鮨宏

營業中

休息中

經朋友介紹嚟咗食呢間位於北角嘅隱世 Omakase，小試牛刀試食左lunch $880先，打算好食嘅話下次再嚟食dinner，食完覺得，睇黎有下次了！當中最難忘既有3款！櫻煮八爪魚，好出色，冇食過八爪魚係會嫩腍到化開！一品料理就2款都好正！名古屋燒雞翼，炸得好脆口內多汁，醬汁醃得好香甜入味，食完之後幾日都好掛佳佢！最後就係江戶前玉子燒，超級香蛋味！嫩滑到好似食緊燉蛋咁樣！真係怕食唔番依個口感😂😂。

📍鮨宏(北角)北角渣華道8號威邦商業中心地下13號舖#顧客至上 #服務滿分 一團人包場幫閏蜜慶生 無諗過餐廳肯代收氣球 仲幫手報置埋 唔講以為係五星級酒店🤩🤩食過幾間同類餐廳 其實海鮮種類都係大同小異 但呢間煮法比較多樣化 幾乎生切、燒、炆、煮、炸都有齊🫢唔係全部生冷野 對女士非常友好🤣🤣 賣相唔算精緻 未去到打卡級別 但睇得出有花心思魚生質素ok 食到本身嘅魚味 最中意反而係熱食同炸魚😝個八爪魚勁彈牙勁入味 睇相都見到有幾動L 壽司勁多款 岩哂我呢啲中意食壽司嘅😋 記唔清佢地叫咩名 特別記得個千剁帶子好鮮甜爽口 秋刀魚味好濃 燒過個面所以帶啲鹹香好香口👍🏻 拖羅勁重油份 唔洗咬就自己融咗😋夜晚會有一款特色菜 輪流供應 呢晚嘅係鯛魚松笠燒 望落好似會界口 但擺入口先發現個魚皮好酥脆 一咬就脆 😮好似食緊蛋散咁 魚肉挺身唔散 配埋個明太子沙律醬甜甜地👍🏻👍🏻最開心係個海膽😍😍 用左靚野 而且真係堆到多過啲飯 唔孤寒 好甜好好味 👍🏻👍🏻最後當然要留返個胃食甜品啦👅 本來我地諗住買蛋糕 但打去餐廳問話本身套餐已經有師傅自製嘅芝士蛋糕 試完之後果然名不虛傳 甜而不膩🫶🏻 口感有啲似mou

想同閨蜜慶祝生日但佢夜晚唔得閒，就想同佢食左個lunch omakase😚機緣巧合下搵到依間位於北角既鮨宏😳估唔到咁高質，好有驚喜🙌🏻，每日飛機直送新鮮食材、lunch但dinner既質素而又飽肚、師傅每款食材精心炮製和細心講解，同時顧及每位食客需要又營造到輕鬆氣氛🥹，回頭率高❤️。✨Lunch Omakase $880✨另設加一-🥗前菜芝麻豆腐：係日本傳統食物 ，師傅話用上自家製芝麻，先將芝麻炒香，再炸新鮮豆腐，外皮輕脆有微微咬口，內嫩滑柔軟😍，配上豆腐醬，香甜開胃🥰，第一次試依個口感，唔食豆腐既我都覺得好食！-🥚 茶碗蒸熱辣辣☺️蛋香味濃又滑溜配料有蝦乾,菇,爽彈八爪魚🐙-💕 刺身五品間八魚：薄薄一片,清甜爽口,配柚子酸汁同紫蘇花夾住食,更提鮮味☺️慢煮鮟鱇魚肝：以慢煮方式用昆布熬煮而成,配上芥未後厚滑而不膩😍似冇油膩感既鵝肝活北寄貝：肥美厚實☺️師傅先介尾幾刀再拍打一下,口感爽脆甘甜🥰櫻煮八爪魚：先煮3小時再按摩1小時而成😨完全刷新對八爪魚既印象😱🙌🏻好嫩腍,一咬即化開😍❤️磯煮鮑魚：鮑魚彈牙爽口😚配上濃郁鮑魚肝醬連飯一齊食,好正好滿足😍🥰-💕 壽司黑陸魚：魚身光亮魚皮滑溜,肉質鮮甜深海大

