101手工涮涮鍋 (已結業)

店在尖沙咀最旺的街上，101火鍋店在2樓，就在101肉燥飯旁，好容易就儲入錯店。店內裝修十分特別，看得出店主下了一番苦工，傳承著台灣小店的精神。餐單是有一款，有齊各式美食，5選1/3選1，簡潔易明，適合有選擇困難症的朋友。餐單當中前菜、手工火鍋生料和飲品都是任食的。比較欣賞飲品可選特飲，沒有限制在汽水啤酒，而且特飲真的很特別，甚有睇頭。前菜帶微辣，十分開胃。雞煲不過不失，偏向重口味。海鮮要另加$30一位，四款海鮮各有一件。牛肉/豬肉是三選一的。手工生料無限供應，共有6款。每一款都好特別，唔係傳統火鍋店能食到的，而且都各自配有一個充滿詩意的名字。最愛三款手打肉丸，好味又彈牙，令人意想不到的是肉丸竟然有芝心！傳統火鍋生料，呢度可能唔算太出色。但如果已經厭倦一整件生肉下湯的話，呢間店的創意或者能滿足到你。

天氣咁凍~令人有打邊爐嘅衝動~~上網見到呢間101手工涮涮鍋好似好高人氣,所以就約埋屋企人一齊來試一試,去到發現佢係放題形式有冇部份係預先選定，亦都有啲係可以任食嘅坐低左之後好快就送上兩款小菜，分別係口水雞同木耳。兩款都好好味！最重要係可以無限追加值得讚賞之後店員亦都陸續送上唔同嘅火鍋食品，好似超大嘅響鈴同炸魚皮 新鮮即炸，比平時出邊食到嘅脆好多，跟住仲有超巨型海鮮拼盤，有手板咁大只嘅生蠔，同好大隻嘅貝肉嗰方面當然唔少得手切安格斯肥牛啦！仲有超好味嘅豬肉除此之外佢仲有一個特選手工火鍋拼盤有好多唔同嘅有好多唔同嘅肉丸，但最特別同最好食嘅就係墨魚汁結糖，出邊冇食過，真係好特別架除咗佢一開始嘅食物之外，仲可以自己叫其他肉類等，款式都非常多。大家一定要試呢個台灣拉麵！另外值得一提嘅就係佢呢度飲品全部任飲，有特色嘅珍珠奶茶，仲有其他唔同嘅汽水同冰沙。大家記住留肚試吓佢嘅特別飲品！到最後已經好飽，仲有甜品木糠布甸，今次真係非常滿足呀！

101肉燥飯就好耐之前試過 今次見上網介紹 就同朋友放學過去尖沙咀一齊試哩間 感覺質素幾高 7點前入座 $248(未加一) 💁🏻因爲一早已經訂咗位 所以一行上去就已經安排咗位比我地坐😬侍應即刻比咗餐牌 仲問我地需唔要要介紹返 教我地要點樣嗌同有咩可以嗌🎈限時兩個鐘 我地覺得應該夠食既☺️餐牌 同時係要用筆tick低要咩食🤤 主要有9樣野 會有兩款前菜 係可以添加💁🏻 之後要簡湯底 我地簡咗台灣紅燒牛肉涮涮鍋🐮 我地怕太辣 所以就嗌小辣👍🏻 因爲我地之間有人唔鐘意食海鮮 所以就冇加30蚊去嗌海鮮🦀🦐 肉類我地有三個人 所以可以簡一款 就嗌咗肥牛片💕 其他野佢會自行上 就唔需要點簡☝🏻哩張係飲品既餐牌 除咗含酒精既飲品唔可以嗌之外 其他就可以隨便嗌☺️ 款式真心多 同出面好少有 台式飲品打邊爐飲算係第一次🤓 我就嗌咗兩杯 兩杯都係水果冰茶系列😍青蘋果水果冰茶💁🏻 好大杯 夠哂凍 入面有幾款水果 有淡淡青蘋果香 同青蘋果味🍏 唔會話過甜 所以應該冇加到太多糖😋 入哩杯同打邊爐個湯底幾夾 唔會好似飲可樂咁 飲越飲越口渴💫第二杯又哩咗水果冰茶 今次哩杯係柑桔檸檬水果冰茶🍋 份量同上一杯一樣 夠大杯🍹

