Chatterbox Café (K11 Musea)

營業中

休息中

海南雞飯肉淋，肉無彈性，雞無味，不好食，咖喱豬肋骨煲，豬肋骨無咖喱味，不入味，超難食，價錢又貴下次不會再來，椰子雪糕有驚喜，食出有椰絲，不太甜，呢間餐廳無人排隊，隔離就排長龍，可想而知

———————————————【Take Eat Easy】Hong Kong 🇭🇰 Tsim Sha Tsui 尖沙咀📍 Chatterbox Café ———————————————帶味蕾去個新加坡旅行放工落嚟K11 Musea買化妝品，買完就要醫下肚，喺地庫見到好多人排隊嘅呢間餐廳 - Chatterbox Café。Chatterbox Café 承接新加坡文華大酒店Chatterbox地道平民美食的五星級酒店傳奇，堅持沿用 Chatterbox的招牌食譜，加上新加坡裝修風格，又有打卡靚位，即管試吓啲嘢食係咪都咁有文華大酒店質素。 • 文華海南雞飯 ($133)Chatterbox具50年歷史嘅熱賣招牌文華海南雞，海南雞肉嫩滑，肥瘦剛好，而且份量十足。點埋個三色醬，口感再提升一個層次，滿足！最重要嘅係未到八點，已經聽到侍應講差不多賣晒，想食嘅朋友真係要早啲嚟！ • 星州海鮮炒貴刁 ($118) 海鮮同臘肉嘅份量都非常足夠，主角貴刁亦都炒得非常之香口，但係又唔會油笠笠，調味亦無過多鹹得滯，可見廚師功力，唔錯。 • 咸蛋雞翼 ($70 4隻) 食新加坡嘢又點少得咸蛋。香口惹味又邪惡

有個喺K11返工嘅朋友約食晏，佢話黎Chatterbox 度食，因為呢間啲野好好食喎，ok呀未食過又黎試下啦😋餐廳都幾大，兩點幾都仲有好多食客👍個個一坐落就係點海南雞飯，應該真係好好食？叫多份餐再加個小食share先😆🐓文華海南雞飯個個都點海南雞飯無理由唔叫一份試下，新加坡style嘅海南雞，同泰式有少少唔同😌雞件十分嫩滑，已去過啖啖肉好正，雞肉本身已經好鮮味，可以再點下醬料提鮮，個人偏愛薑蓉。雞湯同油飯都好出色，湯鮮甜唔膩，油飯香口飯有咬口👍🐂香炒河粉燴牛肉另一樣叫左炒河粉，感覺有啲似中式的濕炒牛河，河粉好滑，滿滿的醬汁包住食幾正，牛肉份量多，又嫩又滑又係好好味，而個醬汁偏重蒜味，食落都幾重口味㗎😆🐓咸蛋雞翼作為咸蛋黃控見到左蛋黃雞翼就梗係要叫返一份試下啦，有分六隻同四隻版本，兩個人食四隻就夠了🤭咸蛋黃落得好多，鹹香鮮味，仲落左辣椒同煮，帶少少辣味更惹味，好味到一滴醬汁都無淨低🤭🍋熱檸水&🍼熱錫蘭奶茶餐飲要左檸水同奶茶，以外地附上蜜糖呢。有檸蜜飲正呀😁奶茶就落返方糖好了，茶香奶滑一流呀😝🥥椰子雪糕跟餐仲可以加雪糕，要左一球嚐嚐，椰子味好濃，食落仲有一絲絲椰絲，好食👍有啲後悔無叫一人一

超級鐘意Chatterbox Café 👍今日食咗2樣嘢，文華海南雞，招牌大蝦喇沙👑文華海南雞💰123HKD我要比佢十個贊！😆👍第一贊：雞肉嫩滑，雞皮好似啫喱咁晶營剔透！加💰10HKD轉雞髀，配三款醬粉，薑蓉、黑醬油，辣椒醬，實在太好味道。👍第二贊：配雞油飯，香噴噴雞油飯粒粒分明，油香四溢，份量正好！👍第三贊：配豆腐湯，滑豆腐不馬虎，細膩入微，三種醬料可選擇，非常抵贊！👍第四贊：QR code落單，「叮」一聲極速上菜🤩WoW～👍第五贊：侍應態度親切，從安排入座到埋單，都係無可挑剔。👍第六贊：環境充滿東南亞氣息，令人舒適放鬆。👍第七贊：新加坡特色菜式選擇繁多，甜品野飲花多眼亂。👍第八贊：午市有套餐選擇，抵食啲👍第九贊：交通方便，就在尖沙咀K11 Musea👍第十贊：咁多年保持水準，令人回味。招牌大蝦喇沙💰123HKD都係咁出色，大大碗喇沙椰香吸引，大蝦肉質扎實，配有豆卜，魚腐，滿足好味！