上次同朋友食過覺得好食，今次決定帶屋企人黎試下～呢間廚師發辦同以往食既唔同，成個過程由師傅一手包辦，烹調、控場、介紹應付自如，唔會好似其他店不同部類唔同人負責，食物水準不一。好有自家經營既小店既感覺～連茶杯都好有日式風格。前菜豆腐睇落平平無奇，原來係用枝豆整成，食起黎多左陣獨特豆香。師傅好似雕刻咁，手起刀落就將沙甸魚雕成花瓣狀，部位橫切面顏色環環相間，一深一淺，賣相同味道成正比，沙甸獨有既鮮味非常濃郁，配埋醬油提鮮味道冇得彈。蟹膏蟹肉帶出左兩種唔同口感，肉絲既清爽鮮嫩、以及蟹膏既稠密濃厚，蟹味好出。呢個八爪魚令屋企人讚不絕口，個汁甜甜地，八爪魚好冧軟又入味，一咬仲會爆汁。壽司冇記錯有7-8款，偏大件，女仔食量可能要叫師傅少飯。魚生新鮮，米醋比例剛好，米既清甜同醋酸相互平衡，令魚肉更鮮甜。有幾款印象特別深刻，甜蝦、帶子超甜，秋刀魚、拖羅味道濃鮮，油香好重，軟嫩易化，滿足感滿分。海膽份量完全唔孤寒，多到滿瀉，水分略有不足，但係好甜好軟糯，食完想嗌encore！玉子蛋，睇樣仲以為係蛋糕，師傅話係江戶前特色料理，冇加麵粉淨係用蛋都做到蛋糕既鬆軟感，食落真係軟綿綿，同時又有d鬆化。第一次係廚師發

早前係 "惡人谷" 聽聞東區開咗間優質鮨店 “鮨宏”, 地理位置係北角同埋炮台山地鐵站中間, 遠離主戰場, 唔算 “預約困難店”, 睇埋個名就知係 “臥虎藏龍” 🥰.“鮨宏” 喺商業大廈地下, 對住馬路, 入口隱蔽, 室內隔音OK. 餐廳設一張L型10人吧枱, 午餐 $880+10%, 包茶碗蒸, 麵豉湯, 三款刺身, 四款熟食, 九款壽司, 玉子燒, 兩款甜品. 今日馮師傅一打六.📖 聽講馮師傅以前喺元朗名店 “鮨美澄” 工作, 唔少舊客慕名嚟 “鮨宏” 尋人.🥢 雜錦漬物, 包括薑, 蘿蔔, 牛蒡, 炸菜漬, 公魚甘露煮.🐟 平政魚, 北海道, 配紫蘇葉. 魚味略淡, 配辣蘿蔔蓉加醬油, 整體味道唔錯喎, 我最怕嘅紫蘇葉亦冇搶味.🐚 活北寄貝, 北海道. 爽口, 鮮甜. 近期食過最好食嘅貝類.🐟 野生鰤魚. 即係野生油甘魚, 十月當造, 配四季紅, 小辣, 代替芥末. 鰤魚入口肥美, 滑溜, 緊實.🦑 櫻煮白爪魚. 據聞師傅先幫八爪魚按摩一小時, 再用蘋果, 綠茶葉, 洋蔥等材料煮三小時, 非常腍滑入味, 一流!🐚 磯煮鮑魚. 用上新鮮鮑魚, 煮熟之後存放15日, 入味, 夠腍,

