鼎王麻辣鍋 (金巴利道) (已結業)

因為疫情關係已經好一段時間沒有外出食火鍋，後來同事推介這間鼎王麻辣鍋的衛生都做得很足夠，便來過過火鍋癮。入店前先要探熱，亦有酒精搓手液供客人使用。店內座位寬敞，而且企理乾淨，坐低後店員更會提供信封供客人放口罩，整體來說都很安心在這裏吃麻辣鍋。設有醬料區，白飯亦是在這區域添置。首選當然先點同事推介兼他們的招牌鴛鴦鍋，一邊是白肉酸菜湯底，一邊是鴨血豆腐麻辣鍋,當中的材料都是無限任添的。店員更細心提點酸菜白肉湯底需要先滾一會兒，味道才會更出。老實說，平時自己豬紅也很少吃，但這次試他們的麻辣鴨血，確實讓我很難忘，質感嫩滑，而且相當入味，基本我三份一時間都是在吃鴨血。等待上菜的期間，店員先端上熱茶讓我們解渴，熱茶隱隱約約混有蜜桃味，很特別。聽說老油條是必點的，如果以為是一般的油炸鬼便錯了，放落湯底浸十秒左右，口感比響鈴更加出色，而且不會有油膱味。絕對值得一試象拔蚌亦相當不錯，味道鮮甜，上品。後面那碟特級牛肉因為脂肪比例較少，感覺上食落減輕罪惡感牛肉味濃厚。日本黑豚肩肉，不過不失。平時打邊爐一般很少見會有蟹滑膏，便心思思叫了一份來試試，質感跟蝦滑很相似，帶有淡淡的蟹肉味。打邊爐當然不少得烏冬。很滿

鴛鴦湯底麻辣鴨血鍋加酸菜白肉鍋佢呢度嘅鴨血同豆腐等嘅配料係無限添加好難喺香港食到好食嘅鴨血 但鼎王嘅鴨血同喺台灣食到嘅一樣 都係咁好食酸菜白肉鍋亦都好足料，味道都不錯特級牛肉夠哂大塊同厚身，食落都幾爽口份量好大份，呢隻切得比較薄身，食落去仲有濃濃的牛味一品蟹滑膏喺出面好小見到既蟹滑，打得十分彈牙同爽口，一啲都冇好粉嘅感覺，而且好有鮮味。精選滷拼盤有豬腸同牛肚等滷水整得好入味 而且又唔會太咸就算唔加落去火鍋入面 就咁食都好好食老油條好適合配麻辣鍋，浸落麻辣鍋入面會吸收晒啲湯底，外脆內軟。

喱日同好想去台灣嘅老婆大人去鼎王食麻辣火鍋一解佢相思之苦！須然我唔辣得但係我點都會捨命陪君子嘅！ 去到餐廳門口有靚女接待員同我哋量度體溫，仲有消毒搓手液比我哋用，第一個感覺好安全！ 入面嘅裝修都古色古香咁幾骨子架！好鍾意佢有唔少屏風做間隔感覺私密啲。 一坐低侍應就攞出平版電腦比我哋點菜！仲有晒消毒用品比我哋消毒好先用，同老婆大人一齊揀好湯底同火鍋料就等食囉！ 我哋揀咗中辣嘅麻辣鴨血同埋小酸嘅酸菜白肉鴛鴦鍋，唔知中辣我食唔食到呢？ 酸菜白肉鍋我第一次食嗰種酸味又幾醇喎！平時怕酸嘅我都幾鍾意喱個味！侍應仲會好頻密免費添加酸菜。 麻辣鍋嘅中辣對我嚟講係大挑戰！湯入面有滑嘟嘟鴨血同埋豆腐都係無限任食發達喇！湯底有啲藥材味好香食完我咀邊發晒麻呀！ 食肉獸第一時間揀肉食喱碟日本黒豚肩肉，肉地粉紅光鮮食落肉香味濃正貨，其實仲見到有香港店獨有嘅日本A4和牛，不過老婆大人唔食牛留番下次同老死嚟先食啦！ 老婆大人最鍾意食午餐肉襯埋火辣辣嘅麻辣湯至合佢意。 喱道嘅滷水腸頭滷又淋又入味仲好肥美甘香唔食就走寶啦！ 一品蟹滑膏嘅質地同港式滑有啲唔同

