鼎泰豐

營業中

休息中

Went with some friends from Mexico to try this high-rated restaurant. The first time, we were told to wait for at least 1 hour something. We returned the second day and were lucky to get a table.We ordered both types of 小籠包: taste and very hot!擔擔麵: the sauce was really delicious, full of flavour but not to a make-you-thirsty level 杏仁豆腐: very special kind of dessert, refreshing, MUST-TRY!!燻魚: good but it was a very very very small fish 排骨: with not bones, tasty fried rice: typical fried rice but

七月六日晚上去了近來好多好評的鼎泰豐食晚飯,嘩,好多人呀,等了四十分鐘,終於可以入座啦,好肚餓呀,好彩食物唔使五分鐘就送到,...因在等緊位期間,企係門口,笑面迎人的台灣小姑娘已經俾埋點心紙你睇同填寫,一入坐便即時入紙,所以好快有得食,...原盅鮮雞湯--不用五分鐘就奉上,湯底清甜,雞肉嫩滑,有雞味,夠晒新鮮滾熱辣,味道和台灣永康街總店一樣咁好味,HK分店 d 雞仲無咁肥添,特色小籠包--皮薄,多汁,肉鮮,熱辣辣,''正''呀....入口也有湯汁流出,食時要小心燙口呀蒜蓉通菜--通菜夠嫩夠新鮮,炒得剛剛好,有微微的蒜蓉味,唔錯香蔥拌麵--麵條軟淑,蔥與甜醬油份量剛好,甜甜地,可惜分量較少肉絲蛋炒飯--無想像中咁好食,唔夠乾身,又多油,肉絲份量一般,雞蛋夠多,頗有蛋香,味道尚可尖沙咀新港店是台灣直營店,服務或許係以台灣人為主,走時門口招待員還會向食客鞠躬道謝,這裡侍應笑容滿面,親切有禮,服務亦很有效率,連個洗手間都好靚,光猛整潔不在話下,還有磅供客人磅體重,洗手盤會漸漸有冷水變成暖水架,女洗手間還有流水聲音感應器,如廁時,無咁尷尬,...好體貼呀very goog唔似得以前紅磡黃埔果間掛

是晚去左鼎泰豐，七點去到，等左十分鐘度就有位，不過係門口位，但係都ok好坐。唔係太餓，所以兩個只點了蟹粉小龍包，醉雞，擔擔面同菜雲吞。蟹粉小龍包： 有蟹味，然而裡邊0既湯就一般，無乜特別。可能上海正宗小龍包會啱我口味D醉雞：隻雞應該未醉，無酒味。雞肉本身新鮮富雞味，不過就唔似食緊醉雞，做白切雞會無咁浪費。擔擔面：都係屬一般，無咩可言。素菜雲吞都係一般，個形唔似廣東雲吞，似大隻左0既魚皮餃，但皮夠薄。最好0既係壼茶，好香。上菜速度好快，收碟速度亦快，半個鐘食完，又可以做多單生意。

前排約左朋友食lunch,所以一夠鐘就即閃(因驚好多人等位),大約12:40到達,2人位,等左5分鐘左右就有,但因朋友未到,所以要o係門口等,就o係呢個時候,俾我見到......先講食物先:小籠包: 湯熱,皮薄但又唔易穿~好食~~素菜餃: 味略淡,要點醬汁食~牛肉麵: 牛肉軟熟但有少少騷,湯略油但又幾好飲~豆沙小包: 用嘅係小籠包果隻皮,豆沙又香又甜,最適合我呢ｄ鍾意皮少餡多嘅人喇~~好快ｄ野就上齊哂,一夾完每樣最後一件,佢地都即刻收碟/籠,呢樣我唔界意,因始終係午飯時間,大家都想快快快~哈哈~兩個人真係食包飽呀~~講返我o係等位時見到嘅野~有位男士,到登記處找ｘ經理,跟住個ｘ經理出黎,果位男士就同ｘ經理講,佢係ｙｙ公司嘅ａａ少姐界紹黎搵佢嘅......跟住個經理問佢人齊未呀,果位男士話未呀,呢個時候,個經理見到我o係佢地後面,佢就話唔好意思......公司規定要人齊先......但大約十幾廿秒後,個經理見唔到我(我縮在一角等朋友等呆了)佢就帶住果""一位男士""入座,後面係無任何人跟住嘅......見到呢件事前,我又見到有兩批等位人事o係度鼓譟,一個講普通話男人好大聲咁話佢等左好耐.