期待已久的廚師發板，晚市盛惠$1800另再加一，價錢介乎中上，但套餐內容相當豐富。從餐前漬物冷盤、到刺身壽司，再來熱餚煮物，另外還包了魚湯和甜點，是讓客人捧腹而回的程度。一次過能試上十多款魚類，師傅將食材的風味發揮得淋漓盡致，每一道也採用不同的製法和調味，取長補短，例如白身魚會配以醋醬油，把本來清淡的魚味勾勒出來。活赤貝是其中一道讓我喜出望外的刺身，對它的原印象是瘦削和口感不佳，也沒什麼味道。這裡卻能隱約吃到一種清甜，加上薄脆爽口的質感，一改我以往對它的壞印象。蟹肉碗也是出色的一道料理，蟹味非常鮮明，蟹膏全是蟹的精華，絲絲蟹肉鬆軟清爽。很多人推薦的糖心鮑魚，能感受到花了不少時間烹調，才能煮出如此入味，甜甜香香，稔軟又彈牙，鮑身帶些許膠質，配上清酒絕了。期待的原板海膽，師傅用脆口的紫菜裹上海膽，脆中帶嫩的口感讓人想一試再試，海膽冰冰涼的，非常鮮甜軟糯。整個用餐體驗非常放鬆愉悅，店員師傅都很友善，氣氛搞得很好，明明在場各不相識的食客到中途也融和一起談笑風生，是間充滿親切感的小店。

平時好少寫食評，但呢晚既用餐體驗真係令我地一家喜出望外。母親大人生日特意帶佢食好D，$1800一個頭另再加一。入座前侍應再同我確認邊位生日，非常貼心，又送左杯柚子酒俾我地，好甜好好飲～套餐包含物好豐富，淨係前段已經有刺身、涼菜、漬物、煮物（蠔、鮑魚），都未去到壽司環節已經飽左六七成。蠔好新鮮，大隻厚肉，加左師傅調製既酸汁同醋啫哩，吊起蠔既鮮味，平時麻麻地蠔既我都忍唔住舉手指公～個鮑魚同以往食過既完全唔同，超冧身，一咬仲識咇汁，煮得夠哂入味，難怪食評咁多人讚。時令既水果粟米，食完濃味食物再當作生果食用，清甜又可以清走口中既餘味。壽司環節～ 師傅好Q，全程同我地有講有笑，帶動氣氛同節奏。為左保持新鮮，師傅會即握、逐一遞俾客，由淡而濃，每款壽司師傅都有加以點綴（調味／添上襯托伴菜），食完腦中得四個字 —— 鮮味十足。最期待既海膽，師傅好大方俾左好多！成座山咁，鮮甜又入口即溶，正。大大隻嘅活龍蝦，我地可以揸住影相打卡，仲比母親大人拎住合照，氹得佢好歡喜😂🤪不過唔post啦😂大家睇龍蝦好d🦞成品係炸得金黃鬆脆，但蝦肉仲係QQ彈既龍蝦脆皮燒 加埋個明太子醬多左份咸香，平衡膩感又提升到味覺層次。臨尾

非常令人惊喜的Omakase! 在香港和女友也吃过不少Omakase，这次是来北角试一家新开的小店。说实话，来之前期待并没有很高，只是女友想吃寿司，但来了以后非常惊喜，调味相对比较清淡的感觉但是也不会没有味道，食材非常新鲜，都是从日本直运，今天的其中一道池鱼王寿司，肉质甘美口感丰富但又不会给人一种腻的感觉，令人印象深刻。店面不大，座位十个左右，如果喜欢环境好的同学可能会觉得略显不足，但是如果对食材和味道更看重的同学，非常建议你们来试一试这家店！

