130
6
4
等級4
102
0
2020-03-26 5752 瀏覽
疫情期間,應該減少外出聚餐,不過兩個人就算唔出街食都會一齊食咖啦,唔好一大班人同唔好去太迫人既地方食都應該安全既,所以今日我地去左尖沙咀呢間鼎王麻辣鍋食個late lunch。午飯時間都避埋,應該安全啦!不過其實我想講大家一啲都唔需要擔心,因為呢間鼎王麻辣鍋既職員既衛生防護措施真係做得好足!首先,去到門口,職員會幫我地量體溫,然後再用酒精搓手液搓手。入到去坐低之後,職員會俾張印有鼎王麻辣鍋既褶紙俾我地包住個口罩,放好口罩之後,佢地又再會拎埋支酒精搓手液俾我地再搓手。到佢地講解完點用部ipad點菜後,佢地會係我地面前消毒部ipad,令人感到佢地真係嚴謹到一個點。餐牌方面選擇貴精不貴多,每個種類有啲野㨂,個人覺得可以接受,始終黎得呢度食就係想重質素,想食湯底同靚野食多過有一大堆選擇但樣樣都普普通通。所以選擇相對地比出面火鍋店少亦都係十分合理。湯底有三個選擇,酸菜白肉、麻辣或者鴛鴦鍋,好明顯係一定會叫鴛鴦鍋,而個鍋本身仲可以俾我地㨂酸度、辣度、少油等等。起初我地㨂左小酸小辣少油,食落覺得唔夠力度,好彩醉同辣都可以之後再加番。個人覺得酸菜白肉要起碼中酸先夠,而麻辣就因人而異,我覺得如果你係有食
更多
疫情期間,應該減少外出聚餐,不過兩個人就算唔出街食都會一齊食咖啦,唔好一大班人同唔好去太迫人既地方食都應該安全既,所以今日我地去左尖沙咀呢間鼎王麻辣鍋食個late lunch。午飯時間都避埋,應該安全啦!

32 瀏覽
0 讚好
0 留言



不過其實我想講大家一啲都唔需要擔心,因為呢間鼎王麻辣鍋既職員既衛生防護措施真係做得好足!首先,去到門口,職員會幫我地量體溫,然後再用酒精搓手液搓手。入到去坐低之後,職員會俾張印有鼎王麻辣鍋既褶紙俾我地包住個口罩,放好口罩之後,佢地又再會拎埋支酒精搓手液俾我地再搓手。到佢地講解完點用部ipad點菜後,佢地會係我地面前消毒部ipad,令人感到佢地真係嚴謹到一個點。


36 瀏覽
0 讚好
0 留言



餐牌方面選擇貴精不貴多,每個種類有啲野㨂,個人覺得可以接受,始終黎得呢度食就係想重質素,想食湯底同靚野食多過有一大堆選擇但樣樣都普普通通。所以選擇相對地比出面火鍋店少亦都係十分合理。

41 瀏覽
0 讚好
0 留言


湯底有三個選擇,酸菜白肉、麻辣或者鴛鴦鍋,好明顯係一定會叫鴛鴦鍋,而個鍋本身仲可以俾我地㨂酸度、辣度、少油等等。起初我地㨂左小酸小辣少油,食落覺得唔夠力度,好彩醉同辣都可以之後再加番。個人覺得酸菜白肉要起碼中酸先夠,而麻辣就因人而異,我覺得如果你係有食下辣野但又唔敢話人知你食得辣既,就可以由中辣開始。湯底白肉不能任添,酸菜同鴨血就可以任添。


上選牛小排
$298
51 瀏覽
1 讚好
0 留言


首先講下個上選牛小排。上菜賣相好整齊,食落牛味重,唔錯唔錯,但因為湯底味較濃,靚牛我覺得最好用酸菜白肉個邊煮,煮完唔好點醬油食,牛味係最突出。

五花去骨鮮牛
$188
44 瀏覽
0 讚好
0 留言


五花去骨鮮牛都出乎意料地ok。當然,一定係一分錢一分貨,牛味點都無上選牛小排咁重,牛肉紋理都無咁靚,但唔會係出去食超平任食火鍋個種食落無味既牛,我覺得從性格比黎睇呢個係不錯既選擇。

滷蜂巢牛肚
$98
33 瀏覽
0 讚好
0 留言


滷水項其實有幾個選擇,不過我地只係㨂左呢個滷蜂巢牛肚。滷水味道適中,入味,唔會太咸,牛肚爽口彈牙,正常表現。放入麻辣鍋煮下再食更正。

桂花蚌
$188
24 瀏覽
0 讚好
0 留言


海鮮方面我地只係叫左桂花蚌。海鮮都新鮮,正正常常,好味既,不過無大驚喜。

一品蟹滑膏
$108
28 瀏覽
0 讚好
0 留言


呢個一品蟹滑膏就十分ok!蟹滑在一般店舖好少見,食落有蟹味,值得一試。

20 瀏覽
0 讚好
0 留言


兩個人食黎講我覺得係叫多左少少,我地食量中等偏大食,大家如果係細食就自己就住叫喇,不過我地都食得晒咖,無做大嘥鬼。

17 瀏覽
0 讚好
0 留言


醬料方面極之簡潔,好明顯係對湯底同食材極有信心。呢個我認同既,因為我都無乜點點醬料。有分麻辣沾醬同酸菜沾醬(即係腐乳),再加啲香菜(即係芫茜)同蔥。另外如果想食飯,呢度白飯係任添的,飯煲放左係醬料區。值得一提,平時啲舖頭醬料區係無遮無掩,但呢度係全部都有蓋,而且都好乾淨,整齊企理。

24 瀏覽
0 讚好
0 留言


餐桌非常闊落,亦有公共餐具使用,十分整潔衛生。餐桌仲有usb頭可供叉電,如果無帶線仲可以問職員借。


服務方面我覺得係好到嚇親,太有禮貌令人感到有點不好意思,講解場地十分清楚,介紹食品煮食時間和食法也很細心,仲提我地用筷子夾鴨血有機會夾斷彈到自己添!佢地仲超主動加鴨血加酸菜,我地細細聲講唔夠辣同酸時,個姐姐可能估到我地講緊乜,就立即飄過黎問使唔使加辣加酸!十分體貼!到埋左單出門外,佢地仲有啲僻味既噴霧俾你噴下。呢個年代係好少可有咁優服務質素既餐廳!十個讚!

三得利生啤
$96
14 瀏覽
0 讚好
0 留言


最後打邊爐梗係唔少得啤酒啦,整番杯Suntory draft stout先~


(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2020-03-24
用餐途徑
堂食
人均消費
$600 (下午茶)
推介美食
上選牛小排
$ 298
五花去骨鮮牛
$ 188
滷蜂巢牛肚
$ 98
桂花蚌
$ 188
一品蟹滑膏
$ 108
三得利生啤
$ 96
  • 特級牛肉
  • 鴛鴦鍋