Chatterbox Café (K11 Musea)

營業中

休息中

呢間鋪頭主打佢地嘅海南雞飯，所以上次已經黎過食呢間海南雞飯，因為覺得味道唔錯所以再黎幫襯，想試下其他菜式同普通香港茶餐廳有咩唔同😋，所以就嗌左以下幾款：1. 咖喱雞煲配白飯及香脆薄餅（首推）呢度既咖哩雞係成煲上，熱辣辣保持到溫度可以慢慢品嚐，佢嘅咖喱似係港式咖喱，咖哩椰香撲鼻，唔會太辣，雞肉同上次食過嘅海南雞一樣，超嫩滑！而且完全無雞嘅腥味，雞肉索曬咖哩汁送飯好好食！份量都唔小。配菜一樣係原汁原味，個人覺得呢度無將配菜擺埋入咖哩煮，而係煮好再放落去，咁樣可以keep到蔬菜嘅味道唔會煮到爆一Pat野，秋葵薯仔茄子都好好食，男朋友話如果有咖喱蔬菜煲都會想食🤣 薄餅擺咗好耐都仲好趣，將蔬菜雞同埋飯擺上去一齊食，滿足！2. 星洲海鮮炒貴刁呢個貴刁完全唔會太鹹或者太油，有大大粒帶子同埋大蝦，另外仲有啲魷魚。佢本身有另外比魚露辣椒，但個人覺得本身嘅調味岩岩好😋，所以冇再加！大大碟最後都食得晒！3. 蒜蓉炒小棠菜最後清淡少少食返個炒菜，味道偏向清淡但好香蒜蓉味，每一紮菜都好大棵😋4. 美祿"好濃" （恐龍）嚟到東南亞餐廳必試嘅飲品！味道好濃，但又唔會太甜岩岩好，上面又美祿粉同埋波波同埋增加脆脆感覺，

新加坡文華大酒店出品品牌，過江龍品質果然有保證，食過更發現性價比高，難怪每次經過都見到有人排隊等入座。黑醬油炒鮮蝦蘿蔔糕特製醬油味道甜甜的，蘿蔔糕都索滿醬油汁，熱辣辣好好食!沙嗲串燒併盤（雞豬牛.各2串） 併盤有雞豬牛串燒.每款2串，燒到好香配沙嗲醬汁非常惹味。參巴辣椒炒豆角 豆角配上洋蔥、蒜粒，加埋辣椒炒，一上枱已經聞到香噴噴，味道小小辣，辣度啱啱好。文華海南雞飯推介必食海南雞飯，特別點雞胸肉，但肉質非常嫩滑，一啲都唔“鞋”，而且肉味濃郁。油食亦都又香又軟綿，水準之作!

今晚約咗朋友去k11 musea 食飯，呢間chatterbox係食正宗新加坡美食，加上有文華牌頭，食物一定有返咁上下水準🫡文華海南雞飯:果然係招牌菜式👍🏻雞肉勁滑嫩，雞皮與雞肉之間層啫喱勁晶瑩剔透😍食得出係靚料😊油飯亦出色，味道相當可口。仲配埋碗雞湯👍🏻好正！星州海鮮炒貴刁: 海鮮都帶子，大蝦同無限多嘅魷魚🦑，仲有臘腸，抵食！而且貴刁好惹味，完全唔油膩😚雞肉沙嗲6串：雞肉燒完仲好嫩滑，Juicy juicy!!!佢哋配埋個特式沙嗲醬真係食唔停口，個醬甜甜地，好岩我口味😳

星加坡文華大酒店Chatterbox既海南雞飯出晒名就係人都知😜 係香港開咗Chatterbox Cafe時，人人都去朝聖食雞飯，我梗係唔放過呢個機會啦～ 而海南雞飯以外，其實仲有好多正嘢食，今次同fd就嚟食下佢其他菜式~餐廳都係以QR code形式落單，好方便~唔算太肚餓，order幾樣嘢share食先！🍜招牌大蝦喇沙有3隻大虎蝦、4片厚切魚片、烚蛋、豆卜~ 一上枱已經香氣撲鼻，湯底非常濃郁~ 入口惹味、椰香味濃~ 蝦未算突出🤭自己比較鍾意魚片同豆卜～ 米線滑溜掛湯～ 都幾大碗ga~ 完全可以開心share~🐔特色咸蛋雞翼（6隻）呢個真係會食唔停口㗎！隻隻雞翼都係滿滿香濃咸蛋黃漿，味道小咸小辣，雞翼外皮香脆惹味，內𥚃雞肉頗嫩滑。邪惡度爆燈！🐷豬肉沙嗲（6串）沙嗲分豬肉同雞肉2種，每款6串😜想試晒就要order2款啦～ 豬肉燒得唔錯，入口軟腍，靈魂沙嗲醬都好味～🍹芒果菠蘿梳打淡淡芒果+菠蘿味，有幾粒鮮菠蘿，味道唔太甜又開胃，幾好～今次太飽食唔到甜品🙈下次要試下佢個椰子雪糕先～

