鮨一 (厚福街)

營業中

休息中

鮨一日本料理係openrice 最多人收藏排行第二位，所以今日就和友人來回一回佢晏晝1點幾到咗餐廳，有6個人排隊，走廊好窄。等左十分鐘左右有得入座，被安排到bar枱座位。餐廳細細間。呢度最出名係千層海膽飯，見好多枱都叫了，海膽滿滿的，好吸引。不過我地叫了抵食的午餐定食，分別叫了三色井定食，定食有甜🦐，帶子，三文魚，麵豉湯，沙律，蒸蛋，很豐富友人叫了三文魚親子魚生飯定食，有三文魚籽和三文魚，三文魚覆蓋整碗飯，好吸引定食set lunch承惠＄88，仲吾使加一，好抵食！唯一吾好嘅地方，餐廳冷氣吾夠凍。

最近在厚福街一間樓上小店爆紅, 因報章報導令其人氣急升, 一位難求, 唯有以無盡的耐性, 在狹小的升降機大堂默默等候, 終能一親海膽杯的芳澤。 因為小店位於樓上舖, 比地舖租金成本低, 可以相宜的價錢食到優質食材, 當然吸引的了。 今晚和兩個朋友來相約聚會, 雖然要等位, 也無損我們的雅興, 仍然很興奮很期待這海膽杯, 香港人對排隊都習慣了啦。 千層海膽don (細) $198 來到這, 每枱必點海膽don, 我們坐吧枱, 看見師傅密密做, 不停出貨就知道。 看價錢不難估到, 是用韓國的馬糞海膽, 小的海膽杯有四層海膽, 大概接近一板份量吧, 配上一層薄薄的拖羅蓉, 底下是偏紅色的赤醋飯, 海膽很新鮮, 鮮甜潤滑不苦澀, 光是處理頂層的海膽, 已花了不少時間, 可以單食, 也可以用紫菜包著食, 紫菜是爽脆的, 和海膽好夾, 帶出海洋的味道, 吃到一半才吃到拖羅蓉和赤醋飯, 這裡用越光米, 米粒飽滿, 入口軟黏帶甘甜味。 特上錦繡刺身 $468 有八款刺身, 各兩切, 刺身全都厚切, 份量十足, 口感豐富, 亦新鮮有魚香, 當中較喜歡的是帶甜味的金目鯛, 是由日本空運而來,

最近生日，好友帶我黎食好野，超開心，原來佢 book 左尖沙咀既鮨一 =]上 2 個星期先聽完同事講話正，估唔到好友咁岩book 左呢度！一開始先 order 左 g one salad ~鮨一招牌沙律，入面有好多新鮮既蔬菜，中間仲有一個大大既番茄～沙律入面材料豐富，有唔同品種既魚生角切、蟹籽、沙律醬！ 辣酒煮廣島蠔～呢個正，廣島蠔鮮甜、肥美，好佩服師傅煮得岩岩好，唔會縮得好細粒。 另外我地點左個特上錦繡刺身，呢盤刺身有八款唔同品種既時令刺身！當中有２款吞拿魚，佢地都好正！顏色比較紅既吞拿魚係赤身吞拿魚，味道少少甜；而後方既係拖羅，入口即溶，脂油較重，味道亦比賽濃郁。中間既海膽好鮮美，而油甘魚都非常出色，入口味道濃郁而無腥味 =]炸蝦天婦羅炸得非常出色，外脆內軟，蝦肉非常爽口彈牙！ 燒白菌～呢個食落好 juicy！ 甲羅燒～除咗有蟹肉蟹膏外，我feel到佢地應該加左少量清酒！所以濃郁既蟹肉蟹膏當中有清新既酒香，將濃郁既蟹肉蟹膏沾在脆多士上，感覺冇咁膩～ 之後就係重頭戲！！師傅好有技巧地將海膽一層一層鋪上去。。。around 7 - 8 層，唔好講笑，呢度我懷疑有 1.5 - 2板~ 完

