鮨玥 (已結業)

探完朋友同佢落樓下食飯，佢話呢間日本野唔錯，梗係要信街坊口碑啦，鋪面細細，但好有小店居酒屋感覺。Menu 有好多刺身丼同定食選擇。暫時未肚餓，叫住野飲傾下計食下小食先，玉林蘋果汁，香甜可口。枝豆好大兜，而且size 好大粒，好厚肉好香甜，略加一點鹽去焗熱已經好好食。燒鱈魚干原來係好脆嘅，咸咸香香好滋味，食一條之後就會停唔到口，必食推介。明太子雞翼，香口野，塞入滿滿餡料，水準如預期。北海道海膽半板，$198, 原來會連埋飯手團同紫菜，好鮮甜，一d 都唔腥，滿滿一山嘅海膽，非常滿足。食完前菜入正題，我叫左個壽司set, 跟沙律，味噌湯，同2隻吉列蠔。壽司size 不少，滿滿魚脂光澤，有toro, 油甘魚，左口魚邊，赤貝，大蝦，帆立貝，鯛魚，同加拿大海膽，一次滿足我多重願望好warm 好舒服嘅日式小店，值得街坊一直支持。

感覺Li間嘢好唔老實、個waiter又好無禮貌...事源琴晚我同個friend去咗Li間食晚飯，我地入到去覺得幾靚、幾乾淨又舒服，咁我地見到有個牌寫住download個app再惠顧滿$600就會送個海鮮杯，我地都已經預先問清楚晒條件、係咪真係有，個waiter就同我地講要點點點就會有，之後我地就叫嘢食啦，本身我地叫嘅嘢唔夠$600，咁我地就叫多幾樣嘢，落完單叫埋total超過$600，咁再問多次係咪咁樣就有得送，都依然話係，之後落完單就竟然話「吖，送嗰個無晒啦，無得送」。我第一個感覺係好唔老實，我落單前問清楚晒，你話有，落單時都係話有，一落完單見超過咗$600明明有得送嘅，竟然會即刻轉呔話賣晒，賣得咁突然嘅？上一秒仲有ga wor，下一秒就無咗？其實唔想送就唔好擺個牌出嚟，就算你一開始話無，我地都無所謂，返而係特登sell人地落完單就即時改口話無咁好唔老實lor！講返食物先，我地叫咗2 set唔同嘅刺身定色同埋另外再叫咗吉列蠔同軟殼蟹手卷。刺身係唔錯，Toro好肥美，不過有d筋，赤身就唔太新鮮，其他刺身都唔錯。吉列蠔ok幾好食，但軟殼蟹手卷炸到過晒龍，食落成口油又好重油益味，唔好味。之

今日落雨天陰陰，唔想行咁遠，就近近地落樓下睇下有乜食，經過見到呢間日本餐廳，就決定食呢間啦！睇到menu 有d定食套餐，我就簡左呢有7件壽司同埋吉列蠔既餐，仲叫左杯蘋果汁！蘋果汁非常鮮甜，問左店家係邊隻牌子，即刻影底左 哈哈！壽司分別有海膽、鮮舤立貝、赤貝、大本鮪魚腩、油甘魚腩、赤海蝦等 海膽質感creamy 又大份，入口鮮甜非常好味，赤貝十分爽口鮮甜，入口口感十足，鮪魚腩油脂多，入口味道豐富！吉列蠔既外層炸得好香脆，係即叫即炸的所以仲熱辣辣，一咬落去蠔炸湧哂出黎 好juicy 😍我仲加$10要多過湯烏冬，烏冬非常彈牙，湯汁清清地但唔會好淡味！甜品我簡左個菠蘿雪葩係用一個細菠蘿🍍黎裝住 打卡一流，雪葩唔會過硬，菠蘿味好濃郁，甜味剛好 好清甜唔行開呢邊都唔知屋企附近有間咁高質既日本餐廳 下次會再黎

