鮨一 (厚福街)

營業中

休息中

泥呢度食過lunch之後決定要食晚飯， 一樣冇失望。泥到當然要試最出名既海膽飯， 因為仲會叫魚生飯，所以叫個細諗住試下味。海膽份量多就梗，而且quality係好， 唔"魚星", 好夠fresh, no wonder why its so popular. 至於個個魚生飯， 真係好得！！！！雖然帶子大但我唔覺特別甜，但係兩件赤蝦真係好正。 白身魚同三文魚都好fat fat, 特別係白魚， 個d魚油係個口停留。另外再叫左魚湯烏冬， 賣點係魚湯。 性格比上我覺得唔夠魚生飯好xd最後仲叫左一客中拖羅，which is揾笨 -,- (因為$320 4片 令我有expectation..)ps好小位

呢排成日見到有人post 呢間餐廳o既海膽杯，我都同媽咪湊下熱鬧，食好西師傅發辦，唔使煩～日本海葡萄番茄沙律 $128少要見到餐廳有海葡萄食～ 沙律醋 + 新鮮海葡萄，清新爽口。撈埋番茄同下面d沙律菜，係開胃前菜～唔記得咩魚刺身$438 （唔好打我，師傅講完我唔記得咗 ） 正因為師傅發辦，個人太放空，上菜果陣師傅講咗一次，但轉頭我就唔記得Anyways~ 放假係咁，好食就得啦～ 一定要點少少d汁，有蔥同柚子香味o既醬油，唔會話太濃蓋過魚味～ 魚清甜～ 肉質嫩～ 特上錦繡刺身 $468有拖羅、帶子、海膽、金目鯛、牡丹蝦... !拖羅油花幾靚～ 入口即溶～～～千呼萬喚始出來～ 千層海膽杯(細） $198 ～ 師傅可能怕我地食膩咗，所以俾細杯我地 。細杯海膽份量都已經唔少... 一層層海膽下面係吞拿魚蓉同壽司醋飯，附上紫菜俾你包海膽食海膽鮮味於口中爆發！！！ 唔怪得網上d人話等得耐d都肯等，真係好澎拜o既海膽！！！食咗咁多刺身，最後黎個鯛魚奶湯$36埋尾～ 等候時間比一般餐廳耐，要食就要有d耐性至得

聽說要訂位才可以食到，我打了很多次都不成功，決定博一博walk-in。結果竟然有位呀！！！太驚喜啦～一坐低唔駛講梗係叫千層海膽飯（大）！嘩～正呀!真係好多好多海膽，味道不錯！一定要試！跟住叫咗串燒食，牛舌同雞腎，非常香軟，好好味！👍🏻呢一餐好滿足！！我會再去的～

香港做飲食難，相信不下於日本台灣，餐廳之多，潮流之快，個人轉數慢少少都會同潮流脱節。 特別係甜品如什麼紫薯綠茶，日本野如海膽燒肉，都係呃like呃到手軟。 看過報紙都聽過，近來最潮的就是這個鮨一。 這個海膽杯顯然是繼sushi man，爆丼屋後發紅的海膽壽司店，今晚九點來到，呢到多人到排隊都無位，我想是我選擇時間差，因為剛剛報紙報導過後，人潮係非常正常，可見紙媒威力還是驚人。 店不大，只是坐到最多二三十人，不過流量也不算慢，排隊的藝術，最重要係你睇到等到嘅𥌓光。 這裡的多人程度就如係一班人見到呢張賭枱開左十舖大一樣咁強勁。 的確呢個莊做得唔錯，因為那海膽杯，人一定會多。 二十分鐘到就等到了，還可以有bar枱，不過這是碰巧，我想呢排想食都係book枱才隱陣。 問問它們有乜好食，冇乜推薦，除了那個海膽杯，我還是想吃多一點特別野。 佢地推薦後，單點了幾樣東西。 先來個海葡萄蕃茄沙律，我冇睇之前的食評，但這海葡萄非常有趣，原因係完全一點鹹味也沒有，到底是來貨雪藏的問題還是本身這款海葡萄太過特別，我完全不明白為什麼會有這樣可愛的情況。 蕃茄就是鮮甜得很的日本品種，令人愛不釋手，還有其他的

