龍皇酒家 (已結業)

o尋日中午十二點幾去o左呢間飲茶, 去到已經有人等位. o係樓上有個部長問我幾多位同幾點要枱, 我見冇咩人, 就話十五分鐘後, 佢重叫我坐低等等. 但坐下坐下, 到o左要枱時間, 依然冇枱, 於是問下登記姐姐, 點知佢話起碼重有三張枱至到!咁既然要輪枱,點解之前重問我幾點要枱?!咁都算. 最不知所謂o既係佢話要俾晒所有訂左枱o既至到我地呢d walk-in客, 問佢即係要等幾耐, 又答唔出,咁咪無了期咁等?! 如果係咁不如話只做熟客生意! 另外, o係等緊o既時候, 有個應該係熟客o既女人走去同其中一個侍應講"有冇枱呀?", 之後唔夠五分鐘就有枱, 有冇搞錯!!!如果個個熟客都係咁, 我地呢d walk-in生客就有排等了! 最後係要老媽發難, 我地至有位, 超級離譜!講番點心, 選擇不多, 價錢也不便宜, 叫左鮑魚燒賣, 鹹水角, 义燒飽, 义燒酥, 蘿蔔糕, 牛肉腸粉. 食物尚算ok. 但環境好迫又熱, 又舊. 今時今日, 咁o既服務態度, 就算食物有幾好都補唔番, 冇下次!!!!

老公見今期飲食男女介紹斑馬瀨尿蝦, 今晚帶我去一試! 坐下只有兩張, 隔離既中年男人不停說話, 已經很煩, 侍應亦很熱誠地介紹, 但我們想靜靜地看餐牌! 最後決定了杭菊火焰瀨尿蝦, $196 ($14/兩), 打電話黎問時係$10/兩, 唔緊要, 反正試試吧! 再叫了一隻片皮鴨, $136 (時晚特價), 隻鴨黎先, 個女部長負責片皮, 技術甚差, 大大隻片到最後得十數片! 用黎夾既餅皮好薄, 唔知點解拎起時仲見有煙, 好似好熱咁, 夾完之後到食時已經好凍, 連塊鴨皮都好凍! 跟住個瀨尿蝦一出幾個侍應走埋黎, 一個拎鉸剪, 一個拎...(只得一隻), 我係第一次食呢種瀨尿蝦, 但唔駛望住個, 教我點食!　我食到一半見到熾哥坐係我對面, 唔知係咪呢晚半場都唔滿, 目無表情, 伙計見到佢比平時落力得多, 但過頭lor!

父親節前夕同屋企人一行五人去左試油麻地嗰間龍皇, 環境冇灣仔嗰間龍皇咁好, 但味道保持有水準. 我地冇食佢啲招牌龍躉翅, 只係叫左幾個家常小菜:脆皮雞:我地五個人都一致話好食燒腩仔:好味!皮脆有肉汁,完全喺利苑嘅水準雜菜煲:菜煮得好鮮甜咕嚕肉:價錢好似係78蚊,但相比黎講冇咩特別煮茄子:一般,始終煮茄子都係油多荷葉飯:好香老火湯:味道夠甜,唔覺有味精樣樣都細細碟幾有質素.埋單唔貴,好似仲比灣仔嗰間龍皇平.

呢個食評, 係我幫朋友寫的因為佢岩岩食完呢個餐龍蝦湯翅, 湯好正, 翅係排翅, 而且份量不少蠔重四頭鮑, 好味, 我朋友第一次用刀叉鋸鮑魚, 好滿足清蒸東星斑, 變左條什斑, 全場都係食什斑, 搵笨朋友話, 如果無甘多貨源, 就唔應該拎來做賣點花膠遼參, OK啦, 無乜大驚喜喎燕液燉雪蓮子, 唔得既糖水, 完全搵唔到有燕碎招呼不錯, 但油麻地店地方一般

同婆婆慶祝生日一行五人去了龍皇酒家試下這個"鮑翅燕肚參"餐，之前曾看食評但不太好，但真的很想試下用刀叉食鮑魚的滋味。早上打去訂檯，職員已即時通知因魚早上未返貨未知道有沒有東星斑可能要轉其他魚代替；晚上六時到達職員即說沒有東星斑改食杉斑代替！鮑翅燕肚參1) 生拆龍蝦燴翅- 翅很熱而且很多翅味道不錯。2) 蠔皇四頭鮮鮑+花膠扣遼參- 鮮鮑、花膠、遼參一齊上鮑魚很入味(連婆婆都咬到)其他花膠、遼參都不錯但份量不一，有一兩碟比較細份！3) 清蒸杉斑- 杉斑很新鮮但不大條所以有兩條很有鮮味！4) 燕液燉雪蓮子- 糖水就比較失望，很甜只有很少燕窩碎但入面有數粒透明東西食不出是什麼! 後加揚州炒飯- 因份量不多所以後加了揚州沙飯，賣相很好，味道很好，很多料！好食!但竟然給婆婆食到有一條大魚骨(有一吋半長好彩沒有事)。 最後整體算不錯但貴了一些! 而且不加炒飯應唔夠飽! 服務態度不錯，上菜很快，但不主動加水。

