鮨月 (已結業)

接近2019年嘅尾聲，唔知大家有無結算吓今年達成到幾多target，對好多香港人嚟講，仲有好漫長嘅路要走，但記得都要適時獎勵吓自己嘅努力！我同男友就揀咗去灣仔鮨月食個久違嘅omakase，呢到食物質素中上，性價比都算唔錯，封面照揀咗我覺得最好食嘅蟹膏赤蝦壽司😋前菜 縞鰺薄切、鮟鱇魚肝、蟹仔 縞鰺即係深海池魚，係近嚟我好鍾意食嘅一款魚，薄切再點上酸汁更能帶出鮮甜。炸咗嘅蟹仔配上鮟鱇魚肝，一剛一柔，鮟鱇魚肝口感綿滑細膩，令人難忘。厚岸蠔 肥美鮮甜，配上海葡萄同埋檸檬汁，肥而不膩。刺身粒貝 配上岩鹽同檸檬汁，好新鮮，食落爽口彈牙帶淡淡海水味。赤身、中拖羅 赤身魚味好濃郁，中拖油香重，不過有少少筋，美中不足。壽司赤粒子 第一次食，口感軟稔，配上白梅干提味。花鯛 花鯛又係淡味， 配上柚子胡椒唔會喧賓奪主，刺激到味蕾更能細味花鯛嘅嫩滑。燒系撚鯛 配上浸甜酒嘅海帶，緩和咗燒完之後嘅油膩感，但仍保留到焦香、油香同魚味，正。蟹膏赤蝦 面頭上有海葡萄同埋松葉蟹膏麵豉，估唔到呢款超好食！松葉蟹膏麵豉口感creamy又帶有好重嘅蟹膏香，配落鮮甜赤蝦到好有層次！近魚鮫位大拖羅 呢個入口即溶不得了，不過都係有少

今日我生日男朋友帶咗去灣仔嘅星街食呢一個廚師發辨坐低左一陣師傅就問我地有冇嘢係唔識嘅非常之細心首先就係嚟咗啲刺身真鯛加上黃柚子皮 仲有 安康魚肝黃柚子皮令到真鯛嘅味道昇華而且安康魚肝亦都非常之好食北海道厚岸蠔 上面再配埋 海葡萄個口感真係一流而且呢隻蠔好creamy北海道帶子包住根室海膽呢一個真係超級正紫菜包住輕輕燒過嘅北海道帶子而且再配埋清甜嘅海膽最後嘅刺身仲有赤身同埋中拖羅中拖羅有少少根 但係都入口即溶超級正冰頭漬 清一清味蕾赤粒子 個肉非常之有口感有清清嘅魚味花鯛上面配埋柚子胡椒提升咗花鯛嘅鮮味系撚鯛 個名好搞笑係粗口嚟嘅師傅喺上面輕輕燒過 令到個油脂更加香赤蝦配蟹羔麵豉加上海葡萄真係口感一流大拖羅呢個勁正啦 真係入口即溶 超級圓滿食完壽司就到啲和食啦煙肉車厘茄燒過嘅車厘茄非常之甜 而且一咬落去就爆汁鮑魚未食過咁新鮮嘅鮑魚 佢係有個種海水味蝦天婦羅同埋白子天婦羅我自己就食唔慣白子軟骨餃子好好食 每咬一啖都有啲軟骨梅嘅蕎麥面 非常之有口感有淡淡梅嘅清香最後仲有一個甜品就結束左呢一個美好嘅晚餐

記得差不多一年前又係黎呢度食飯景物依舊，但人面全非了你還好嗎？特登再黎幫襯呢度嘅Omakase鐘意呢度夠靜，唔止店鋪靜連街道也靜食物依然無令我地失望選最當造嘅食材自然鮮甜無比尤其記得厚岸蠔，粒貝刺身鮮甜爽口配上廚師鮮磨嘅芥末食味又多一個層次魴鮄魚同蟹膏赤蝦齒脥留香大拖羅，油脂豐腴魚油滿口，良久不散熟食都相當出色天扶羅在紙上無多餘油分香脆可口酒煮蜆嘅酒香香濃撲鼻蜆肉甚是鮮甜連野菜烏冬都做得清爽不膩果然值得我一再回頭