黎西灣河搵食一定會諗到太安樓嘅特色美食小食🍗!!! 今晚朋友帶我去認識西灣河chill嘅一面🍻~鮨玥位置西灣河蘇豪東，近海旁的位置，由地鐵站行去，不太遠的。有不同的定食套餐，價錢唔太貴，而且選擇好多呢!!!!海鮮丼定食賣相好得喎!!!!料理長推出嘅海膽超吸引呀!!! 同朋友決左定要叫大家都愛嘅海膽!!!點了北海道海膽刺身，份量唔少喎!!!! 海膽入口好甘香，而且味道濃郁冇異味，好新鮮呢!!!! 原來叫刺身會跟飯團仔，可以自己Diy，先單食刺身，之後自製海膽軍艦!!!! 超正呀!!!!北海海鮮丼賣相已經好搶眼!!!!! 海鮮丼的刺身好豐富同澎湃!!! 牡丹蝦好新鮮，彈牙爽口，而且蝦肉非常甜美!!! 拖羅入口魚油超甘香，不能錯過! 鮑魚調味剛好，咸甜咸甜好好味，肉質彈牙，一啲都唔韌，所以刺身水準都非常好，好好味呀!!!!! 炸北海道芝士好少見呢!! 身為芝士迷嘅我，當然要食喇!! 芝士外皮炸到金黃，而且好脆口呢!! 芝士帶有濃郁嘅奶味，不太咸，而且好幼滑呢!!! 好味!!!黎到蘇豪東，點唔可以叫杯啤酒🍻呢，suntory premium malts唔會太濃麥味，冰凍嘅啤酒襯炸芝士，好夾!!

我自己都估唔到會搵食搵到去鰂魚涌，第一次黎呢個地方又幾舒服，海邊吹下風chill下幾爽，雖然有幾間酒吧，不過我揀左日本菜本身想叫OMAKASE，但見佢啲Dinner set好扺又忍唔住，叫左個呑拿魚三味丼，唔同部位的呑拿魚油脂分佈唔同，食感都唔同，一次得到三種享受～另一個係松壽司定食，有8件壽司，師傅發辦的，件件都好新鮮，特別係帶子同海膽，很鮮甜！個set仲要配炸蠔，沙律同麵豉湯，勁豐富！突然好想食日式炸雞所以叫左，外脆內軟，完美鎖住水分，世界上既炸雞我諗我最愛既都係日本果種因為個set無三文魚腩同穴子，就散叫了，哇好柔軟！好好味！

常聽朋友說，西灣河近海邊一帶有很多美食，環境又好。這天決定去西灣河慶祝兩個多月忙碌的工作完成 ^_^所以揀了我愛的日本美食......嘩！好像很高級，唔知貴唔貴呢 ^_<看看門外的餐牌，見到有定食，價錢又合理，於是就入內......店內環境不大，裝修簡約，像日本的小店，很舒服。看完餐牌，我們決定點三款定食 ^_<「松 壽司定食」、「蒲燒鰻魚丼定食」及「燒日本花魚一夜干定食」。定食有田園胡麻沙律及海帶麵豉湯，但壽司定食仲有炸生蠔 壽司鮮甜美味，生蠔啖啖肉 蒲燒鰻魚丼定食，鰻魚肥美肉厚，再配上醬汁，好好味 在北海道食過一夜干後，自此愛上牠，所以點了一夜干定食，如果燒得更香口，就更加美味！難得咁高興，就點了杯「麒麟一番搾 口味生啤 (蘋果味)」。麒麟一番搾 口味生啤 (蘋果味)，沒想到咁大杯，很易入口！雖然點了三個餐，但可以食到我最愛的三款日本美食，價錢又合理，很開心、很滿足 ^_^

早排發現蘇豪東呢個地方，趁住happy friday就約友人嚟happy下。見呢間日本餐廳幾吸引，就去試下。每人叫左杯生啤爽一爽先，夠冰凍好正！叫左幾個定食同小食。薄燒牛舌 - 食日本野必點，不過鍾意厚切牛舌多啲，咬感豐富啲。磯煮鮑魚 - 好有質感，醬汁濃郁但唔會蓋過鮑魚鮮味鮪魚腩丼定食 - 油脂十分豐富的鮪魚腩，好好味。飯的分量唔算多，可以有位食埋餐附送的麵豉湯、沙律同茶碗蒸。茶碗蒸好滑，好香冬菇味。池魚王刺身 - 有特製醬汁，酸酸甜甜的，比起點wasabi更有層次。池魚唔會腥，好食！竹及松壽司定食 - 好正，刺身好新鮮，食每一啖都覺得好幸福。跟餐小食有炸蠔同炸雞，同樣高質，不過炸雞有點乾。刺身定食 - 同樣上盛，最鍾意魚刺身！呢個friday食左上盛的日本菜特別happy!