Chatterbox走新加坡風格，K11分店環境闊落，開放式格局感覺開揚，QR Code落單方便快捷。文華海南雞飯加$10就可以轉雞髀，當然要加啦！雞脾位肥美咁多，果然無令我失望！雞脾切開大約有10件，size份量都幾足！雞皮爽，中間 jelly位幾嫩，雞肉夠嫩又肥美！原味都已經幾濃雞味，想多d層次就可以配上餐廳自家製辣椒，薑，黑豉油，味道感覺更加惹味！油飯幾甘香又清新，還有配上雞湯。成 set食完好滿足，星洲海南炸豬扒飯，醬汁味道帶糖醋香味，酸酸 maymay令到胃口大增！炸豬扒炸得夠酥脆，肉質夠緊緻。而且都係配油飯。所以特別加分。班蘭蛋糕配椰糖，班蘭香味幾清香，蛋糕鬆軟，加上椰糖更帶香甜。

今日同朋友到K11musea shopping, 每次經過「Chatterbox Café」都是有人龍排隊，正好今天排隊的人不多，終於可品嘗文華酒店Chatterbox道地新加玻料理。「文華海南雞飯 $133 」經典新加玻最有名的海南雞飯，文華海南雞飯採用的是文慶雞，肉質感細緻，卻絲毫不覺得柴，雞皮嫩滑。傳統海南雞飯一定要搭配三種醬，老抽、薑末、辣椒末，將薑末和辣椒末和雞油混和，吃的時候將雞沾著醬吃，更添雞香，雞飯則是混合雞油，一口雞一口飯，香上加香。「傳統甜蝦醬蔬果花生沙律 $102」這款傳統甜蝦醬蔬果花生沙律有沙葛、花生、青瓜、蕃石榴、 菠蘿、蘋果等材料，入口超級甜美，沙葛沾滿醬汁，極邪惡。而水果帶清新，可換換口味，是一道甜中帶水果香的前菜。「黑醬油炒鮮蝦蘿蔔糕 $92」加入黑醬油炒的蘿蔔糕軟滑惹味，配上鮮蝦，口感爽滑鮮甜，忍不住停不到口。「咸蛋雞翼4隻 $70」咸蛋醬料包滿雞翼，香氣四溢，雞翼外皮脆香，非常惹味。「招牌椰子雪糕 $108」這是他們招牌菜之一 ，裡面將椰皇挖空後用椰子雪糕填滿，上面放上核果和串好的荔枝，真材實料，吃得出一絲絲的椰肉，很清爽，必點!「斑蘭蛋糕伴椰子雪糕

每次經過呢間餐廳都見到出邊好多人等位！仲要係我公司附近，一收工即刻過嚟，好彩等左15分鐘就入得😄-招牌大蝦喇沙 $169呢個真係必食！！！我要食過最好食嘅喇沙🥰店員仲好貼心咁提醒我哋要快啲食😉唔係好快啲麵會索汁索到發漲～但我覺得幾時食都咁香咁好食💕入面有魚片、大蝦同豆卜啲豆卜索滿晒湯汁超正！椰香味好重味道好濃郁仲好creamy😋啲湯忍唔住飲哂😆-黑醬油炒鮮蝦蘿蔔糕 $92呢個真係要快啲食凍左口感會有少少唔同～炒鮮蝦好香蝦味撈埋啲蘿蔔糕一齊食好香口👍🏻-凍美祿恐龍 $48一開始梗係食咗上面啲脆脆波先啦😍佢仲有好多美祿粉喺上邊🥰飲落唔甜味道香濃拿捏得好好👍🏻-熱檸檬薏米水 $36薏米份量很足～酸酸地又解渴😇