廚師發辦👨‍🍳嘅流行，除咗不時不食之外，冇餐單料理好多時會帶給你一份驚喜，最正就係唔使諗，好喜歡月街嘅，係初冬嘅時分，悠閑嘅街角勁有東洋🇯🇵味道，嚟呢度食一個廚師發板，就係我假期嘅好節目啦😘坐在吧枱前，年青廚師即時製作了這道薄切刺身，魚塊上面輕樸了清新的柚子粉，晶凝通透嘅刺身新鮮無比，爽口清甜，根本無須醮點汁料已經非常美味了👍👍👍海膽冰涼creamy , 濃濃甘香配合清淡嘅豆腐，完全是味覺嘅享受👏👏👏來自北海道嘅生蠔，只是略加檸檬汁，天然嘅海水味加倍提鮮，蠔肉肥美腍滑，還有這個即開粒貝，爽脆鮮甜，口感不同，味道同様出色😋😋😋一口吞拿魚 、中拖羅刺身，厚切方塊，有𡁻頭之餘，鮮嫩肉質更Q彈，上品⭐️⭐️⭐️⭐️⭐️眼見廚師攞出酸姜、漬物，就知道係壽司🍣時間，每上一件壽司，師父都會介紹魚生的名稱，日名漢字一瞬間我就忘記了、只知件件新鮮件件正，除了食材質優，心思手藝亦非凡🥢🍣。每件壽司都預置了調味醬汁，師父更加按魚生味道配搭合度嘅點綴，醃漬梅子、胡椒汁、甜酒海苔，畫龍點睛，好味指數🍣馬上提升🔆起正👑👑👑吃過冷盤和壽司、有熱暖暖串燒填補，心靈特別滿足💕，煙肉小紅茄🍡鹹香爆汁🍅，BBQ魚串香味撲鼻，緊接下來

灣仔月街漸漸發展成擁有自己特式的代表街道，吸引不少遊客慕名而來，這𥚃有不同食肆或店舖，值得過來逛逛🤗鮨魚·日本料理，在這𥚃亦打出名堂，每日有不同海產從日本🇯🇵直送，食材新鮮有保証👍🏻今晚訂定位過嚟慶祝周年紀念，嘆最期待的Omakase 廚師👨🏻‍🍳發版，坐在高身紅色坐椅，倚著吧枱看著廚師製作食物，一樂也🥰首先上陣的是活魚刺身，因應不同時令季節，選取最新鮮活魚，以巧奪天工的技巧，一片片鋪放在面前，晶瑩剔透，鮮甜味美，食的時候加上少許四季紅，提升至更高層次，滿分享受💯跟著送上的是「粒貝」，是貝類的極品，旁邊是生磨新鮮山葵，粒貝入口冰凍鮮甜，爽口又不會韌，個人覺得原味已經無可挑剔，根本不用加任何調味，只加上少許岩鹽👍🏻厚岸蠔🦪，是日本國內唯一一整年都可出貨的生蠔名產地。它肉質肥厚，甘甜香醇，而且肥大多汁，味道鮮美，配上檸檬汁，海葡萄，大大滿足😍剌身，吞拿·中拖羅，拖羅是魚腩部位，於魚腩中後部分為中拖羅，油分適中而無筋，入口即溶而魚味濃郁，最佳的品嘗方法就是做成刺身，亦是刺身中的極品🥰到壽司部份，廚師特別介紹會由淡至濃味逐一進食，而且已經調好最佳品嚐味道，基本上不需沾上任何醬汁，分別為曹耳梅子

今日同朋友特登嚟月街食omakase，之前行過都只係知道有星街，點知再行入一條街就叫月街，好有詩意，而餐廳嘅名唔知關唔關事，都叫「鮨月」🌕首先嚟嘅係前菜：我哋二人份量，有縞鰺薄片刺身，旁邊嘅係沢蟹，下面係海膽豆腐，沢蟹係炸過嘅，超級脆，就咁咬嚟食，不過食嘅時候要小心佢啲爪爪會拮到咀 🤭北海道厚岸蠔，上面已經有檸檬汁，口感爽脆粒貝刺身，上面已經灑咗岩鹽，覺得唔夠味可以係刺身上加wasabi再點豉油食，師傅話個wasabi係自家手磨，比平時出面買到嘅冇咁攻鼻拖羅蓉，下面係吞拿魚赤身之後師傅叫我哋食一食薑同冰頭漬，之後就開始食壽司 🍣 冰頭漬其實係三文魚個咀嘅軟骨，用甘醋醃過，甜甜酸酸，質地好似椰果壽司有幾款，有魴鮄、平鯛、蟹膏赤蝦、大拖羅之後到和食，有天婦羅、燒雞肉棒、燒白鱔：最後仲有酒煮蜆、烏冬同甜品！