疫情下香港多左好多omakase，但間間食既野都相差無幾，咁岩見呢間條廣告片幾吸引，期間限定喎！過左就冇，緊係把握機會又俾個藉口自己食豪Ｄ！訂座果時專登同店員講要試龍蝦，感覺比較少 omakase會供應。原來晚市限定有三款：火焰螺、脆皮龍蝦同甘鯛，隨機供應，如果有咩想試最好提早講定。餐廳係大廈既右手邊，門面係一度黑牆，唔算起眼。拉開趟門，裝修主要以米黃色同木製品為主，家居風格感覺較親民舒適，位與位之間都幾寬敞。其他客人都好準時，可能因為餐廳講明七點三一齊開始，大家都唔想耽誤用餐。坐低幾分鐘就呈上漬物同頭盤刺身。冇記錯係榮螺？屬於生食級別，幾爽甜。安康魚肝，好冧好smooth，真係好似食緊鵝肝咁！😋店員話係招牌菜式既八爪魚，經過師傅一小時按摩，入口真係唔同Ｄ 吸盤既張力同軟熟既肉質對比好強烈，口感好豐富，唔識講，兩個字好食！🤩燒魚，真係用草烘烤而成，食落魚皮好薄脆，肉扎實但又唔柴，配上紫菜更加香口。鮑魚，先食肉再食醬，鮑魚好厚肉，醬好濃郁，單食會有Ｄ滞，搭配旁邊既米飯剛剛好。大蜆湯，對我呢個唔中意傳統味噌湯既人簡直係福福福福福福音！😍😍平時都係俾朋友飲埋，今次我竟然飲得哂，個湯好清好鮮味

近期突然殺出嘅omakase小店，個人幾BUY呢類「做精唔做廣」嘅餐廳，晚市得一個餐，大家食同一樣野，出品都會更加盡善盡美。餐廳地點唔算就腳，介乎北角同炮台山中間，炮台山地鐵行過去一兩個字左右。喺城市花園酒店斜對面，住北角嘅應該一講就知邊度。成個餐由冷盤至熱餚、由清淡到濃郁，過程中完全唔會俾上一味蓋過或影響下一道菜嘅味道，feel到上菜次序係經過用心思考鋪陳。服務態度良好，斟茶收碟時間拿捏得岩岩好，唔會令顧客感覺被冷落。套餐有廿幾道菜，無逐一影低、太多未能盡錄：-美人水母海蜇嘅爽脆口感，由呢味冰涼爽口又帶微酸嘅開胃前菜開展晚餐非常合適。-海膽杯最記得師傅介紹水雲有排去腸內毒素嘅功效，酸maymay，混和鮮甜嘅赤膽，酸甜交雜，消暑順喉。-生蠔以肉厚取勝而非體型大小，口感肥嫩厚身，酸汁做成啫喱狀，提味去腥之餘又唔會流到周圍都係。-鮟鱇魚肝師傅毫不吝嗇地切咗一大塊，與蔬菜同煮，無肝腥之餘仲非常鮮甜，口感綿滑。-蟹膏蟹肉蟹膏拌勻，鮮味超~濃厚，一啪入口油香傾巢而出，加配少少飯食平衡膩感，食完真心想再添。-糖心鮑睇色水都知花咗好長時間去煮，鮑魚一啲都唔韌，好稔又軟身。-壽司池魚王：魚味較突出，濃

