鮨月 (已結業)

朋友生日我就問佢想食咩，佢就答我想去灣仔月街間“鮨月”食Omakase。老實說我是第一次食Omakase 由廚師發辦真心好期待，為了朋友生日佢又咁有興致，凡事都有第一次。“鮨月”在灣仔啱啱新開業冇耐，所有海鮮都每日新鮮空運到港，餐廳裡貼滿清酒的包裝紙，我猜餐廳老板應該是愛清酒之人。究竟用廚師發辦程序又會係點呢?原來會從前菜，到後面的魚生、壽司、燒物、炸物到冷面，慢慢一道一道由廚師安排。前菜是粟米、麵豉粒、以及魚生薄切幼油甘- 粟米鮮甜沒有渣，麵豉香口開胃，幼油甘鮮甜美味。之到岩手蠔及北海道海膽，岩手蠔有 手掌咁大，非常滑溜，海水味不會太濃。北海道海膽非常鮮甜，入口即融，好creamy 。 至於魚生有火焰拖羅及吞拿魚刺身，拖羅超滑，仲有滿滿的魚油在口中爆發。而吞拿魚刺身都好新鮮，肉質爽脆。跟住就到壽司，廚師安排了味道由淡入深，先嚟平鰺、釣鰺、魴鮄、比壳知之後就到海蝦。 每件壽司都很鮮甜美味，好食到停唔到囉～最後是熟食第一道是煙肉番茄，煙燒得好香，不會太油膩。第二道，燒銀杏，平時不太喜歡，食落又ok喎，而且唔會燒到太乾。第三道，天婦羅，炸到一點也不仲香脆可口味。後面的福岡金星豚，炸漿不會太

有日好朋友相約我出來她公司附近灣仔飯聚, 經過發現新開的日本餐廳~鮨月, 就決定依間食晚飯。 店裝潢簡約,具有日本風情。* 在大門玻璃大窗貼上當日時令食物。*我地選食omakase $800/位* 我地坐bar枱,可睇到師傅製作食物,又可以同師傅傾計交流。首先來杯,【自家制梅酒】$80/2杯 , 好重梅味, 十分好飲。**前菜【福岡粟米】 這是生粟米, 入口脆口清甜。*【七味魚翅干】 這魚翅干係送酒的恩物,濃味得來有嚼勁, 有魚香味,可沾點沙律醬更加美味。** 刺生 【眼仁奈】 切得好簿身的眼仁奈 ,肉質爽口帶嚼勁,可沾點酸汁,可完全把魚的甜味道提鮮出來,令人一嚐難忘。 汁煮螺入口爽軟帶甜, 十分入味可口。*【厚岸蠔】 厚岸蠔來自北海道, 肉質柔潤肥美,已淋上醋汁海草,入口有濃濃香甜蠔香。* 【油甘魚腩】 油甘魚腩口感厚實滑嫩,帶細緻甘甜,入口肥而不膩,勁有魚油厚重感。 *經油炸的白蝦輕輕咬下,酥脆口感,鹹中輕甜。*【赤身】吞拿魚肉質肥美軟滑,有濃濃魚香的滋味。** 壽司 【羽太壽司】 羽太壽司,魚肉爽口緊緻,有濃濃魚脂香味。*【赤蝦壽司】 赤蝦壽司,入口鮮甜彈牙配上蟹羔,口感

這天晚上跟好友去了灣仔新開業沒多久的日本餐廳晚飯，看到餐牌上的廚師發辦 (Omakase)，想都沒想就點了！從前菜，到後面的魚生、壽司、燒物、炸物到壓軸的冷面，真的樣樣精緻，款款新鮮啊！首先登場的是前菜粟米、麵豉粒、以及魚生薄切幼油甘——粟米鮮甜，麵豉開胃，幼油甘鮮味。接著上場的岩手蠔和北海道海膽，更是顛覆了我對這兩種海鮮以往的印象。岩手蠔 size 大如手掌，非常滑溜，海水味不會太濃，完全無渣；而北海道海膽非常鮮甜，質感簡直猶如雪糕一樣，感覺入口即融，連我不是海膽迷都忍不住多吃兩口 。 至於緊接登場的魚生，最讓我印象深刻的是師傅略略炙燒過的拖羅！入口後拖羅的那股香味和魚油，一直留在口腔內久久不散去，讓我真真正正體驗到何謂齒頰留香！排在魚生後面的就是壽司，從淡味的魚一直吃到後尾濃味的。這夜吃過的魚有平鰺、釣鰺、魴鮄、比壳知、以及拖羅。個人最喜歡魴鮄，配上柚子辣汁，非常清新過癮。而比壳知也讓人印象難忘，魚味香濃配上清新的香蔥，剛好取得平衡。最後是熟食——第一道，煙肉番茄，聽上去好像很油膩，但入口卻讓人一點罪疚感都沒有，絕對是番茄的功勞。第二道，燒銀杏，不用多講就是好吃！第三道，天婦羅，其

