鼎泰豐

營業中

休息中

星期六看到食評不俗滿心歡喜去試出奇地失望素餃－－－－－－皮好厚，又乾，不好吃蟹粉小籠包－－－汁雖多但無蟹粉味，沒想像中好吃燻魚－－－－－－比較好味，但味道有點像豬肉乾酸辣湯－－－－－麻麻，可以不試排骨炒飯－－－－的確一般，排骨算好味讚的是服務好有禮貌但食物方面選擇小，食物上得超快，有點感覺像快餐店

下晝放假同男友去食，兩點鐘唔洗等位，好多位仲好乾淨，服務態度好好，謝謝前謝謝後，餸菜上得又快又企理。叫咗醉雞，雞肉滑有雞味，酒味又夠，份量略少，不過咁可以食其他嘢。醺魚成條上，好好味，仲有汁咖，唔會太乾身。蒜泥炒棷菜好好味，不過多油咗少少。蟹粉小籠包好味！多汁皮薄，有鮮味，好好呀！擔擔麵好細碟，同埋好杰，可能太少汁，好似花生醬撈麵咁，而且都有啲辣。清湯牛展麵，牛展好味，但清湯真係好清，冇乜牛味，而且細細碗都成55元咖。值得推介，會再去的。

昨天為母親節，我在星期六就先到位於尖沙咀新港中心的鼎泰豐'試菜'‧‧‧是次是跟女友嚟食，兩個人叫咗醉雞$48、小籠包6隻$42、油炸排骨$38同一個餛飩麵食完都覺得幾好幾滿意，服務亦非常好。到左母親節正日就再同阿媽阿爸嚟食‧‧‧今天來到感覺有點怪，他們在門口並沒有先派發點菜紙給我們點菜，到有位置的時候才給我們‧‧‧一看之下，醉雞由$48→$58，小籠包由$42→$48，油炸排骨$38→$48，真的沒想到連上海/台灣菜也會突然加價，有少少火，很無言。由於爸媽是上海人，曾試過不少上海食店‧‧‧沒吃完就已經說這裏不太正宗，菜肉餛飩沒有肉 ，醉雞酒味不太重，睇黎真係要去老上海，老飯店果啲先係佢地杯茶‧‧‧有好有壞：對於細食既人呢度係一個好選擇，因為份量會比較少同埋清淡一些台灣妹妹笑容親切及很好的服務態度

三個老人，叫左八款食物，食個飽飽。醉雞係首先上，一放抵就聞到陣陣酒香味，食落雞有雞味，又滑，唔錯唔錯；涼伴豆乾就肥左少少；小龍包真係幾好，餡肉唔肥膩，肉汁好香，正；雞湯麵同蔥花撈麵都幾好食，d麵軟硬適中；排骨炒飯就一般，比較油左少少；油豆腐湯幾清，d粉絲唔會淋哂，都幾好；最後到甜品杏仁豆腐，加左兩片士多啤梨，非常好味，好滑又唔甜，啱哂我地老人家食。講國語既服務員就非常好禮貌好笑容，但講廣東話既就好太分別，真係要好好反醒及學習，點解同一食店，服務員會有咁大分別！

朋友生日，黎左鼎泰豐食晚飯。等左半個鐘多o的就有位啦，要齊人先入得。睇兩睇就點菜，發覺有部份侍應係台灣人，真係夠晒正宗。滷水牛展同滷水爽肚，薄薄幾片，較普通，不見得出色醉雞，雞肉嫩而且滑，滲著濃濃既酒香，好食!酸辣湯，材料充足，酸酸地，開胃!小籠包，皮真係好薄，包得好，咬落唔會有踴腫既感覺，而且湯汁豐富，真係正!蟹粉小籠包，朋友們一致覺得不及小籠包好味，更有人吃不到蟹膏味，但我並不覺得如此，我叮的那顆有清淡的蟹味，我非常欣賞蟹粉同湯汁既配合，唔通朋友們食果d份量唔同，難度質素參差?蝦仁炒飯，飯不油不膩，有質感!師傅功夫好，而且份量都算足，蝦仁彈牙，蔥花點綴飯既蛋黃色既飯，出色!豬扒炒飯，豬扒份量好多，但普通紅燒牛肉麵、担担麵，冇試，但朋友講担担麵好味，湯都飲埋清菜，幾嫩豆沙小包，太甜…唔好食豆蓉糕，冇試，但朋友話冇味既一舊糕服務一百分，話說有個朋友唔小心掉左隻筷子，佢未"第"手已經有侍應幫佢換。不論本地或台灣既侍應o係落單、加茶、上菜時都好有禮貌。環境都好好，枱之間有足夠既距離，不過食物既份量的確較少。

