鮮入圍煮 (已搬遷) 新店位置

首先，本人不是第一次來，今次一行四人。點了胡椒豬肚雞湯，湯底依舊是濃濃的雞湯。海鮮選了$138桶蠔，一份有5只大大的蠔，可惜只只都有砂。失望至極！ 同店員反應，得來的答案就只有桶蠔係咁就係咁。姐姐，咁不如你唔好講野啦？講左等於用個肺講？桶蠔係咁係因為你地無洗乾淨！真係搞笑！係咁就係咁？另外還點了蟹$88/隻，幸好蟹是實肉的，不然這頓飯真的吃到個個都嬲到爆！其他配料都係普通火鍋料，沒有什麼特別之處。我與友人到鮮入圍煮，第一為湯底，第二為海鮮。前者還算keep得住，後者呵呵⋯⋯真係唔該曬！其次，服務真係好不得了！現在有不少店員，但幾乎個個都係自己顧自己先。明明個姐姐只不過係擺緊一張沒有人坐的台，我招手叫她，連扮睇我唔到都唔係，人家係應左我先，但係就係唔行過來幫我！同另一個後生小小的男店員講野，就要講到勁大聲！都要講成4次先聽到！ 埋單時，碰到坤哥等人完左勁歌金曲黎慶功，個個店員都只顧住睇，收左錢勁耐都無人找錢俾我。

火鍋店在香港真係開到成行成市，尤其以雞煲和主打海鮮的火鍋店最多。不過也有些較特別的就好似位於旺角的「鮮入圍煮」，男人之前話去過食佢地既雞湯底係好正，小妹好鍾意飲雞湯，所以男人就同小妹黎試下。餐廳並不是地鋪，算係樓上鋪吧！一打開門就覺得好似去左有瓦遮頭的大排檔和街市，放了數張大排檔檯、仲有街市肉檔、琳琅滿目的海鮮檔，感覺很地道，設計上很有特色，影相一流！火鍋點菜紙火焰雞煲蟹粉鍋、豬肚胡椒雞湯、花雕醉雞湯鍋、招牌海鮮入圍煮湯、川芎白芷魚頭湯等都係這店較特別的火鍋湯底。飲品單，係無糖烏龍茶 $12 和雪梨海底椰 $16，似乎樽裝比較抵飲。仲有火鍋拍檔之一的自選混醬，多蒜多蔥岩晒我口味！濃厚原隻雞煲花膠湯 （細）$238 （大）$328我們呢煲係細的，看到湯內好足料，有大件花膠、原隻雞已斬件放進煲內，小妹仲食到雞肶位添，雞肉煲到夠腍，最重要肉質唔鞋口。店員先叫我地飲左雞湯同食左湯料先，之後有得免費加一次湯，係加返雞湯啊（其後再加係清湯），個湯真係好濃雞味好好飲，飲落又唔覺好油，黎呢度必定要試！飲下湯食下花膠已經飽左三四成，又揀左幾款火鍋料打邊爐。手切頂級牛肋骨肉 $188真係見到店員即場拎件肉

真係要講下打左好多次電話起馬20次先俾我book到下次我要親自上去book當然可能咁樣先會珍惜花竹蝦大大隻食落去好新鮮瓜食落去下火響0 就好似平時自己買返屋企打咁普通蚌 唔貴又多非常爽口魚本人都唔太食魚俾友人強迫之下食左兩片冇骨gar wor 馬上食多兩口安格斯牛牛最like食牛但唔代表什麼都可以放入口好鬼好食叫左兩碟今晚就係為左e個湯來究竟係唔係咁好飲我飲左一口真係停唔到口飲到差不多正餐都唔使食又可以refill 200$幾真係算係咁4個人食左1300$下次唔使叫咁多飲湯都夠飽

本身係對打邊爐冇興趣既人，但呢間花膠雞火鍋真係好味 湯底好濃，而且有唔少花膠件，安格斯牛肉夠嫩，我地order佐兩份豬大腸都好味，一上來就飲翻啖湯想食海鮮仲可以自己係隔離order，環境干淨，有氣氛，服務態度OK已經推介俾朋友，值得再去食既花膠雞火鍋

天寒地冬 因家人工作時間問題 需要提早過冬決議之下 選擇了這間鮮入圍主的餐廳6點出發....book左位.....塞車 7點到...無位等到8.30先食得一黎好餓 點左一大輪野最貴既雞湯花膠竟然賣曬...換另一個都係花膠湯底...好彩都有返咁上下既味叫左頂級牛骨肉同牛粒軟熟 唔硬唔痴牙 算令肉整體黎講唔錯..失望既係無試到最貴既湯底