四年前係台北食過, 而家黎左香港開分店, 梗係要去試下我地5個人叫左...特式小籠包: 好好味呀, 湯好熱好鮮味蟹粉小籠包: 雖然我鐘意食蟹, 不過同喺台灣食嘅時候一樣, 好似原味(特式) 好味d呢, 呢個略嫌有少少腥白菜餃: 唔錯, 好多白菜下糯肉燒賣: 用燒賣皮包住糯米, 賣相特別, 味道一般, 尚算合格醉雞: 好好味, 酒味唔會過重又唔算淡, 恰到好處炒菜: 可以, 炒得冧少少會好d滷水牛展: 唔, 好似茶樓好食d落單嘅係正宗操台灣口音嘅小姐, 夠地道, setting亦唔會好迫, 相反都幾寬敞美中不足係等左個半鐘位, 坐到9點半到出面仲好多人排隊, 認真恐怖, 不過外面咁多人都無催人走, 抵讚

是日與幾位食友到此lunch，按照台灣規矩是未齊人不能入座，當然亦不設訂位服務，制度是一貫台灣人的「Do」，此外服務及招呼依舊是款待國賓的級數，取下紙仔，齊人入坐。等的時候已打定主意，KC喜歡的蔥油拌麵外，清燉牛肉、特色小籠包、膠元水晶肉幾味。是日認識了專兄帶來的新朋友（其實在兩年前曼谷泰菜已碰過面），以上菜式該不夠四人分，就追加了台灣擔擔麵，差不多了，未見侍應路過，在招手時傳菜的靚姐變捧著碟邊替大家落單及進行確認，服務真是無出其右，人力資源訓練認真全面！幾味菜式前後腳來，過程不須十分鐘，蔥油拌麵保持水準，台式的做法是下了鹹醬油，配以炸熟的蔥段，然蔥油味略薄，拌起手功拉麵，麵夠軟熟有韌性，風味也很好。膠元水晶肉其實是水晶淆肉，在滬、淮揚菜作冷菜小吃，是新出品的，以豐富腿肉絲及豬骨熬出的膠元凍包著，肉絲口感「實淨」，水晶部份略嫌味薄了一點。清燉牛肉是比小籠包更見特色，台灣朋友強烈建議小籠包可不吃，但清燉牛肉就不得不試，帶著根紋牛腱下點薑原盅燉，牛腱不含油性，湯清澈得緊要，甘純帶點薑辛，牛腱燉得夠火候，很輕易就幹掉，為此而來，總不會叫人掉眼鏡。專兄點的清燉雞湯，雞．湯分開處理，雞肉未至於專

睇過咁多對鼎泰豐評價，今日在下同男友６點鐘就黎到食個早飯。一行兩人，即刻有位。服務真的一流，有笑容（不管是不是強擠的笑容吧），有禮貌，服務員人數多，出送同埋收碟速度快。點左蟹粉小籠包,蘿白海哲,肉絲炒飯,豆沙包,荔芋包~~小籠包真係ok, 夾起真的不會穿, 不過 可能對佢期望太大, 吃完冇"哇!!" 一聲既感覺, 但真係值得食!!其他野食overall 都ok, 只係嫌個蘿白海哲有少少貴 同埋個炒飯不算好香, 但texture + d 蛋是好食的~~　整體感覺：服務比野食更特出不過因為佢地做野速度太快... 可能你會覺得店員好似催你走咁...　溫馨提示: 六點半前去食, 多數唔洗等位。