與同事一行4人book 左枱黎食lunch, 12:45黎到已經坐滿晒人，心諗好彩有book 位咋。同事生日當然係由壽星話事啦，佢黎之前已經係公司睇定食咩喇 哈哈！哩個沙律大大碟，好fresh 而且有我至愛牛油果！哩個饅魚饅定食係原條鰻魚咁上嫁！一上枱4人一齊哇左出黎，條饅魚超巨型，燒到香噴噴聞到口水都流埋。原條饅魚肉嫩新鮮，但都有小骨。個燒汁好入味，好快ko 左碗飯。定食仲有碗沙律、蒸蛋同面豉湯，個蒸蛋正呀！今餐既主角黎喇！同事話主要黎食哩個海膽don 。面頭上有金箔睇落好高級呀。金黃色既海膽估計有成板咁多！食第一啖已經食到海膽既甜味，夾埋下層既吞拿魚食係超正，完全唔洗加醬油調味，食完哩碗野係估唔到幾飽肚。岩岩炸出黎既天婦羅係最正既，隻蝦都幾大隻同爽口，個賣相仲要好靚！哩碟甲羅燒既醬膏好多，點麵包食好yummy!哩餐真係好豐富，我地個個都食得好飽，介紹俾其他同事黎食先。

好耐未食過廚師發板 ，人地話識食就一定要食。我都知道，但係荷包都要稍微有d力量先支持我去食架。好彩今日有另一半嘅荷包支持姐。廚師發板最講次序，亂小小都唔得，會影響唒整餐飯的味道。今日的前菜係海葡萄蕃茄沙津，唔知幾時開始好中意食日本嘅蕃茄，拒嘅質素同香港嗰d無得比。酸酸甜甜，又多汁，唔會有草青感。第二輪就係刺身拼盤，又忍唔住想唱首歌*拖羅。。拖羅。。拖羅。拖羅。一見到拒我就忍唔住。厚切，無根，鮮味。金目魚同池魚係平時小見的，味道口感都較煙韌，有另類不同的味道。海鮮加了100蚊轉日本海膽，要食梗係食好d喇！嗰種creamy 感，難以形容。之後就係令萬千少女著迷的海膽飯，我一路坐一路數住拒用幾多排海膽，足足有7排，非常足料。下層仲會有一層吞拿魚蓉，而最低的飯不容忽視，係黑醋打的飯，比起白醋來得香，還散出陣陣的甜味，一流。到熟食了，蟹甲羅配多士。唔使一次過大轉變轉熱食，來個多士配蟹膏，慢慢的迎接下一個味道。天婦羅出現了，全日本的食菜，大蝦，日本紫心蕃薯，日本南瓜。甜，爽，滑，滿足。最後還來了個燒雞翼，說真的到海膽飯我已經陣亡，幸好朋友個胃挺大的，為我守住個尾門。每一次食廚師發板， 嗰種期待的感

睇完雜誌報導，見到海膽一層一層咁疊起確實好治愈，立即約朋友黎食頭啖湯。果然呢間餐廳真係好多人，幾經辛苦先約到平日既9點，想食既朋友早啲book枱。《細$198，大$298》千層海膽飯：我就揀左細飯再加刺身，咁就唔會食海膽食飽自己！如果想感受下海膽飯既震撼力，一定要坐bar枱！因為師傅每次都幾碗飯一齊整！影影影影影影影左好多靚相，本來諗住相機食飽就夠，食既時候發現千層海膽飯確實好食，海膽甘甜而無怪味，質感creamy，此時此刻，經已非常滿足。《特上錦繡刺身拼盤$468 》質素真係幾驚喜，每款魚都係鮮甜，海膽都係，睇相都知質素。中拖羅夠肥美，質感柔軟油甘魚油份充足，表面夠令身，味道鮮甜海膽同海膽飯既色澤唔一樣，呢份海膽每片既size更大，口感更creamy! 所以點呢個拼盤係值得既！赤蝦蝦身透明嫩紅，色澤光亮，口感更為豐富-先感受到肉肉的外層，咬落係爽口質感，確實滿足金目鯛肉質細嫩，吃起來帶爽脆感覺，魚身油脂剛剛好，香而不膩《吉列炸蠔》熱食中呢份炸蠔都唔錯，外層好香脆，雖然炸漿有點厚身，但無損蠔既鮮嫩度，咬落去時仍然感覺到蠔汁同juicy既蠔肉，蠔香滿溢《雜錦天婦羅》份量好多，有3隻蝦而其