打邊爐大概是每個港人至愛，大家開口埋口都講求「方便」的時候，火鍋店取址夠方便都是其中一個優點。鮮入圍煮位於旺角市中心，已經想不起今次是第幾次來火鍋了，不管是同事、家人或朋友都介紹過他們要嘗一下鮮入圍煮的名物「原隻雞煲花膠湯」($238/細)、($328/大)，他們都讚口不絕。今次又同朋友再嘗花膠湯。訂好位下班到來餐廳暫時半滿，約八點左右，人潮就開始多起來。火鍋最開心莫過於是跟一班朋友、家人圍起來邊看電視邊談天邊「烚下烚下」，將新鮮食材燙熟放入口中品嘗。見朋友未到，就先看一下火鍋食材，鮮入圍煮最大一個特色是將地方佈置似為街市當中，「海鮮檔」就在旁邊，先選好其他火鍋食材，可到旁邊再選購海鮮類，但用餐環境當然比街市乾潔得多。朋友妻跟我同樣屬於蝦迷，無蝦不歡，看到花竹蝦生猛有份量，待他們到來要跟他們提議一下。除蝦以外，還有很多不同類的貝殼、大蜆，也有聖子、象拔蛑、鮑魚和桶蠔，種類多元化。火鍋有高質花膠雞湯再配本地手切肥牛的話，必定是一百分，可惜當天手切牛一早沽清，跟手切牛無緣唯有點手切安格斯牛肉吧。待朋友到來、點好食材後也麻煩店員把我們預留的「原隻雞煲花膠湯」($238/細)送上，店員立馬把鍋

朋友說旺角有一間火鍋店很有名， 是日預先訂了八時半的枱。 到達當天8時半也有若干人士等候， 店舖裝修走的是大排檔平民路線。 牆上也貼了一些特色的海報。原隻鮮雞燉花膠湯 火鍋湯底很特別， 其中原隻鮮雞燉花膠湯最為吸引， 於是便點了這個湯底。 湯底上枱 ，店員把雞剪開， 我們於是便先享用湯底， 燉湯極為濃郁， 十分鮮甜， 花膠極多， 我們點算過有八至十件， 當中的雞胸易極滑， 濃郁之餘又能保身蜂巢豆腐， 炸響鈴這個濃郁的湯底，當然要配炸響鈴和蜂巢豆腐。 響鈴輕輕點湯底， 然後吸盡湯底精華。 蜂巢豆腐亦是吸收了湯底精華，每口有濃郁雞味，令人一試愛上。羊肉片， 鮮淮山 淮山片放於湯中片刻， 咬下去爽甜的味道。 今天不會感到騷， 是濃郁的雞味與羊肉拼合起來。 由於進餐的人很多每個section只限90小時， 旁邊還看見人們在喝啤酒紅酒朋友聚餐，平文化的感覺讓人樂而忘返

用終於兩個字形容真係不為過，因為book左好多次都book唔到想去的時間，千辛萬苦，終於book到個8點入場，等到頸都長埋~無他，朋友食完個個都大讚個花膠湯底，當然也是羊群心理跟下風，一探其虛實。 未到8點大家就上去等入場，上到去，呆左，熱鬧到一個點，真係座無虛席，張張枱都坐滿左人。好彩有訂枱，walk in的話都唔好痴心妄想會食到。我地因為預先order左個花膠燉雞湯，所以坐低無耐就上左個鍋。 呢度的裝修好搞鬼，好有大排檔風味，入口處埋滿汔水箱，又有海鮮區，時價海鮮可以自己即場點幾多食幾多。牆上面又用黑色塗鴉寫滿左餐廳對食材的主張及宗旨，又貼有香港明星的poster，成個格局帶點地踎，但又好有趣，因為好少火煱店裝修成咁，好新鮮。 因為我同朋友得2個人，所以只order左半隻，但份量都已經好足夠。而且唔貴嗗，半隻都不過係$238蚊，好足料!!!撈個湯底，大大舊花膠底，仲要唔係得一舊，係好多舊添。隻雞係原隻上，所以煲滾左，侍應哥哥幫我地用較剪剪開佢，因為食呎個雞湯要先飲個湯先。 雞肉好滑嫩，一啲都唔老，尤其係個湯，好濃郁，鮮黃色的湯上面染住一層薄薄的雞油。啲顏色好似

