龍皇酒家 (已結業)

尋日係父親節, 佢聽收音機主持人話呢間酒樓好味, 係利苑d班底, 所以尋日就去試下飲茶.酒樓唔大, 多數都係熟客, 價錢亦唔算好貴: 小點$8.8, 中點$14.8, 大點$18.8, 仲有其他小食都係十幾至廿幾蚊.我地叫左點心: 上湯牛肉球-- 有瓜粒湯底, 唔似平時食到果d咁肥膩. 蘿蔔絲酥餅-- 好鬆化, 薄皮有蘿蔔絲, 咬落去唔油, 唔錯.沙薑鳳爪-- 份量唔多.xo醬煎腸粉-- 幾滑口.生滾滑粥-- 呢個幾好味, d係新鮮, 有味.砵仔瑤柱蒸蘿蔔糕-- 雖然睇到有好多蘿蔔絲, 但味道怪怪的, 糕亦比較散, 唔夠實.高湯小籠飽-- d皮較厚, 麻麻地啦.馬仔-- 好鬆化, 好味!椰芝花生薄'撐'--呢個好好味, 好多料, 不過一定要熱/暖食, 如果涷左會變硬.擂沙湯丸--都算ok, 不過如果d皮再薄d會仲好食.

媽媽嚮附近工作, 而每一日佢都會黎呢度食lunch, 呢度可以話係佢o既飯堂.此食肆收費大眾化, 食物種類唔算太多, 就以雞為例, 只有燒雞同鼓油雞兩款, 想食其他就要一早訂啦.有時禮拜我地都會同阿媽黎呢度飲茶, 點心有中上的水準, 我會推介燒腩仔, 細細舊一啖食晒, 我相信好多香港人會喜歡.對上一次幫襯係大約一個月前, 成家人黎食晚飯, 菜式係一般晚飯的菜式. 特別一提係隻雞, 居然嚴重失準, D肉異常結實, 我咁大個人都未食過咁結實的雞. 當時我心想, 隻雞咁結實, 唔知我個胃消唔消化得到呢?其實當晚其他的食物都有唔差的水準, 不過我一向好喜歡食雞, 隻雞咁差我難免好唔高興, 所以唔好意思, 要比"喊臉".

同事曾在這裹吃晚飯，說很好，尤其是炆班腩。我也來過2次飲茶，心好味，有珍珠雞、雷沙湯丸、鮑汁鳳爪、脆麻花...等，此酒家值得推介。但奇怪呀! 他的出品和'利苑'竟十分相似，價錢當然抵食很多啦!

經朋友介紹，早排同屋企人去食晚飯。呢間酒樓專做龍，又sell鮑魚，原本以為好貴，原來唔係，都有唔少唔貴小菜選擇。我叫龍兩味，一味係薑蒸魚骨，另一味係將起肉炒蜜糖豆。另外要了柚皮炆鵝掌，一煲例湯(唔記得係咩湯)，以及朋友事先強烈推介，餐牌內搵唔到西施泡飯。例湯夠大煲，我四個人每人都有兩碗，只嫌稍稍偏咸。其他樣樣都好好味，分量唔算小，魚夠新鮮嫩滑，鵝掌大隻夠淋，柚皮索哂d汁好味。朋友果然冇點我，西施泡飯真係幾正，侍應將相信係炸過飯，上檯時我面前倒落去加了切細配料(海鮮雜錦同芥蘭)熱上湯，埋沙窩蓋焗一焗便OK。服務方面亦相當好，冇話見我叫咁平就唔理你，侍應同我有講有笑，識得主動走幫我添湯，又問我意見，就算係做戲都做得幾好。

一老，兩少，三人行。聽我個個老人家講，係ＸＸ的舊人（Ｓ）散ＢａｎＤ後，另起爐灶。款式不多，不過貴於精卦。主打試點心。試左六七款喇~總來講，平~實~ 好意外~ 使我頓感到有馬地有少少臥虎藏龍呢~~~不可不試的有：蘿蔔酥，燒腩仔，老熟客，還特別柯打了龍登球米線~ 好似沒有Ｄ，正喇~~，我Ｄ兩個馬騮連湯兜都舔咪~最後我Ｄ試左雷沙湯丸，華真係實足口爆~~嘻嘻嫵嫵嫵。下次，我要想試咪佢地個七味ＸＸＸ