繼台灣的麻神火鍋過江龍來港開店後，在台灣擁有多間分店的鼎王也旋即來港！喜愛麻辣火鍋我我當然開心，又有多個台灣地道火鍋店作選擇！相約了好友於平日早段時間到訪，避開人流。挺喜歡這裡的環境，座位闊落，兩人坐在卡位非常舒適。甫坐下，店員即端上熱茶，很香，是水蜜桃茶。喝過茶後我們便開始點餐。先點了個湯底 --- 鴛鴦湯底，同時嘗到麻辣鍋和一水。而亮點絕對是無限添加的鴨血啦！鴨血質感像很滑溜，咬下很軟很香，吸收了麻辣鍋的味道，散發出陣陣麻香，非常好吃，不知不覺間吃了很多！飲品揀選了較天然的低糖茉莉綠茶，味道清新怡人，帶陣陣茉莉香味。去骨鮮肉 - 牛肉份量不少，夠軟滑及牛肉味濃。日本黑豚肩肉 - 可放入酸菜鍋，與酸菜的味道好夾！芋絲 - 用來吸麻辣鍋的湯汁，很是惹味！高麗菜 - 顏色翠綠，好新鮮爽口。今次點了不是很多火鍋料，因為我們都是為了鴨血而來，所以吃了很多鴨血。覺得很滿足！

最近身邊有同事大力推介食鼎王火鍋。我都唔執輸2個人去左試下。叫左個鴛鴦湯底: 酸菜白肉麻辣鍋，甘就可以2種味都試晒。麻辣好夠香，而且有麻辣既麻度，唔會只係死辣。白湯個邊雖然落左酸菜但唔會太酸，味度中和，又有肉既味道，簡直係唔食得辣人士既福音!配菜方面，我地點左 梅花豬肉同特級牛肉，望落去啲肉夠晒紅卜卜，食落口唔會有雪味，肉質夠新鮮，有嚼頭。另外，仲點左珊瑚蚌同帶子刺身，同樣都無令人失望，一樣咁新鮮爽口魚皮餃同魚皮都係我火鍋必食。魚皮餃唔會散，魚皮都好脆卜卜，一啲都冇油益味!另外我地仲點左樣熟食試: 鹵水豬大腸，一樣好食，唔會太韌口，鹵水味夠濃!中意食火鍋既我都真心推介鼎王， 令人食過返尋味 順帶一提，麻辣火鍋既鴨血堅好食， 夠滑口，正，一定要叫黎試下!

中午時段與好友到尖沙咀吃午餐。鴛鴦湯底小辣小麻，兩邊湯底有不同風味。酸菜一邊湯底豬肉肉質良好。另一邊湯底鴨血唔會腥味水感一流，而豆腐則入味十足。滷豬肚味道濃郁，豬肚口感同樣是不錯。梅花豬肉肉質良好，肥瘦平均。桂花蚌爽口彈牙，鮮甜好味道，只要不是入湯太久就不會太韌了。粉條配火鍋是非常夾的食品能夠吸收湯底香味又夠飽肚。綜合菇3種菇各有自己風味，甜甜地味道良好。千層凍豆腐同樣和火鍋很夾，能吸收火鍋湯底。