星期六約了朋友仔去tst....就去試試鼎泰豐...我在台灣食過一次....真的好好好味!!!我地吃了小籠包, 排骨炒飯, 原盅雞湯拉麵, 香菇素餃, 豆沙小包, 菜肉包, 酸辣湯, 仲有一個唔記得叫咩名。小籠包 - 正! 但覺得台灣店好d!排骨炒飯 - 好好味....^^~ d排骨醃得好入味...飯炒得好香!原盅雞湯拉麵 - 麵質幾好...唔會好「淋」...d雞湯真係好好飲...唔會好肥膩!!香菇素餃 - 麻麻...唔係好覺得有香菇味...而且好淡...無乜味!豆沙小包 - 一般...甜左d...個皮好得意...煙煙韌韌.菜肉包 - 同素餃一樣...沒味道...好淡....我覺得留園好吃好多!!酸辣湯 - 係足料的...但味道一般...酸辣味真係不足!服務方面..真的要讚...服務一流....相比起其他同級食店來說!

自從佢開業之後幾乎每次去尖沙咀都係忍唔住會來呢度食...我的貼士係五點左右去食就可以即入, 但都一樣要等人齊, 無得開恩...另外人多時如果肯搭枱都有可能可以早入, d小姐會係人堆度細細聲好溫柔咁問邊個人願意搭枱, 要耳仔好靈敏至聽到, 我搭過一次枱, 一d都唔迫, 但隔離枱d人品點樣就睇你彩數了除了小籠包, 牛肉麵都係推介, 個牛肉湯好鮮甜, 食完從來都唔使飲水, 應該無乜味精一般客入去係比張紙你填, 想叫小菜要另外問佢攞菜牌至有得叫外賣部似乎未有小籠包, 但銅鑼灣永昌號有賣台灣入口的小籠包, 回去依照方法蒸來食, 味道都唔錯ga, 但都近百元一包, 是平是貴就視乎你有幾想食同埋幾唔想等位...香港好多食店都可能拍得住佢咁好食, 唯獨是服務唔知點解往往同食品成反比, 愈好食愈臭寸, 真係要同台灣人學吓野!

星期日晚上突然想起小籠包，又想起還沒跟女友去嘗過，看看時間才六時，心想應該不用等太久就能入座吧...誰知道......原來一早已經人山人海等了大約四十五分鐘，我們終於被安排入座。點了的菜有：鮮蝦燒賣、蘿蔔絲伴海蜤、青蔥醬撈麵、小籠包、蒜炒油麥菜、紅燒牛肉湯及菜肉蒸餃~先來的當然是前菜，蘿蔔絲爽口而海蜤煙韌，一起吃時口感十分複雜，加入的麻油青香，很不錯~下一道菜是鮮蝦燒賣。這燒賣跟我們在酒樓常吃到的完全不同，從照片中可以看到基本上燒賣分成兩個部份，上面的是蝦仁，而下面的則是小籠包般的樣子。這燒賣跟小籠包不同之處，它的皮比小籠包厚得多，但是口感非常之好，不會是"一陣風"那樣。蝦仁未至於爽口，不過味道還是甜美的。至於下部份的肉汁鮮美，沒了像小籠包般的"湯汁"，換來的卻是原來的肉汁味道，對我來說這燒賣比小籠包更加美味。之後來的是青蔥醬撈麵，麵條如上次般煙韌，不同的是麵條吸收了部份的醬汁，令到味道更加濃厚，青蔥的香味和醬汁混合後味道十分"融洽"，整體來說是一個很出色的半冷麵。小籠包水準依舊，不過女友吃完後也覺得在台灣本店比不上這兒，或者是材料不一樣而形成的分別吧。紅燒牛肉湯跟蒸菜肉餃同時登場，菜

今次特登星期六下午五點半前到,當然不需等位,直入,坐在大魚缸旁,仲見到兩條金魚dead咗.當然點至愛的蟹粉小籠包,雖然要六十蚊,只有六隻,要成十蚊一隻,但個人覺得非常美味,可口,有蟹粉鮮味,有蟹粉口感.個皮其實做得很堅靱,試個將佢fing幾fing都唔穿!另外叫咗擔擔麵,唔記得叫佢走辣,雖然很惹味,但我就覺得辣得滞.今次新叫了排骨湯麵,意外驚喜,同平時上海鋪食嘅完全唔同,雖然排骨不是分開上,但竟然不會浸得太淋,炸得非常好味!由於坐近門口,睇到由五點九開始已經要等位,到六點已經非常多人等位,厲害!

