鮨月 (已結業)

呢排食日本野越食越高級，普通既放題、丼飯，已經滿足唔到我地既咀仔同肚仔。我地兩個為食精出左糧就黎左灣仔食Omakase，廚師好細心甘為我地準備時令食材，好緊張呀！師父知我地餓，整個魚皮沙律比我地食住先。好野！有得食，呢個係牛鳅刺身，食落清甜爽口,，好清新既感覺。碟仔係水蛸，即係章魚類，同樣新鮮爽口。汁煮螺，汁醬滲入新鮮蜆螺肉。厚岸蠔，又滑又厚又Creamy又海水味……油甘魚刺身，雖然普通一點，但用上師父既刀切技巧，將油甘魚既口感提升到另一個層次。赤身，魚背位肉質鮮嫩又結實，油脂少，較清淡。中拖羅，魚味重，柔軟既脂肪同肉質係口腔停留......Isaki壽司，粉紅色既白肉魚，口感清淡香甜。冰頭漬，唔好睇小呢個伴菜，係三文魚鼻樑軟骨，非常珍貴，酸甜爽脆，我又追住食。深海池魚壽司同系撚鯛壽司，介花好似魷魚。海膽赤蝦同鹿兒島A4和牛壽司，濃濃既海鮮味同肉味就壓軸出場。燒物就有明太子雞翼，燒白鱔。天婦羅，炸得外脆內熱。冷麵同蕨餅黎個圓滿終結！