每次去台灣都一定要食麻辣火鍋！而且每次都會去鼎王，貪佢多分店，同埋有無限量鴨血提供！喺香港嘅時候，常常都好掛住台灣嘅鴨血，可惜出邊都比較少地方有，同埋賣得偏貴，所以唔係成日有機會食。一聽到台灣嘅鼎王喺香港開分店，超開心，即刻約咗朋友去試佢嘅裝修同台灣都有幾分相似，幾雅致，氣氛寧靜，坐得好舒服。點餐係用iPad自己㩒，菜單同台灣都幾相似。湯底方面，我點左個鴛鴦湯底，揀咗小辣，有麻辣鍋及酸菜鍋，麻辣鍋入面有豆腐同鴨血，都係無限量添加的。酸菜鍋嘅酸菜亦都可以無限添加。我encore左鴨血好多次，食得好開心。呢度嘅鴨血都好軟嫩，好QQ，好似果凍咁。酸菜湯底好開胃，白肉都幾多。牛肉方面點左去骨鮮肉，每件都幾大塊，雪花分布均勻，幾有牛味。豬肉就點左日本黑豚肩肉，食落都幾嫩。另外仲有點左個御選小羔羊，輕輕一燙就食得！肉質都幾鬆軟美味。另外仲有叫咗個干貝滑，入面都幾多干貝！同台灣食嘅味道一樣。最後當然唔少得叫個菜啦，吸盡麻辣精華咁食，好正！

鼎王岩岩開果時黎排過隊，當日問佢地reception可唔可以訂下星期嘅枱，地嘅回答係餓等好驚喜的。因為我認知入面只有過時過節嘅幾星級的酒店，先會要早成個幾兩個月訂枱。今日終於畀我有機會朝聖一下呢間令人為之瘋狂嘅台式火鍋店。首先入到去，因為疫情嘅關係，店員幫我地量體溫，畀自家信封我地放口罩，仲要好勤力提我地要消毒同消毒落單用嘅ipad。睇到佢地咁努力，我好安心。我地點左個鴛鴦湯底，酸菜同麻辣湯底。佢地嘅鴨血、豆腐同酸菜都係可以無限添加。佢地嘅豆腐係有少少老水嘅味道，質應比較實淨，而鴨血就係爽脆type。兩款食材都好低卡，唔會太過有負擔感。如果想食香口野，可以點埋佢個老油條，浸湯泡到軟軟地，一口咬落去就係雙重享受。食完老油條就可以食多少少酸菜幫助下消化。每次店員見你食到差唔多/你要求下，佢於會拎住一個細鍋黎幫你加。每次加餸，佢都會好小心，唔會畀湯陣到你。小心嘅程度同出面打邊爐伙記為快手加完了事嘅手法好唔同。

近排都無得去台灣，唯有去鼎王食個火鍋止下痕先啦😞😞真係有一下以為自己去左台灣😢😢😢最近疫情嚴重，大家防疫意識都高左！一坐底，店員就拎左酒精搓手液俾我地清潔雙手。仲俾左個信封我地暫時放好口罩。呢啲貼心嘅行為都教人好感動❤️❤️店員連點餐用嘅ipad都會用酒精消毒完，先俾食客用👍👍因為為食嘅關係，我地點左個鴛鴦鍋🥺咁就可以試曬兩個湯底了😍😍😍麻辣鍋再配上鴨血，真係好夾呀！鴨血好入味，仲無限任添😇😇😇酸菜白肉鍋都好惹味㗎，酸酸地好開胃🥰先點了個上選牛小扒。肉質鮮嫩，色澤紅潤。未食都流曬口水🤩🤩再黎五花去骨鮮肉，呢個雖然價錢較平，但牛味都好重，建議放在酸菜鍋內，味道更突岀❤️最後叫多個滷牛肚，其實就咁食已經好好味。加入麻辣湯底到就更加好味🥰

