鼎泰豐

營業中

休息中

終於都有時間去鼎泰豐食飯，可以响香港試吓台灣人管理既飯店～ 由於未去過唔知會唔會好多人等位，所以就揀左無咁繁忙 ( PM 7:00 前 ) 既時間去試下。去到既時候都唔須要等，不過坐左冇耐出面就開始好多人等哪～ 以下就係當日所點既菜式：１) 醉雞 ----- 雞嫩滑，酒味清淡。２) 蟹粉小籠包 ----- 不夠蟹粉，皮厚略乾身，湯汁ＯＫ。３) 酸辣湯 ----- 材料十足，味道唔錯。４) 紅燒牛肉麵 ----- 湯太清淡。５) 紅油抄手 ----- 皮滑，味道適中。６) 菜肉包 ----- 菜碎可以做到比較乾身，可以一讚，不過肉碎太小。７) 糯米肉燒賣 ----- 糯米唔夠香，比較乾身，欠小許軟滑。８) 抄清菜 ----- 果然相當之清抄。燻魚 ----- 侍應回覆當日魚唔新鮮，暫停供應。我個人認為除左入面環境同埋服務態度 ( 服務生以台灣人為主，態度比一般港店誠懇，送客都會鞠躬。 ) 值得一讚之外，食物味道比較清淡 ，上菜時間唔須要等太耐，地段黎講價錢算平。不過要人齊先可以入去就比較麻煩！因為我比較鍾意食味道濃Ｄ既食物！ 所以我覺得一般啦！

記得上一次到鼎泰豐是兩個月前,當時大約晚上六時左右,十分幸運不用等位,食品整體都不錯,服務質素可以稱為專業,昨晚再跟內子到鼎泰豐吃晚飯,大約為七時半左右取籌,等了整整一個小時才可坐下,肚子當然餓得不得了.交了菜單,等了約五分鐘,醉雞便奉到,一嚐,酒味佔七成,雞味佔三成,肉質很滑,不錯,如可以把七三比例調配到六四.可能更好,再來是酸辣湯,味道很濃,很有層次,唯獨是不愛辣者會怕太辣.小籠飽依舊地很有水準,皮薄肉鮮多汁,可惜未能畫龍點睛,那醋太單薄了,如用上級醋才不會蓋過肉質,而帶出肉質鮮味,下次可以自備白菜仔用來中和味道最為合適,可是太小了吧,最後是很有驚喜的排骨湯麵,那排骨的味道很濃但不俗,可以說是很清但味道豐富的炸排骨,麵質很彈牙,湯亦很鮮味,如果可把油減小一點,應該可以更完美.當然,最後一讚當然是那專業而人性化的服務.結論是我和內子離座後便帶著笑容逛街去了.

我時常都好留意食店的服務態度，我覺得要食得真正滿意，食物質數＋環境＋服務是Total package，決一不可．時常聽到人家說 鼎泰豐 點好味點長龍．．．都好想見識下．琴晚星期日睇完戲９點半走上去看看運氣，竟然出奇的不用等位．由入門到坐下都好多侍應講歡迎，也不曉得是國語，台語或是什麼語言，很齊心的感覺．我們選擇了蟹粉小籠包，炸醬麵，荔蓉包．小籠包比我上次在台北店食的還要好，炸醬麵則一般．其中侍應不停的親切服務，侍應相當之多，像打人海戰．好多時生意好的店或生意不好的店，服務都未必會好，沒有定律．其實我看都是管理和士氣的問題．今次鼎泰豐重新在香港再做起來，似乎應該會是長久而成功的一次．

琴日星期日同男友係尖咀行街....睇過食評話呢間食物既味道唔錯....所以就同男友去呢間食晚飯喇....我地大慨6點左右到達....已經有好多人排隊了....咁我去拎號碼飛....係A24....我問待應要等幾耐....佢答我要等半個鐘....咁我同男友周圍行....大慨6點35分就有位了....坐低就馬上睇餐牌有乜好食....之後就叫左一籠小籠飽....一個清炒菜心....蝦肉雲吞湯同埋蝦仁肉絲蛋炒飯....唔使10分鐘小籠飽就上台喇....小籠飽 : 真係皮薄多汁....點左小小醋....更加美味....清炒菜心 : 雖然平凡....但味道鮮甜....好爽口....蝦仁肉絲蛋炒飯 : 賣相好靚....蝦仁仲好大大粒添....食落口既感覺唔油膩....有好香既蛋味....蝦仁好爽....肉絲都充滿住前者既味道添....最尾上菜既係蝦仁雲吞湯....個湯底唔錯....唔算多味精....蝦仁雲吞好彈牙....我同男友2個人食左4碟美食都算多了....值得下次再來!