係尖沙咀行完街，更係穩下附近有咩好食😆上網睇到K11有Chatterbox Cafe ，之前聽朋友講過都幾地道新加坡🇸🇬美食，咁一定要試下拉😍（提前book位，剛剛去到都有3-4台排隊，好彩唔使等好耐）環境好舒服，裝修得非常精致，感覺好放鬆咁同朋友傾下計，食下野👍🏻👍🏻👍🏻文華海南雞飯：$133⭐️⭐️⭐️⭐️⭐️一個set 有湯有飯，另外都有3種不同醬汁點，海南雞單睇賣相已經好吸引，食落海南雞好滑，好新鮮，配埋油飯一流👍🏻👍🏻鹹蛋雞翼：$70 ⭐️⭐️⭐️⭐️⭐️非常香脆，鹹蛋黃好入味、食落一d都不油膩，而且好開胃😍 芒果菠蘿梳打水$46 ⭐️⭐️⭐️⭐️真材實料 多芒果同菠蘿🍍飲落好開胃椰子🥥沙冰$52 ⭐️⭐️⭐️⭐️椰香味好濃郁，鐘意飲椰子既人一定要試下😍

來自新加坡🇸🇬文華大酒店既海南雞餐廳，黎香港開分店，位置係K11 musea 經常大排長龍，今日有幸唔使點排隊食到，真係幾唔錯。.✅餐廳主打新加坡菜式，大部分可擇辣度✅價錢以大商場黎講非常合理，可能同食樓下good count唔差得遠✅必點招牌海南雞，無骨海南雞經50分鐘慢煮，食起黎鮮嫩多汁，油飯仲係用雞湯和雞油烹煮，夠香滑。✅ 招牌雞肉喇沙椰香味較重✅ 星州海鮮炒貴刁炒得乾身惹味，仲有好多海鮮，帶子大蝦都齊✅ 咸蛋雞翼食過返翻尋味，惹味得黎唔會膩✅特飲價錢唔貴，仲好大杯.❌餐廳限時90分鐘❌QR code落單，但無得落remark，好似我想要少啲辣就要搵職員講❌要排隊，無得拎飛，有時要等好耐❌坐位比較開揚，門口會望到大部分枱 .🍴Order左既菜式：文華海南雞飯$133 轉髀+$10馬來特色香煎辣魚餅$68招牌雞肉喇沙$122星州海鮮炒貴刁$118咸蛋雞翼6隻$95凍四季柑汁$38凍美祿恐龍$48

Chatterbox 呢間新加坡過江龍喺我心目中喺香港最好味嘅海南雞飯，每次去到都見有勁多人排隊。餐廳座位環境舒適，不乏梳發卡位，侍應態度好親切，上菜速度非常快。文華海南雞每次嚟到一定係必定食海南雞飯，而且要加$10轉雞髀，而且要食雞油飯，雞油飯粒粒分明，油香四溢！有個木盤呈上枱，放住辣醬薑蓉黑豉油三個調味小碟。文華海南雞髀肉十分滑嫩，雞味濃厚，雞皮好易脫開，尤其喜歡黑醬油，實在太好味道。加錢轉雞髀絕對系超值！星州海鮮炒貴刁豐富的海鮮配料同炒飯，用黑醬油爆炒入味，尤其喜歡珍寶帶子、大蝦，鑊氣十足，十分上色！加上魚腐，雞蛋絲，青瓜條，咸肉粒，味感層次豐富！黑醬油炒鮮蝦蘿蔔糕色香味都俱全， 新加坡特色濃厚，蘿蔔糕外脆內軟，大大粒蝦仁，份量十足！尖沙咀梳士巴利道18號Victoria Dockside K11 Musea B1樓B110號舖