疫情期間，應該減少外出聚餐，不過兩個人就算唔出街食都會一齊食咖啦，唔好一大班人同唔好去太迫人既地方食都應該安全既，所以今日我地去左尖沙咀呢間鼎王麻辣鍋食個late lunch。午飯時間都避埋，應該安全啦！不過其實我想講大家一啲都唔需要擔心，因為呢間鼎王麻辣鍋既職員既衛生防護措施真係做得好足！首先，去到門口，職員會幫我地量體溫，然後再用酒精搓手液搓手。入到去坐低之後，職員會俾張印有鼎王麻辣鍋既褶紙俾我地包住個口罩，放好口罩之後，佢地又再會拎埋支酒精搓手液俾我地再搓手。到佢地講解完點用部ipad點菜後，佢地會係我地面前消毒部ipad，令人感到佢地真係嚴謹到一個點。餐牌方面選擇貴精不貴多，每個種類有啲野㨂，個人覺得可以接受，始終黎得呢度食就係想重質素，想食湯底同靚野食多過有一大堆選擇但樣樣都普普通通。所以選擇相對地比出面火鍋店少亦都係十分合理。湯底有三個選擇，酸菜白肉、麻辣或者鴛鴦鍋，好明顯係一定會叫鴛鴦鍋，而個鍋本身仲可以俾我地㨂酸度、辣度、少油等等。起初我地㨂左小酸小辣少油，食落覺得唔夠力度，好彩醉同辣都可以之後再加番。個人覺得酸菜白肉要起碼中酸先夠，而麻辣就因人而異，我覺得如果你係有食

放左工道同朋友一齊去食最近新開的麻辣火鍋。店內非常多人在等位，吃美食都要先等等。店內環境非常舒適，充滿古代感的裝置別有一番風味。店內是以電子平板點菜，員工親切有禮，殷勤的服務實在值得一讚。招牌鴛鴦鍋包括了麻辣鍋和酸菜白肉鍋，麻辣鍋配有鴨血同豆腐，鍋內有很多麻辣香料，吃上來味道很香，辣度後勁很強。鴨血口感很q,超好味，原來鴨血和豆腐都可以無限添加的，超棒！酸菜白肉鍋內裡有椰菜絲和白肉片，酸酸的很開胃，酸菜還可以無限添加的。醬料區有專為麻辣鍋和酸菜白肉鍋調製的醬料自行DIY。火鍋配料新鮮大份，擺碟賣相吸睛，點了幾款食物都很好吃。蛋餃（$78）珊瑚蚌（$128）一品蟹滑膏（$108）日本黑豚手打丸（$88/8粒）豆皮（$58）很滿足的一頓美味火鍋😋

甫進店，就見到好多人等位，🛋店內裝潢充滿中國特色，古色古香。醬料區只有幾款配料供客人，務求令客人吃到鍋底原本的味道。🥰還細心向每位客人準備桃茶🍂鍋底內的鴨血、豆腐同酸菜可以無限追加架😍 店內還有IPAD點菜, 非常先進鴛鴦鍋（$68/位）🌶麻辣鴨血鍋 麻辣鍋內有鴨血、豆腐，麻辣味道挺香，麻辣後勁很強，鴨血肥厚大塊，滑溜溜，加左3次呢！🍲酸菜白肉鍋酸菜白肉味味道偏酸，吃完麻辣鍋剛好中和一下，酸菜也是無限追加的。 除了火鍋外，滷水也是店內招牌，滷得入味，作小吃一流。🐽滷豬肚（$58） 🐷滷大腸頭（$98） 火鍋配料非常新鮮，份量夠多，還有一些創新又好味😋🍢日本黑豚手打丸（$88/8粒） 手打豚肉丸食落好好味，混埋軟骨一齊好有口感。🐚珊瑚蚌（$128） 珊瑚蚌新鮮好味，鮮嫩美味🦀一品蟹滑膏（$108） 蟹滑膏份量夠多，質感一洗，爽彈美味 🍳蛋餃（$78） 蛋餃外面很少吃到，蛋皮包著豬肉，滋味可口。🌮豆皮（$58） 卷成圓柱形的豆皮平日很少見到，豆皮浸在麻辣湯上非常入味。 🥔粉條（$48） 粉條嫩滑爽口，掛湯力高。🍃油麥菜（$68）

