鼎泰豐

營業中

休息中

平時晚上都唔算要等好耐,至於食物款式不多,份量偏少,但價錢偏貴,大食之人真係唔係好夠.排骨飯- 好食, 排骨諗, 飯乾身酸辣湯- 味道偏重擔擔面- 好普通豆沙小包- 皮薄,太多豆沙餡蟹粉小籠包- 有蟹粉味

第一次食鼎泰豐是在台灣，加理一，都係50元港紙一籠（有十隻喎），但係响香港食就少d同貴d，我就覺得翡翠拉麵小籠包好味d

sorry，之前的食評放錯了位置，低我又改唔到。講番鼎泰豐先！幾年前曾經在台北吃過，覺得好好味！之前，在黃埔開店時，由於口啤一般，所以沒有試過。這一次，因為見到雜誌及食評都叫好，於是試了一次。某個星期一中午1:00，我們去到，原以為要大排長龍，低意外地不用排隊，即入！難道lunch time不旺場？不過，都坐了九成滿。蟹粉小籠包-略嫌不夠蟹粉擔擔麵-麵質較硬，醬汁比較少，但味道濃郁，整體ok雜錦豆幹-好香，好好味，很爽脆鹵水牛肚-好入味，好食蝦仁燒賣-我覺得似是小籠包上面加的蝦仁，但蝦仁太乾，唔好食，由於要承托上面的蝦仁，所以皮較厚，還是叫小籠包比較好。服務ok，好過很多中式食店。

可能係平日關係9點黎到等左一陣就有位啦!醉雞-------- 雞嫩滑,但冇咩酒味小籠包------ 皮薄好味,用布墊小籠飽底唔易'痴'爛酸辣湯------ 足料,味夠酸擔擔麵------ 麵彈牙,醬夠多夠'傑'排骨妙飯---- 好香,好味雲吞-------- 普通啦,但皮都係滑炒芥蘭------ 好味好甜豆沙小包---- 皮薄,豆沙唔會太甜椰汁芋頭西米露--- 椰汁較多,稀左d大部份待應都是從台灣調派來的服務很好!

比起台灣那邊的店，感覺high class 了服務一流食物也一流推薦那道小菜---上海烤夫!!香港食肆很難找這樣入味的上海烤夫... 絕對值得再去!!只是真的很多人..比較難等位~

看到雜誌介紹, 知道有台灣師傅坐鎮, 故立即和男友二人來吃晚飯. 很快便有位了. 二人點了一客小籠包, 鹵水牛肚, 一碗酸辣湯, 一個紅燒牛肉麵, 一小碟蘿蔔絲海哲, 其實這裡的份量好細, 後來再要了一客蟹粉小籠包. 小籠包味道還可以, 但似乎台灣店較為好吃, 男友認為翡翠拉麵好些, 鹵水不夠味, 酸辣湯不辣, 紅燒牛肉麵就很清, 我較為喜歡台式牛肉麵, 有酸菜, 濃濃的牛肉味. 這次所點的菜, 感覺上一切都是平平.

幾年前到台灣旅遊時，曾在鼎泰豐的總店嘗過馳名的小籠包，難得現在由總店親自管理之下再次重新經營，熱愛小籠包的我當然要去捧場。雖然只是午飯，不過我們美食團的宗旨不用理會是早午或晚餐，想點就點。所以，雖然只有3個人，也點了很多的菜。包括:醉雞、油豆腐粉絲湯、蒜容炒菜、排骨湯麵、香菇素餃、湯雲吞、小籠包和杏仁豆腐。醉雞味道適中，酒的味道而沒有蓋過雞肉的味道，而雞肉頗嫩滑，如果花雕酒的味道可以再加重一下便更多美味。這裡的油豆腐粉絲湯跟一般的不同之處，就是在上面加上了用腐皮包裹著的碎豬肉，味道不算太濃。排骨湯麵的排骨口感有點過軟，似乎是過度的著重令到肉質鬆軟，反而令到原來的咬勁消失了.....不過它的湯麵滑得可以，加上因為排骨而味道變濃的湯底，這次真的是配角比主角更加"搶鏡"了~素餃的味道清淡，材料份量足之餘在進食時聞著那陣陣的香菇氣味，雙重享受耶~ ^^湯雲吞的白菜味道很配合肉餡的鮮味，不過如果是點蒸的會更加能嘗到它的美味。小籠包味道跟在台灣吃到的分別不大，肉鮮味而略帶一點點肉的鮮甜，果然是在總店管理之下，食物質素得到應有的保證。不過，不知道何時開始，小籠包漸漸變成了"灌湯包"，現在大部份的小籠