近排終於開始可以去返旅行了, 好興奮呀,但係太多地方想去啦, 日本, 台灣, 泰國, 但就點排都暫時排唔到去新加坡我地都好掛住新加坡既美食架! 所以搵個星期五晚, 我同朋友就去K11食新加坡野先大約七點鐘去到, 已經排左唔少人, 好彩都好快就入到去, 入面既裝修都偏向東南亞風, 幾有氣氛海南雞飯-$133我唔知有冇食錯, 我食得出係新鮮雞既味道, 同埋真係好滑, 算係我最近食過既最好食既雞, 而且好公平, 雞既唔同部分都會比你, 包括雞批位；而個油雞真係好香, 香得黎又唔會過咸過油, 記憶中香港食過最好食既海南雞飯就係D度!肉骨茶-$122黎到就即刻飲啖湯先, 白胡椒味好香濃, 但又唔會過份刺激, 調得岩岩好! 跟住就再試下肉骨, 幾嫩口, 而且帶有白胡椒味好好味, 而個油炸鬼真係神來之筆, 用黎沾個咁好飲既湯, 再加上油炸鬼既香脆, 係必試既組合椰子雪糕-$48/兩球友人黎到話上次佢食椰子雪糕覺得好正, 所以我地一叫左一份食, 食落果然好正, 啖啖都有椰子肉, 又唔會過甜, 幾有特色總結, D間新加坡野我覺得係香港食過既頭幾位, 真心好食, 下次一定會再黎!

好耐好耐都真係未嚟過。入去之前問咗有無海南雞飯。海南雞依然係咁滑溜，而且啖啖肉，完全無骨，連碎骨都無，好好味。再配上香飯同雞湯，食完好有暖意。 飲品揀咗個老公就叫左 咖哩雞煲白飯配脆薄餅都不錯。雞好滑又有好夠咖喱椰香。最重要一定要食薯仔，薯仔吸晒所有材料的汁香，唔可以錯過。再配上四季青檸薄荷梳打，消減飽肚感覺。另跟餐+脆炸腐皮+斑蘭蛋糕🍰鮮果脆炸腐皮：除咗熱辣辣的香脆又惹味之外，就要小心熱氣了😂。邪惡的食物都係熱器的。食完就到甜品。班蘭蛋糕🍰的香甜，配合少許糖醬，就足夠了。大滿足。PS: 竟然有人同我一樣，問咗有冇海南雞飯先入去。🤭

呢間出名食海南雞飯嘅餐廳相信大家都唔陌生，今日嚟食個late lunch~ 平日下午都好多人，好彩有位～午餐包咖啡或茶。▶️文華海南雞飯$143升級雞髀(+$10），海南雞髀肉夠滑，雞皮又嫩。雞份量幾多。有薑蓉、辣醬、豉油。油飯淡黃色，好香！餐飲揀咗熱咖啡☕️▶️招牌大蝦喇沙$179呢個喇沙幾香，微辣。有三隻大蝦、一隻蛋、魚片、豆卜。大蝦好大隻又爽口！豆卜吸哂啲喇沙湯汁，好惹味！餐飲升級熱玫瑰咖啡(+$16)，呢個有玫瑰香，但味道偏甜，建議少甜更佳。

