影片
更多
2022-09-08
53 瀏覽
上次同朋友食過覺得好食，今次決定帶屋企人黎試下～呢間廚師發辦同以往食既唔同，成個過程由師傅一手包辦，烹調、控場、介紹應付自如，唔會好似其他店不同部類唔同人負責，食物水準不一。好有自家經營既小店既感覺～連茶杯都好有日式風格。前菜豆腐睇落平平無奇，原來係用枝豆整成，食起黎多左陣獨特豆香。師傅好似雕刻咁，手起刀落就將沙甸魚雕成花瓣狀，部位橫切面顏色環環相間，一深一淺，賣相同味道成正比，沙甸獨有既鮮味非常濃郁，配埋醬油提鮮味道冇得彈。蟹膏蟹肉帶出左兩種唔同口感，肉絲既清爽鮮嫩、以及蟹膏既稠密濃厚，蟹味好出。呢個八爪魚令屋企人讚不絕口，個汁甜甜地，八爪魚好冧軟又入味，一咬仲會爆汁。壽司冇記錯有7-8款，偏大件，女仔食量可能要叫師傅少飯。魚生新鮮，米醋比例剛好，米既清甜同醋酸相互平衡，令魚肉更鮮甜。有幾款印象特別深刻，甜蝦、帶子超甜，秋刀魚、拖羅味道濃鮮，油香好重，軟嫩易化，滿足感滿分。海膽份量完全唔孤寒，多到滿瀉，水分略有不足，但係好甜好軟糯，食完想嗌encore！玉子蛋，睇樣仲以為係蛋糕，師傅話係江戶前特色料理，冇加麵粉淨係用蛋都做到蛋糕既鬆軟感，食落真係軟綿綿，同時又有d鬆化。第一次係廚師發
好有自家經營既小店既感覺～連茶杯都好有日式風格。
前菜豆腐睇落平平無奇，原來係用枝豆整成，食起黎多左陣獨特豆香。
師傅好似雕刻咁，手起刀落就將沙甸魚雕成花瓣狀，部位橫切面顏色環環相間，一深一淺，賣相同味道成正比，沙甸獨有既鮮味非常濃郁，配埋醬油提鮮味道冇得彈。
蟹膏蟹肉帶出左兩種唔同口感，肉絲既清爽鮮嫩、以及蟹膏既稠密濃厚，蟹味好出。
呢個八爪魚令屋企人讚不絕口，個汁甜甜地，八爪魚好冧軟又入味，一咬仲會爆汁。
壽司冇記錯有7-8款，偏大件，女仔食量可能要叫師傅少飯。魚生新鮮，米醋比例剛好，米既清甜同醋酸相互平衡，令魚肉更鮮甜。
有幾款印象特別深刻，甜蝦、帶子超甜，秋刀魚、拖羅味道濃鮮，油香好重，軟嫩易化，滿足感滿分。
海膽份量完全唔孤寒，多到滿瀉，水分略有不足，但係好甜好軟糯，食完想嗌encore！
玉子蛋，睇樣仲以為係蛋糕，師傅話係江戶前特色料理，冇加麵粉淨係用蛋都做到蛋糕既鬆軟感，食落真係軟綿綿，同時又有d鬆化。
第一次係廚師發辦有供應自家釀梅酒，酒精味唔明顯，甜甜地好易入口。
甜品襯哂色，嫩青色睇落好有夏天feel。舊瓜好甜，芝士蛋糕保持一貫水準～
個果凍真係用左原粒香印，個質感偏水狀，唔係大菜糕既紮實感，反而更似一杯特色飲品。
張貼
