鼎王麻辣鍋 (金巴利道) (已結業)

去過台灣同上海嘅鼎王，湯底同台灣店幾唔同，可能調教返適合香港人口味，但係我鍾意台灣嘅多d。鴨血雖然都係無限添加，但係無咗台灣食嗰d Q彈感。唔知係咪疫情關係，餐牌種類比較少，睇完真係唔會有咩特別想食。點左嘅凍豆腐尤其差。牛肉同丸唔錯，菜ok。最重要係無咗台灣分店嘅冰沙😔，解膩一流。不過店員話將軍澳店會有。呢個價錢嚟講嘅台式火鍋仲有其他選擇，未去過都可以試下嘅，無比較無傷害。最後可能其實係去旅行咩都好食d🤣

一向唔食得辣嘅我同好食得辣嘅朋友嗌咗個鴛鴦鍋，湯底係酸菜白肉同埋麻辣火鍋。湯入面嘅酸菜白肉，鴨血同滷豆腐都係加湯時可以refill的，超抵！個麻辣鍋其實係麻而不辣，對於唔食得辣嘅朋友嚟講係恩賜，可以挑戰吓。而酸菜白肉嘅酸味亦令人胃口大開。第一次嚟唔知道原來佢啲肉類每份都咁多份量，於是嗌咗兩碟牛，一碟豬同試吓一碟羊。丸類同餃類我哋都係嗌曬綜合個類。綜合丸共有8粒(芝士丸、手工蝦丸、手工花枝丸同貢丸每款兩粒);而綜合餃就係蛋餃同魚皮餃各6隻。之後我哋仲嗌咗響鈴同高麗菜(因為太遲先去食，娃娃食賣曬，想去食娃娃菜嘅朋友可能要早啲去食)。佢啲肉類同餃類完全冇得頂，全部都好新鮮，果然係一分錢一分貨！打邊爐怕熱氣或者口渴都可以嗌嘢飲，我哋試咗個到嘅菊花露，超fresh，清熱氣一流。

晚市訂位好full，Happylands同友人add-hoc咁中午打邊爐😆係～午市邊爐，好瘋狂😂其實係旨在有個地方舒服坐低傾下計。環境好好，格局好似台灣咁一坐底。侍應問選咩湯底就落單先。Happylands同朋友都係嗜辣人士，但新地方都係叫個小辣先😆餐廳衛生做得好好，空閒感大，板隔都做得好好👍比個iPad你落單都用消毒水抹完先遞比客，亦有信封俾客收藏口罩。先上來一壺蜜桃茶，有水果香兼消滯☺️好快就主角登場⋯⋯鼎王！沒有一般麻辣火鍋舖果牛油朕膻味，湯底入面已有齊鴨血同豆腐。Happylands唔係咁好雞紅、豬紅果啲，但鼎王嘅鴨血真係幾好食，咬口+味道都好好。豆腐唔駛講，吸晒啲湯汁好正。同友人叫咗個海鮮拼盤、雞肉拼豬肉、新竹米粉、豬肉丸、豆皮。兩個人食都夠曬數，飲品沒有額外叫，因為覺得個蜜桃茶都已經夠消滯☺️飲食其間，侍應都好主動加湯同收碟。可能小辣真係唔係咁夠，中段都有叫侍應幫手加辣，level up咗真係唔同啲。

跟很多香港人一樣，首次到鼎王是到台灣旅遊之時。香港店的面積當然不能跟台灣店相比，幸好他們盡力保持其他應有的水準 -- 食物、服務、設備、裝潢等。湯底依然是<麻辣鴨血豆腐>及<酸菜白肉>,仍是無限添加，非常好味道沒有在台灣店的濃，相信是配合香港人口味，店員稱豆腐、鴨血、酸菜等食材都是由台灣空運到港，欣賞！其他打邊爐用料新鮮，讚難得培訓到一團專業店員，保持台式禮貌周周的風格，非常有禮，招呼周到，有耐性，在香港而言，是難得一見的，感動！必去打邊爐地點之一， 正

雖然之前已經寫過鼎王既食評.  今次再寫係想介紹返我之前唔知道既服務. 就係打包湯底啦. 同台灣一樣, 你食完之後可以叫職員幫你打包個湯底攞走. 估唔到係香港咁寸金尺土既地方. 鼎王都offer 埋同台灣一樣既打包服務. 真心正. 其實我第一次去台灣出差時, 見同事會打包返個湯底走都覺得好奇怪. 但台灣既同事就同我講, 呢個係台灣係好普通既做法. 係台灣, 職員甚至乎會主動問你要唔要加多次鴨血,豆腐先攞走. 真係一個價錢, 兩個享受.  講到 鼎王, 除咗個湯底同鴨血外. 我覺得最好食既係佢既干貝滑, 蟹滑, 豆皮.  其他地方比較少見. 干貝滑同蟹滑食得出真材實料. 尤其是干貝滑, 真係食到一絲絲既干貝絲. 每次嚟都要叫兩碟先夠而佢既滷水,都係每次既必然之選.  食飽飽之後, 問職員攞埋外賣紙. 點多兩個干貝滑, 豆皮等. 打包埋個湯底. 聽日係屋企又可以再打過. 開心