太多人排隊,繁忙時間最小等45分鐘............ 無小籠湯包. 不過小籠包巳經好食過菲翠,蘇浙同鄉會, 雪園..............

見到openrice對鼎泰豐都好多好評..所以就同男友慕名離試試啦..我地星期日晚7點鐘離到..已經好多人等緊..等左45分鐘倒終於入得..幸好o新港入面..可以行住商場等位..唔洗企o條街度右熱右悶咁等..入到去好彩地被編o一個位置幾好既2人位..係轉左入去既一個位..唔洗o出面咁嘈..我地一坐低就叫左擔擔面+排骨蛋炒飯+小籠包+紅油抄手...小籠包真係一流!!!表面唔太厚..而包住既湯好足..一啖放入口好正!!值得一值..擔擔面就較為細碗..不過真係唔錯..d面好爽口..2個人分都總算剛剛足夠..d湯底好濃既花生醬味!!!排骨蛋炒飯..呢個十分抵食..d排骨炸得幾脆..份量亦都好足夠..好食!!都見到好多人叫離食..紅油炒手..呢個就略為貴左少少..不過都好岩唔太食得辣既人食..佢係辣辣地..但調教得唔錯..d汁幾好味..不過呢度既飲品較為貴左少少..所以我地都只係飲茶..冇叫其他飲品..而且呢度既服務好好..雖然好多顧客..但係都好有效率..而且d waiter好留意台台既情況..你一食完就會有人幫你拎走..唔洗阻住其他野上台..我地只係落左單5分鐘倒..已經開始有得食啦..唔錯

老公得閒....於是今天去咗以前做暑期工既商場搵野食, 五點幾....時間尚早, 無排隊既問題, 入到去個個侍應都好有禮!我地叫咗蟹粉小籠包, $66, 皮薄...肉汁多, 蟹粉味濃, 好好食!烤夫, $28...乾咗少少...一般!炒椰菜, $36, 油份重, 椰菜偏硬!油豆腐粉絲湯, $36, 豆腐卜釀咗啲肉, 無咩特別!醉雞, $58, 肉唔太腍, 酒味亦唔濃!菜肉包, $15, 包太硬, 菜多肉少, 但唔飽滿!冬菇素菜包, $15, 同菜肉包既食評一樣, 阿拉麵館會出色啲!呢餐份量叫多咗少少...唔想浪費, 我地都食哂, 好在返屋企時壞咗 lift, 要等半個鐘, 途步走上三十幾層當做運動 (樂觀面對)!

當知道台灣鼎泰豐喺尖沙咀有直營店後, 翌日就即刻去幫襯. 打開個餐牌俾裏面既價錢嚇了一跳, 嘩咗一聲, 唔係抵食果隻, 既然嚟到就要試吓啦. 小籠包係當然之選必食既, 可惜只得6隻, 實咗太少勒! 多番2隻都好吖. 可能先入為主, 同喺台灣食既掙緊啲, 但都唔錯. 蟹粉小籠包入口真係有啲腥味, (個侍應已經提示咗,要趁熱食, 如果唔係會腥) 係咪有腥味即係代表用料新鮮呢? 我都搞唔清楚. 其他食物份量都唔多, 味道亦不過不失. 值得一讚係, 果度既侍應招呼一流, 熱情加笑容集於一身, 態度非常好, 由於侍應太多, 所以你一叫佢地就馬上到, 唔同其他店舖等極都未到. 但我覺得果度既侍應似乎多咗啲, 有需要咁多咩? 請少啲, 食物價錢收平啲, 做到價錢大眾化, 未可以俾多啲唔同階層既人嚟幫襯囉. 可能佢哋老闆想促進多啲就業機會俾有需要既人. 我哋4個人食咗差唔多4百蚊, 係未飽果隻, 如果間舖唔係開喺尖沙咀區? 又唔係請咁多侍應既話? 會唔會改寫個 (餐牌)呢?

不知是否上了隱,今次是第五次去,今次仲帶埋老豆同阿媽去.今次叫咗個$138的清炒河蝦仁,數過大約有二十五粒,很清爽,沒有其他配菜,整碟只是蝦仁,味道很好,可惜比較多油.另外叫多個蝦仁肉絲飯($48),幾大碟,蝦仁同肉絲料都不少,飯亦不硬.當然少不免至愛的醉雞,蟹粉小籠包同原盅雞湯麵,味道當然好味.最後甜品叫咗個千層油糕($36),有兩塊,不過味道不夠,只能說它清淡.值得一提,星期六下午三點去到都要等位,厲害!