今日去咗灣仔見到呢一間日本餐廳好似幾好咁所以就去試吓入到去我哋就叫咗個廚師發板頭盤我哋就有真鯛配鮟鱇魚肝 魚肝上邊有一隻炸腳蟹仔炸到好脆連埋下面嘅魚肝食非常特別同埋佢個魚肝一啲都唔腥刺身就有北海道帶子 佢嘅帶子非常之爽口而且佢嘅裙邊用咗灸燒嘅方法令到佢好香仲有北海道豪好大隻呢度你連落檸檬汁嘅力都慳返 因為廚師已經幫你落咗啦 又大又肥美嘅蠔真係令我食完都好難忘的鯛壽司,平鯛, 鰈壽司都好新鮮同埋呢一啲雨喺平時出面嘅餐廳都好少有 所以我食落都覺得好特別 但放心一啲都唔會有魚腥嘅味道赤蝦 魷魚 上邊配左海膽佢嘅海膽係好鮮甜而且差蝦同埋魷魚都係好新鮮 所以兩樣野加埋就更上一層樓大拖羅 佢呢個就唔使講大拖羅 非常肥美但又唔會太油膩嘅感覺 食完佢嘅回甘味仲係個口到遊走緊煮食煙肉串茄 佢嘅蕃茄真係好多汁成串放入個厚度啲茄汁都爆曬出嚟所以大家要小心熱啊炒鮑魚 佢個炒鮑魚做到非常之惹味而且佢鮑魚都好現眼天婦羅 明太子青椒、白子、番薯 其實平時嘅我唔係好鍾意食天婦羅 但係佢嘅天婦羅炸得一啲都唔油膩再配埋佢哋嘅汁就一流 食完一定唔會有一種好肥膩嘅感覺 而且佢哋嘅青椒明太子天婦羅都係我第一次試而我覺得都好特別

自從食過一次omakase之後我已經再返唔到轉頭😂灣仔呢間日式餐廳有omakase食，一千左右既價錢 食物既質素卻係十分唔錯😍師傅提供左好多時令既食材～上每一道菜既時候都有介紹係咩食材、應該點樣食. Service好好～而佢有好多我第一次見既食材所以我都唔算太記得個名🙈第一道前菜係薄切魚生+炸蟹配安康魚肝.然後有生蠔同粒貝前菜好鮮甜，最要係食食材既鮮味然後就到我認為最出色既壽司～😍😍拖羅赤身 + 拖羅蓉🥰我最愛既野～～味道恰當，保持水準並唔算太驚喜～壽司方面有”彷彿”、Kamagi、海膽赤蝦、大拖羅～頭三款魚我都係第一次聽😂雖然唔知係咩，但味道真係好好！好鮮甜！佢每一款壽司嘅配搭都睇得出廚師好認真，因為每款壽司嘅口感都好豐富👍🏻👍🏻👍🏻一層軟一層爽，又或者辛辣口感等等。相信呢個就係佢既selling point最後熟食有一夜干、天婦羅、雞棒、酒煮蜆同烏冬。真係好飽好抵食。而我係第一次食一夜干既🙈🙈味道好特別！值得一試最後我地都有叫到清酒，係呢到既House sake~ 味道比較辛口，但都好易入口，同呢餐好襯

雖然呢間餐廳個位置比較入，但都有唔少人黎食喎，就一於試下啦🤪🤪原來呢到係食omakase，每日都有新鮮既日本食材運到，而師傳就會就住食材而煮當晚既晚餐，所以保證樣樣野食都係新鮮😋😋頭盤有幾款刺身，真鯛刺身、粒貝刺身同吞拿魚沙律。刺身當然唔洗講，十分新鮮啦！🥰除左新鮮之外，仲十分鮮甜👍🏻👍🏻食完刺身就到壽司喇🤪壽司有幾款都係比較少見既，例如有曹以、青羽太等等都係普通壽司鋪比較少見到既🤩跟住到熱食料理既部分，款式都幾多喎🤩有清酒煮蜆、炒鮑魚、燒白鱔、天婦羅🍤。白鱔燒得超出色，鱔肉唔腥，食得出魚既鮮甜味，魚皮燒到脆卜卜，超好食👍🏻👍🏻最後加埋日本🇯🇵既甜品作為今餐晚餐既結尾，十分滿足🥰🥰