初訪鮨宏平時多數去銅鑼灣、中環、尖沙嘴食omakase比較多聽友人講北角有間新omakase店所以就去探下店🤭無諗到又真係幾好係一間小店，大概10個位左右得一位師傅主打大部份也都係師傅自己準備//個人比較欣賞細節位例如個Tamago個質感乾濕度適中味道⋯⋯⋯⋯⋯⋯⋯⋯⋯⋯⋯⋯⋯⋯我諗左好耐唔識點形容🫣😂總之食得出裡面花左唔少心思師傅都好有耐性講佢呢個蛋係點整//平時個人去食omakase有蠔的話，多數都係生既多比較少食熟既蠔師傅話今日呢隻蠔佢覺得呢個煮法可以更帶出蠔鮮味而不出所料 確實很鮮甜😋//磯煮糖心鮑魚同平時喺外面食到既有少少唔同平時出面多數係一大舊XXL鮑魚切兩片出來但佢呢個係細隻少少但原隻一開二上（反正我食得好爽）鮑魚炆後浸製15日將精華緊緊鎖喺鮑魚裏面，味道鮮甜，入口柔軟得黎帶QQ嘅口感再配上肝醬同少許壽司飯個肝醬味道調得啱啱好甘甜得黎又唔會影響到鮑魚嘅鮮味一入口有難以形容嘅滿足感//甜品有兩款兩款都係自家製一個係自家製橙Jelly🍊非常refreshing😋另一款係自家製豆腐乳芝士蛋糕🍰少甜而不膩（師傅後來送多左一個蜜瓜jelly比我地試，亦都係非常好味同清甜😋）//Co

聽朋友講元朗有位出色經驗豐富嘅師傅，最近去咗北角既一間新開既Omakase. 搭地鐵步行約五分鐘就到了！小舖只有十個座位，全部食材由揀選到處理均由馮師傅一手包辦！日日飛機直送新鮮食材，確保不時不食！由於小店關係，師傅相對可以有較多時間同我地互動，師傅亦非常友善，每度菜都講得好詳細！當晚共有21道菜，前菜：1. 四款漬物全是自家醃製，有紫薑、大蒜、牛蒡和蘿蔔2. 岩手縣真蠔配啫喱汁，爽甜爽口肥美3. 師傅秘制既北海道鮟鱇魚肝，師傅話要細細啖咁去食，好似食雪糕咁，味道好鮮甜幼滑，呢種味道應該係第一次食到！4. 右口魚刺身，魚背配酸汁一齊食，肉質爽甜，群邊位爽得黎帶淡淡既魚油香味！5. 火炙河豚白子配壽司飯真係好難忘，師傅話要將白子輕輕拉開配壽司飯一齊食，白子經過火炙後好幼滑，口感好似食緊意大利飯咁，但果陣白子既鮮味係難以形容！6. 麻葉昆布高湯，主要幫我地清下腸胃，麻葉既作用好似把掃帚咁，將我地腸胃既垃圾掃清，作用同納豆差唔多，納豆未必人人接受到，但呢個唔同，好清甜，連湯都可以飲埋。7. 櫻煮慢煮八爪魚，煮之前一小時要幫八爪魚按摩，要一啖放入口慢慢咀嚼，八爪魚煮得非常軟熟，味道帶甜，又係連

難得去北角一定要食餐好嘅 在北角目前為止心目中NO. 1嘅廚師發辦可以食出馮師傅嘅菜式真係好花心思，唔係「行貨」，每道菜都有特別調味，令整道菜層次更豐富👍🏻套餐花款亦較其他同類餐廳多，唔係僅僅局限壽司。$880 嘅價錢已包幾款刺身、壽司、蒸蛋、湯同甜品。左口魚聽得多，今日試嘅係右口魚🤣師傅介紹兩者分別在於右口肉質會較滑嫩，油份較豐富，入口感受到淡淡甘香，配上微酸醋汁，鮮味更明顯，口感清新。味噌蠔，肥厚飽滿，有爆汁效果，用烤嘅方式減輕海水味，平時麻麻地蠔既我食完都有啲意猶未盡。同行友人最愛既八爪魚，經過師傅按摩，肉質好稔同熟軟，一改我對八爪魚「韌」既壞印象！😝應該係經過好長時間慢煮，好入味，鹹鹹香香。由於我唔食魚肝，師傅貼心咁轉咗做兩件厚切鰹魚😇顏色有光澤，經熟成後魚味鮮明，好食。師傅其中一道招牌：鮑魚肝醬+鮑魚刺身。出面可能有食過鮑魚刺身，呢個肝醬真係呢度先食到，濃郁杰身，撈飯食超惹味。壽司食咗六款，對女仔嚟講呢個刺身同壽司加埋份量岩岩好，平時啲午餐omakase有成十至十二件，真係會滯到唔想食。池魚，經過火灸，啲魚油出哂黎，又香又鮮。帶子，特意切成牡丹花形狀，口感更有層次，亦起到提鮮