前排個朋友不斷同我講話去過一間打邊爐，可以瘋狂飲佢個花膠雞湯。佢話要同佢食多次，因為又有雞又有花膠食，好補咁話！～佢講左起碼成個月，今次終於約到佢出黎食呢個打邊爐！入到餐廳，我以為自己去左街市😂，裝修整到好似平時同阿媽去個D屋企樓下街市咁樣，沙白、蟶子、生蝦、鮑魚，應有盡有，仲要整埋D價錢牌，幾多錢斤基圍蝦、幾多錢斤沙白，身為水上人嘅後代嘅我，好有親切感。一坐底，店員已經準備好醬料畀你整色整水，醬料每位$10。當然我地有叫我地期待已久嘅原隻鮮雞燉花膠湯（小）$238。雖然價錢有少少貴，但飲完個湯就覺得物超所值。湯入面至少有10舊花膠，舊舊完整無缺，唔會一patpat。另外，係成隻雞擺入湯入面，煲到就滾，店員就會幫你夾隻雞上黎同你切件。D雞應該擺左落湯煲左好耐，一夾就會散，唔會就好難先夾到肉食。湯湯味濃，好似飲緊住家湯咁，無偷工減料。因為朋友真係超鍾意飲佢D湯，結果好快就叫店員再加湯，值得一提係加雞湯，並唔係加水！西班牙豬腩肉$58豬腩肉切到好薄，放落湯底滾兩滾就食得。豬腩肉唔會太老，脂肪分佈均勻，點醬油食好好味，一份份量都唔少。蜂巢豆腐（$48）我地貪佢夠索汁，可以扯乾花膠雞湯。上檯時

去哩間野預左受得氣先好去點名投訴有個女侍應做錯野倒瀉野希望妳睇到仲串我朋友唔洗咁大反應（唔係笑笑口 個樣勁串咁講）差d想嘈佢諗住忍唔住要上哩唱衰佢 不過睇到評論都見到好多人都知間野d人態度有幾好食完都無胃口消化！

昨天，朋友話帶我們去一間很有特色的火鍋店，這是她近期最愛的一間餐廳--鮮入圍煮，她已經預先訂了位，她說這間很多人去，尤其是這幾天天氣特別凍了，所以要預早訂位，否則就會滿座。到達這間火鍋店後，我是覺得有點意外的。這裏真的有點像現成的街市或魚市場，一邊是專賣海鮮的, 讓我們可以自己落手落腳去揀，即上水即食，非常新鮮呢！這有點像日本的魚市場！另外，牆身還有像以前九龍皇帝寫的字，還有以前的宣傳單張，很有老香港的風味呢！今次是我第一次來，所以今次都叫咗好多唔同嘅食物，希望試吓唔同嘅味道。我們叫了一個花膠雞湯底，也叫了牛肉，粟米，響鈴，豆苗，烏冬等等......這裏的價錢也很合理，所以我們不知不覺叫了很多。幸好，店員提一提我們擔心我們吃不完。濃厚原隻雞煲花膠湯 $238很快地，店員就搬出那個花膠煲雞湯湯底。陣陣雞湯的香味傳到入我們的鼻，這個花膠煲雞湯湯底非常香，還有一層雞油浮上面。而且煲內還有一隻完整的雞及花膠，非常足料。再者，湯底非常深色，就知道是煲得很夠火喉。我們每人也喝了一碗雞湯，非常鮮甜。我以為煲雞湯嘅雞肉會比較老，原來雞肉仍然保持鮮嫩。初時會以為他們會幫我們的湯底加水，原來他們會加雞湯的