久仰大名很久, 今日(27apr)終於無心插柳之下來食個下午茶(因為都成三點了)首先係餐廳環境 ,很舒服,也很乾淨!我地叫咗小籠包( 皮好煙UN, 入面充滿肉汁, 正 ! 唔會一夾就爛, 不過有好多人都話佢唔掂?可能我未試過台灣既正宗吧 ?) 叫咗個滷水爽肚(嘩, 駛唔駛咁"經貴"呀, 切到咁薄,你做食牛展咩 ? ! ) 擔擔麵(雖然迷李, 但相信夠一位女仔飽, 好好味, 個花生麻醬勁香)奶奶話係台灣食過佢啲炒飯好鬼正喎, 於是叫咗個~葱蛋炒飯(賣相一流, 上枱飄來陣陣蛋香, 十分吸引! 食落亦好好味好正 ! 抵!)睇睇吓見到(除咗點單紙外, 有本圖文並荗既餐牌, 糯米肉燒賣(見幾得意叫來試吓, 個皮好煙UN, 好軟熟.. 唔錯 ! ) 最後見到個赤豆鬆糕好靚, 叫咗來食(得一舊係貴咗啲, 不過幾特別, 口感好飽,唔以我地一般食既鬆糕質地, 應該係台灣糕餅, 係用米整, 實得來又唔硬, 可能係蒸既關係 仲係一個籠蒸一件, 所以貴! 幾好 ) 茶錢 (得香片, 無得揀) 服務 : 唔錯, 人多, 一舉手即刻有人來, 而且禮貌唔錯, 地方也尚算乾淨, 連個厠所都好靚好乾淨 ! 讚 ! 總

上月台灣之行錯過了鼎泰豐，一直耿耿於懷，並謀定要趁友人生日飯局來試。可惜飯局推了又推，最終上週六我在尖咀整餅前，龍很好的陪我到鼎泰豐如願了。先要謝謝他! 　我們很幸運，1:00pm到達竟然不用等位。鼎泰豐新店環境不錯，店面與洗手間都十分乾淨企理，服務亦如大多數所講，有禮殷勤令人滿意。是次點的食物水準亦不錯，不過份量很小呢：　醉雞-記得食友推介過，一試之下雞肉嫩滑，酒味芳香恰到好處，的確做得不錯，就是份量細小。不過其實個人不太好這味，主要交給阿龍，他幾啖就清了碟。　擔擔麵-有濃濃的花生醬味，麵質有咬感，亦是不俗的一味，可份量又是小得可憐，粗魯點的話絕對可以兩啖搞掂。唉~　小籠包x2-份量亦由台灣的一籠十隻減到一籠六隻，看到人心裡不快。然而一試之下，味道實在太好，令人發不出怨言：鼎泰豐的小籠包從來厚薄度完美，不再重複了，但味道同樣令人讚嘆：蟹粉小籠包沒有太多湯汁，卻蟹油充盈，放進口鮮香味美，好吃得令人心花怒放。鮮肉小籠後來才上，次序上吃了點虧，卻勝在湯汁豐富，有另一種鮮甜味，也是十分好吃。而且，是物以稀為貴嗎?兩年前的台灣鼎泰豐，似乎也沒這次的美味難忘~~　雖然好食，但有點一定要彈：很多甜

個人認為同台灣正店既出品簡值冇得比，小籠包皮唔夠薄，湯汁又唔夠多，訂價太貴，菜式選擇又少，除左小籠包又試過醉雞，一D酒味都冇，帶少少甜品；擔擔麵完全唔係路！失敗！好在今日等左5分鐘就有位，如果要排一個鐘頭食D咁既野，就認真攞你命3千！唯一抵讚係佢地既service，服務員個個都好有禮貌，連洗手間都有兩位阿姐接呼大家。

平時晚上都唔算要等好耐,至於食物款式不多,份量偏少,但價錢偏貴,大食之人真係唔係好夠.排骨飯- 好食, 排骨諗, 飯乾身酸辣湯- 味道偏重擔擔面- 好普通豆沙小包- 皮薄,太多豆沙餡蟹粉小籠包- 有蟹粉味

第一次食鼎泰豐是在台灣，加理一，都係50元港紙一籠（有十隻喎），但係响香港食就少d同貴d，我就覺得翡翠拉麵小籠包好味d

sorry，之前的食評放錯了位置，低我又改唔到。講番鼎泰豐先！幾年前曾經在台北吃過，覺得好好味！之前，在黃埔開店時，由於口啤一般，所以沒有試過。這一次，因為見到雜誌及食評都叫好，於是試了一次。某個星期一中午1:00，我們去到，原以為要大排長龍，低意外地不用排隊，即入！難道lunch time不旺場？不過，都坐了九成滿。蟹粉小籠包-略嫌不夠蟹粉擔擔麵-麵質較硬，醬汁比較少，但味道濃郁，整體ok雜錦豆幹-好香，好好味，很爽脆鹵水牛肚-好入味，好食蝦仁燒賣-我覺得似是小籠包上面加的蝦仁，但蝦仁太乾，唔好食，由於要承托上面的蝦仁，所以皮較厚，還是叫小籠包比較好。服務ok，好過很多中式食店。