我同個FD一向好鍾意食日本菜之前見到依間野食賣相唔錯今次同FD就黎試一試餐廳環境好地道靜靜地唔會好嘈最啱同FD一齊傾計西京銀鱈魚醬汁和銀鱈魚好夾，火候燒到恰到好處魚肉嫰滑, 唔會太乾太硬炸軟殼蟹, 夠淋, 脆口明太子雞翼亦好出色啖啖肉有好多明太子好難整, 好考師傅技術特上刺身定食有刺身，麵豉湯，沙津，蒸蛋同烏冬大部份刺身都新鮮特別係呑拿魚入口即融唔油膩帆立貝好厚身甜蝦新鮮,冇腥味另外叫左個松壽司定食有八款握手壽司仲有跟廣島炸蠔丶沙律同麵豉湯八款當中最鍾意海膽壽司海膽份量好多，有鮮甜味口感一流！菠蘿雪葩, 蜜桃雪葩兩款雪葩味道整體酸酸甜甜好開胃，作為甜品一流啤酒好大杯蘋果味啤酒, 有蘋果香易入口今餐好滿意, 一定會再黎下次叫埋其他菜黎試下先~

大食積又出動，今晚嘅目的地係呢間日本餐廳。特上刺身定食，個set有5款刺身，睇個樣就知新鮮，有埋麵豉湯，沙律同茶碗蒸，仲有烏冬，都算抵食。然後再叫多2個壽司set，分別係竹同松。共有16款壽司，見到就胃口大開，件件都好食，唔特別多講。丼飯叫左大本鮪魚腩丼，超級肥美而不油膩，而且好新鮮，好在飯量唔多，可以專心享受舊刺身。刺身得咁少實唔夠，叫多個池魚王就啱哂，唔腥，好食！小食就叫左薄燒牛舌，一黎到已經被我地搶哂黎食。仲有abalone。飲品就有生啤，特別試左柚子梳打同綠茶可樂，相比之下會推介柚子梳打，清清地又唔甜。

有一日我同老公在西灣河嘅海邊行了一陣，浪漫一下，發現咗一間新嘅日本小店開幕，全間店都未有客人，因為時間尚早只係六點幾，都有啲驚價錢係貴架，但係我又唔想食西餐，附近嘅日本小店有好少喎，於是又去試吓啦！好似有包場嘅感覺！當然晏少少就有其他客人嚟啦！店員有禮貌咁招呼左我哋坐係卡位度，環境裝修都十分之簡單，充滿了日本風！一坐低就即刻叫咗杯suntory嘅生啤爽一下，好夠凍又有麥味我叫咗個松壽司定食，$268 ，上菜速度都好快，不過肯定佢係即叫即做嘅，個套餐係包左八件壽司，兩件炸生蠔，沙律以及麵豉湯，其實每件壽司我都好鍾意食，我最鍾意嘅嘢就係拖羅壽司，油脂分布極高，超級肥美，完全冇根，相信廚師用咗唔少嘅心機係刀工上牡丹蝦壽司嘅都好正，好新鮮甜美，不過我老公勁讚就係牡丹蝦壽司側面嗰碟碟魚壽司，佢唔係好鍾意食生野，所以佢食咗呢個用火卓過嘅碟魚壽司，佢話入口即溶嘅感覺好正我對於佢嘅海膽軍艦尤其欣賞，勁多海膽，快我對於佢嘅海膽軍艦尤其欣賞，勁多海膽，紫菜仲係好脆仲有啊炸生蠔好正呀，大大隻，熱辣辣，生蠔好新鮮！另外我叫咗個燒油金魚鮫，好少地方可以食到，不過我覺得油金魚覺比較瘦，唔夠肥美，不過廚房嘅小工好少