我未去过台湾间总店,但朋友话两间质素相约.每样都几好味,而且上菜上得奇快.服务态度一流.小笼包系必食,真正皮薄涵靓,好过好多酒楼同会所.对其它菜印象唔深,但样样都唔错.台北朋友话次次去亲台北总店,蟹粉小笼包都卖晒,因此未曾食过.所以如果有机会就一定要黎呢间食.

是晚7時未到就上去，餐館只受理walk in，不設訂檯服務而且要齊人才可入，8時後是真的不知要等多久，餐館裝修新淨，畢竟只開了不到半年，被安排在走廊2人位上，旁邊是9格入墻的裝飾品，很亮眼！menu還沒打開已猜到老婆要點的3碟菜，蘿蔔絲海蜇、醉雞、蟹粉小籠包，而我也早已想好了我的菜單，燉清雞湯、排骨蛋炒飯、杏仁豆腐。海蜇與醉雞先上，是預料中的細碟，雞取的是翼胸位，酒味剛好，除了中翼沒辦法外，其他部位都去了骨，雞是用走地雞，肉很香滑，不錯！再試海蜇，雖説細碟是預料中事，但蘿蔔卻要比海蜇多很多，蘿蔔很爽脆，配合起香脆的海蜇味道還是不錯的，2碟凍頭菜很滿足！說說服務，早聞說這裡的服務1流，個個面帶笑容，臺灣女仔又靚又溫柔，是晚的確是感受到窩心的服務，很不錯，服務生好像個個都像從心底裏笑出來般的面帶笑容，自然吃得開心。接著上小籠包+雞湯，先說其雞湯，細細盅料是意外的多，嘗1口湯，吃1口雞肉，只能用2個詞形容，清甜、嫩滑！煲湯雖用的是老雞，但食落確實是嫩！接下來是這晚最受期待的主角小籠包登場，鼎泰豐的招牌貨！小龍包的好壞1吃便知！小時於上海長大，而奶奶便是上海小食店的小籠包師傅，其手勢我到現在還

又放下晝去鼎泰豐一次。今次食醉雞，蟹粉小籠包，清炒河蝦仁，菜肉餃，蒜蓉炒介蘭，同埋豆沙小包。醉雞依然好美，不過紹興酒味稍淡，蟹粉小蘢包今次有點腥，而且肉質有點霉，不過尚可。清炒河蝦仁爽口彈牙有蝦味，但稍貴，128元呢！菜肉餃皮薄，清淡好味。炒介蘭好味，菜嫩甜脆，豆沙小包好味，一口一只，稍甜但充滿豆沙蓉。總括而言，水準似乎不太穩定。

其實食依間野已經係差不多成個月之前既事,但係我都係要補返個食評俾佢...因為真係好好食!!!果日我同我女朋友黎食,等左大半個鐘,由於佢太肚餓關係,唔理37 21即刻叫野食,叫左:蟹粉小籠包,紅燒牛肉面,2隻生煎包叫完冇耐,牛肉面就黎,老實講,對比hk一般整既雖然係較好,但係都係我之前去台灣旅行果d好食好多...!之後,主角黎啦,小籠包皮真係好簿,食落口個感覺,sorry---我唔識講,一個字正啦,哈!!!之後黎生煎包-大埔鍋貼大王win晒,十分普通食晒之後,我唔夠飽加單,叫左個牛肉湯---原來依個先係全日最大驚喜,湯超清,又足牛肉味,牛"展"勁腍!下次再黎必叫!but我女朋友同我講話冇下次,因為佢話唔夠choice!咁我下次唯有搵其他fd陪我食啦,哈!

昨晚偕友人兩個去食鼎泰豐，叫左招牌小籠包然後再叫左個排骨蛋炒飯，同埋蒜蓉油麥菜，全部都好好味呀不過最後叫果個香菇素餃就麻麻地，無乜味。小籠包皮薄餡靚不在話，排骨蛋炒飯Ｄ飯炒得好乾好有蛋味，而且幾抵食，因為有好多肉。一個字，讚～

Maybe the name gives me too much expectation though having read some of the negative comments before going, I found it quite disappointing in terms of food quality. No matter how superb the service is, which I think they really are, it can't make me go there again. We ordered ordinary dishes and they were just average, but if considered the price charged at that high, they failed to deliver what are charged! Here are what we are order a week ago:1. Wine Chicken: the display is fair; chicken w