有朋友係外國番左黎香港探我，梗係帶佢去食好野，正當諗緊帶佢食咩，就諗起朋友介紹過灣仔星街開左間不錯既日本野，所以決定去試試，佢地仲要有好抵食既 Omakase,每人$800 就食到新鮮運既日本刺身同壽司 一坐底，首先就黎左個前菜先，清清地既熊本蕃茄 ,佢浸左小小醋同芝麻粒，味道小小酸，好開胃，食到蕃茄既鮮甜，日本蕃茄果然係唔同。之後就上刺身啦，赤羽太即係鯖魚既刺身，師傅切得好薄，所以食落爽口彈牙又唔難咬開，其實鯖魚刺身我第一次食，大多數都係熟既，佢既味道好易接受，配埋個酸酸地既汁，真係食鮪魚既另一番享受。之後就係原隻北海道根室海膽，我同朋友見到都即刻心心眼，因為我地兩個都係海膽超級粉絲。根室既海膽質感好軟滑，海膽味中有陣陣既海水味，味道都好濃郁，我地兩個食完都舉哂母指。最後兩款刺身係赤身同燒中拖羅。拖羅食落肥美同脂肪比例算多。之後再食赤身刺身，即係吞拿魚赤，佢脂肪比例相對就比較瘦，不過就可以中和返個油膩感，一絕，刺身既質素唔錯，好新鮮，朋友果然無介紹錯。到秘汁煮螺上場，好似係響螺肉咁，非常爽脆彈牙，仲有d 酒味，再配小小酸味既配料，食到佢既鮮味。之後就到壽司環節啦，總共食左4款壽司。師

在灣仔日月星街小區的巷弄中有一間新開的鮨店，大概因為坐落於月街，所以店名很巧妙地取為鮨月，蠻浪漫呢。店子裝潢很有時尚的氛圍，兩周都有敞大的玻璃窗感覺開揚。我們預先訂座來吃 Omakase，安排了吧枱位置可以近距離欣賞師傅的手藝，店內亦設有一般席位。首先先附上開胃的前菜沙律，酸酸甜甜的清新爽脆緊接就是幼油甘魚刺身配福岡粟米，刺身有薄切和厚切，薄切幼油甘魚刺身味道鮮爽，厚切的腩位則充滿魚脂味，加點酸汁來吃更可帶岀魚的清香。粟米水份甜度都很高，生吃也非常多汁鮮甜這客是深海池魚刺身，肉質細緻赤身色澤晶透，口味肥腴鮮甜然後就是新鮮又大隻的生蠔，上面放了一點海葡萄調味。這隻手掌般大小的厚岸蠔超級肥美，一口氣就吃掉！令人眼前一亮的原隻北海道根室海膽，帶海水 的鹹香，甘甜不澀 來到手握壽司的時間～五貫壽司分別是赤鯛、平鰺、比壳知、大拖羅和蟹膏赤蝦。壽司品質不錯，米飯黏軟不散。我最喜歡的是最濃味的大拖羅和蟹膏赤蝦，前者入口充滿豐盈油香，後者蟹膏的鮮香佈滿整個口腔，和肉質黏口的赤蝦達到最微妙的平衡吃完壽司就到燒物了，這道燒秋葵較少滑潺潺黏黏的口感，健康又好吃哦炸物也很豐富，是熱騰騰還在冒煙的吉列豬排～沒想

For those of you who don't know what Omakase is, it is a type of meal consisting of dishes selected by the chef (WHO is the most important person in the whole restaurant with the most POWER)Anyways, it means your sushi is guaranteed fresh. Japanese chefs are known for not ripping people off and having great pride serving their favorite fish dish. Just Omakase one word can bankrupt me honestly, as HK sushi restaurant is really good but also really pricey. After hearing about the amazing $60 uni (

呢間餐廳除左有omakase之外，喜歡自由選擇既亦可以單點各類不同食品。當晚同男朋友都選擇左omakase, 因為相信好既師傅會比全店最好既我地黑鯛打頭陣既刺身，清爽，油脂較少，味道清淡但帶甘香厚岸蠔好creamy 而且蠔身好厚，味道比平時食既蠔更鮮甜，海水同金屬味相對比較淡，配上鹹鮮嘅海葡萄好正！！粒貝好爽脆、清甜，唔新鮮既貝類好易有腥味，而今晚既粒貝壽司就完全無呢個問題葉血引葉血引係一種罕見矜貴既魚材，估唔到呢度有得食到魚味濃郁，口感彈牙結實，幾好味！魚鮫拖羅完全無筋，入口融化既極品魚油比例高，食完真係滿口油香～吞拿魚卷口感有層次，正常水準但驚喜不大。天婦羅蕃薯有蕃薯、蝦同青椒，天婦羅蝦質素唔錯，釀左微辛明太子既青椒幾好食！野菜烏冬加左大量蔬菜～自家製蕨餅口感一流，甜度拿捏得宜人均一千左右既omakase，質素比我預期中好，特別係刺身同壽司類別，可以一試