天氣凍凍地，晚餐火鍋必然係首選，但係我又想吃得特別D，精緻D，貴氣D，於是去左尖沙咀食火鍋，尼間好特別，有前菜，食住先，有幾個湯底可以選擇，我選左個台灣沙茶雞涮涮鍋、濃濃嘅沙茶味，好香，D雞件入曬D沙茶味，好正好特別，安格斯雪花牛真係好正，厚度適中、好有嚼頭，牛味好濃，唔會俾沙茶搶曬D味，超正最喜歡尼個響鈴，好脆，好長，同出面嘅好唔同、更正嘅係距嘅豆味好重，好香，又有嚼頭。特選手工火鍋拼盤有墨魚汁鳥結糖，味道係墨魚蛋嘅味道，好彈牙，香菇上拼雙色墨魚膠、咬落去已經三重滋味，夠彈牙，最喜歡係黑松露餃，菌味好濃，食落唔會漏😍飲品不再是千遍一律嘅罐裝飲料，可以酒類（自費）或台式飲品、經典珍珠奶茶加上餅碎和Cream，超正😘

食火鍋黎講，呢間真係好正，一定要book 位！如果唔係去到係無位好受歡迎 皆因佢地特式台式飲品係任叫既係厚福街近尾既位置，因為上樓既 所以個門口好細 要搵一搵 同抬頭望望去到比左張中間圓枱，不停有待應穿插，如果係卡位枱會比較好，不過實在太full基本就係每位$268一份主要既海鮮/牛/豬，之後任點其他配料及台式飲品，酒精飲品另計我同朋友3人 先係自己配醬料 跟住就送上前菜前菜係2款 手撕雞及麻辣木耳 好開胃湯底揀選左 香辣3杯雞鍋 一開始就食雞先 好野味我地亦追加左海鮮拼盤（每位$30) 蠔 蝦 花甲肉類揀左安格斯牛頸脊牛肉片 另有黑毛豬頸肉及肉片之後就上手工鍋拼盤，分別係丸類 餃子其中個名比較特別係 黑松露蟹子軍艦不過黎到之後一睇原來係 圖左上 豆卜包蝦滑特別好味既係 墨魚汁鳥結糖 跟住每人一條炸響鈴卷同炸魚皮 響鈴卷想再叫 不過佢唔屬於任叫食物我地最後都係叫左d 菜 都無再追加其他任叫食物因為已經好飽好飽同好飽飲品真係任叫 好抵飲 珍珠奶茶系列就比較飽肚 但賣相好靚 好似1杯盆栽 我地樣樣都試下前後都叫左3款飲品食左一轉 都無再點野食了 因為個到已經好夠食 又貪心想試佢地既飲品 所

早早已經聽聞過101手工涮涮鍋的大名，與一般任食火鍋相比之下，與別不同的是它加入不少台灣食物的元素，連特式台式飲品都是任點任飲。餐牌部份有任點任食的也有限定款式，每位$268，在優惠時段中更只需$248。座位寬敞舒適之餘沒有一般火鍋店污煙瘴氣的感覺。前菜分別有兩款——手工麻辣麻醬手撕雞及秘製麻辣木耳，相當醒胃。五款湯底中我們選擇了三重芝士雞涮涮鍋，芝士湯底濃稠。雞件肉質嫩滑，不過芝士味道沒有滲進雞件之中。三款肉類中手切安格斯Prime Grade牛頸脊肥牛片最為吸引，脂肪分佈均勻。入口牛味十足，肥瘦適中。101特選手工火鍋拼盤以位奉上，每款每客一件。漆墨烏黑的墨魚汁鳥結糖其實是墨汁墨丸的變奏版，口感較一般墨丸彈牙，中間更有不少墨魚粒。黑松露蟹子海鮮軍艦以彈牙海鮮滑釀滿豆卜。三款自家製丸類包括安格斯霜降牛丸、三重芝士鮮製蝦丸及三重芝士鮮製墨魚丸，口感爽彈，而三重芝士鮮製蝦丸及三重芝士鮮製墨魚丸之中更包有芝士流心餡。太極冬菇釀上一黑一白的墨魚滑。黑松露芝士豚肉餃及黑松露蟹肉餃的黑松露味突出，皮滑餡靚。手工即炸響鈴卷拼手工即炸魚皮極之香脆，而響鈴更是相當巨型。其他配料任點任食，秘製台式雞件、

