鼎泰豐

營業中

休息中

食左幾樣野：１．蟹粉小籠包－－－好奇怪，新鮮熱辣，但有腥味２．擔擔麵－－－太乾，太甜似撈麵，麵質唔好食，唔彈牙！０的汁好重花生味（應該係麻醬味）但係一０的都唔香！仲有，好多地方食擔擔麵係有一碟蔬菜條比你撈黎食，佢又無！！！一句講晒，唔掂！３．牛肉麵（＄５５，要強調）－－－０的牛肉好彈牙，無錯係牛肉，唔係０的麵，彈牙到咬唔開，唔睇以為自己食緊象膠，仲要收人成＄５５一碗，你究竟好唔好意思，有無攞個良心出黎做生意！４．炒菜－－－多油！算啦，台灣都係咁！５．小食牛肚－－－細碟到你唔信，真係正宗”小食”，又收人幾十蚊！－－－完－－－我係窮人，可能係咁，所以要我比百幾蚊食麵，又唔飽，又唔好食（話時話而家整個合味道先，一定好食過頭先）

以 前 佢 俾 香 港 人 用 特 許 經 營 權 喺 香 港 開 分 店 ，結 果 攪 到 名 都 臭 埋 執 埋 笠 ，於 是 收 番 個 權 自 己 做 番 兼 喺 總 店 派 埋 師 傅 過 嚟 助 陣 ，而 家 就 似 樣 得 多 ，所 以 開 咗 咁 耐 仲 係 日 日 排 長 龍。星 期 六 晚 同 2 個 friend 諗 住 9 點 幾 去 會 無 咁 迫 ，結 果 要 10 點 3 先 入 到 去 ，雖 然 佢 哋 收 10 點 半 ，但 完 全 唔 會 催 客 仲 依 然 好 好 招 呼 添 ！仲 發 現 有 個 好 靚 女 把 聲 好 甜 、嚟 自 台 灣 嘅 後 生 女 侍 應 熱 情 招 呼 . . . Sorry！離 題 添！紹 興 醉 雞 賣 相 唔 錯 亦 幾 大 碟 ，酒 味 仲 好 香 濃 ，雞 肉 凍 凍 哋 但 相 當 嫩 滑 ，$48 絕 對 合 理。蝦 仁 燒 賣 只 係 口 痕 order ，要 $58 但 估 唔 到 有 咁 大 驚 喜。蝦 仁 放 喺 袋 口 ，入 面 嘅 肉 餡 灌 咗 熱 辣 辣 嘅 清 甜 上 湯 ，一 定 要

小籠包, 由於墨水有限, 不懂得怎去形容, 只想講好好味, 真係名不虛傳.蟹粉小籠包係本人特別喜愛的, 諗起都想食.蔥油拌麵, 味道正路, 沒有特別好味, 但"住"麵太少喇, 一大啖就食晒.五香牛肉麵, 牛肉牛筋又諗又滑, 個湯底有濃厚牛肉味, 真係好正, 不過"住"麵又係一大啖就食晒.當下午茶係一個好選擇, 但當正餐就唔夠飽喇.

與黃埔店緣慳一面，好彩，至直營店來港，方有機會一試。初遇這台灣名氣店，是在深圳，印象麻麻。是日玩爬格仔，吃完菊膳後同遲了起身的阿D吃午餐，剛才的油脂與澱粉質還未落格，隨便的叫了小籠包、蔥油拌麵、清燉牛肉，試試台灣風味小品。小籠包先來，筷子翻了兩翻，仍不穿皮，吊起亦如燈籠般，皮薄而入口無穿無爛，果然是鎮店名物，湯濃肉鬆，味道方面是錯不了，難怪吸引不少慕名而來者，但收$8～9一隻，貴了點吧？大概是情意結，總覺老上海的小籠包，比這裡平，而質素亦不比過江龍差，非慕這鎮店名物而來，反而清燉牛肉，卻是無理由不試，原盅燉牛腱，牛腱肉連筋膜，脂肪不多，久燉也沒滲多餘油脂，略帶薑辛與微微肉鮮，肉鬆得化開，很適合作清燉，不費嚼勁輕易清掉。二人吃不得辣，擔擔麵之外的，蔥油拌麵，麵條拉得軟熟富韌性，蔥油即是蔥與甜醬油，沒有蔥香只得甜味，大概是台式演譯吧，麵是不錯的，只嫌分量太少，一人吃也嫌唔夠。甜品要了杏仁豆腐花，滔起一小羹，豆腐盪在羹中，幼滑帶杏香，必吃誠意小品。由台灣派來專員統籌，全程招呼周到，對於菜式介紹亦解釋得仔細，貫徹總店的國賓級招呼，值得本地同業借鏡。

