影片
更多
2022-07-20
239 瀏覽
疫情下香港多左好多omakase，但間間食既野都相差無幾，咁岩見呢間條廣告片幾吸引，期間限定喎！過左就冇，緊係把握機會又俾個藉口自己食豪Ｄ！訂座果時專登同店員講要試龍蝦，感覺比較少 omakase會供應。原來晚市限定有三款：火焰螺、脆皮龍蝦同甘鯛，隨機供應，如果有咩想試最好提早講定。餐廳係大廈既右手邊，門面係一度黑牆，唔算起眼。拉開趟門，裝修主要以米黃色同木製品為主，家居風格感覺較親民舒適，位與位之間都幾寬敞。其他客人都好準時，可能因為餐廳講明七點三一齊開始，大家都唔想耽誤用餐。坐低幾分鐘就呈上漬物同頭盤刺身。冇記錯係榮螺？屬於生食級別，幾爽甜。安康魚肝，好冧好smooth，真係好似食緊鵝肝咁！😋店員話係招牌菜式既八爪魚，經過師傅一小時按摩，入口真係唔同Ｄ 吸盤既張力同軟熟既肉質對比好強烈，口感好豐富，唔識講，兩個字好食！🤩燒魚，真係用草烘烤而成，食落魚皮好薄脆，肉扎實但又唔柴，配上紫菜更加香口。鮑魚，先食肉再食醬，鮑魚好厚肉，醬好濃郁，單食會有Ｄ滞，搭配旁邊既米飯剛剛好。大蜆湯，對我呢個唔中意傳統味噌湯既人簡直係福福福福福福音！😍😍平時都係俾朋友飲埋，今次我竟然飲得哂，個湯好清好鮮味
過左就冇，緊係把握機會又俾個藉口自己食豪Ｄ！
訂座果時專登同店員講要試龍蝦，感覺比較少 omakase會供應。原來晚市限定有三款：火焰螺、脆皮龍蝦同甘鯛，隨機供應，如果有咩想試最好提早講定。
餐廳係大廈既右手邊，門面係一度黑牆，唔算起眼。
拉開趟門，裝修主要以米黃色同木製品為主，家居風格感覺較親民舒適，位與位之間都幾寬敞。
其他客人都好準時，可能因為餐廳講明七點三一齊開始，大家都唔想耽誤用餐。坐低幾分鐘就呈上漬物同頭盤刺身。
冇記錯係榮螺？屬於生食級別，幾爽甜。
安康魚肝，好冧好smooth，真係好似食緊鵝肝咁！😋
店員話係招牌菜式既八爪魚，經過師傅一小時按摩，入口真係唔同Ｄ 吸盤既張力同軟熟既肉質對比好強烈，口感好豐富，唔識講，兩個字好食！🤩
燒魚，真係用草烘烤而成，食落魚皮好薄脆，肉扎實但又唔柴，配上紫菜更加香口。
鮑魚，先食肉再食醬，鮑魚好厚肉，醬好濃郁，單食會有Ｄ滞，搭配旁邊既米飯剛剛好。
大蜆湯，對我呢個唔中意傳統味噌湯既人簡直係福福福福福福音！😍😍
平時都係俾朋友飲埋，今次我竟然飲得哂，個湯好清好鮮味。
壽司：基本操作，魚生新鮮，魚味偏淡身，唔會食兩舊就滯，舍利酸度比例岩我口味，唔會蓋過米香。
最中意舊拖羅，油份適中，魚味突出，軟嫩而不油膩。
最愛既海膽！堆積如山，新鮮鮮甜，師傅可唔可以encore？🤪
我最期待既晚市限定菜！師傅真係成隻活龍拎出黎俾我地影相，師傅勁好人，俾我地逐個影都冇黑面又好好耐性。
第一次近距離睇活劏龍蝦，好似睇左場解剖show咁😂見師傅手起刀落，好快手就起左肉跟手拎去炸。
粉衣好鬆脆，炸既時間火候調節恰到好處，蝦肉爽彈，又冇縮水，啖啖肉，加埋明太子沙律醬咸甜夾雜，香甜可口👍🏻👍🏻
過左呢段時間唔知仲可以係邊度食返😣
師傅真係落足本，原個日本蜜瓜分哂俾我地十位，大大件。
仲有自家製蛋糕，冇諗過個餐會咁豐富，差Ｄ飽到訓唔著😝
本來$1800 仲有Ｄ肉痛，但食完真心覺得值回票價。
張貼