蘇豪東少有嘅高檔中價日本菜 😀 同爸媽食佢哋多數都寧願食貴啲但質素好啲嘅餐廳。呢間餐廳嘅魚生飯有平有貴，想要熟食嘅親子丼個啲都有得嗌 😊 試過食兩次，全家一致認同晏晝抵食啲，有得加錢配玉林蘋果汁或者抹茶雪糕。 🤗 餐廳位置係屋苑範圍附近，唔會好多人，食完可以慢慢系海旁散步角切海鮮丼 ❤️ ($118)評分：7.5/10.平啲嘅選擇嗌呢個海鮮丼就啱勒 😁 魚生有本鮪刺身、立魚、三文魚、油甘魚同埋特大赤海蝦。所有材料都新鮮，除咗隻蝦，實在太腥 😓 飯量算系偏少，男仔可能會唔夠飽。呢句最唔得係隻蝦市場刺身定食 ❤️ ($168)評分：8/10.如果係貴精不貴多只係想食靚魚生嘅話都可以揼本少少嗌刺身定食，可以免費加一溫烏冬送刺身。佢哋嘅吞拿魚同油甘魚都好肥美，同日本有8成相似本鮪魚腩蓉海膽丼 ❤️ ($195)評分：6.5/10.其實覺得腩蓉丼嚟講有啲貴，不過有海膽又差唔多。海膽新鮮鮮甜 👍 吞拿魚蓉感覺就唔特別多，普普通通本鮪二味丼 ❤️ ($198)評分：7.5/10.其實論吞拿魚嘅肉質係唔錯嘅，想試下中腩 / 赤身 / 肥瘦少少唔同嘅吞拿魚而又有多啲 budget 都可以揀呢款特本鮪壽司盛合

我最鍾意去食日本嘢，朋友話鯉景灣有間日本餐廳做得唔錯叫我去食，呢個朋友出名嘴饞，所以決定去試吓~入到去感覺好有傳統日本料理嘅格局，簡約乾淨，有壽司高櫈位坐。朋友仔極力叫我食嘅北海海鮮丼set，霸氣嘅size,刺身多到見唔到啲飯，濃味磯煮鮑魚，食落 咀嚼感強，特大牡丹蝦呈半透明好新鮮，吞拿魚腩入口即溶(真係好正)，加拿大海膽鮮味十分，仲好厚身，仲有吞拿魚，油甘魚，吞拿魚碎腩蔥花，池魚，每一款都係非常貴而好味嘅刺身，講緊咁高質素，竟然300蚊都唔洗就食到。另外跟set，日式燉蛋材料有冬菇，蟹柳，日本魚蛋，食落好滑好似食緊蒸滑豆腐咁。正呀啲嘢食都好滿意都攞晒100分，不過就憑呢一個 帶子刺身，分數爆到上120分，簡直可以媲美到我喺日本築地食嘅帶子刺身。爽口成條狀，急凍嘅帶子好難做到呢種質感。最後食返個蘋果雪芭，作為今晚嘅總結。蘋果味香濃而唔太甜，基本上同食真嘅蘋果味道係一樣。呢位嘴饞嘅朋友冇介紹錯，真係值得再去多次。