因為突然想食這裡的醉雞,所以第四次幫襯,今次又是星期六下午五點幾去到,又係唔駛等位嗰隻,今次的醉雞味道很好,有酒味,但不會太濃,雞肉非常滑.至於小籠包,今次略嫌薑味太重,但肉汁都鮮甜.另外叫了原盅雞湯麵,雞肉依然嫩滑,湯亦很清.今次特別叫了杯荳漿,雖然要$16,但很大杯,味道很鮮甜,很有黃荳味,飲落很有童年時代的感覺.好快,又落單到食完,原來只用了十五分鐘,唯一美中不足是,原來有鮮肉糭的,問著個台灣女侍應,唔知係我問得衰還是亂答,只係食到豆沙糭子,不過味道都不錯.

其實香港既呢一間鼎泰豐都做得唔錯既~~不過同台灣既就好似相差左小小~可能因為台灣d女仔侍應既服務同說話技巧同語氣啦~~台灣既女仔講話都比香港既女仔嬌嗲d啦~雖然係甘~不過香港鼎泰豐都算係做得唔錯啦~我就甘覺得啦~~

食左2次, 都覺得無咩意外驚喜, 只係普通一間食店小籠包: 呢個有湯係入面, 但係皮唔係好得, 個頂又太硬, 巳經即食, 都會咁蟹粉小籠包: 相對地好味好多, 啲肉好鬆化, 唔會過實, 但係個皮都係有點硬台灣擔擔面: 呢個幾好食, 記得要撈勻先好食, 好濃花生醬味, 少少辣, 因為無乜湯, 有啲似食撈面, 可以一試。豬排炒飯: 個飯都幾乾身, 豬排幾入味同鬆化, 但係肉質唔嫩, 有啲嚡口。醉雞: 呢個唔錯, 肉好滑, 只係份量好細。酸肉面: 以為肉係酸, 點知係咸菜豬肉面, 麻麻地, 鐘意清清地既, 呢個可以會啱。油豆腐粉絲: 呢個都幾好食, 豆卜好淋, 粉絲正常, 仲有個唔知係咪百頁釀豬肉係入面, 湯咸味啱啱好。菜肉水餃: 皮都好滑, 肉有肉汁, ok豆沙小包: 特別, 但係豆沙同個皮好似唔係好夾, 而且太甜, 但係豆沙好靚, 有滑, 真係好沙但係整體好似翡翠好味啲

琴日難得毛毛可以準時收工，兩口子決定為我們的兩年八個月慶祝一番。大概六點半就已經去到門口，入面坐左三份一人，唔駛排隊，企o係門口已經有侍應帶住燦爛笑容行埋黎問幾多位。一路行入去都被身旁經過o既侍應親切歡迎，服務做得相當好！坐低即刻叫左：1. 醉雞：咸味幾重，有些少蓋過d酒味，霸王山莊o既好食d2. 小籠包：個皮幾特別，但唔夠薄，豬肉同肉汁都幾好，翡翠o既好食d3. 蝦仁燒賣：蝦仁係冇落調味，淨係食佢個鮮味，而燒賣o既肉同皮都同小籠包極似 (唔敢斷定係一樣)，所以如果嗌左小籠包就唔應該嗌呢個，蠢左！4. 酸辣湯：好多料，酸味多過辣味，同平時飲o既有少少唔同，口感較「杰」5. 紅燒牛肉麵：湯底好濃，幾多油，近距離可以聞到牛肉香，但飲個湯反而冇聞咁香。牛肉煮得好「淋」好入味，好好食！好飽都仲想繼續食6. 豆沙小包：皮薄，入面全部都係豆沙蓉，會標出黎o既 (但又唔係流沙果隻)，好食！(但點解個皮仲薄過小籠包？)可能好早到，加上上菜快，好快就食完，走果陣都仲未多人 (開始有人排隊)，所以坐得好舒服。服務十分周到，有d誇張，不過有誠意當然欣賞。食物雖然冇人o地講到咁正，但都係好食o既，會再黎！