之前係臉書瘋狂洗版的千層海膽飯，海膽狂迷嘅我一定要潮聖吓！之前係臉書有睇到 C hing 留言話覺得 $198 一碗價錢頗貴，俾多少少食放題都得啦，嗱嗱嗱... 我又並唔係咁認為喇，係 $198 可能貴左啲啲，但差唔多一板海膽喎，出面都要呢個價啦，再者，試問有邊間放題有海膽任食呢？頂多咪迷你海膽手卷或者海膽壽司，當你食到果個海膽份量果陣時應該飽到反眼，因為你同時食左好多舊飯 😅所以食好野呢，重質又重量就梗係好啦，但往往都係貴精不貴多!呢間鮨一, 我試過打電話預約先嘅, 打幾次都係無人聽, 所以我放棄左, 決定當日 walk in, 如果無電話預約嘅, 記住 記住 記住 準時 12 點要到喇，否則起碼等一粒鐘!由於午市只得一位師傅，所以要有耐性等等等等等, 趕時間嘅千祈唔好午市黎 !鮨一有 set lunch 嘅，以尖沙咀日式餐廳黎講價錢中等, 份量亦非常夠! 值得一讚係個壽司 set 做得唔錯, 刺身係好乾身同大件嘅, 飯亦係有色醋飯, 飯亦唔會太大舊, 好食!千層海膽飯有大同小之分, 我地柯打左個小嘅，黎到果吓見到，當堂嚇一跳，然後得啖笑，因為真係好小吓，但海膽份量算多嘅！雖然係小，

今次用餐經歷都幾特別 源於我對於自己食既嘢有好多❓ 而且我並無睇餐牌 又無點菜 全靠師傅為我地選取最優質 當造既新鮮食材 (Omakase)! 坐係壽司抬面前睇師傅如何細心地為我地準備係一個非常愉快既過程. 鮨一其實以邪惡千層海膽杯最為受歡迎,但我本身對海膽興趣不大,所以就試下其他野食~第一張相係真明鏗薄切(唔係menu入面） 其實即係日本倉魚 我都係google左先知🙊 味道係已經預先醃左並帶有魚既鮮味 可以一試 師傅既刀工都好厲害 顯出真功夫來! 第二張係特上錦繡刺身(8款各2切) $468,分別有拖羅,帶子,海膽,三南,金目鯛,池魚王,油甘魚同牡丹蝦,總額外加左龍蝦肉! 全部都好新鮮 而且我覺得幾抵食, 最愛都係帶子拖羅 十分肥美!第三張係我食極唔厭既蒲燒鰻魚$98, 肉質肥美多汁 燒得很均勻 性價比高 唔會好似橡筋既口感! 超級無敵正 啱曬鰻魚控🤤第四張係特別推介既味噌煮牛舌$68 鮮嫩口感 肉味濃郁 而且非常厚實 份量亦甚多 再配上鮮甜既蘿蔔真係超正 味噌湯都唔會係粉狀 亦唔會過鹹 認真好味💯(sorry影朦左) 第五張係煙肉帶子卷串$48 雖然呢兩款都係我最鍾意食既 不過似

其實好耐之前已經認識鮨一，特別佢個海膽飯真係好出名，今次我就同朋友一齊試吓佢厚福街嘅新店啦。餐牌內有多塚刺身選擇，而且食材相當新鮮。座位方面更可與師傅近距離交流。鮨一沙律菜式精緻，多款魚生混合沙律菜內，加上酸汁一齊食非常醒胃，特別佢個溫室蕃茄相當清甜，唔錯。特上刺身接住落嚟就到師傅大顯身手製作嘅時間啦，師傅每個手勢都非常清脆。特上刺身分別有多款刺生：大拖羅、帶子、海膽、金目鯛、池魚王、油甘魚、牡丹蝦、龍蝦。池魚較為爽口，加上醬油調味層次相當豐富。牡丹蝦精瑩通透，鮮甜美味。期待已久大拖羅終於出現啦，拖羅入口像魚油一樣，油脂滿溢，什麼都不需要加味道也相當突出。北海道馬糞海膽非常甜美，每一啖都係幸福嘅味道。龍蝦刺身將新鮮龍蝦即起肉、即做刺身，刺身非常新鮮，爽口、彈牙。甲羅燒蟹蓋內放了滿滿蟹肉、蟹膏、蔥花，食時把蛋黃拌勻，連埋烤過的麵包一齊食。濃濃蟹膏滑溜，加埋蛋黃味道更為甘香，唔錯。三文魚籽飯主角登場，三文魚籽飯嘅魚籽真係非常之多，而且三文魚籽鮮甜爽脆，唔友任何醬汁已經非常好食，底層更係已調味嘅壽司飯，連埋三文魚籽一齊食真係非常幸福。