難以理解的安排未坐穩張櫈餐牌未睇，已經叫我嗌定湯底。到食到中段(約70分鐘左右)又提多次限食90分鐘，過多一陣就拎張單過嚟。對於打邊爐嚟講，90分鐘真的不夠時間(但餐廳已事先聲明，我只好欣然接受)。成餐飯員工比我感覺就係催促，節奏好急促，食得好唔開心。埋完單之後可以繼續坐，我係度諗，咁唔排除我會再叫野食，況且又5係任食，我完全唔明白點解要求客人埋單先？！湯底方面(淡而無味)麻辣湯底唔夠麻唔夠辣，由中辣加到大辣依然一啲辣味都無，對於冒名嚟食麻辣火鍋嘅我大為失望！酸菜湯底，食之無味，相信係湯料不足，仲差過自己家中打邊爐。食材方面(中規中矩)牛肉，牛柏葉尚算新鮮，不過不失，蟹滑入口好散，無蟹味，唔試也罷。調味料得4款，䜴油、葱花、酸菜、麻醬食物款式方面，少之有少總結，不值一試，亦都唔會再幫趁。價錢差唔多，而好味過佢嘅麻辣火鍋實在有太多選擇。

黎到尖沙咀醒起呢度開左鼎王以前係台灣食過覺得好好食 之前知開左就一路都想試但又驚多人 諗住時間早加上呢排限聚令應該都易啲入座結果六點一去到 都係要七點三交檯但為左試佢 唔緊要！叫左鴛鴦鍋嚟試 一邊係麻辣鴨血鍋 一邊係酸菜白肉鍋佢嘅麻辣鍋好普通 冇當初喺台灣食嘅味道唔辣亦都唔係好香 可能係少咗啲香料但酸菜白肉鍋就唔錯 兩個鍋底都可以揀酸度辣度鴨血都幾好食 幾大舊同鮮嫩酸菜都唔錯 好酸爽不過呢間嘅醬料選擇唔多 冇得自己調配叫咗個牛小排黎試肉質都唔錯 份量都算OK嘅 都叫幾新鮮另外試咗個雜錦丸都唔錯👍🏻 粒粒都好彈牙 好足料午餐肉就一般般係正常嘅午餐肉 不過48蚊有點小貴油炸鬼我就覺得麻麻啦雜菜拼盤菜類都唔係話特別多不過價錢都有啲貴 要98不過佢既白桃茶好香 好味 值得讚👍🏻整體黎講呢間性價比唔高 冇台灣既鼎王咁好食 只係普通既火鍋 但咁樣埋單都要八百幾蚊

因為某App有折，又見到評分幾好，所以就試一試。麻辣湯底不錯，鴨血好食，豆腐最好滾耐d，因為一開頭食仲未吸到味鴨血豆腐有得refill, 服務員都經常問需唔需要refill,服務不錯。至於酸菜白肉鍋正常味，可試可不試另外會有一壼蜜桃茶，暖暖甜甜的，去膩又解到d辣，所以無特別叫野飲。至於火鍋材料，我地有叫到牛肉、豚肉、豚肉丸、蛋餃、干貝滑等。干貝滑比較有特色，食到一絲絲干貝，但口感有點粉⋯其他火鍋料不過不失。如果係著重火鍋食材既人，我覺得呢間未必適合但如果係過下癮食下鴨血/麻辣鍋都可以一試P.S. Min charge 折後$200/person

我覺得這間鼎王對顧客訂位時間非常執著認真，過去用一個優惠程式訂了不少其他餐廳都不及鼎王。我們訂了11點的用餐時間，去到餐廳，接待人員便說現在已是11:17，你打開那個程式看看，只可留15分鐘。真的，錯過了，就是錯過了，沒有藉口，那怕是兩分鐘。所以提醒大家要守時，鼎王是一間非常有紀錄的餐廳而且接待員也很顧及客人的感受，她向我們表示我們店仍有台，不過優惠不能用。當我們拒絕她的一番好意，她仍然為我們設想。告訴我們用程式的不好處是有最低消費額，但不用優惠就沒有了。幸好有她提醒，不然我們怎麼會數呢？ 這是一次非常有教育意義的經歷！

