龍皇酒家 (已結業)

上次週末來飲茶，帶位姐姐話無book位就無台。厲害！真系好想知道點解可以0甘爆。呢度點心款式唔太多，我地要左個煲仔飯，鯪魚生菜湯，千層糕，叉燒酥，同傅皮卷。第一樣上臺系煲仔飯。0華!!! 個size細得可憐。（見相）個煲仲細過個蒸籠。分量只系得兩個茶樓碗仔0甘多。鯪魚生菜湯個同煲仔飯個煲一樣size。千層糕亦見"的式"。總之一句，D點心分量食唔飽人，如果唔系就要叫double。飲完茶大概1點鐘，之後大概3點鐘就肚鋨了。我地離開時仲有好多人企響門口等緊位。呢度0甘爆系個謎，因為點心唔系特別好食，亦唔系特別底（小點好似$9.3 中點定大點$14.5)。分量少而且收正價，計落比其他茶樓貴。總結，以後唔會再來飲茶。