16-03-07(五) 9:00pm 2人見到飲食男女買廣告..book左晚上9點,去到仲要等左陣(食盡鮑蔘翅燕肚餐)$298 兩位起,星期六,日每位加$100生拆龍蝦燴翅,蠔皇四頭鮮鮑,清蒸東星斑,花膠扣遼蔘,燕液燉雪蓮子鮑魚都幾好味,不過超細隻,花膠都ok,東星蒸得岩岩好,其他就冇咩特別好食,我地坐樓下,好迫,坐得唔算舒服,但樓下有電視睇,服務唔掂,點左食物好耐都未有野食,好彩有電視睇姐,一開始上左條魚先,我地諗..點解唔係上翅先呢?唯有叫兩個白飯食魚啦,食左幾啖飯無端端上翅,侍應拎開我地食緊果碗飯上翅,食食下翅又上鮑魚,侍應又拎開我地碗翅上鮑魚,食食下鮑魚又上花膠,都食唔切,唔知點解佢地唔係慢慢上菜,有d 9唔搭8感覺,扮晒高級食店,樓下女洗手間極度污糟又細,只得一隔,好似冇人打理咁,d廁紙通地都係,仲衰過茶餐廳,冇生果糖水送,冇比tips,埋單$702

一家14人,食一圍五千幾蚊嘅菜,菜式真係好普通, 毫無驚喜.除有煲翅外,沒甚麼貴價嘢食.<br />魚蒸得過火,菜又過咸, <br />環境非常殘舊,個toilet都係,屋村酒樓都好過佢\, 似普通小菜館.<br />一句而言:貴夾唔抵

是日紅酒聚會,主角理應是紅酒無疑!紅酒與菜餚的配合多以夫妻情侶等關係來形容,紅酒的高貴優雅多形容女性,有咸有淡的菜餚就順理成章地來比喻男性,配合得好的,當然皆大歡喜啦,配合得唔好的,就會喧賓奪主地盡搶主角的風頭.裝潢頗為優雅的一間酒家,店子雖小但挾著前利園之名而來,可惜座落於油麻地舊區,價錢雖相對高檔酒家便宜,但比起附近一帶的酒家食價錢仍有一距離,有點懷疑它的持久能力會否像這支(de Lascombes 2000) 般不濟….13個人但點左成16樣菜,每碟盡皆紅酒殺手,份量小得差不多只可每人一口,是晚比較欣賞的菜色如下.____日式燒汁牛柳粒,燒汁味濃但不過份,牛柳軟硬剛好,與白飯可真是情投意合.____蓮藕炆腩仔,偏肥的腩仔肉內充斥著蓮藕茨汁,一口咬下,只覺腩仔肉是個大甘草,豐盈的蓮藕茨汁才是主角.____和味咕嚕肉,微脆外皮加鮮嫩的肉質已令人垂涎,可喜的是茨汁不太酸,剩吃也可接受.____脆皮干蔥豆豉雞,一叫再叫的菜色,只因用鑊仔爆香出來的干蔥豆豉特別香口,油香滲進雞肉中,每口雞肉盡皆配菜精華所在.____老干媽醬爆帶子,微辣但醒胃的醬料不但沒有蓋過帶子鮮味,反不偏不倚地為肥美的帶

上次週末來飲茶，帶位姐姐話無book位就無台。厲害！真系好想知道點解可以0甘爆。呢度點心款式唔太多，我地要左個煲仔飯，鯪魚生菜湯，千層糕，叉燒酥，同傅皮卷。第一樣上臺系煲仔飯。0華!!! 個size細得可憐。（見相）個煲仲細過個蒸籠。分量只系得兩個茶樓碗仔0甘多。鯪魚生菜湯個同煲仔飯個煲一樣size。千層糕亦見"的式"。總之一句，D點心分量食唔飽人，如果唔系就要叫double。飲完茶大概1點鐘，之後大概3點鐘就肚鋨了。我地離開時仲有好多人企響門口等緊位。呢度0甘爆系個謎，因為點心唔系特別好食，亦唔系特別底（小點好似$9.3 中點定大點$14.5)。分量少而且收正價，計落比其他茶樓貴。總結，以後唔會再來飲茶。

上星期六終於試左前身係利苑龍皇, 比想像中好.之前一直因為嫌佢個名太"娘", 諗住都唔會好食得去邊. 後來有次同舊同學聚會, 去左灣仔皇悅地庫果間, 覺得都唔錯, 所以至會去試碧街呢間.佢地走路線類似利苑, 但我就覺得都係早期利苑好好多. 無論食物同服務都係. 其實, 龍皇服務唔係唔好, 只係佢d 員工態度好, 但唔夠醒目, 安排座位或者上茶上點心都唔夠細心.我地兩個人試左蝦腸, 蟹子燒賣, 鮑汁鳳爪, 龍疐球粥同埋蘿苩絲酥餅. 燒賣同鳳爪合格,規規矩矩. 蘿苩絲麻麻地, 碗粥就好唔錯, d 魚都好新鮮, 粥底唔似有味精. 但係碟腸粉呢, 就真係唔得啦. 個粉好差, 唔掂!最後我地叫左一客蛋白杏仁茶. 呢個就好好味, 好香, 唔太甜, 好!埋單一百五十大元. OK 啦! 如果兩個人去同區好彩呀, 聯邦呀, 都要百二三蚊啦!如果佢地可以好似以前碧街利苑d 員工咁醒目同殷勤就更好啦:）