究竟什麼是手工涮涮鍋呢？聽說台灣101系列出品一般都屬佳品，旁邊嘅101肉操飯早就試過啦！咁又好奇下101涮涮鍋質素如何啦！一坐低侍應就俾咗張好大嘅餐牌我睇，每位價錢$268，追加海鮮的話就每位加＄30第一次喺香港食台式手工鍋選擇都幾多首先第一時間點左個煲先，我選擇了自己認為最特別的，台灣香辣三杯雞涮涮鍋，雞件惹味而且肉質鮮美多汁！追加嘅海鮮拼盤真係一啲都唔馬虎，好有質素嘅大大隻美國珍寶桶蠔，游水大海蝦同埋大嘅花甲王，一份真係好唔夠喉。新鮮到不得了！價錢仲包左一份靚手切牛肉或者西班牙黑毛豬！就算連咁有特色嘅盆栽手工飲品，都係任飲任叫，好有陽光氣息的一棵草。仲有就係我好鍾意佢哋嘅手工即炸響鈴同埋魚皮都一樣熱辣辣脆卜卜！更加喜歡佢哋嘅手工配料，每一樣款式都好特別，同平時食嘅有啲唔同，彈牙嘅手打丸墨魚汁鳥結糖真係好有咬口。無限追加嘅配料之中，我最鍾意就係八吋長嘅蟹棒啦！

一向小妹對"食"呢件事都有小小執著 唔需要一定係貴價貨 但一定要用心制作 所以對於外間好多任食打邊爐,小妹都有所保留 有時寧願俾多小小錢散叫配料 貴精不貴多 但今次係open rice見到呢間101手工火鍋 不但有海鮮食 仲好評如潮  吃貨既我又點能夠唔去一試究竟套餐個名好有趣叫極上"吃到飽"套餐 的確果晚我地真係食到好飽一坐低職員就為我地送上兩款前菜 之後仲可以無限追加套餐包一款涮涮鍋 我地揀左台式香辣三杯雞鍋 味道較濃 唔算好辣肉類方面由於席上有唔食牛既朋友 於是我地點左西班牙黑毛豬肉片 油花均勻 唔食牛既朋友可以一試當然 手工火鍋配料先係小妹黎呢度試食既最大目的安格斯霜降牛丸, 芝士手打墨魚丸..蝦丸等平日係出面叫閒閒地都6, 70蚊碟 係呢度就一個價錢可以試到咁多種味道墨魚汁鳥結糖更係第一次聽同食依依韌韌好特別另外追加左海鮮拼盤 勁!大!隻!蠔 當中小妹最欣賞個海蝦 彈牙新鮮大大杯台式/新派飲品 全部都任點任飲 其實淨係飲野都飽晒 所以任食配料都只係叫左幾款咁既價錢 有咁多野食 又有得任飲 仲有埋甜品送 小妹認為可以一戰

行去厚福街覓食，發現開左間新既涮涮鍋餐廳。行近發現系sell手工食材，好多配料都幾新鮮，就去試下。估唔到101呢間賣開平價台灣野食既餐廳，都會行高檔路線，睇落都幾高級。我地去到嗌左個極上食到飽套餐，268蚊一位，同食個靚放題既價錢差唔多。我地就揀左招牌既三杯雞做底，跟住我地再俾多30蚊要多份海鮮拼盤。開心既系每兩個人就會送一份肉（又系杯單身狗既優惠），我同郭叔就要左份安格斯牛。原本睇落去覺得好少野 ，諗住食完追加其他配料，點知系多到食唔曬。抵讚既系，一點完，好快就有個前菜，其他野都好快上齊。個前菜好好食！有涼拌木耳同麻醬手撕雞，味道清爽，仲可以無限refill。去到主食雞煲，比我地想象中大份，好足料（事實證明，d雞我地最後都食唔曬）味道其實都幾似101平時既雞煲，果然系同一間集團。雞煲食得差唔多就自己加湯，變邊爐。首先落左最我地最有興趣既手工配料，d名全部都未聽過，咩墨魚鳥結糖、黑松露蟹肉餃，全部都幾特別，出面食唔到。佢送個份牛都幾厚身，唔系出面既平價肥牛。最勁既系佢既海鮮拼盤入面隻蠔，癡線，真系有一個女仔手掌甘大，好誇張。不過其他蜆同蝦就普普通通。最後，我最中意既系佢既飲品可以任飲，