同朋友去咗K11 MUSEA行街，揀咗間新加坡餐廳，想食下海南雞飯同喇沙！文華海南雞飯 $123————————————聽個名都覺得勁！雞夠滑，最鍾意食油脂香而不太膩同太厚嘅雞皮！配上餐廳自家製嘅辣醬、薑、蠔油，味道更加豐富。招牌大蝦喇沙 $163————————————米線底嘅喇沙，好香濃！有椰香味。配上大蝦、蛋等等，最正係索晒湯嘅豆卜。特色鹹蛋黃雞翼 (6隻) $83————————————非常特別嘅做法，鹹蛋黃香味非常出，雞翼外皮煎得非常香脆，有咖喱香味同指天椒香。招牌椰子雪糕🥥 $98————————————食咗咁多濃味食物，需要食返啲清爽嘅甜品，例如雪糕清清味蕾。椰子雪糕真係啱晒！份量都好大！但唔會濟！正！下次再去K11 MUSEA會再光顧

高質經典海南雞飯.前排同朋友去咗一間想試好耐嘅Chatterbox Cafe食晚餐，餐廳來自新加坡文華酒店並好有名氣，佢今次選址於尖沙咀k11 musea B1層，將酒店美食延伸到香港🫶🏻餐廳裝修精緻，帶有大自然氣息，坐位方面都寬敞，坐得舒服ദ്ദി ˉ͈̀꒳ˉ͈́ )✧.餐廳除咗有招牌海南雞飯外，仲提供咗唔同嘅星加坡地道菜，例如叻沙、咖喱同串燒等，種類繁多。.◽️文華海南雞飯 $133（9/10）今次黎到就係專程試試餐廳嘅海南雞飯，果然冇令我失望🥰海南雞份量頗多，有雞胸同雞髀肉，雞皮香滑，皮同肉中間帶點透明膠質，而雞肉肉質嫩滑得黎帶肉汁，果然一分錢一分貨！油飯則好香雞油味，粒粒分明😋另外仲有個雞湯，面頭有啲雞油同炸蒜，而且仲有一大舊嫩滑豆腐♪.◽️咖喱豬肋骨煲配白飯及香脆薄餅 $132（8/10）咖喱香味撲鼻，味道香濃但帶點微辣，幾適合下飯💕豬肋骨份量足夠，炆得夠淋，好易就可以將豬肉同骨分離，而且豬肉索曬咖喱嘅味道，非常惹味。另外兩塊薄餅非常脆口，好適合用黎點一點咖哩食♥︎.◽️雞肉沙嗲串燒 $108（7.5/10）總共有6串，雞肉嫩滑，唔會燒到好乾身，另外沙嗲醬味道唔錯，幾香花生味 🥜 .如果鍾意我嘅

❣️Chatterbox Café 🔍尖沙咀梳士巴利道18號Victoria Dockside K11 Musea B1樓B110號舖-----收工去Musea window shopping加食Dinner，揀選咗呢間上菜夠快，環境舒適，係Musea入面黎講，價錢算係還可以嘅餐廳，兩個人食飽飽，連加一大概$400埋單，服務亦唔錯。#招牌雞肉喇沙：作為喇沙精髓所在嘅湯底濃淡度恰到好處，帶椰香之餘又有少許微辣點綴，啖啖惹味。雞肉滑溜非常，皮肉之前有少許上湯啫喱，平時唔食雞皮嘅Me都忍唔住食埋，而魚片豆卜等等嘅配料份量亦是算比得大方。#特色鹹蛋雞翼：燒雞翼我鍾意食，鹹蛋雞翼我仲中意食。沙沙口感配搭香脆雞皮，加上富油香嘅嫩口雞肉，咬落口感豐富，同海南雞整體感覺截然不同，卻又兩款都令人不能自拔。#星洲海鮮炒貴刁驚喜之選，本身唔係餐廳主打，但意外地惹味。材料豐富，有大量白飯魚、鹹香臘腸、貝柱肥厚嘅刺身級帶子、爽口大蝦魷魚，仲有炸過嘅連皮豬肉粒，加埋闊身富彈性嘅煙韌河粉，除咗可以再低油d之外，基本上都無挑剔。

今日去到尖沙咀與朋友食飯東南亞菜係我地首選今日既餐廳環境好好 坐得好舒服亦好闊落 令你食得好開心。咖哩雞煲白飯配香脆薄餅馬來咖哩一向都係好正配雞就當然正，雞都幾滑，最重要係佢咖哩香味好正。 用薄餅沾咖哩就更食到佢個香。星洲海鮮炒貴刁貴刁最緊要炒得有獲氣。有齊曬香口既感覺。 佢上面有d 魚乾仔 咸咸地相當吾錯。 更加香又加惹味， 吾錯。 沙嗲串燒拼盤雞牛豬各2串個沙嗲醬幾好食👍海南雞飯店之-荔枝刨冰配雪糕今日知刨冰真係好驚喜$69本身以為只是普通刨冰，點知！ 裡面有大大粒荔枝， 雲尼拿雪糕，相當清新， 佢冇刻意落糖水， 靠荔枝既甜味，仲有就係椰果。 另外有珍珠加強個口感。估吾到咁好食。

