影片
更多
2018-12-01
55 瀏覽
探完朋友同佢落樓下食飯，佢話呢間日本野唔錯，梗係要信街坊口碑啦，鋪面細細，但好有小店居酒屋感覺。Menu 有好多刺身丼同定食選擇。暫時未肚餓，叫住野飲傾下計食下小食先，玉林蘋果汁，香甜可口。枝豆好大兜，而且size 好大粒，好厚肉好香甜，略加一點鹽去焗熱已經好好食。燒鱈魚干原來係好脆嘅，咸咸香香好滋味，食一條之後就會停唔到口，必食推介。明太子雞翼，香口野，塞入滿滿餡料，水準如預期。北海道海膽半板，$198, 原來會連埋飯手團同紫菜，好鮮甜，一d 都唔腥，滿滿一山嘅海膽，非常滿足。食完前菜入正題，我叫左個壽司set, 跟沙律，味噌湯，同2隻吉列蠔。壽司size 不少，滿滿魚脂光澤，有toro, 油甘魚，左口魚邊，赤貝，大蝦，帆立貝，鯛魚，同加拿大海膽，一次滿足我多重願望好warm 好舒服嘅日式小店，值得街坊一直支持。
Menu 有好多刺身丼同定食選擇。
暫時未肚餓，叫住野飲傾下計食下小食先，玉林蘋果汁，香甜可口。
枝豆好大兜，而且size 好大粒，好厚肉好香甜，略加一點鹽去焗熱已經好好食。
燒鱈魚干原來係好脆嘅，咸咸香香好滋味，食一條之後就會停唔到口，必食推介。
明太子雞翼，香口野，塞入滿滿餡料，水準如預期。
北海道海膽半板，$198, 原來會連埋飯手團同紫菜，好鮮甜，一d 都唔腥，滿滿一山嘅海膽，非常滿足。
食完前菜入正題，我叫左個壽司set, 跟沙律，味噌湯，同2隻吉列蠔。
壽司size 不少，滿滿魚脂光澤，有toro, 油甘魚，左口魚邊，赤貝，大蝦，帆立貝，鯛魚，同加拿大海膽，一次滿足我多重願望
好warm 好舒服嘅日式小店，值得街坊一直支持。
張貼