Before I try this restaurant, I searched "Open-rice" to see how many "smile" comment on it. And found that most of the comment is good so I try……..The famous food “小籠包” is out of my expectation, foreskin so dry…… hard to eat.“擔擔麵” was good, a little bit spicy, has some peanut butter (I am not sure). But the size is too small.For desserts, I try “豆沙包”、“千層油糕”、“杏仁豆腐”！The best one is杏仁豆腐coz have a heavy almond taste, bean curd is smooth, not so sweet. Then豆沙包. 千層油糕…um, I will not try.For services is

終於有得試到每隻29g有18條摺既小籠包喇! (多謝蔡san既美食知識)嘩~就算6點鐘去到都好多人等位波...不過我地一行四人等o左一陣就有檯。點了一籠六個小籠包﹑菜肉包﹑燻魚﹑擔擔麵﹑排骨麵﹑炒油麥菜﹑糯肉燒賣。(1) 小籠包: end up叫了兩籠...平常我一隻起兩隻止...所以食3隻應該係廿多年來第一次! 佢個皮厚度適中﹐亦不會過韌或太軟薄易穿。湯做得不錯﹐肉就不是太有印像...因為熱辣辣和太專注在個湯。(2) 菜肉包: 差。 色香味全不及格﹐唯一可取之處是菜多! 包太厚﹐不夠香軟﹐餡料馬虎味道淡。試想如果人家「綠楊村」單是一個素菜包也鮮味過有肉的包...那麼還有吃這個的理油嗎? (3)燻魚: 這個爸媽大讚因為是用倉魚而非鯇魚。 雖然是小小一條但已經令兩為大王和太后滿意了! 其實這兒並非本港唯一食肆會用倉魚來弄這道菜(亦非最好的一間)﹐但只是越來越少...that's all。 (4) 擔擔麵: 啊~又做得不錯! 雖和我預其味道不同﹐麵亦不多但是湯底夠濃亦不會過咸。麵質也比預其好哦﹐這個我一定會「番啅」(given that IF I have the time and cou

難得可以離開太子午飯, 使跟戰友約好, 他問"鼎泰豐好唔好?" 梗好格。一時到達, 戰友已找到位置, 一檯的菜已預備好。 給我們雙人檯, 真的不足夠。小籠包特別好食嗎? 查實我又不覺。 加了蟹粉的呢? 實質分別不大。 此味我都係喜歡去街上的小館子吃。 當然, 鼎泰豐是做得比街上的湯包出色。撈麵是幾香口的食物, 兩次來都有叫, 均為最快清檯的。 炒飯的色水好夠, 好金黃, 只不過我委實不喜歡那裝飾感大於一切的大蝦。 當然在食肆立場, 這蝦提升了炒飯的值租度, 在售價中反映出來。食物中最好吃是菜。 是日的通菜一段段, 剛好放進口, 十分體貼。我打算洋洋數千字來提的, 不是食物, 而是餐廳本身的周邊配套。 當中我最喜歡的, 是其洗手間: 大嬸會為你中門大開, 每格都有那"水聲潺潺"可以玩, 用後大嬸會九秒九為你清潔好, 仲有我最痛恨的體重提示工具! 洗好手後大嬸又會即刻開門過你出去... 戰友那邊廂已結好帳。 曾戲言, 他所加的人工, 分成四張, 足以請我食4餐午飯; 是次需要的, 只半張。"真係好抵..""食佢句"歡迎光臨"都抵!""食佢個廁所都抵!"