今日去西灣河文娛中心嗰時，朋友話蘇豪東新開咗間日本料理，就帶咗我去食。入到去見到好幾台日本人，我估連日本人都去嘅間餐廳都唔錯。坐喺壽司枱前面見到師傅握幾握就做到件壽司，我知道去呢啲地方價錢都唔平，不過打開個餐牌睇一個壽司set都係268蚊，仲平過去啲連所店食。打開Menu，都好多嘢食揀，燒物，湯類，丼定食，刺身定食，壽司定食都有，有啲百零蚊就埋到單。叫返個海膽刺身，又肥又厚嘅加拿大海膽，食落好滑口，仲要勁鮮甜。新鮮度都好高，金黃色海膽嘅粒粒都可以睇得好清楚~ 心多多就叫埋個燒白鱔，燒到個皮都變脆，睇到相都知啦，爽口彈牙加埋少少嘅海鹽味。見到師傅咁勁就緊，我就叫個壽司set,set內有入野菜沙律，仲有吉烈炸蠔嘅小食，脆脆嘅皮包住多汁嘅蠔，一咬落水啲蠔味即刻爆到成個口腔都係。蠔味濃同埋好新鮮。壽司set，鮪魚腩， 築地鮮魚，日本帆立貝，油甘魚，特大赤海蝦，赤貝，大海膽等等...特別要提一提個鮪魚腩壽司，厚度啱啱好，溶化嘅吞拿魚加埋日本米嘅煙韌，真係好好味。麵豉湯，清清哋幾好味，飲到淡淡嘅蔥味。食完壽司飲返啖熱湯，好舒服。下次再去西灣河一定要再幫襯!

迎著涼涼海風，又來到鯉景灣蘇豪東，然而這次抵埗已是傍晚時份，四周氛圍與日間截然不同，少了陽光帶來的活力和衝勁，多了幾分寧靜及浪漫。上次到訪也留意到這間日本餐廳，當時開業不久，今晚相約了家住附近的「爽快傻姐兒」，一試新店。吃飽飽後再到碼頭附近散步，也是個不錯的活動。餐廳門面是一片落地玻璃，下半部採用了磨砂設計，只能透過影子猜想室內環境，保障私隱之餘，又能增加神秘感。起初以為店子面積不太，沒想過可容納多張餐桌，如果客滿，相信會很熱鬧。裝修方面，簡潔明亮，以木系色調為主，五光十色的酒瓶和招財貓擺設，成為了最好的裝飾。就如其他日本餐廳一樣，店子供應的食物有刺身、壽司、軍艦、手卷、燒物、揚物、食事、盛盒、吸物和甜品，定價合理。其中不少菜式以吞拿魚入饌，想必是這裏的名物。另外還有一個彩色餐牌，羅列出各式各樣的定食，選擇眾多。兩款卷物首先出場，配合藍白色碟子，滿有日式風情。芝士炸蝦卷($35)每客三件，脆脆炸蝦與綿軟芝士相遇，無論味道及質感均很融和，再加上卜卜蟹籽，挺不錯呢！然而小妹更愛蔥本鮪魚腩卷($60)，成品採用魚腩部位，油花極盛，整個口腔頓時潤澤起來，濃厚的魚香攻陷每個味蕾，教人悠然神往。明

一直覺得西灣河美食嘅地位俾人低估左，其實有好多卧虎藏龍嘅小店，而且近海旁個邊根本直情係蘇豪東，環境好好～～今次HAPPY FRIDAY黎左呢間格局小小，又有D似居酒屋嘅日式餐廳有好多款唔同嘅SET特上刺身定食松壽司定食配餐烏冬，有鮪魚腩同油甘魚腩，果然係特別肥美，海膽個件好新鮮，一D腥臭味都無，仲要有至愛炸蠔，咁GE質素$268覺得都接受到竹壽司定食，個人推介汁燒海鰻壽司同蔥吞拿魚腩壽司，海鰻魚質軟綿味濃，吞拿魚腩就夠哂入口順滑大本鮪魚丼定食，哇呢個真係依家諗返起都覺得好回味，油脂分佈平均，入口即溶～～～薄燒牛舌都唔錯，雖然個人鐘意厚切，但會無左個種爽脆口感茶碗蒸都好足料富士山柚子梳打同綠茶可樂，個包裝好靚，柚子味超清新，好似飲緊真GE一樣，至於綠茶可樂其實綠茶味不濃，但無可樂咁甜，都值得一試磯煮鮑魚刺身，$55一件，師傅已經預先切好左一半，醬汁輕輕帶起鮑魚鮮味薄造刺魚王，呢個真係好出色，連唔鐘意食魚GE朋友都話一D腥味都無，薄切更能感受到香濃魚味係嘴入面環繞全晚都VELY GOOD～～可以搵到個CHILL CHILL地方，D野又好食，真係心情都好D～