疫情令好多travelers都心癢癢，想去又去唔到。最近想去台灣既心情要爆發之際，諗起香港都有鼎王，即刻訂位同順便預祝父親節。一到門口兩位帶位姐姐已經90度鞠躬歡迎你，由於動作太利落真係嚇左一跳😂服務員都好有禮貌。去鼎王一定要食鴛鴦鍋，今次簡左中辣&小酸，鴨血好多，但酸菜同粉條相對下較少。不過唔緊要！因為可以任加！梅花豬肉分量都多，而且唔肥唔老，好好食！如果我個胃再大d就可以叫多碟啦⋯一入座已經被推薦既牛拼盤，一共五款唔同部位既牛肉，每款四塊。而當中白色好似肥膏既係稀有既牛心前肉！只需涮四秒就食得，口感係脆！唔錯唔錯其他部位都好食，唔韌之餘好有牛味（可能我平時少食牛）。如果budget ok既都可以一試。廣島蠔一盤十隻，size都唔錯，食落無腥味，好食！蛋餃皮薄餡靚，d豬肉餡咬落去有陣鮮甜味。蟹滑有驚喜！原來加左蟹膏係入面，彈牙又有口感。最後係豆皮，感覺普通，不過不失，或者食油條會較好成餐飯都食得好滿足，90分鐘後要交枱都夠食（不過見其他枱好似都唔夠時間）。坐位雖然無台灣咁闊落，但乾淨企理，如果偶爾想重拾台灣既味道可以黎試下！

鼎王響台灣食過，一試難忘，仲幫襯左兩次😋😋 今次終於可以試下香港分店，睇下同台灣鴨血既味道有無分別。試左後，係一樣味道，都係咁好食，麻辣鴨血同台灣一樣，無限添加。今次我除咗試麻辣鴨血湯外，仲試埋另一個湯底，酸菜湯，可以選擇酸度，唔夠酸可以免費加酸，酸菜都一樣免費添加。 食物方面同出面打邊爐既質數差唔多，都係冰鮮牛肉，呢間出名食油條，但我覺得一般，如果大家想試，可以一試。 食物方面睇大家喜愛，如果選擇湯底，我推介麻辣鴨血湯底，又唔太辣，同台灣一樣，好好食😋

今日和同事一起去了台灣這家很火的火鍋，只想說太失望了，鍋底我吃的酸湯白肉，結果味道幾乎沒有，不好吃，魷魚圈腥氣重，響鈴卷也都不是現炸的太失望了，不會再去，而且價格很高

有日在網上見到朋友去了鼎王打邊爐，見到佢食鴨血攪到自己都心癢癢，就決定約埋最好的飯腳去一試。首先我哋叫了一個鴛鴦鍋(酸菜白肉拼麻辣湯底)酸菜及鴨血會不停幫你免費添加白肉就一鍋得兩片無得免費添加豆皮(脆口)老油條(好硬)呢個是有廚師推介的，應該是黑豚肩肉，但肉質好“鞋”牛骨濃汁牛丸蟹滑(沒有照片)食落好散精選滷拼盤本地牛頸脊整體食物質素不是太差，服務態度更是非常好我們同經理反映個黑豚豬好“鞋”佢首先話換過另一樣食物給我們，但我們其實已每人食了一片，便說不用換，他行開後再回來同我哋講，已經幫我們取消了這個黑豚肉的order，睇得出他們對自己的出品真的有着一份堅持，如果唔係咁好佢哋唔會給客人食用**要特別注意用餐時間，雖然不是任食但都是有限時的，每次只提供90分鐘用餐時間，所以都食得幾急

台灣的味道 - 來自台灣的鼎王麻辣鍋 👍🏻👍🏻👍🏻 沒原因... 就是很喜歡... 台灣的麻辣鍋真的很讚 只是香港的味道🈶️「淡」一點點 建議喜歡吃辣的真的🉑️以選中辣或以上 🌶🌶🌶 dining time = 90 mins with unlimited refill of tofu and duck 🩸 鴛鴦鍋- 酸菜鍋也🉑️以選「正常」酸 😋😋😋 酸菜一樣是🉑️一直refill 「鼎」- it’s signature 鍋design 👏🏻👏🏻👏🏻 整體感覺有台灣feel .. nice!!食材方面 - 新鮮食材 特選牛 牛小排 黑豚豬 🦐滑... 都很讚！ 當然必點的 - 老油條 是不可缺少的！ 哈哈 香港「版」鼎王竟然🈶️ 午餐肉丫 awesome! 牛丸 蛋餃等等= all good!!! 價錢也算合理 不會比一般火鍋店特別貴 服務也很好 ☺️☺️☺️Will definitely visit again soon!!

第一次去台灣就係食呢間，台灣個間好食到不得了！點知食香港呢間，差到不得了，又貴！仲要叫咗個牛小排，無肉味，個蟹滑膏$108！好難食。豆腐都係，最好食係啲丸！仲要入到去！湯底入面既料無得任加！已覺得中伏😡