今次去龍皇, 因為睇到openrice的網友說這裡的東西不錯, 故一試之。其炆躉翅不錯, 生抄排骨都算幾乾身, 但調味不過不失, 上菜時, 這餸有少許攻鼻的辛辣味, 其實, 很多的食肆, 這一味菜,未上枱已有好重既辛辣味, 應該是落醋太多的問題。抄飯中上, 故算是不錯。脆麻花出品同利苑差不多, 有多一點的蛋味。三人行, 落樓600元。

22/6/06 我朋友生日,早幾天訂位及訂三刀魚或黃腳立及陳醋杏汁翅. 到22/6/06 下午5:00 問他們才回應去找魚, 未知價錢. 5:30 回覆有一條斤6兩三刀, 每兩$45.00 一條要$900.00, 我之前在別間幾好食市一條差不多重,才$500.00 , 我不要了, 感覺早叫人訂魚, 他們估我是水魚嗎. 後來, 我要了咸排骨白菜,龍等炒翠肉瓜,蛋白蒸泥蟹, 及例湯. 湯幾好, 可惜我未吃完湯料, 他們已收起, 豬橫利沒得吃, 我朋友很不高興. 而且他們上陳醋杏汁翅, 竟不知如何上, 分開上杏汁,及翅, 只放在桌上, 我奇怪沒醋如何呢, 而且問她們如何吃, 她們不知如何, 追問高級的, 她們才叫人拿, 但去拿也拿了紅醋......最後我真不太高興這食市. 不過他們很多客,可能只有我不滿意吧!

數個月前開始幫襯，約每個月會黎呢度飲茶一次(午市)。呢區有好多酒樓，但好多都係麻麻地，但收得幾貴下。呢度既野食算係唔錯。今日4 個人黎幫襯，叫左4 隻妙齡乳鴨、如名是袖珍版，炸得香脆，唔錯，點淮鹽吃一流。叫左個日式海鮮烏冬鍋- 呢個就真係好鬼淡。加左d 點心(蝦餃、燒賣、蝦腸、雞扎、鳳爪) 點心方面只屬一般。每次黎呢度都係為了他的妙齡乳鴨。今次總共食左$250- 同事請。

同英國番嚟嘅姨媽食晚飯，一行六人，點咗七樣嘢：柚皮鵝掌、雜菜菇煲、鐵板美國石蠔、醬香骨(似東坡肉)、雙冬扣黑草羊、西施泡飯同一碟齋，之後重食埋甜品(楊枝甘露、蛋白杏仁茶同脆麻花)。我哋最欣賞柚皮、石蠔、醬香骨同杏仁茶：柚皮同醬香骨都做得好淋滑入味；石蠔用鐵板上，熱氣騰騰，好吸引；杏仁茶相當香滑，咁高質素只收$18一碗，抵。不過羊腩煲就唔得，啲羊腩鞋口又唔香，兼且分量唔多，收$128咁貴，係最失敗嘅order。

六人套餐很不錯~ 有(1)老湯：(2)燒味拼盤：燒腩仔/燒鴨/叉燒好~ 不過最近兩次覺得燒腩仔咸左Ｄ可能菴得太久或鹹太多，影響了肉的鮮味同埋叉燒太”好”色喇~紅丹丹？多色素@-@(2)四款點心：我地挑左兩款蘿蔔絲酥餅，一人一件嘛~；xo醬煎腸粉；雷沙湯丸後上(3)龍躉兩味(終於俾我打到呢個躉字呢^ ^)肉身-炒瓜（個人覺得，略多油左Ｄ，食海鮮都係清Ｄ食好！）龍躉頭-蒸，剛剛好，蘸埋蔥食油~ 正！(5)另三款小菜，現在我就沒乜印像~我個人認為間酒樓小菜普通過得去, 正/好個Ｄ我實記得ge, 實話俾大家知。(6)同埋番暑糖水。------------其實我每次都滿意間酒樓Ｄ老火湯料足，靚。真唔錯糖水送的、都唔隨隨便便好欣賞呢點。招牌龍躉好野~~~~~~~~~服務態度都幾好^ ^不過,都要彈一彈ne ^ ^，否則大家期望太高就唔好喇就講他個什麼什麼魚蝦蟹餐^ ^生滾龍躉滑粥，正，，8 得個兩啖。龍蝦，得半隻；鮑魚菰扒，正~~~，不過得個一片石頭燒鮑魚，實情係隻鮑魚仔，我總以為係個Ｄ幾頭幾頭幾百蚊大大隻個Ｄ，(嘻嘻~)~佢地上埋刀呀叉呀嘛呀(嘻嘻~)砵仔飯，好食，8 again 太細碗食埋糖