影片
更多
2016-10-16
986 瀏覽
好友話終於book到呢間邊爐，今晚可以帶我地去見識下！呢間火鍋店位於旺角登打士廣場，喺油麻地站A2出口出行7-8分鐘就到啦，因為呢個廣場有好多食肆，樓下等lift嘅人龍好長，如果唔想等，建議行2層樓梯上去好啲！因為我遲到，好友已經揸主意order左個湯底啦！係原隻雞花膠湯。我坐低一陣，個湯已經煲滾啦！wow! 一打開蓋陣香味撲曬出黎，原來入面有半隻雞（細煲）同好多花膠，非常足料！雞肉煲左咁耐都仲咁滑，而花膠大大塊好厚身，湯好濃厚好正！我地差唔多食曬啲湯料就叫店員幫我地加湯打邊爐啦！我打邊爐一定會食牛餐肉！見配料紙有西班牙黑毛豬午餐肉咁特別，仲要$78，我決定試下佢有幾巴閉！見到佢真身，又真係比市面買到個啲大份啲，可以見到絲絲肉絲，食落較有扎實口感，一啲都冇平價午餐肉嘅'霉'味，都值得一試！肥牛都係邊爐必食嘅！$78一份，紋理都幾靚，肥瘦適中，有牛味！我地每人食左一碟！不得不試嘅係呢度嘅海鮮！可以自己揀，好有大排檔同街坊風味！選擇都唔少，有象拔蚌、桶蠔、蜆、花甲、聖子、鮑魚、蝦等等！每隻都游緊水，好新鮮！我地試左海蝦、花甲、聖子同蜆，樣樣新鮮，同花膠湯底仲幾夾添！另外試左原粒帶子水餃，大
呢間火鍋店位於旺角登打士廣場，喺油麻地站A2出口出行7-8分鐘就到啦，因為呢個廣場有好多食肆，樓下等lift嘅人龍好長，如果唔想等，建議行2層樓梯上去好啲！
因為我遲到，好友已經揸主意order左個湯底啦！係原隻雞花膠湯。我坐低一陣，個湯已經煲滾啦！wow! 一打開蓋陣香味撲曬出黎，原來入面有半隻雞（細煲）同好多花膠，非常足料！雞肉煲左咁耐都仲咁滑，而花膠大大塊好厚身，湯好濃厚好正！我地差唔多食曬啲湯料就叫店員幫我地加湯打邊爐啦！
我打邊爐一定會食牛餐肉！見配料紙有西班牙黑毛豬午餐肉咁特別，仲要$78，我決定試下佢有幾巴閉！見到佢真身，又真係比市面買到個啲大份啲，可以見到絲絲肉絲，食落較有扎實口感，一啲都冇平價午餐肉嘅'霉'味，都值得一試！
肥牛都係邊爐必食嘅！$78一份，紋理都幾靚，肥瘦適中，有牛味！我地每人食左一碟！
不得不試嘅係呢度嘅海鮮！可以自己揀，好有大排檔同街坊風味！選擇都唔少，有象拔蚌、桶蠔、蜆、花甲、聖子、鮑魚、蝦等等！每隻都游緊水，好新鮮！我地試左海蝦、花甲、聖子同蜆，樣樣新鮮，同花膠湯底仲幾夾添！
另外試左原粒帶子水餃，大大粒，仲有原粒帶子喺入面，一啲都唔hea。爆炸薑汁皮蛋貢丸都幾特別，可以一試！
呢餐朋友請，應該每人$300左右，靚湯靚料，絕對抵食！張貼