今晚同Siubo慶祝生日，緊係要食好野la! 今晚又係食Okmakase呢間絕對係好食又抵食，Higly recommended 位處於灣仔月街，隔離就係星街和日街，位置有些偏僻，但環境清幽，自成一角，予人脫離煩囂，好relax的感覺，我地今晚坐係bar 枱位，又可以一面食一面睇住厨師prepare食物餐廳有廚師發板和散叫，我地揀左Okmakase厨師好細心，我地一坐低已問我地有乜嘢係唔食嘅，我地咁鍾意食嘢緊係無嘢係唔食la,,今晚的menu包括: 前菜，刺身，壽司，燒物，炸物和食，甜品雪魚片~好似食緊薯片咁，蘸埋蛋黃沙律醬好美味薄: 幼油甘，即係油甘魚BB，好鮮嫩厚:油甘魚腩，油份重，鮮甜蓮芋:上面舖左D麥粒和麵豉醬，仲加埋啲黃蘿蔔粒，好爽北海道岩手蠔~ 海水味濃，口感嫩滑，超鮮甜原隻北海道海膽~入口甘香馥郁，清甜，食後口中還有餘韻，美味生磨wasabi前:赤身~肉質較結實，油脂少，魚味濃後:中拖羅~ 油脂豐腴，完全無根，入口即溶冰頭漬~即係三文魚鮫位，第一次食，口感幾特别左上:平鯛~ 肉質厚實，放左D 芥末柚子on top, 辣辣酸酸，好fresh, 好清新右上: 魴紼~ 味道比

日、月、星街一向比人遠離繁囂嘅感覺。只係一條小斜路已經隔開忙碌，圖個清淨! 特別鍾意週末過嚟飲杯咖啡，行吓小店，感受一下不一樣既寧靜香港。今次走到月街一嚐日本料理~食日本菜比較中意坐bar檯，可以睇住壽司師傅整每一件壽司都係一種視覺享受，又可以直接交流~首先出場係花螺，甜甜地既味醂味道，螺肉幼嫩。之後係刺身 赤羽太(アカハタ)，係斑既一種半透明晶瑩剔透嘅薄切，可見師傅嘅刀工，輕輕點上酸汁，肉質細緻鮮甜~伴碟小食：鱈魚脆片香氣撲鼻，超脆口！北海道原隻海膽雖然唔係第一次食原隻海膽，但每次都特別興奮。用鐵匙由海膽邊滑落至底部，都不其然有一陣快感！　即開既海膽味道截然不同，加上今次呢個size又大，肉質更肥美，香甜又不帶苦澀味。一口一瓣，實在滿足！到左sushi time:伊佐木壽司 肉色白裏透紅，味道清爽甜美，入口滑身。師傅特別告知已加左豉油wasabi，覺得唔夠先再加~仲有柚子醋，味道更有層次。不過一般而言，食Omakase 我好少會加點調味，因為相信師傅將食材最好的味道發揮出黎!而呢度用既係即磨新鮮山葵，需要時加少少提鮮一下都唔錯!系撚鯛 見到個名唔好笑，呢種魚同香港既紅衫魚係近親，但味

超鐘意食 omakase，平時會周圍搵鮨店食，今次就黎到鮨月~簡單黎講呢間野絕對值得一試~就講下果到有咩特別好食既野啦~第一道菜，生食既福岡粟米~從未試過生食，但原來未煮過既粟米咬落都唔硬，好爽口同清甜~黎自北海道既厚岸蠔~蠔身非常飽滿之餘仲小左蠔腥味同金屬味，勁鮮甜~聽師傅講呢類蠔值錢超貴~自家制海膽豆腐，非常rich同幼滑既口感，連豆腐都有海膽味架~炸白蝦，好酥脆而且蝦味濃郁，加上小小鹽提味已經好好味~鱈魚西京燒，火喉岩岩好，醬汁表層燒到微焦，甜甜地同有d炭火香，入邊d魚肉仲係好雪白好juicy~呢間omakase 雖然刺身同壽司比例較少（3款刺身同5款壽司），但配上各樣和食之後一樣好滿足~食物質素高，價錢又合理（比其他omakase平），值得推薦~

