影片
更多
2018-09-06
50 瀏覽
有朋友係外國番左黎香港探我，梗係帶佢去食好野，正當諗緊帶佢食咩，就諗起朋友介紹過灣仔星街開左間不錯既日本野，所以決定去試試，佢地仲要有好抵食既 Omakase,每人$800 就食到新鮮運既日本刺身同壽司 一坐底，首先就黎左個前菜先，清清地既熊本蕃茄 ,佢浸左小小醋同芝麻粒，味道小小酸，好開胃，食到蕃茄既鮮甜，日本蕃茄果然係唔同。之後就上刺身啦，赤羽太即係鯖魚既刺身，師傅切得好薄，所以食落爽口彈牙又唔難咬開，其實鯖魚刺身我第一次食，大多數都係熟既，佢既味道好易接受，配埋個酸酸地既汁，真係食鮪魚既另一番享受。之後就係原隻北海道根室海膽，我同朋友見到都即刻心心眼，因為我地兩個都係海膽超級粉絲。根室既海膽質感好軟滑，海膽味中有陣陣既海水味，味道都好濃郁，我地兩個食完都舉哂母指。最後兩款刺身係赤身同燒中拖羅。拖羅食落肥美同脂肪比例算多。之後再食赤身刺身，即係吞拿魚赤，佢脂肪比例相對就比較瘦，不過就可以中和返個油膩感，一絕，刺身既質素唔錯，好新鮮，朋友果然無介紹錯。到秘汁煮螺上場，好似係響螺肉咁，非常爽脆彈牙，仲有d 酒味，再配小小酸味既配料，食到佢既鮮味。之後就到壽司環節啦，總共食左4款壽司。師
一坐底，首先就黎左個前菜先，清清地既熊本蕃茄
,佢浸左小小醋同芝麻粒，味道小小酸，好開胃，食到蕃茄既鮮甜，日本蕃茄果然係唔同。
之後就上刺身啦，赤羽太即係鯖魚既刺身，師傅切得好薄，所以食落爽口彈牙又唔難咬開，其實鯖魚刺身我第一次食，大多數都係熟既，佢既味道好易接受，配埋個酸酸地既汁，真係食鮪魚既另一番享受。
之後就係原隻北海道根室海膽，我同朋友見到都即刻心心眼，因為我地兩個都係海膽超級粉絲。根室既海膽質感好軟滑，海膽味中有陣陣既海水味，味道都好濃郁，我地兩個食完都舉哂母指。
最後兩款刺身係赤身同燒中拖羅。拖羅食落
肥美同脂肪比例算多。之後再食赤身刺身，即係吞拿魚赤，佢脂肪比例相對就比較瘦，不過就可以中和返個油膩感，一絕，刺身既質素唔錯，好新鮮，朋友果然無介紹錯。
到秘汁煮螺上場，好似係響螺肉咁，非常爽脆彈牙，仲有d 酒味，再配小小酸味既配料，食到佢既鮮味。
之後就到壽司環節啦，總共食左4款壽司。
師傅會由淡味到濃味既壽司順序安排比我地，第一款個名好好笑，系撚調，個名可能廣東發音就令人不禁笑了，佢即係日本出生既紅衫魚，味道鮮甜，肉質有點彈性，都係出面比較小食到既壽司來的。
之後師傅準備左份炸白蝦比我地，佢個脆醬調得剛剛好，蝦味保存到又唔會太燶，就算放左一陣都唔會淋。
第二件壽司係釣鰺，脂肪分佈平均 ， 入口感覺好柔軟仲好有鮮甜魚味，真係同出面食到既壽司味道有分別。
第三件係黑鯥，呢件壽司油分比較多，不過又唔太油利，同樣出面都好小食，所以會留係後部分出場，食完味道感覺棒棒的。
第四件係我最喜歡既北海道小津海膽赤蝦壽司，佢係一件壽司有齊赤蝦同新鮮海膽，上面仲有 d 海葡萄，可以增加食緊個時既口感，呢個組合我覺得好夾，又可以帶出海膽既鮮甜。蝦同海膽都好新鮮，值回票價。
第五件係拖羅魚鮫壽司，充滿魚油香味，入口即溶之味道回味無窮，所以係壽司既最係一件，食完令人回味無窮，我地對壽司都好滿意，件件材料新鮮，味道驚喜令人難忘。
之後就係熱食啦，師傅準備左四款熱食同一個湯。
首先就係煙肉蕃茄，呢個組合既清新又好味，蕃茄既清甜剛剛好同煙肉融合，不油不利，係食完拖羅壽司後一個好好既小食。之所以話，出場順序實係好緊要。
之後係蝦天婦羅同燒白鱔，天婦羅炸得好好，粉醬鬆脆，蝦保持到佢既肉汁。而白鱔都燒到外皮脆口，而白鱔既魚肉仍舊肥美。
最後就係明太子烏東，呢個烏東好滑身，裡面有剛剛好既明太子，仲加左d 芝士同泡菜，有小小辣味。味道同麵既質感都係正呀。
最後既晚餐由柚子雪葩結尾，正好解哂我地將多餘既油膩感。今晚同朋友都好開心，食到d 咁特別既刺身同壽司，出面既餐廳一定搵唔番。位置坐得好舒服，侍應又nice 又健談，我同朋友邊食邊傾計，美滿既一餐。
張貼