係尖沙咀行街，之後行到去厚德街附近都有唔少野食，不過好耐無打邊爐所以就揀左呢間台式火鍋價錢就268$，呢個價錢唔算太抵，不過食完之後又覺得真係物有所值！有幾款湯底揀，分別係三杯雞(辣 )紅燒牛肉(辣)沙茶芝士金蟬脫殼(由於無冒險精神，所以放棄左揀呢個）最後揀左三杯雞 (小辣）而且都加左三十蚊要個海鮮，隻蠔好大隻！！呢個係前菜，小小辣，開胃勁長既魚皮同埋響鈴兩個人為一個單位可以揀肉類咁我就揀左牛肉，好多，同埋都幾靚！佢個手工火鍋拼盤 好有特色全部都好有心機，同埋出面一定食唔到但我覺得最正既係佢d飲品！好多款式，同埋最重要既係 可以無限追加！！於是我狂飲！！當然食材都可以無限追加但由於我地已經太飽既關係，所以無加到任何野既！ 最後食左2粒鐘，非常飽而且服務都好 值得再食！

聖誕大餐唔一定要火雞的，雞煲都係一個唔錯的選擇，見呢間入面d食物都幾獨特就去食下啦。食呢個278的套餐真心唔錯，不過如果無10蚊的醬油錢當然會更加好啦，揀醬果陣真係唔好落咁多辣椒，因為真係好辣同唔會點用到，無謂浪費。1.前菜手撒雞同木耳都好夠味，有好香的麻油味同酸辣，都幾開胃。加上雞唔會好dry都唔錯。無黎雞煲前食住先係掂的。2.三杯雞涮涮鍋(小辣)湯底都幾夠麻同夠曬咸，一開始辣唔算好勁不過就會愈食愈辣。個鍋入面本身就有豆卜，香料呢d基本。不過有d蕃茄同白菜感覺上會無咁油同個健康少少。雞都幾大件下同唔係得骨，同肉都幾滑，夠曬肥美兩個人只係食雞都有d飽飽地。雞煲係唔錯的。由於我唔食海鮮所以評論唔到，不過海鮮例如帶子同蠔眼見真係好大件。肉的拼盤揀左豬頸肉。上枱見距好似好少咁，得果4堆肉係整得幾靚，不過食果下就知咩事，每一堆都起碼由7件肉組成，肉係未調味，不過由於好夠肥同好易咬，都幾好食我覺得，唔會卡牙縫。同都幾夠豬肉味。其他火鍋配料方面，蟹柳值得試下，因為好長幾搞笑，食落唔係面粉都有d蟹味同可以咬下，最值得食一定係響鈴同炸魚皮，兩樣都好長同好大件，有兩隻手指咁長，要浸一浸落湯大約3秒，再食

打邊爐通常都係中式嘅火鍋，例如雞煲烤魚又或者係傳統嘅鴛鴦湯底等等。另外又會有啲日式嘅火鍋，會有面豉湯底，牛奶湯底等等。台灣嘅火鍋一向以我所知都係麻辣味為主題，但呢度嘅火鍋除咗麻辣之外，仲有幾種唔同嘅口味選擇，幾特別。另外佢再特別之處，佢係一個吃到飽嘅主題。嗰啲配料你可以選擇任叫，食到你飽為止。最絕嘅地方係連飲品都可以，而呢度嘅飲品並唔係一般嘅可樂，咁簡單。而係台式飲品。今次我就叫咗個台式涮涮牛肉鍋，佢嘅味道比較偏甜，有濃濃嘅牛肉香味。鍋底顏色係深啡色，入邊已經有蘿蔔，白菜，洋蔥，番茄等等嘅配菜。入邊嘅牛肉了切成條狀，肥瘦均勻，已經炆到好淋 ，好入味。呢個套餐已經包左牛肉，菜類，甚至其他丸，類等等。而另外你仲可以加多＄30試埋拒個海鮮拼盤，有生蠔，蜆，蝦，蚌等等都幾抵食。最正我覺得係佢個響鈴同埋魚皮，超級大型嘅size。係大人國嘅size。你睇吓我放喺隻手到大過我隻手。而兩樣嘢都好脆，新鮮制造。兩者只需要稍為喺個湯底到燙幾下就可以食，d汁包唒喺入面好正。仲有喺呢度嘅配料都幾特別，有好多都係自己製造出來，例如佢嗰啲手打丸都係自己手打出嚟，所以食出嚟特別彈牙。推介太極冬菇，下便嘅冬菇烚後軟淋