已經是此店開業以來第四次光顧, 對它們的蟹粉小籠包更是念念不忘,由於每次都是二人飯局,所以嚐過的菜餚有限 而每次必點醉雞,蟹粉小籠包,海哲蘿蔔絲,醉雞酒味調得剛好,香醇花雕酒味帶少許甜,沒有丁點酒澀苦味,且雞皮薄而肉嫩,更全腿骨,所以看來份量小, 另一喜愛的蟹粉小籠包,蟹肉鮮味很重,有時餡料中的蟹肉還多於豬肉,坊間的蟹粉小籠包,很多都不是真材實料,只得少許黃油卻毫無蟹鮮味.. 此外, 海哲蘿蔔絲,蘿蔔清甜爽口配海哲,味道相當配合.. 反而嚐過最差的是它們的擔擔麵(撈麵),味道單調只得淡淡花椒跟麻醬味..麵條粗亦稔,口感稠而糊口當然最值得稱讚就是他們的服務,侍應忙中亦不忘面帶笑容,且相當敫勤,這規模的店子以人手數量來說是十分充足, 離開時會發現,每行數步便聽到服務生向你道謝..

蟹粉小籠飽, 小籠飽, 海哲蘿蔔絲, 鮮蝦燒賣, 排骨, 醉雞, 炒菜, 清炒蝦仁, 蔥花撈麵, 担担麵, 酸辣湯, 紅燒牛肉湯, 清牛展湯, 豆漿 all of them are soooooooo good!!!!!!!!! i go there once a week!!!! 份量細, which is good for me. so i can try more different foodservice 一流, 勁好笑容

今日雖然落住綿綿細雨,不過都係無阻我行街既興緻,之但係由地鐵一出既北京道都係甘多人原本都唔偽唸住食呢一間既~~不過行行下就比我既到佢,(因為之前去台灣食過,仲排左好耐先有得食,食過之後都無白費排左甘耐,因為好好食),今日得我同grace兩人所以都唔係食好多野,同埋grace一向都好細食.1~~原盅鮮雞湯~~好好味,夠曬入味藥材味又唔太重,岩岩好岩岩天氣涼涼地岩岩好如果熱d一定一身汗,2~~雜錦豆幹~~比起台灣既無甘好食.3~~蟹粉小籠飽~~有台灣既水準,好味

又有gathering! 上黎openrice睇吓見到鼎泰豐係main page, 諗唔到食咩不如試吓呢間.一早睇左食評話呢到勁多人, 所以6點就黎ling 張6人枱. 估唔到等幾張枱都要等成個鐘. 不過見到咁多人都預左, 無得怨既.一早有左心理準備話d野食唔係話特別好食, 不過服務搭夠. 睇完餐牌之後除左小籠包之外, 其他都係撞吓手神睇吓會唔會驚喜啦. d野出奇咁... 淡! 尤其係個菜肉包, 我哋淨係食到菜腥味....不過個鮮肉包又幾好食. 其他野包括小籠包, 都係普通.我哋成張枱成晚又要碗又要筷子又要收呢様又要剪麵.. d員工都好合作, 無黑面.上菜速度超~~~ 快... 基本上一落完order, 個待應人行開左d餸就跟住黎, 分分鐘快過m記!走既時候我見到佢哋有張紙寫明咩咩餸過左幾多分鐘就要催. 只差在, 餐後想食甜點, 大部份都係飽類... 糖水得兩款. 唯有轉場再食過!!

在openrice 見到呢間野好似都幾好評, 咁就去咗試一試la最好彩就係...我6點幾去食...唔係好使等位....但我7點半走個陣...就超多人....個個都等到火滾......haha.........佢地等咁耐....入去食完一定後悔啦海哲carrot ---> 味道偏淡略有點味精豬扒noodle ---> 豬扒 油膩淡味....noodle 幾好菜肉飽 ---> $15 先得一個小朋友手掌咁大既size...但勝在d 料好新鮮杏仁豆腐花---> 最好食 好滑 同埋杏仁味重

Overall services from receptionist to waiter to toilet attendant are PERFECT! Place very clean, very polite. Food quality is ok, but nothing special. Comparing to the food in the Taiwan headquarter, it is not as good. Very comfortable to go to this restaurant for its great service....hard to find in HK!

The reputation is so good that I can't stop myself trying on Mother's Day.I waited for 1.5 hours for 2 seats at 6:30 to 8o.I ordered the 2 signiture dishes "small dragon bread", they were not as good as people's comments. They were not bad but they are over rated.I also order the "chicken in wine", it was fine but a little bit over cooked.One thing I would order again if I go there again, the noodles were tasty and chewy!! (Highly recommend)Their service quality is EXCELLENT!!Service quality +