正值肺炎疫情嚴峻時期，餐廳的抗疫措施都做得不錯。例如提供信封用來暫存口罩，餐前要用酒精搓手液搓手等。店員更會用酒精將平板電腦消毒，才交給客人下單。已經鼎鼎有名的鼎王麻辣火鍋，在台灣都吃過幾次，既然在香港開分店，絕對是慕名而來的。最喜出望外是連有禮貌到令人不好意思的店員，也搬到來香港。座位另一邊有調味區，還有白飯任裝。茶芥不收費，火鍋湯底就按人頭計，當中的湯和材料都是任加的，包括鴨血和酸菜。不用多想，來個鴛鴦鍋是必須的。麻辣鍋味道香濃，煮過的食物都很入味，不需要再調味，鴨血滑不溜口，能夠任吃實在太好了。酸菜鍋很清新，酸菜開胃，白肉也吸收了湯的酸味。老油條很值得推薦，原本已經炸至金黃，浸1秒再吃就已經吸滿了湯汁，外層又能保持金香鬆脆，在其他火鍋店比較少見，來到鼎王一試無妨。特級牛肉肉質鮮美，超微量脂肪，就算是薄切也會有一點肉感，燙個5-6秒就可以吃了，酸菜湯底能帶出其鮮味，麻辣湯底則使其更惹味。日本黑豚肩肉切得比牛肉薄一點，燙久一點吃也不失嫩滑，肩肉本來就比較瘦，吃上去有少許爽滑，兩邊湯底也很入味，不用再加任何醬汁調味。一品蟹滑膏，蝦滑墨魚滑見得多，蟹滑還是很罕見，由它放在湯中吸收湯汁，吃

終於有機會食鼎王! 台灣很愛的火鍋必要食的是鴛鴦湯底～麻辣鍋同酸菜鍋，$68/每位， 麻辣鍋中的鴨血和豆腐能夠免費添加， 酸菜鍋的酸菜也可以 ， 外邊也有白飯可以免費任添， 淨係食配菜也可以飽飽～豆腐大塊滑身， 但未算很入味 豬腩肉$68， 份量恰當， 豬肉味濃 蛋餃$78， 有蛋味， 但口感不是我愛的 另外挺喜歡這邊的大腸， 事先已經煮過， 十分入味 另外也有點寬粉， 但口感上有點不足， 不夠彈牙

之前喺台灣食過一次之後一直念念不忘，既然鼎王麻辣鍋嚟左香港，點都要試吓啦！坐低後，店員細心逐一介紹，點菜方法、餐具、醬料區、洗手間位置等，非常有禮、貼心！另外鋪頭嘅消毒都做得好好，好似店員用iPad幫我地落單後，會用消毒液抹乾淨部iPad先再俾我哋用。坐低之後，有張摺好左嘅A4紙放口罩。呢啲細微之處其實真係好加分。店員先奉上水蜜桃茶，一聞上去好清香，又有陣甜味，令人不其然想再飲。呢度其實只有數款湯底，唔駛諗，一定叫鴛鴦鍋，可以一次試曬兩款主打（鴨血麻辣湯底同酸菜白肉鍋）😋鴨血、豆腐、酸菜可以任意添食，而且店員會主動黎加湯加料，唔駛驚唔好意思，店員重提議我地先嗌小酸小辣，之後覺得唔夠再加，真係好細心，最怕有時高估左自己辣得滯返唔到轉頭🤦🏻‍♀️每上一道菜，店員亦會提醒應烚幾耐👍🏼鴨血同頭腐都好正，我食左超多。鴨血大大舊，無任何血腥味，好新鮮嫩滑。硬身頭腐，裡面索曬湯底，好味！牛小排：鐘意佢牛味香濃，有嚼勁，咬落去重有少少肉汁桂花蚌：好新鮮，我鐘意烚耐少少，入超爽脆，點埋腐乳醬好正黃金豆鈴卷：唔油腻，食落去好多層次，保留外面淋裡面脆