新加波風味🍜餐廳雅座舒適🌿🌴適合一家人·朋友仔hang out👨‍👩‍👧‍👦👭今次試左👇招牌大蝦喇沙🍤喇沙湯底濃郁大蝦大又爽口彈牙當然唔少得魚片·豆卜·芽菜⭐️值得一試星洲海鮮炒貴刁🦑海鮮足料（帶子·大蝦·魷魚·脆魚仔）貴刁唔會痴埋一舊舊夠曬鍋氣👍⭐️值得一試咖喱椒鹽炸雞寶🐔雞寶外面炸到脆卜卜可惜裡面雞肉偏乾建議配上九層塔一齊食味道更夾整體性價比都值用料用心值得讚許👍👍👍份量也很足兩個人吃到好飽下次想試下距個椰子雪糕😍

心思思想食海南雞飯。靈機一觸尖沙咀K11 Musea 有間響噹噹。黎自新加坡文華食海南雞飯好地方。午餐有八款。跟餐可加配小食。蔬菜。甜品。餐飲升級✨。文華海南雞飯🐔為食妹👧🏻鍾意啖啖肉。+$10可以升級做雞脾Tim。真係開心死😍。雞肉嫩滑唔柴皮。配上三款醬汁。分別係黑豉油。薑蓉。辣醬。推介黑豉油。食到我Lam Lam脷👅。油飯入口香軟。難怪成為店鋪名物❤️。+$28 小棠菜/西生菜大大份好抵食+$16凍檸檬薏米水有接近三份二嘅薏米🥰。健康養生。

今日約咗朋友去K11行街，行到攰攰地就去咗入邊嘅美食區搵嘢食，一入到去第一眼就見到呢間專賣海南雞嘅餐廳，由於本人好喜歡海南雞，所以就入咗去試一試。文華海南雞飯，$123海南雞賣相好好，有非常之香濃嘅雞油味，雞肉滑嫩，咬落有肉汁，而且入味，配上旁邊的三色醬料更加有層次。油飯方面，油味香濃，飯粒濕潤軟熟，好出色。湯都好清新有咸香味，入邊有一塊非常之滑的豆腐， 十分驚喜。福建炒麵材料方面相當豐富，好大隻帶子爽口彈牙，五花腩片都好惹味，獻汁味道偏濃。馬來特色炸豆腐豆腐外層炸得好香肥，入口新鮮軟滑，好香豆味，炸的時間剛剛好，外脆內滑而且不油膩。熱奶茶茶味香濃，茶同奶比例嘅剛剛好。

自己一直以來都好鍾意食新加坡嘢，但係好嘅新加坡菜，香港就唔係成日見到；知道呢間餐廳個廚師曾經服務過文華酒店，海南雞飯有質素保證，所以就特登嚟試吓。餐廳的環境非常優雅，座位舒適，店員服務有禮，而且價錢不算貴。餐廳可以提供的選擇都頗多，而且非常有新加坡正宗的口味，特別是這一個斑斕蛋糕半椰子雪糕；一坐低之後，我首先叫一杯朱古力咖啡，咖啡味香濃，而且唔會特別甜，值得欣賞。再之後叫左呢度最出名嘅海南雞飯，雞油味香，肉質嫩滑，雞油飯好好食。之後亦都叫咗一個正宗嘅白胡椒肉骨茶，湯底香濃，胡椒味不算太突出，較適合香港人口味，肉質香，味美，加上油炸鬼等配料，再配上甜豉油，完全唔會有油膩嘅感覺。我哋之後亦都叫咗一碟小菜，豉椒炒豆角，味道香辛，頗辣，特別開胃，非常不錯。我哋亦都叫咗一杯檸檬薏米水，呢個係新加坡係非常消暑解渴，對於我哋來講，亦都可以有解油膩嘅作用，建議飲用。