香港歷來是一個不缺美食的地界，所以在這裡開一家餐館可謂困難重重。這座城市人均所擁有的餐館數量是全球最多的，不管餐廳負責人或者大廚們擁有多少過人的本事，也要卯足了功夫在市場上進行一番激烈的廝殺...廝殺後都係靠本事突圍而出，嚴選最優質及最時令的食材來製作的套餐亦都係我好欣賞既一間餐廳【鮨月】。位置係🌟「日、月、星街」搵食集散地既入口，招牌唔大但門口好闊，非常易發現【鮨月】既存在。【鮨月】有名的，廚師發辦壽司（Omakase），指由廚師嚴選最優質及最時令的食材來製作的套餐，可以品味日本料理的「最高境界」，亦試得出廚師的真功夫。既然是招牌菜，日廚都會用盡渾身解數去做，無論食物質素及賣相都會做到最好，亦因此價格昂貴，動輒上千元！入面記有特別以吧枱座位設計，讓食客可以一邊品嚐壽司，一邊欣賞廚師手藝。還有外面坐得同樣舒服既位置。店內9成食材來自日本，無論壽司、煮物都落足料，今晚既發辦真係好期待呀。🔹薄切白鯛鯛魚，最先想到的會是盛產於春天，但其實秋天亦是牠的當造期，鯛魚是白身魚肉，薄切後肉質更是白裡透紅，肉質肥美鮮嫩及柔軟有彈性。面層有黃皮柚子粉，即時令到感覺清新了很多還加配了一小客白蝦，師傅提點我

今晚靚靚表姐帶我來這間日式餐廳食飯今次我地由廚師發辦真鯛刺身柚子粉配鮟康魚肝 - 魚味濃郁，一點腥味都無，配埋面頭柚子粉，食落十分清新鮟康魚肝係第一次食魚味都幾濃，配埋秘製醬汁，酸酸地可以平衡返啲魚味還有原隻炸蟹仔，可以全隻食架，超特別北海道厚岸蠔 - 生蠔好肥美食落鮮甜唔腥海水味不太重，以淡淡蠔味為主，超想食多幾隻呀粒貝刺身配岩鹽 - 刺身非常新鮮，粒貝食落好爽口，而且十分鮮甜，好食吞拿魚沙律配吞拿魚赤身 - 最後一道前菜係吞拿魚，吞拿魚配埋醬汁酸酸甜甜，好開胃跟住有幾款壽司：曹以、青羽太配柚子胡椒、系撚鯛、海膽配赤蝦、大拖羅。這些魚都不是成日可以在壽司鋪食到呀坐在吧台的好處是可以睇到師傅整壽司，感覺超新鮮師傳上每款壽司都有專業的解釋呢抵讚這麼多款壽司，本人覺得最好食最鮮甜的是大拖羅，超肥美，必食！燒白鱔 - 燒白鱔又係必食！白鱔超肥美燒完之後，魚油散發出陣陣油甘香炒鮑魚 - 炒鮑魚如果過老過熟就會好難咬，但廚師掌握火喉掌握得剛剛好，熟得來－點也不老醬汁調味都剛剛好，不會太咸，又帶得出鮑魚鮮甜味，正今晚我倆食得好滿足，多謝表姐的好介紹，哈要注意是菜式會根據當日食材來決定的。

位於灣仔月街既鮨月可以算係隱世小店今次揀左由廚師發板既omakase😌果然﹗係有驚喜架呢~廚師好親切咁介紹每一道菜既特色唔駛花心思揀之餘每道菜口味由淡至濃大多數即場新鮮製作大大咁增加左味蕾既滿足感👍🏻今次大部份菜式都是以魚🐟為主第一道菜係真鯛刺身 + 炸白蝦刺身係薄切，味道唔濃既真鯛非常合適作為第一道菜，白蝦外脆內軟十分開胃北海道厚岸蠔配海葡萄來自北海道既蠔好肥美口感超級creamy仲好有蠔味秋刀魚刺身配上研磨芥末我還是第一次食秋刀魚刺身魚肉鮮嫩紅潤...食落絕對有日本嘅風味中拖羅 + 拖羅蓉 上面係加左千枚漬既拖羅蓉下面係相當厚身既中拖羅兩樣一啖放入口味道好有層次魚本身都好生鮮師傅準備咗一些魚的小食配生薑給我清味蕾第一次食這樣的清味蕾！口感非常不錯準備進入壽司環節目張、系撚鯛、海膽赤蝦、大吞拿魚腩全部壽司飯已經配上醬油飯就細細粒但刺身大大塊勁新鮮最喜歡就是海膽赤蝦壽司熟食方面原條雞泡魚、燒鮑魚、酒煮蜆、鱧、松茸飯第一次食原條雞泡魚，魚身好彈牙好香雞泡魚味建議唔駛落調味可以食出魚原來既風味燒鮑魚同酒煮蜆都好入味👍🏻 最後甜品係菠蘿雪糕同紅豆做餡的最中餅這個配搭非常特別全部菜式都好驚喜好