終於有一日放假，難得可以約下朋友食嘢，又凍凍地，想食番一個稍為靚少少嘅火鍋。有朋友介紹尖沙咀呢一間台式火鍋，於是乎就 book咗枱試下。侍應推介極上吃到飽套餐，前菜我就叫咗秘製麻辣木耳，湯底要咗台灣沙茶雞涮涮鍋。另外叫咗牛頸脊肥牛肉，另外仲有好多嘢係個套餐包埋㗎。仲有啲嘢食係冇限制㗎可以無限追加。 首先試咗佢個麻辣木耳，真係好有台式風味，同之前我喺台灣試過嘅口味係一樣嘅，最重要係佢辣辣地好開胃。另外，要推介嘅係佢個墨魚汁鳥結糖、黑松露蟹肉餃同埋三重芝士鮮製蝦丸。墨魚汁鳥結糖，外觀真係好似成粒糖咁， 你覺得掉落去個湯底到好似會溶咁。但係事實上，佢係一粒整到好似鳥結糖咁嘅墨魚塊，食落好有咬口煙煙韌韌，而且仲有啲墨魚粒喺入面，好得意。另外，佢個黑松露蟹肉餃有好重黑松露味 ，令到隻肉餃食落口嘅時候，好香，平時打邊爐絕對食唔到呢一種風味。 另外要講下佢個炸魚皮同埋響鈴卷，係我未見過嘅大size，鍾意食響鈴嘅朋友 真係要試下。最後就要推介佢哋飲品，十分之有特色，同埋好大杯。其實呢一餐所有嘢都好有特色，真係非常之有台灣風格，包括食物同飲品都相當細緻。

餐廳的面積不算大，全店僅有10張枱左右，而卡位即佔了其中的4-5張，其寛闊程度甚至可容納每邊4個人，更何況我們只有2人用餐。店面裝潢舒適、理想，店員亦會不停留意客人的用餐情況，主動收空碟。用餐後期亦會主動奉上 「香片熱茶」，為你消消膩。麻辣木耳 ; 一流的香、麻、辣則比「XX米線」的5小辣再辣多一點，木耳雪得夠凍，爽口，令人回味無窮!麻醬燒雞; 微辣，味道一般       (因本人不是麻醬愛好者)雞湯底足料有新鮮蕃茄，雜菇、豆卜，雞件等; 湯底濃度十足，而且湯量不會太多，因此我會吃到其他湯料的甜味，可是湯底也未免濃得令人生疑 ，但湯底的雞肉真的嫩得魅力無法擋，雞肉味重，肉質幼滑可口，值得一試。牛頸脊肥牛 (跟餐自選) ︰牛味極濃，厚切，沒有多餘的筋位，味道出眾的程度連添加豉油亦覺得是一種浪費。個人經驗是將牛片下鍋滾10秒左右便夠，熟成剛好@!!! 當晚一流之選! 店方還附上4粒牛方塊，當然又是另一種食法與滋味^^"外加︰海鮮併盤美國珍寶蠔︰肥美，新鮮，熟後仍能保持嫩滑。馬刀貝、花甲王︰新鮮，肉質會滲出淡淡的海水味。大海蝦︰蝦熟後肉質彈牙，而且蝦鮮味十足。巨峰提子砂冰可樂最後也少不得介紹

好有驚喜既特式火鍋店半自助形式既火鍋平時268 一位 9點半後 248 一位 特別食物每樣可以食一次一般打邊爐料 可以無限添加最開心係好多特式無酒精飲品全部可以任點特別食物有前菜 兩樣可任點 麻醬手撕雞 同 麻辣木耳好香麻醬味 雞肉好有咬口， 木耳爽口 麻辣剛好 做前菜唔錯 主菜 打邊爐 5 選一 點左香辣三杯雞涮涮鍋 點左正常辣度三杯係一種醬料 平時少炒成日食 做成打邊爐第一次試 , 醬汁香濃帶甜味 成個鍋落足料 有雞尾菇 魚蛋 洋葱 香料 等 雞肉 好香滑 好有咬口 正 由於醬汁好香濃 所以打邊爐好啱味  海鮮要再加30 蚊 加一次桶蠔 海蝦 花甲 花甲鮮甜 海蝦好彈牙 桶蠔大大隻 海鮮基本上新鮮就唔洗點任何醬料 十分抵食 加30蚊值得   肉類 三選一 點左 手切安格斯 prime grade牛頸隻肥牛片最高級prime grade既安格斯牛頸脊 睇紋都知靚野 脂肪同肉比例平均 食落好軟滑既口感 十分juicy既牛肉香味帶點牛脂油 好正 再黎有個 特選手工火鍋併盤 有好多自製特色野食 墨魚汁鳥結糖個樣好似澳洲鳥結糖 其實係墨魚膠整成條狀 食落好彈牙 好濃墨汁味 外表得意食落唔錯黑