今日約左幾個姊妹去旺角行街，諗住一齊食埋晚飯。醒起有次係朋友既facebook見到有間打邊爐好正，係用花膠湯底既，即刻search下。原來就係登打士街，叫做鮮入圍煮。為左驚要等位，所以我地決定早d食晚飯，可以慢慢坐傾吓計食下嘢咁。原來就係喺登打士街廣場，好彩下面都有個廣告牌，等我地唔洗周圍搵。原來個度附近都有好多嘢食，下次可以試吓其他嘢。嗰度嘅環境好有特色，真係好似一個街市，可以即買即食咁。佢有一邊係有幾個魚缸賣海鮮，可以即揀即食，夠晒新鮮！仲有埋價錢，真係好似一個小型嘅街市。好彩我哋早左到，所以入面唔係有咁多食客，可以靜靜地慢慢食。首先梗係要叫個花膠煲原隻雞湯底，始終我哋係為咗呢個雞湯而嚟既。我哋得四個人，所以叫咗個細size嘅，一送到上嚟，就有一陣陣既雞香味。鮮黃色嘅雞湯，個湯面頭仲有一層好香嘅雞油，真係有一隻雞係裏面仲有剪細左既花膠。因為我實在太肚餓，所以飲左碗雞湯，味道好濃郁，雞味好重，仲有d膠質，好似食咗好多骨膠原落肚咁。花膠煲得好煙韌又夠曬滑調味料方面都有好多選擇：有蔥、炸蒜、生蒜、辣椒同豉油。另外我哋仲叫咗啲芝心丸、牛丸、烏冬、同菜嚟打邊爐。芝心丸，一啖咬入去，d芝士流曬

凍冰冰又係烚烚下嘅好時機。街市格局。海鮮檔揀海鮮。👀真d應該無黎錯。朋友話呢度個雞煲花膠湯底好出色。一直❤️癢癢想食好耐。終於同媽媽一試。夜晚8點幾。呢度坐滿人。大排檔格局。另有一番風味。呢度湯底有15款。選擇真係好鬼多。濃厚原隻🐔煲花膠湯～（細）黃金金嘅湯。雞有半隻。d🐔唔鞋口。🐔肉煲到溶曬。個湯底好鮮甜。花膠大大塊。份量又夠多。好滋潤好滿足。我同媽媽每人飲咗4碗。之後店員唔係加清湯。係會refill 🐔湯。容許我倆大叫一聲「呆E思」order字有4張～名碼實價。份量足。用料新鮮手切安格斯牛肉～牛肉紅噹噹。夠新鮮。烚10秒就食得。牛肉烚耐咗都唔會Un 。牛肉依然軟滑無比。脆肉鯇魚腩～新鮮。肉質鮮甜。脆卜卜。份量都好多。抵食。新鮮淮山～好爽囗。👧🏻真❤️推介「鮮入圍煮」係一個烚烚下嘅好地方。

聞名已久，經常見到朋友check in 呢間火鍋店，搞到心思思想食，試過平日6點幾walk in 都無枱，個個都話要預早預約，搞到我今晚餐火鍋11月頭已經預訂枱，打左3日電話終於book到，服務員仲提示要預訂花膠湯底，咁難book緊係食好D啦一個湯底要$320其實係有點貴。當期待巳久花膠湯來時，發現原來係原隻鷄上，花膠又好足料，當即係先飲碗湯試味，好濃鷄湯加上大大件花膠真心感受呢$320好掋（掂），忍晤住口飲左兩碗。為飲個湯底咁早book都值得。我們點了牛肉$188，豬肉眼根$68、鱔片$99等質素不錯。不過雲吞太大粒、蝦滑和墨魚滑不夠膠失色點，其他食物尚可。所以建議再來都係叫新鮮食材好啦。

天氣開始寒冷，打邊爐餐廳就開始人山人海。今天找來了各方朋友推介的鮮入圍煮，為的是要品嚐雞燉花膠湯!!原只雞燉花膠湯 $238 (Kim 子推介指數 9/10)單看價錢，湯底一點都不便宜。但當你看見湯濃 (一大煲)，雞肥 (半隻滑雞) 而且花膠十分多 (一大堆)，你會立時覺得物有所值。侍應會把你的滑雞剪成細份，將湯煮滾，你可以先行飲用雞湯，每人可以飲超過6碗。雞湯顏色呈黃色，已經知道湯底極其濃郁! 湯底用上原隻雞和多不勝數的花膠，難怪如此鮮甜，而且帶點滑稠，骨膠原豐富。花膠則建議多煮一會才吃。享用完，侍應會為你免費加添一次雞湯，喜歡的話可以到「街市」海鮮檔選海鮮，大量海鮮亦不容錯過，肥美的蠔、大隻花竹蝦、貝類、龍蝦、脆肉鯇魚腩...油麥菜 $32 (Kim 子推介指數 8/10)油麥菜經過雞湯煮過，更為鮮甜!西班牙豬腩肉 $58 (Kim 子推介指數 8/10)西班牙豬腩肉切得薄薄的，肥美豬腩肉只需要烚一烚就可以吃了!