咖哩椒鹽炸雞寶～炸得很香脆，帶一點咖哩味，比平日吃到的炸雞粒更惹味～醬油西生菜～加購換的，但也很大碟，西生菜也很嫩，好吃～文華海南雞飯～雞肉非常嫩滑，雞皮還帶點爽脆的，配上的油飯及雞湯也好好味，油飯粒粒分明，有雞油香～白胡椒肉骨茶配米線～微微的胡椒辣，令食慾都提起了，而肉骨的份量也很多，足足有6條，肉軟而香～香炒河粉燴牛肉～河粉份量也多，牛肉香軟腍滑，肉味濃郁～美祿恐龍～這個真的大愛，底層是香濃的朱古力奶，中層是朱古力粉，而頂層則是朱古力脆波波，3重口感，邪惡之選～熱咖啡～味道濃郁香滑，帶點微苦那重，好喝～

表妹去巴黎，表哥去星加坡，而我只能够來到K11Musea 的chatterbox cafe扮去星加坡。因呢度确确實實勁有星加坡feel。喇沙及肉骨茶都具有南洋特色，嗌咗份Chatterbox King Prawn Laksa，有3隻大蝦，同埋滿滿的叻沙味，食完味道久久不散，之後再試White Pepper Bak Kut Te ，啲味就略嫌淡味少少，但依然食到胡椒味，同埋為數不少的排骨，同埋好"靚仔"嘅油炸鬼，由於係同朋友share两個餐，所以應該好似朋友先食肉骨茶，再食叻沙咁就perfect喇。Iced Milo Dinosaur和Hot Lemon hater都係跟餐，冰凍美祿恐龍超好飲，22蚊加配，啲美祿脆脆珠“嗒”落好爽。

I had Hainanese chicken rice last time so I tried the laksa with prawn this timeWell, although it said it is its signature item, I found it very ordinary and not impressive at all. Also, they used rice noodles instead of egg noodles (mee), which made me feel that it is not that authentic.

好鬼鍾意呢間海南雞，但次次都又愛又恨😂 因為真係好多人等位😂成個K11 musea個人覺得性價比好高既餐廳。又抵食又大碟👍🏼👍🏼。每次必點既「文華海南雞髀飯$143」，本身$133，但轉髀要加錢，慢煮無骨海南雞，海南雞鮮嫩多汁，油飯仲不得了，好香雞油味。最正係一定要點齊3種醬汁👍🏼。「星州海鮮炒貴刁 $118」有海鮮、臘腸、芽菜炒既粗身貴刁，甜甜地帶少少辣。「咸蛋雞翼6隻$95」又係招牌菜一定要食，平時食鹹蛋黃雞翼好怕膩，但呢度既好creamy但唔會膩👍🏼👍🏼食過返尋味。。野飲100分推介「凍美祿恐龍$48 」，冰鎮美祿上加入未溶解的美祿粉末再加粒粒朱古力脆粒，邪惡得黎好爽😂

《白胡椒肉骨茶配飯》$122作為一間新加坡過江龍店 Chatterbox café 係一直都以佢好高質素嘅南洋菜作招徠我真係好鐘情佢地嘅白胡椒肉骨茶 一百塊左右嘅價錢就食到一大煲肉骨茶 好香口得嚟又唔會太辣嗆到喉啲肉都比都超級大方 成煲有成足足五塊豬肋骨 仲要全部都啖啖肉 吸曬湯汁 肉質仲要唔嚡熠熠 配埋佢嘅自家辣椒黑醬油 甜甜地 仲提升咗啲肉質啊！如果鐘意食胡椒味嘅你真係一定唔可以錯過依一個《白胡椒肉骨茶配飯》《招牌大蝦喇沙》 $132依到嘅喇沙都絕對唔可以錯過 湯汁超濃厚 充滿椰香 麪條吸曬啲超濃厚嘅喇沙湯 有少少好似食緊沾麪咁 湯汁濃得好誇張 麪嘅配料都唔可以忽略 佢地嘅大蝦隻隻都開曬殼 完全唔洗上到碟先至要自己慢慢開殼咁麻煩 仲要大大隻啖啖肉吸曬濃濃喇沙湯汁嘅豆卜同埋魚蛋片都係依碗麵嘅靈魂《斑蘭蛋糕配椰子雪糕》$78職員好細心 可以比我地叫起咗份甜品先 一食完主食叫一叫職員 佢地就好快手咁上份甜品 仲配埋兩人份嘅餐具 份大大球嘅椰子雪糕配埋香濃斑蘭味嘅海棉蛋糕真係好夾蛋糕焗得啱啱好 好鬆軟 再配埋特色棕櫚糖醬 個風味又改變咗 所以唔會話食幾啖就厭咗！