海膽拖羅丼（大）-海膽好厚好甜冇苦澀，略嫌拖羅蓉畫蛇添足。海膽甜味完全蓋過那層薄薄拖羅蓉，而且飯底略嫌多。飯底似乎是用糙米？！還是比較喜歡配上日本珍珠米。三文魚籽丼-非常新鮮，顆顆晶瑩剔透，些微偏咸。地方非常細 檯與檯距離非常近 坐得非常不適服務態度一般

一星期前已訂了位前一晚亦收到餐廳職員打來確認訂坐，並提醒我不能遲超過10分鐘來到訂了晚上7:30的我們，7:20 來到餐廳，餐廳外已迫滿不少人跟職員報到後，被告知因part time職員處理訂位不當，我們無法準時入座總不能無了期的等，再問職員什麼時候才有位，職員回應指8:00會有位拿了汽水給我們邊等邊喝，並承諾提供一個滿意的折扣給我們作補償。我們覺得等半小時還可以接受，於是便繼續等。到了8:00，職員說還未可以入座，叫我們等多15分鐘。可是，等了15分鐘以後還未有位，直至8:30才有客人離開。即是，因職員安排問題，即使早一星期訂了位到了亦等1小時有多 ！如果知道要等一小時的話，我們會考慮轉地方吃晚餐，不用白白浪費1小時，心情當然受到影響。望穿秋水，終於入座了。職員奉上一碟酸酸的前菜。然後我點了一碗小海膽飯。5分鐘後友人亦點了一碗小海膽飯及一碗刺身飯。等了一會，一碗小海膽飯及一碗刺身飯相繼來到。小海膽飯很迷你，感覺像下午茶的份量。海膽新鮮不太腥，質量不錯。可是就因為等了太久，吃什麼美食都沒有太大感覺。而友人的小海膽飯雖然只是遲了幾分鐘點，但卻等多了30分鐘才來到。制作需時沒有問題，問題是

我們第一次去這間餐廳，位於比較隱蔽的大廈，裝修比較簡約，座位尚算舒適。我們一行三人，點了他們著名的海膽吞拿魚腩飯和鰻魚飯，份量比我們想像中多，賣相亦超乎想像，魚生亦非常新鮮，飯軟硬度也適中。鰻魚飯份量很多，鰻魚比想像中大，味道非常甜美配上燒汁，比得上東京吃的鰻魚飯。同事在一個星期前訂位，店內顧客很多。食物非常新鮮，味道非常好，性價比超乎想像，是一間絕對值得在去的餐廳！性價比遠超乎米其林三星餐廳。以這個價錢是非常難得的餐廳，材料非常新鮮，味道非常好。主要是老闆顧及租金問題，已沒有選擇比較旺的大廈，這個是以食物取勝，吸引再光顧的顧客。

一心諗住同朋友食海膽飯留咗電話book枱一開始講到又話秘書台又點又話有專人覆 到頭黎兩次兩次都無人覆仲要係早幾日打到今時今日都係無覆電話係唔係open rice post 過之後紅咗就唔得閑覆？ 好失望呀

老公生日是要慶祝幾日的，甘就一於食佢最鐘意的日本野，食開有兩間好味的，但都冇可能一個星期都食嗰兩間，所以要發掘d新地方先，記得有一次喺Facebook見到，介紹過lee 間海膽飯，一於試一試乜料先！我覺得選址都好重要，雖然喺尖沙咀，但嗰架life係等勁耐，另一部壞左，加上架life好細又甘多人上去....去到仲要等二十分鐘先可以入坐😫lee個價值298的海膽飯，堅好味，足料👍🏻所以頭先的不愉快，都可以忘記lee個魚湯烏冬，百幾蚊，剩係得烏冬同魚湯，食完勁囗渴，落左吾少味精整體黎講，最好味的是海膽飯，其他都一般般啦，服務都環境都可以接受，不過就成日出錯食物