嗰日係尖沙咀行街, 見到新港中心開咗間鼎泰豐, 好耐冇食小籠包, 咁就去試吓啦,,3個人要左9個菜, 味道不錯, 環境整潔光鮮, 坐得都幾舒服, 服務員十分有禮貌, 笑臉盈人, 很有效率, 洗手間好乾淨, 亦有人駐守, 一用完就立刻清潔, 值得一讚！蟹粉小籠包$60 : 好香蟹鮮味, 好多湯汁皮夠薄, 但又唔易穿, 夾著搖來搖去都唔穿小籠包$42 :, 一只擺入口有好多湯汁, 肉也有鮮味, 雜錦豆幹$20 : 有豆乾, 芽菜, 粉絲, 昆布絲等，好香麻油味又爽脆油豆腐湯$36 : 油豆腐, 釀咗豬肉既百頁, 粉絲, ,湯幾清幾好味牛肉湯麵$55- 湯夠濃, 啲肉好腍好入味, 冇得頂！鹵水牛展$38 : 切得好薄, 滷水味幾香, 炸醬麵$35 : 麵爽口, 好香. 排骨蛋抄飯$48 : 好多排骨, 炒飯乾身, 唔油, 粒粒分明, 茘芉大飽$15, 很香, 不太甜, 作甜品不錯, 不過, 一籠得一個, 小左啲.

台灣國民黨回歸成執政黨,連帶台記小籠包名牌鼎泰豐,也選擇在這段時間,重臨香江.小弟當年第一次去台北,下機第一件事,就是去鼎泰豐吃小籠包.那時候,黃埔店尚未開幕.之後在黃埔店年代,吃過兩三次,也不是台北店的一回事,熱潮過後,也得無聲息地結業.今次鼎泰豐"強勢"回歸,在新港落腳.同之前黃埔店不同,這間新港店是直屬老鼎旗下.不同黃埔的所謂"特許經營".不設訂位,聽聞晚上要等上一小時,所以午市來,應巧妙地避過門口的一堆火山孝子吧.約E小姐午飯,諗住早點來拿定位,可是一定要人齊才可入座,一個也不能少.果然固執,如果早到者當中有些是老人家,或者行動不便者,會否網開一面?幸好這一帶的上班大軍,一到午市就齊心逼爆亞士厘道,這間老鼎,去到差不多一點,兩個人也能直行直入.在等候期間已點了菜,坐下不久已有得吃,近門口位有個大魚缸,看著來吃,又有點像半夜三更失眠,開著電視上的魚樂無窮,對住來吃公仔麵般無助.來到老鼎一定要小籠包,再搭個蝦仁燒賣.兩個人單憑這兩味一定不夠,再來一人一盅湯/麵.闊別多年,再吃老鼎的小籠包,皮薄不易穿,用筷子夾著來搖晃,也做到打韆鞦之狀態.放入口,肉汁熱燙,熱燙過後就感受到肉汁的香甜

*抵讚之處*食物唔錯吧,上枱快,地方較濶落.*不足之處*等了又等又等*平均消費*$100*詳細內容*鼎泰豐再來香港,仲話係台北直營店.. 好期待.. 一早放工衝去食.. 諗住六點半前唔洗排隊吧?點知都係要排,都等左幾個字.. 跟住我見到條龍愈來愈長.. 好誇張..很奇怪的,由RECEPTION到帶位到落單侍應,清一色講國語.. 係咪想營造身處台灣的感覺呢吓?擺飛仔等位時已比定ORDER紙你,等你TICK嘢食,好趕時間咁喎.我兩條友叫咗小籠包,蟹粉小籠包,滷水牛肚,酸辣湯,同紅燒牛肉麵...個湯好快上枱.. 之但係.. 好多胡椒粉..係好多料..連蛋花都好大塊.. 但係...又唔酸又唔辣.. 想點呀?我見隔離枱都話唔夠辣..牛肚好細碟囉..小籠包一啖一個,D皮唔算好簿,之但係又幾煙韌,似乎唔易夾穿.. 食落都多汁,不過鮮味唔夠囉... 唔見得好食過翡翠拉麵... 蟹粉小籠都係OK啦.. 都叫好味.. 但係我地期望更好味的嘛!! 台北老店明明好好味的!!!難道真係要飛台北食!!埋單都$260.. 唔平唔貴啦..

