鮨一 (厚福街)

營業中

休息中

今日小妹嘅好朋友萬歲話帶小妹食好西🤤小妹梗係乖乖地準時出現🙇🏼‍♀️點知原來朋友係帶小妹食一間「小妹想食好耐嘅餐廳」---- 鮨一😱😱😱果然！識得耐嘅朋友係特別心有靈犀♥️哩間餐廳其實係小妹個list好一段時間但因為小妹慳家所以一直未去試🙈今日果然一飽口福🤤------------------------------由於小妹從來未食過海葡萄於是朋友就叫左個海葡萄蕃茄沙律等小妹一試味道🙈原來海葡萄本身屬於淡味食物口感似蟹籽食落會啪啪聲😧配沙律食感覺好清新🍇朋友話海葡萄十分有益因為海葡萄屬嘅鈣含量係牛奶的5倍係超級健康嘅食材👍🏻食完沙律就叫左個刺身Set-上錦繡刺身有8款刺身用料十分新鮮要一讚👍🏻小妹特別愛當中嘅金目鯛🤤🤤🤤魚肉較彈牙而且魚油亦好豐富♥️♥️♥️之後仲叫左磯煮鮑魚！！！唔係小妹誇張！哩個鮑魚暫時係小妹食過最彈牙最入味同最好味嘅😱😱😱😱食完冷盤朋友就叫左燒鰻魚超大條😨超肥美😋而且燒到鰻魚皮脆卜卜勁香👍🏻朋友話哩度嘅天婦羅目光魚好好味但唔係成日有！要睇運氣😱好明顯！！！！小妹超幸運🍀🍀🍀小妹都係第一次食目光魚🤤目光魚魚肉似銀雪魚但魚味就香好多！而且好滑！！屬於令人一試難忘嘅魚👍🏻

朋友聚會，又要諗下食咩，懶懶地，唔想諗，交哂俾朋友話事她選擇食日本菜，餐廳位於尖沙咀，相當方便餐廳座位唔多，細細間，最好預先訂位雞泡魚干，燒得香口，煙煙靭靭，口感唔錯，蘸埋沙律醬，味道清新，作為前菜，好開胃g one salad原個日本蕃茄在中央，旁邊有蟹子，魚生粒粒，豆苗及沙律菜，多種顏色，賣相吸引番茄味道清甜，將所有材料攪拌後，一齊食，加埋酸酸地醬汁，好惹味八爪魚燒餅，查實喺方形小丸子，面上好多木魚及紫菜絲，味道更加香炸蝦天婦羅炸粉唔厚，比較乾身，蝦香脆彈牙

滿心歡喜食海膽飯 點知個海膽又苦又腥🤢牛油果軟殼蟹手卷啲牛油果冇味之餘個軟殼蟹勁乾😩大拖羅壽司完全唔準合水準，真係唔知排咁耐隊為乜，食寶通街邊嘅鋪頭仔都好食過佢，完全係冇下次

厚福街的餐廳真的非常多，最近在網路上經常看到這間的海膽飯相當吸睛，是時候相約朋友小聚一番。人滿多的，想吃要預早一點，聽到在我後面的人要九點才有位。錦繡魚生沙律色彩蠻繽紛的，除了一般的沙律菜，還有蟹子、原個蕃茄、幾款魚生刺身，沙律帶一點酸配上鮮甜的蕃茄更加開胃，魚生也滿新鮮。特上錦繡刺身、龍蝦刺身、磯煮鮑魚本想吃海膽飯，但見到其他顧客吃的海膽真的太多，但自己接受不了，還是吃刺身比較好。有8款刺身，各2片，款款厚切，非常新鮮，秋刀魚味道相當濃厚，甜蝦十分鮮甜，海膽入口即溶，難怪那麼多人喜歡吃他們的海膽飯，值得一吃。龍蝦刺身份量蠻多的，口感很厚實，肉質爽彈。磯煮鮑魚帶一點微暖的，鮑魚遇上濃濃的蟹膏，令味道更豐富，別有一番滋味。

［ 人氣居酒屋 | 海膽滿瀉🤤］••早一星期book位都得返9pm先有位...諗住早啲去walkin🚶🏻點知好多人，等候空間好細好逼，仲無冷氣好焗😷所以建議大家要預先訂座 📞📌重點侍應態度語氣惡劣🤷🏻‍♀️千層海膽飯🍚($249/大) 🔹5/10雖然話係大，但都好細😂細過我手掌一半🖐🏻海膽疊到好高好多，一放低就瀉哂，質素OK!都算ok鮮，無腥味👌🏻底下呑拿魚蓉一般，飯應該係撈左赤醋，係啡色🤔但黏埋一patpat一舊舊咁，處於飯同粥之間既狀態，超級嘔心🤢極上刺身拼盤🍣($498) 🔹5/10拼盤有8款刺身，每款2客✌🏻侍應話係師傅發辨，所以都唔知有啲咩，但最後知道有大拖羅同海膽，就叫🗣等左一個鐘先到，點知都幾失望，拖羅非常麻麻，其他刺身都屬中下水平😕仲要成$500...唔推薦🔺另外灸燒三文魚腩壽司、燒鱈魚、牛舌串燒都好好味😋反而食返呢啲質素味道仲好👍🏻-🔺環境座位超窄，同隔離枱一隻手指公距離都無，好似大家一齊食飯咁，可以互相搭傘😂👨‍👩‍👧‍👦

