影片
更多
2016-09-28
2753 瀏覽
朋友仔生日飯，成班女仔，揀左呢間可以勁吸骨膠原o既打邊爐原隻鮮雞燉花膠湯 ($238)湯底有幾個選擇，我地諗都無諗就揀左呢個美顏之選 - 花膠雞湯 湯底係濃黃色，我諗用左好多隻雞去淆呢個湯底，店員仲幫我地將隻雞剪開，咁我地就可以易食d，一撈個湯，有好多花膠，真係好足料二話不說即刻試下個湯，本小姐係好怕飲味精湯，開頭我見佢個色咁濃，仲驚係加左味精，飲落先發覺係堅野，湯好重膠質同雞o既鮮甜味，我地每人好快已經忍唔住飲左2、3碗枱面其實一早已經放定一壺雞湯俾你refill番滿個湯預備打邊爐，加番o既湯係同本身個花膠雞湯底一模一樣架 呢個壺好懷舊好多年無見過啦掛住飲湯，差d唔記得要混醬，成盤上枱俾你慢慢溝混完醬我地就出去望下有咩海鮮揀啦，呢度裝修到成個街市咁，有好多款海鮮選擇，有水一路養住夠晒新鮮，價錢都唔算太貴紐西蘭蚌 ($48)最後我地揀左大大隻o既紐西蘭蚌，我地將佢煮到一開晒口就食，入面舊肉好大舊，鮮味十足鱔片 ($98)最鐘意打邊爐食鱔片，呢度o既鱔片厚度切得剛好，保持到口感又唔會太厚，起骨亦做得唔錯，食左幾舊都食唔到有細骨手切安格斯 ($158)打邊爐點少得食牛，姊妹生日一於叫好d，
原隻鮮雞燉花膠湯 ($238)湯底有幾個選擇，我地諗都無諗就揀左呢個美顏之選 - 花膠雞湯 湯底係濃黃色，我諗用左好多隻雞去淆呢個湯底，店員仲幫我地將隻雞剪開，咁我地就可以易食d，一撈個湯，有好多花膠，真係好足料
二話不說即刻試下個湯，本小姐係好怕飲味精湯，開頭我見佢個色咁濃，仲驚係加左味精，飲落先發覺係堅野，湯好重膠質同雞o既鮮甜味，我地每人好快已經忍唔住飲左2、3碗
枱面其實一早已經放定一壺雞湯俾你refill番滿個湯預備打邊爐，加番o既湯係同本身個花膠雞湯底一模一樣架 呢個壺好懷舊好多年無見過啦
掛住飲湯，差d唔記得要混醬，成盤上枱俾你慢慢溝
混完醬我地就出去望下有咩海鮮揀啦，呢度裝修到成個街市咁，有好多款海鮮選擇，有水一路養住夠晒新鮮，價錢都唔算太貴
紐西蘭蚌 ($48)最後我地揀左大大隻o既紐西蘭蚌，我地將佢煮到一開晒口就食，入面舊肉好大舊，鮮味十足
鱔片 ($98)最鐘意打邊爐食鱔片，呢度o既鱔片厚度切得剛好，保持到口感又唔會太厚，起骨亦做得唔錯，食左幾舊都食唔到有細骨
手切安格斯 ($158)打邊爐點少得食牛，姊妹生日一於叫好d，說實在$158其實幾抵食，大大盤o既安格斯牛肉，雪花均勻，牛味十足，記得唔好煮太耐過老喔
黑柏葉 ($58)好少見到有黑柏葉order，鐘意佢無用化學野漂白，食得健康好重要喔，黑柏葉口感比一般漂白左o既柏葉更為彈牙
芋絲 ($24)，粟米 ($35)，芝心丸 ($28)，牛丸 ($28)，花膠鯪魚球 ($78)我地仲有叫左其他大路野食，全部質素都不錯
花膠鯪魚球呢個做法比較特別，鯪魚球幾彈牙唔係淋滋滋o個種，都食到有唔少花膠混係入面
呢個花膠之夜實在非常滿足，我地幾個女仔應該都吸收左唔少骨膠原啦~~ 唔知皮膚會唔會靚左呢~ 哈哈
張貼