近期好夯的一間日本餐廳，海膽出名量多！今次就去一試～位於尖沙咀都幾方便！一坐底見到menu既海膽杯都吾算好貴，仲要同時見到師傅不斷堆砌海膽上去個杯度，係勁量，所以都覺得幾抵！透明既刺身櫃！先上左真明鰹魚刺身，平時對鰹魚無乜特別感覺，但今次食覺得幾好呢！整到好似吞拿魚甘，炙燒左邊邊！食落口感比刺身實在啲！連埋蒜片一齊食帶點生蒜既辣勁，幾正！啲汁醬令整體幾似泰式既沙律！另外都係鰹魚，係薄切既刺身呢！淋上左酸汁仲有啲金箔襯托下，仲有啲食用花，就係擺盤好用心既感覺，食落肉嫩！卷埋蔥啊食用花等一齊食好剛好！之後仲有龍蝦同帶子刺身，好新鮮！帶子好大一顆，食落幾甜，另外龍蝦肉帶點爽口！之後壽司就到啦，都幾大舊，但略嫌飯太乾身同黏口！擺盤設計一貫係幾好！再試埋佢地燒物，明太子雞翼無得輸！燒到面頭脆脆地，明太子咸香味足！之後就上龍蝦頭煲既麵豉湯，龍蝦頭仲有膏呢，質素幾高，但湯就有啲咸茶碗蒸我都幾鐘意，佢用既係蟹肉同蟹膏做主角，好正！蒸蛋好滑，用左傳統既方法，入面有白果！最後既亮點就係海膽杯啦，$298有甘多海膽真係吾會吾full囉！整體都不錯，特別鐘意個龍蝦刺身同埋茶碗蒸！

如果鐘意食日本野，並對海膽情有獨忠，咁一定會留意到呢間最近成為城中熱話既餐廳。聽講事情已經發展到Walk-in起碼要等一小時既地步，所以我同朋友都一早訂左位，但由於真係好多人食，到左都要等10分鐘左右。最終好好彩，我地被安排到坐係BAR枱位置，可以睇住師傅整野食。點餐之後，我地就耐心等待。師傅把一個日本長野縣高糖度蕃茄放在沙律菜上的中央，蕃茄被角切魚生，加入酸酸甜甜的沙律醬汁，就完成這度鮨一沙律。沙律口感清新，作為前菜感覺一流。最令我驚喜的就是沙律中央的蕃茄，真的超清甜！暫時是我吃過最好吃的！特上錦繡刺身拼盤，有拖羅、帶子、海膽、金目鯛、大甜蝦、劍魚同我最愛的油甘魚，師傅話有龍蝦刺身，問我地想唔想試下。我同朋友都未食過龍蝦刺身，所以都想試下，最後加左$300要埋龍蝦刺身。可能師傅覺得冇咩靚刺身，所以比左四件油甘魚我地。拖羅油花好靚，但未去到入口即溶，不過都食到油香。龍蝦刺身好爽脆，口感肉厚，味道比較清淡，其實沒有什麼特別，加上份量唔多，個人覺得要另加$300感覺不太化算。今晚主角千層海膽丼出現了！相信每個客人黎到鮨一都係為左佢！半板以上韓國馬糞海膽一層一層咁疊係舖左吞拿魚蓉既赤醋壽司飯

鮨字輩既日本料理最近開左好多，當中大部份都同貴價日本料理掛左勾，但最近見到呢個鮨一出名好食之餘又唔算太貴仲好難訂位。既然時間許可，我地決定係佢晚市開之前去碰一碰運氣。去到人唔多, 但都已經有其他walk in 客等緊，Lift口大堂無冷氣只有一部風扇通風，提早去等請做好心理準備。 6點零幾分終於都開門入得，店面小小，但都坐到幾多客，當然唔係期望坐得好舒服, 但都唔會話好焗促辛苦既。 菜牌上每樣都有, 但就唔會話好多選擇。即係由刺身, 壽司, 手卷, 炸物, 燒物, 甜品，連茶漬飯都有。 一場黎到當然唔可以唔試海膽飯, 分左大細兩個Size, 店員都好清楚實會問兩個大細有咩唔同, 已經準備左兩隻碗係到俾你睇, 細個個真係細到最多得兩啖飯。但我既concern都唔係飯有幾多, 而係海膽有幾多麻。所以店員都好醒目咁話大既係7格, 細既係4格。聽完之後男人就話不如要返個大架啦, 細既應該唔滿足。黎得呢到大家都係諗住食海膽飯, 所以一次過整十幾碗個樣望落好壯觀呀>V< 咁我地最終就叫左: 海膽飯(大)帶子壽司(一貫)灸燒蝶魚邊壽司(兩貫)蔥吞拿魚腩壽司(兩貫)三文魚茶漬飯椒鹽軟殼