今時今日做飲食界，社交網站平台既宣傳係至關緊要呢。前排喺某平台見到鮨一海膽山飯，早於兩星期前已打電話黎book左位，睇下係咪真係咁好食😛是夜被安排坐bar枱位，可以望住師傅係咁叠海膽、預備刺身、擺盤，刀工好出色喎👏🏻千層海膽飯 (大) $298 - 份量看似有成板海膽！師傅叠完海膽山之後會插支竹籤，驚佢冧低；然後再舖金箔，唔影相真係對唔住自己😛 海膽鮮甜唔腥，雖然未去到好似喺日本食咁有海水味，但都算係入口即溶。海膽底下仲有吞拿魚腩茸，一樣幾新鮮。赤醋飯已調味，呈淺啡色，唔使點好多豉油已經夠味。成碗飯餸多過飯，隨飯亦附送紫菜可以包海膽食，大滿足😋雜錦魚生飯定食 $98 - 定食包切片魚生飯、前菜沙律、麵豉湯、日式蒸蛋，尖沙咀咀黎講好抵！質素中上，冇海膽咁驚豔，都對得住個價錢。牛油果鰻魚反卷 $68 - 牛油果薄薄幾片，鰻魚又品大粒；個人覺得料可以多/厚番啲，而家兩者既味都唔係好出，比醬汁搶晒。另一亮點係鮮磨wasabi，平時中價日本餐廳都比較少見呢。加堆一埋單每人都係二百幾，咁既地段同食物質素，抵！

日本料理係香港愈開會多，每間都有佢地自己既賣點，本身都幾鍾意食日本菜既我，對日本菜要求都比較高，雖然唔稱得上識食，但個人認為覺得美味可口就合我胃口。依間日本餐廳早排以成座山咁高既海膽飯做賣點，一開店相信有唔少人黎潮聖，當然我亦唔執輸約左朋友收工黎食餐好既慰勞自己為左避免等位，所以我地預早訂座，一黎到就入座，安排坐吧枱位，可以望住師傅大顯刀功，而且急不及待叫左幾款食物錦繡魚生沙律沙律賣相色彩繽紛，中間放左日本蕃茄，旁邊係三文魚粒同左口魚粒，下面係沙律菜配胡麻醬汁，拌匀食豐富飽滿口感，清新味道帶滋味，日本蕃茄比一般所食到既爽甜多汁，完全無酸味特上錦繡刺身八款只睇賣相已夠哂份量，每款刺身各切兩片，有劍魚腩、海膽、帶子、油甘魚、呑拿魚、鯛魚、伊佐目、牡丹蝦，魚生剌身每片都係厚切，食落鮮味十足兼啖啖肉，海膽入口甘甜味濃日本厚岸蠔非常大隻，食落爽甜厚肉，蠔味濃郁，正喔磯煮鮑魚送上個陣已切粒上碟，味道香濃入味，咬緊時爽嫩煙韌，有少少粘牙口感，煮得好出色日本雞泡魚干食落好有咬勁，每條都厚條，燒得非常濃郁又夠香，好惹味，完全停唔到口日本芝士年糕賣相似小饅頭，口感煙韌軟熟，咬開一半芝士味道又香又濃，食完無

打去booking係店舖的人聽，book完之後隔2日無人覆我就諗住打去 confirm時間,點知話無我紀錄，轉左第2個女人聽就話我個日打個個係秘書台，秘書台都會一聽電話講鮨一咩？跟住個女人話一定會打電話覆客人，無聽都會留言，事實係我無收過留言，跟住一味同我講話有覆，又話就算點講都比唔到枱我，但個問題係點解啲態度可能咁差?有覆我既點解留言信箱無?亦無收過你地公司電話既紀錄呢？我問你有無mark低我電話覆我既紀錄就扯開話題，可笑。我唔係蠻不講理到要你比番張枱我，係想知點解無人通知我?最後仲要講講下cut我線。呢間店既服務態度一流，自問做服務業既我都比唔上👍👍

