炒香。味道香口，又帶點爽脆。頂層鋪咗一層酥脆腐皮。令整體嘅口感增添不少豐富感.【炸素春卷 $52】。春卷炸至金黃色，脆卜卜的。比起一般的春卷，清爽而不油

招牌雞肉喇沙湯底好濃郁而且喇沙香料味十足，米線份量都多再加埋芽菜一齊食勁索汁!雞肉應該同海南雞既一樣，嫩滑冇骨而且雞味好濃，保留到肉汁又唔會鞋口，呢個配搭好夾!新加坡炒飯有串燒又有蝦片同埋蝦仁，整體都好豐富又新鮮。串燒真係同平時食既一樣唔會偷工減料，肉質好嫩而且沙嗲醬好香。炒飯都有加雞肉一齊炒，份量多而且配料好新鮮，飯粒都係粒粒分明!Fruit Rojak呢個好其中一樣好signature既沙律，甜酸既味道配合埋唔同既蔬菜，爽脆有口感又開胃!班蘭蛋糕伴椰子雪糕呢款蛋糕都好好食，椰子雪糕好香椰子味而且仲有椰肉。班蘭蛋糕好香再加埋香蜜汁一齊食好夾又唔會太甜!

今晚本想吃消淡點， 所以就去Chatterbox食海南雞飯， 誰知看菜單時， 朋友就忽然變節， 說想吃咖哩。。。好吧， 咖哩雞煲配白飯及香脆煎餅看來也不錯啊。另外又點了参巴辣椒馬來麵配豬扒，兩個主食就應該夠了， 但朋友還想試小吃， 於是又點了馬來特色香煎辣魚餅及咸蛋雞翼。看來今晚節食計劃又泡湯了。很久沒有吃馬來特色辣魚餅了， 味道是熟悉的， 就是不夠辣。雞翼是全翼，有嚼勁，沾上鹹蛋更惹味。咖哩雞煲味道適中，香濃微辣， 雞件挻多的，肉質炆得腍軟，再薯仔是迷你小薯，過油再煮，所以煮得透但仍保留質感，配一碗米飯及兩片薄脆，完美的套餐。馬來麵辣之餘帶點甜口，都幾好味。

Chatterbox Café 超人氣海南雞飯專門店本身係新加坡都非常有名氣既餐廳係K11 開左香港分店,開左3年都仍然咁受歡迎!今次襯住派左消費券黎試下就咁雞飯已經$128 選用走地雞,肉質結實之餘脂肪少,雞味濃厚,食材原汁原味仲好講究,雞皮雞肉保持到爽滑口感,飯身選用泰國米,口感更佳配以3種雞飯醬,辣椒香油醬,點少少食更加惹味除了海南雞飯外,招牌既肉骨茶湯加推麵線版本更有飽足感之餘,食麵又飲到湯,特地為香港店而設用豬骨加白胡椒蒜頭煲了一整天,選用一字排骨加辣醬汁一字排鮮甜肉滑,仲配上一份油條浸湯食一碗湯麵,3種食法,飲湯,食麵,油條浸湯,豆卜仲索曬湯汁好好食地址 尖沙咀梳士巴利道18號Victoria Dockside K11 Musea B1樓B110號舖Shop B110, B1/F, K11 Musea, Victoria Dockside, 18 Salisbury Road, Tsim Sha Tsui#Chatterbox #ChatterboxCAFE #尖沙咀美食 

☘️前兩日同friend 去咗行K11Musea, 順便響嗰度搵食，經過Chatterbox, 之前去星加玻時食過佢嘅海南雞好正，所以決定試吓呢間過江龍響香港嘅水準😜☘️兩個人「食力」有限，所以商量後決定唔叫海南雞因為已經試過，所以最後揀咗啲濃味香口嘅菜式😜。包括咖喱雞煲，咸蛋黃雞翼，煎魚餅，參巴辣椒炒馬來面配豬排😋 最喜歡個咖喱雞煲，咖喱味濃，雞肉滑溜，仲配上茄子薯仔等蔬菜，配白飯一流！ 至於個咸蛋黃雞翼就包裹住滿滿的咸蛋黃，好香口，只略濕，如果乾身啲更好。 個人最不習慣吃這個馬來煎魚餅，因為口感不是我們一向食開的魚餅，而且相對比較咸！☘️ 望見隔離枱叫了海南雞，確實好吸引，見到雞肉好嫩滑，下次再嚟一於要叫番一份海南雞試吓至得😜

每次過到嚟尖沙咀都唔知食咩好，但自從開咗一間k11 musea之後，我同朋友假日出街就多咗一個好去處😜 呢度除咗個商場好香之外，仲有好多嘢行，點少得仲有好多高質嘅美食餐廳🤣🙏🏻每次經過依間餐廳嘅門口都發現好多人排隊等緊位，今次終於閒日唔使等位即刻入嚟食，我哋超好彩😆 聽朋友講呢間餐廳有文華既加持，所以廚師係整美食方面都有一手，我食過之後發現真係高質又好味，一流之作👍🏻😋餐廳種類好多元化，星馬嘅美食全部都盡在依度，無論係前菜、主菜定係甜品🍮都超高水準前菜方便我哋叫左鹹蛋黃雞翼四隻必食推介！唔會好油膩同埋好鹹，反而鹹蛋黃嘅調味適中，炸粉嘅厚度亦都啱啱好，可以鎖緊雞翼嘅肉汁之餘又食到超級香濃嘅鹹蛋黃味😛另外主菜必食香炒牛河燴牛肉同埋招牌雞肉喇沙，非常入味🎊😋最後嘅甜品係直程驚艷，斑斕蛋糕配椰子雪糕🍦係超超超超香嘅斑斕味，我食過最好味嘅甜品😝🙇🏻‍♀️