經電話預約午市時，問咗餐廳只有一位師傅主理，店內亦得10個壽司吧座位。雖然舖面唔大，但睇得出犧牲左唔少客座去營造空間感，坐落唔會覺得好擠擁👍🏻用餐當日雖然全場爆滿，但師傅一打十、時間都控制得當，完全無擔擱嘅感覺🫢由呢一點可以睇出師傅有返一定年資歷練架👨🏻‍🍳菜式方面，不同於其他鮨店可選擇壽司set或廚師發辦，呢度只有一款套餐 ($880 +10%)🥢平政魚刺身魚味較淡，師傅用咗柚醋汁調味，酸甜令鮮味有所提升，起到醒胃作用🤤🥢螺肉彈牙不韌，尺寸精緻嘅一道前菜，點到即止🙈🥢鮟鱇魚肝魚類嘅低熱量，鵝肝嘅油潤口感，厚滑醇香，作為佐酒小食一流！🍶🥢味噌烤蠔平時好怕陣海水味，但用咗味噌汁整容易接受好多，無腥味，經過烤製仲多咗陣爐火香😍壽司嘅生魚片係即場面前手切現握，只見師傅手起刀落，每個動作都精準流暢咁切成厚薄大小均一嘅片狀。雖然唔記得每款嘅確實名稱，但師傅已安排好順序，由淡至濃，循序漸進，能夠細品到每一款魚嘅味道，而唔會被前一道蓋過👍🏻🥢千切帶子經過千刀剁嘅帶子，味道的確同平時成大嚿有區別。入口凹凸有致，更加爽彈，鮮甜味亦更重😍🥢深海池魚魚味非常濃郁🐟柔軟又緊緻，好有口感😋🥢拖羅選用臉豬登位置，

一年一度母親節，當然要帶媽咪食好啲。OMAKASE越開越多，比較之下揀咗呢間雨露均沾、刺身壽司煮物炸物咩都有啲嘅，等媽咪可以試多幾款唔同口味。餐廳較近炮台山地鐵站，行過去大約六至八分鐘，見到呢度灰黑色牆就到啦款式太多未能盡錄，有好多都唔記得影就食咗落肚，媽咪都大讚食材新鮮，擺碟又靚！前菜：-白粟米粟米粒爽爽脆脆，同糯米或常見嘅黃粟米好唔同，水份多又清甜。-枝豆豆腐好smooth嘅奶凍質感，豆香味好出。-鮟鱇肝厚、滑、鮮！難怪有海中鵝肝之稱。- 蟹肉蟹膏同伴碟紫菜包住一齊食，紫菜嘅苔香勾勒出蟹鮮，蟹肉呈絲狀，同紫菜嘅香脆相得益彰👍🏻-河豚白子白子食過，河豚嘅真係第一次見到。媽咪食之前都驚會唔會有毒，但師傅介紹雞泡魚嘅精囊同肉一樣無毒性、可食用。經過師傅私法醃製，完全無腥，外面滑嫩、一咬仲會爆漿，有啲似burrata cheese口感。壽司有七八款，有啲影漏咗，其中有幾款味道比較深刻。-千切帶子表面如圖所見切到花蕾咁，可能係同味蕾嘅接觸面多咗，食起嚟更有質感更鮮甜。-黃金牡丹蝦是日MVP，師傅話係晚市限定～😋比起出面食嘅蝦壽司鮮甜勁多，面頭加上火灸蝦膏，香口之餘更鮮味。-飄雪拖羅灑上淡雪鹽