搵食搵到黎商業大廈，估唔到平日lunch hour都咁多人呢！行遲一步都要等位呀～見差不多枱枱都點海膽杯，不過我對韓國海膽興趣不大，都係試下午市定食：特上六貫目配細烏冬$98甜蝦、帶子、火炙蝶魚邊、三文魚、𩶘魚、白身魚飯用左醋同醬油調味，顏色深但唔濃味，甜蝦同帶子都好厚肉同鮮甜！其他魚就無咩味，但都唔會腥定食仲有沙律、前菜、麵豉湯、蒸蛋同烏冬，賣點係大堆頭同抵食日式吉列豬扒煮蛋飯$58定食仲有沙律、前菜、麵豉湯、蒸蛋。豬扒炸漿太厚，中間有少少炸唔透。只好去皮再食～

週日食好點，看到海膽饅魚相又心郁郁。( 只睇相冇知道食評內容😂）沒預約，十二點九和友人來了，被安排到bar枱。店內都7-8成滿。一開頭就諗住食饅魚飯同海膽飯，但個海膽有點點貴，同又怕食好多好漏。所以轉了點鮨一丼定食。前菜有這個辣味螺肉青瓜，和麻醬沙律。就是平常吃到那個味，麻醬多得有點咸。茶碗蒸和麵豉湯水準都是中水平的。茶碗蒸內有菇有白果，白果有點苦。午餐加$6 有三塊三文魚刺身。較薄身。味道都係平平。友人的丼。( 痴食)海膽實身，鮮鮮不太甜。魚都薄，都一般。蝦反而又鮮又脆脆。三文魚籽不腮( 我很怕食只食了一粒) 飯是啡色，有醋味。饅魚大大條來了😍肉好juicy 味香。唯魚底有點燒焦。這個價錢份量足夠，也品質okay 吧。兩個飯的米食落都較黏濕。個人還是喜歡粒粒分明多一點的。黏到食不完半碗。是店中的特色吧。食完是店內全滿還要等位。所以還是早點來啦。是那種吃一次就夠的那種餐廳。

近年掀起海膽丼熱潮, 香港本地開左唔少既日式丼飯專門店, 標榜海膽份量有幾新鮮幾多。經同事介紹下, 得知尖沙咀厚福街既樓上舖有間日式餐廳, 當中海膽極為受歡迎, 於是我就預早book定檯, 今晚同朋友前去一試!本身我book左九點, 但我地8點左右去到發現全場滿座, 而且門口排左唔少人, 幾乎迫爆門口, 幸好我地有book位, 可被安排準時入座。店內面積較細, 幸運地被安排坐吧檯, 可以一邊食, 一邊睇師傳製作刺身。我地order左幾款share一齊食:【日本海葡萄蕃茄沙律】HK$128第一次食海葡萄, 初時見到賣相時有點密集式恐懼, 但入口覺得口感既豐富又特別, 咬落去粒粒卜卜聲, 好似食緊再大粒少少既蟹籽口感咁, 配上沙律菜同蕃茄, 整體味道酸味味, 很開胃。【魴弗魚刺身】HK$220刺身為薄切, 刀功很了得, 每片厚薄一致, 口感略帶點爽, 配上旁邊鹹鹹地同埋蔥粒既醬汁, 更能帶出鮮味。【特上錦繡刺身(8款,各2切)】HK$220刺身都為厚切, 更顯肥美, 每款刺身都非常新鮮。特別係拖羅, 魚油味很豐富; 帶子厚切鮮甜肥美; 牡丹蝦肥美、鮮甜爽口; 就連海膽份量都有一板之多!!【