上星期有個住灣仔既老友約我上佢屋企鑑賞下figure藏品之餘，順便帶我去附近的鮨月食OMAKASE。店舖位處的月街其實唔算特別顯眼，但寧靜的一條內街總係倍添一種閑適又神秘既感覺。每當有客人進店時服務員都非常慇切的細心款待，是晚我地獲安排坐壽司吧位置，可以係最近距離去觀賞師傅製作既每一環節。此時師傅已在工作枱就緒及先諮詢我們對口味的個人要求來預備合適既菜式。起始先為我地端上一道精緻又略帶清新味道既水蛸刺身。所謂水蛸者正正就係水章魚，亦正因其身體水分含量高而得名，再配合柔和既光線底下更覺其晶瑩亮白。初嚐其吸盤部位，入口爽脆之餘更散發出淡淡既海水味。餘下既切片部分，師傅巧妙地搭配黏黏滑滑既水雲，柔軟中帶嚼勁增加鮮味。水蛸刺身過後，接著下一道係海水味較濃厚既活帆立貝刺身。經過師傅切割成片後既肉質依然肥厚，啖啖肉有彈性，口感細緻甘美！尤其灸燒過既裙邊，更加係爽口鮮甜， 鮮味突出有層次！　原隻即開既北海道活海膽更是全晚另一焦點所在，細心留意師傅手上的海膽在清洗步驟時，其表層之膽刺頓時支支橕起就可見其新鮮程度。剖殼後的海膽清晰可見其淺黃色膽身之飽滿度，味道亦較清爽鮮甜，肉質豐厚幼滑，可以話係舌尖及視

okay 啦...地點係star street 附近挺方便，價值約$1300一個 set dinner, 價錢同味道合配。女服務員既 service 幾好，殷勤、有禮......味道正常啦。

呢晚同朋友嘆日本餐，仲要係廚師發板，必有好味又刁轉嘅時令美食，啱哂我咀刁之人～頭盤嚟個炸魚皮柚子沙律，魚皮脆卜卜，沙律又清新... 好戲在後頭嘅感覺～水蛸鮮、滑、爽... 牛鰍刺身清、鮮、甜～汁煮螺入味夠霖... Creamy嘅厚岸蠔伴海葡萄🍇兩樣都好重海水鮮味～油甘魚、赤身、中拖羅... 厚切🔪好滿足～😋伊佐木刺身... 咦... 個配菜...呢片貌似面膜嘅冰頭漬，係三文魚咀入面嘅軟骨醃漬嚟... 全晚笑點响呢度～深海池魚、系撚鯛配紅酒紫菜，清清地嘅魚生～海膽赤蝦無得輸，大大片海膽好鮮味，襯埋海葡萄🍇咬落去卜卜聲... 赤蝦刺身好肥美，大啖蝦肉吞落喉嚨，口感豐富～鹿兒島和牛，牛肉刺身清清地，配佢自身嘅牛油膏，燒牛膏，我香牛油味，夾着牛肉刺身混和其中～明太子燒雞翼，釀滿明太子嘅雞翼，辣辣地，口感豐富～仲有天婦羅同燒白鱔同樣出色... 天婦羅外層薄脆、內裏軟糯... 白鱔燒得香脆～紫菜冷麵配Wasabi，冷麵汁自家調好夠味，每啖冷麵都索晒啲汁，𠽌𠽌聲～最後嚟個蕨餅做甜品而家再回想一次，仍然流緊口水～🤤... 好快會再嚟～

呢排食日本野越食越高級，普通既放題、丼飯，已經滿足唔到我地既咀仔同肚仔。我地兩個為食精出左糧就黎左灣仔食Omakase，廚師好細心甘為我地準備時令食材，好緊張呀！師父知我地餓，整個魚皮沙律比我地食住先。好野！有得食，呢個係牛鳅刺身，食落清甜爽口,，好清新既感覺。碟仔係水蛸，即係章魚類，同樣新鮮爽口。汁煮螺，汁醬滲入新鮮蜆螺肉。厚岸蠔，又滑又厚又Creamy又海水味……油甘魚刺身，雖然普通一點，但用上師父既刀切技巧，將油甘魚既口感提升到另一個層次。赤身，魚背位肉質鮮嫩又結實，油脂少，較清淡。中拖羅，魚味重，柔軟既脂肪同肉質係口腔停留......Isaki壽司，粉紅色既白肉魚，口感清淡香甜。冰頭漬，唔好睇小呢個伴菜，係三文魚鼻樑軟骨，非常珍貴，酸甜爽脆，我又追住食。深海池魚壽司同系撚鯛壽司，介花好似魷魚。海膽赤蝦同鹿兒島A4和牛壽司，濃濃既海鮮味同肉味就壓軸出場。燒物就有明太子雞翼，燒白鱔。天婦羅，炸得外脆內熱。冷麵同蕨餅黎個圓滿終結！