雖然晚飯時段要起碼輪候1小時及要人齊才可入內,但當吃後,會發覺一切都是值得的!!!招牌菜--- 小籠飽做得很好,我覺得比台灣還要好,一啖咬落去,飽汁滿溢,飽餡做得夠味,口感一流.不論是蟹粉小籠飽還是招牌小籠飽都一樣好味...至於服務態度就更好了,侍應相信應該是從台灣請過來的吧,全都講國語的,亦全都態度很好,無論是入座或結帳離開,都會笑著微微鞠躬向你問好/多謝,親切禮貌的態度讓人窩心,加上美味的食物,是令人一再幫襯的絕佳原因!!!因此此食店,絕對值得推介!!!(如果服務評分最高是10分的話,我也會給10分的喔^^)

平日下午茶唔係太多人,一去即有位叫左小籠包--最正,永遠唔會失望!豆沙包--係小籠包個D皮,比想像中甜左少少.可能岩岩食咸野多.燉雞湯面--雞湯好味,份量一般!海哲蘿蔔絲--正呀!!!爽口鮮甜,不過份量都係少左D個人覺得佢D份量係偏少,叫好多野先夠飽!

鑑於鼎泰豐的盛名，聽聞這是真正台灣總店過來開的，加上一名親戚仰慕已久，便來試一下。知道人多，約好11點半在餐廳等。其中有五個老人家因我一個後生，要在門口站了15分鐘，因為經理話餐廳規矩要等齊人，七個人差一個都唔得，而且門口無凳俾人坐，所以雖然當時店內只得幾檯客，門口又無其他人排隊，寧願吉住D檯都唔俾入，真比大酒店巴閉。谷到一肚氣，都無叫好多野食︰一籠小籠包－皮薄湯濃，有點咸一籠蟹粉小籠包－和小籠包無分別，東海的會好味點一碗清湯牛肉麵－牛肉好林，個湯真係好清得似水一碗紅燒牛肉麵－牛肉好林，都幾好味一碟排骨－一般上海舖無分別一籠香姑蒸餃－皮厚無味道一籠蒸餃－皮厚，味道無特別一籠豆沙包－好甜，等左好耐一碗酸辣湯－一般上海舖無分別連茶錢，加一，盛惠﹩508個幾。梗係食唔飽，再食tea。總括，小籠包算最好，但好唔過翡翠或金滿庭，其他的一般上海舖都食到。除非特別鐘意台灣妹好溫柔對住你笑，唔係我就唔知點解係香港要請台灣人黎用國語serve我地。唔通香港無人做到？金滿庭D服務都幾好呀。順便提醒句，有老人家，有friend會遲到，就安排好啦，記得就算你10個人等1個，都唔俾檯，話之你企到腳腫。試下改為9

尋日我早放工想去攞位先，但佢話人未齊唔入得，但仲要係你有三個人就到要三個人都來左先有得入，我見到有人八個人仲欠一個都唔俾入!其他過半數就應該俾人入la~~所以一大班朋友or你的朋友係遲到王，就千萬唔好來~否則餓死都未天光~~係等位呢方面真係好唔得~但佢的服務態度係真係幾好~~好過好多香港餐廳，佢地個個都好溫柔甘~~唔似得香港個d好似你殺左佢全家甘。食物方面:味道係小籠包之外....其他真係好平凡(而菜肉蒸餃好難食low~)...仲要細碟到..........個炒飯真係小到呢~~~大約只有平日出面的炒飯的四份一，但都要$46~~真係貴low~~三個人食左差不多三百元，但走的時候只有半飽...真係去食金滿庭好過~~~

今日同朋友仔一齊嘗試一下hk版同台灣版有分別ma...?我們差不多9點去,不用半小時就有座位,享用期待以久既晚餐. <點菜>1.小籠包-------皮夠薄,但份量比較小(女生)2.蟹粉小籠包--味鮮沒有"醒",很不錯^^b3.酸辣湯--------太辣4.燻魚------------不夠入味5.排骨妙飯-----味道較清淡6.擔擔麵--------麵身有彈性,可惜汁醬太杰7.蔥油拌麵------蔥香不足8.紅豆鬆糕------有特色,但太甜和有點粉粉的口感9.千層糕--------一般 總結份量較小,熱炒味道偏淡,環境不錯,最令本人有印象係絕大份份服務態度real nice and 十分細心!!!!!!