貴為openrice第二最多收藏飯店！18:00晚市開始，17:45已去排隊！有幸在逼夾及冇冷氣的電梯大堂等了二十分鐘，得到安排入座。定食配菜（螺肉，味噌湯，沙律，蒸蛋）：正常貨色，可能剛才等得太耐，食乜都好食！P.S. 蒸蛋較為出色，滑溜！日本海葡萄蕃茄沙律：可以，食材新鮮！鮨一千層海膽DON：主菜到鳥！千層海膽，上面有金箔！海膽鮮甜新鮮！非白飯，配搭特別！讚！錦繡魚生飯定食（切片）：反高潮！比兩條雪藏蟹柳及八爪魚片擊倒了！魚生配搭令人失望，唯獨赤海蝦及三文魚腩還可以。總結：海膽愛好者，必須一試！

千層麵呢就食得多啦，千層海膽飯你食過未呢， 海膽份量非常之多，而且大部分人都知馬糞海膽係比較甜， 一大碗海膽真係大滿足， 味道亦都比較濃烈， 而且喺上面放咗少少金箔 ，顯得更加高貴華麗

鍾意食日本野的好姊妹同我都留意到，最近有一間日本餐廳爆紅，新店在尖沙咀。佢地主打千層海膽飯，「海膽多過飯」係佢哋嘅特色，相信鍾意食日本野同海膽的人都一定會留意到唔少雜誌都有介紹過佢哋。呢一日，終於有機會同好姊妹來一探虛實。為咗遷就常常要OT的好姊妹，我哋特登約咗九點鐘食第二輪，估唔到去到都要等位約10分鐘。而我哋身邊仲有十幾個人walk in ,相信大家對佢哋的千層海膽飯真係好有興趣。我哋兩個好好彩比安排坐在壽司枱前。可以近距離睇師傅製作巨型海膽飯。睇睇Menu，海膽飯的價錢一啲都唔貴， $198就可以淺嘗， $298就係一客大海膽飯的價錢，食海膽食到飽。原來佢哋除咗海膽飯之外，亦主打一款三文魚子飯。我哋黎到的目標當然是海膽飯，單三文魚子亦是我最喜愛的食物之一。幾番思量之後，我哋決定兩款都食。而在等待主菜的期間，我哋亦點左幾款不同的食物，一場黎到當然要試真啲師傅的功力啦！先來一客鮨一沙律，新鮮的蔬菜中間有一個大大的紅番茄。上面鋪滿不同品種的魚生角切，最後是沙律醬和蟹籽。以為魚生係呢道沙律的精華，估唔到大紅蕃茄先係呢款沙律的靈魂。番茄雪得冰涼，入口爽脆多汁，味道清甜，非常開胃。再來一客特

想食呢間人氣店好耐啦！今日諗住9點鐘左右先過黎食會唔駛等位，點知一黎到門口都好多人排隊可能店不算大，店內位子也不多，有心理準備要等比較耐先入到去。。。今次我地等左大約45分鐘，終於安排到Bar枱位置俾我地等左咁耐真係好餓，即刻點菜先不過可能真係order太多啦。。。我地點菜後等左20分鐘先開始有野食海葡萄蕃茄沙律睇openrice爬文見食家介紹o既蕃茄好甜呀！海葡萄本身無咩味，建議全部野撈埋一齊食個味好夾！辣酒煮蜆唔知係咪太餓定頭先個沙律開左個胃個蜆唔夠5分鐘就俾我地KO左不過講返個味又確實係好味蜆好鮮甜個蜆湯辣辣地幾醒胃甲殼燒呢個師傅推介，用多士點蟹膏食，都唔錯海膽丼專登黎呢度食飯就係為左佢嘩！真係勁多海膽！好澎湃！海膽都好新鮮蝦天婦羅炸漿唔會太厚，蝦都幾大隻

G One Sushi was first opened in Tai Po. It has been a very popular Japanese restaurant ever since, and lately they have opened the second branch in Tsim Sha Tsui. It is an upper-floor restaurant, set with tables and a sushi bar in a relatively small space. The menu includes lunch sets coming with sushi, sashimi and rice bowl, whilst others are omakase and plenty of Japanese dishes such as salad, grills, tempura and fried rice.We opt to set at the sushi bar, starting with a Chef’s choice salad. T