今日有個友人生日我地成班fd決定去食鼎泰豐,其中有兩個都食過台灣果間都話好味。我地已經諗住都多人ga la,咁咪諗住早d去囉,點知下晝六點咋已經成村人企係度等緊位。我地等左差唔多成兩個鐘先入得去,因為我地等果陣已經劃定食乜,入去比張非好快就上菜la!!!蟹粉小籠包-正,皮薄餡靚特式小籠包-正,皮薄餡靚菜心-一般,有d硬,太大條可以切開先上蒜蓉通菜-一般,無乜特別紅燒牛肉麵-正排骨麵-正八寶飯-甜左d我本人就唔係d咩食家,唔係太難食都ok ga la,同埋佢地ge服務態度真係好好,所以真係加多好多分,以現今香港來講咁ge價錢有咁好ge服務真係好難得。有機會一定會再去,如果唔使等咁耐就仲好la~

今日去shatin食完飯去左mk行街，突然唸起之前係openrice d 網友勁讚鼎泰豐，就叫阿哥同未來大嫂試下。六點四去到，等到7點9先有得食，所以千期唔好星期六晚去我地order左:1.蟹粉小籠包2.紅油抄手3.抄芥蘭4.排骨面5.糯米燒賣6.豆沙小包7.粉絲湯坦白講，依度的蟹粉小籠包無王家沙咁好食，但係紅油抄手就真係一流，估唔到會有肉汁抄芥蘭唔油，唔錯唔錯，排骨面d排骨唔錯，好入味，上海面好爽。糯米燒賣一般，粉絲湯好多粉線但係d湯好淡，加d pepper應該唔錯。最後甜品係豆沙小包，好多豆沙，鐘意食豆沙的朋友可以試下PS:服務一流

一位女友人生日冇得book 台，足足等左個幾鍾，不過總括食物，服務都係值得(不過最好等候ge 時間真係唔好太長，真係餓死了。)我地一行5個人，食左 $400左右，食左特色小籠包，蟹粉小籠包，担担麵，炸醬麵，炸排骨，蝦餃等~~我覺得仲要叫多一、兩碟先至會飽哂，事關d 野比較”精緻” 小籠包的確係好食~~皮薄饀正，入面係湯唔係油~~蟹粉就真係要熱住食~否則已經醒醒地lu (因為係台灣食過，個次熱到辣到個嘴，但係好食到震)，担担麵好香ge花生料~~好香，好惹味~係細碗左少少，唔夠分~炸醬麵就普通左d~d 炸排骨好特別，其實又似豬排，但味道同製法都好台式~黎得得一定要試~入去服務員都會講普通話，好有feel~~環境亮麗，俾人好乾淨ge 感覺，所以d 野食望落更吸引~~

起一隻熱騰騰的小籠包放進口中...好好味它令我諗起幾年前去台灣,入左鼎泰豐食小籠包...鼎泰豐的食物很出色,入去時服務都好好,可惜的事它唔會給時間你慢慢品嚐,因為我發覺經常有人行過睇你食完未,食完好快就收...仲有,我當日食因為沒有新鮮雞而沒有雞食...可惜

10:30pm last order，我們在10:26pm趕入店，店員仍禮貌地招乎：「歡迎光臨！」由於時間關係，分咐店員為我們點了十八樣菜，我們只有六人，因明知不能追加，叫多一點，盡情一點，吃是不會後悔的。這回到臨雖有點兒衝忙，但興幸不須在門外排隊，據說這店由早至晚老是擠滿着客人，而且不接受訂位的。這間傳聞的全新鼎泰豐，終於來造訪，從日本回到香港前聽了很久，人人說很好吃，但我並不同意，始終與台灣的本店還是有一點出入，要做得百分百接近，確是有點困難，就連世界著名食店NOBU也做不到。吃了幾口，味道造得很接近，如果要相比，與舊的黃埔分店差得遠。在香港來說，同行的競爭對手中，這間鼎泰豊的味道還是一哥吧！更是遠勝日本的分店。構思這間香港分店，看得出經營者用盡心思，我時常說，以一間食店而言，裝修可不要，食物味道要第一，服務態度也要第一，兩這皆得，才是一間好店。到10:45pm，越吃越熱，有人發覺店的冷氣巳關掉，莫非是趕客？？向經理查詢後，笑容滿臉的經理說︰「不好意思，可能有同事關掉了。」看他的表情是很有誠意的，不到30秒，冷氣又再來。店員小姑娘，口中說的全是普通話，人人笑容滿面，氣氛十分好，有點