Omakase由廚師發板，食最新鮮最時令最有心機嘅精品，每一口都慢慢享受，食完都想留住餘香，都係一件藝術品薄切白鯛配上柚子皮碎 ＆ 炸原條白蝦刀功嘅展現，清新白鯛為味蕾作開頭，配上香口炸蝦，雖為小蝦卻有鮮味北海道厚岸蠔香滑清甜配上海葡萄多左份口感岩鹽帆立貝+火炙裙邊一款兩味，連芥末都一樣認真處理，更提升食物味道吞拿魚赤身配上拖羅 蔥花 芝麻 千本漬配搭完美，一口滿足，香而細膩，完整赤身配上各種軟爽香配料冰頭漬配薑片首嘗的三文魚嘴軟骨相當有驚喜，用作清清味蕾，酸甜爽口卻令人上癮眼仁奈配上胡椒 柚子 醬油無法與日常壽司媲美，連每一粒飯沾上醬油，柚子胡椒微辣減底油膩感金目鯛配白乾梅 酸 配味提鮮，肉感味道不在話下，連鯛皮亦有不同口感黑鯥配甜酒海帶好細緻，連少少配料都細嫩處理，難怪黑鯥味道更突出筋子配赤蝦三文魚子一直係我至愛，第一次食未經處理，連住成塊衣，配上自家調配醬油同酒，甘香又飽滿，底配上赤蝦中和甘味而且啖啖肉大拖羅配墨子麵豉食到咁上下其實真係唔只係食壽司咁簡單，將一碗碗心機配搭嘅定食濃縮為一口，呢款就將拖羅做到半熟，墨子麵豉添加多份味道，好足味河豚乾係海邊曬乾，味道唔多較硬身，但魚味出

亞女今日又帶我食好西啦，呢間主打omakase，但價錢相宜，用料新鮮前菜~炸白蝦白蝦晶瑩透亮，殼薄而肉質甜美，炸至金黃酥脆，入口鮮香真鯛真鯛薄切，肉質鮮甜富彈性，味道清淡優雅，灑上黃柚子皮粉末提升味道，可蘸點酸醋汁或配搭微辛的四季紅葉同食又是另一番味道北海道厚岸蠔厚岸蠔有「大海之乳」的美譽，肉質肥厚，甘甜香醇，略加點檸檬汁已很鮮味，配搭口感似蟹籽的海葡萄，多了一份爽脆感粒貝粒貝肉身肥厚，味道鮮爽帶甜，簡單灑上岩鹽及配搭即磨山葵已經好味吞拿魚赤身/拖羅蓉赤身色澤鮮紅，肉質緊實有咬口，配搭已加蔥花，芝麻，漬蘿蔔，調味料撈勻的拖羅蓉，口感層次豐富冰頭漬冰頭即三文魚嘴的軟骨，用甘草醃過，微酸帶甜，口感爽脆軟韌壽司目張(上左)，味道清甜，肉質鮮美，配以白乾梅提升鮮味系撚鯛(上右)又名金線魚，同香港嘅紅衫魚同科，味道比較鮮甜，肉質結實有彈性，配搭甜酒煮的紫菜味道很夾海膽赤蝦(中)，赤蝦帶赤紅色，蝦肉呈現半透明，味道較為清淡，配埋北海道海膽及海葡萄，味道配搭得宜姬鯛(下左)，肉質清爽，配搭柚子胡椒，味道即時提升大吞拿魚腩(下右)，採用近較位比較肥啲部位，油花均勻細緻，油脂豐腴，入口融化燒物河豚一夜干