#美棋B餐 搵到呢「堆」海膽，實在係太犯規啦！「美」芝蓮指數：⭐️⭐️⭐️⭐️（5星最高）呃like影相指數 ：👍🏻👍🏻👍🏻👍🏻👍🏻價錢：HKD 1000/👤 美棋B餐推介食物：❤️千層海膽飯（大）$298: D海膽堆到成座山咁高，而且舊舊都大大塊😋，呢碗飯係用調咗味嘅飯，除咗海膽，仲加埋好有魚味嘅吞拿魚蓉，平衡番個味！但係真係啖啖都係海膽，海膽同海膽！！！❤️特上錦繡刺身$468 + 大海螺$388有時令8款剌身，各二片，（牡丹蝦、吞拿魚、海膽、劍魚腩、超巨大帶子、油甘魚、鯛魚⋯），剌身好新鮮，特別推介海螺，因為即開即切，而且爽口鮮甜，感覺好似食緊象拔蚌😂❤️鮨一沙律$128: 即係粒粒魚生沙律，我最欣賞係個日本蕃茄，好清甜❤️磯煮鮑魚剌身$888 ：係我食過最好味嘅鮑魚，每一塊都好有彈性好juicy, 磯煮嘅汁提升咗鮑魚嘅鮮味，最令我估唔到嘅，係個鮑魚肝（綠色個碟）😱係甜架，可以夾埋塊鮑魚一齊食👍🏻❤️甲羅燒$98: 即係燒蟹膏再加埋隻蛋黃混埋一齊食，配上烘過嘅多士，有蟹膏嘅鮮味❤️炸蝦天婦羅$78: 好抵食，一客有成5隻炸蝦，仲要好鬆化❤️辣酒煮蜆$62: 新鮮嘅蜆，隻隻都漲卜卜，另外記得食埋同蜆一齊

朋友要食日本野，醒起附近有樓上店是食日本野的，我們walk in 上去， 晚上九點都排到第四臺。門口比較窄，排隊有點辛苦，為了要食餐好的，我們真的沒所謂！ 鮨一沙律，$128師傳的臺上放上了一個個紅色的粒粒，遠看就像紅雞蛋，原來就是我們這菜式的主角 -- 清甜的北海道蕃茄。而沙律不只是新鮮的沙律菜，更有切得大大件的刺身魚生和蟹子，如三文魚、赤身、油甘魚等等，非常抵食！日本雞泡魚乾，$68雞泡魚乾的面層的汁醬令雞泡魚有那甜甜的表面，不而用手吃，但配襯酒類還是一流。而魚乾本身有陣櫄香的味道。八爪魚燒餅，$28平時吃的八爪魚粒粒，變成了燒餅，味道一樣，變了樣子更有趣。日式味噌煮牛舌，$62煮牛舌的味道有點像煮牛雜，牛舌經汁煮後十分濃郁的黃豆醬油香，而牛舌的質感比牛雜好多了，軟滑爆汁。我們叫了幾款刺身，餐廳把所有刺身放在一起，所以上臺時十分有氣勢。龍蝦，$388龍蝦是貴價的青殼龍蝦，肉質不會淋pat pat, 會有彈性，而且有陣獨有的香甜味。粒貝，$388粒貝是我們有時叫的榮螺，因為大大隻，食濱燒時會整個連殼放上爐上燒，很有氣勢。我們吃刺身，吃壽司時師傳又會拍一拍增加彈性。我們吃原隻刺身，新鮮

早排上Facebook，見到好多網上媒體都報道過呢間海膽飯，忙完一個大project之後終於有時間黎食，一解心頭之癢星期日嘅晚上八點嚟到，全間店都full晒，好彩book咗枱所以好快就有得入去。話晒都叫忙左一段時間，為咗稿賞自己，除咗叫咗個海膽飯之外，仲叫咗一個刺身拼盤、龍蝦刺身、同埋幾樣小食首先出場嘅係鮨一沙律($128)沙律菜十分新鮮爽脆，配上沙律汁後好開胃。魚生大大粒，質素毫不馬虎之餘，份量亦好多，唔同種類既魚生令到沙律味道頗為豐富。最impressive係個番茄，十分清甜多汁，連唔鍾意生食蕃茄既我都會同男朋友搶住食呀！跟住出場既係八爪魚燒餅 ($28)味道同坊間八爪魚小丸子十分相似，但呢個餡料豐富得多（木魚碎堆得仲高過個燒餅！），熱辣辣十分惹味，廿八蚊三件，價錢都幾合理日本雞泡魚干 ($68)唔會燒到好乾身好難咬，反而質感腍身，忍唔住一條條咁放入口，好快就食哂日本味噌煮牛舌 （$62）入面有厚切牛舌同蘿蔔，兩者都好入味，牛舌煮得勁軟腍，好食～但男朋友覺得蘿蔔好入味所以有點過鹹呢終於到左期待已久既刺身同海膽飯～特上錦繡刺身 ($468)龍蝦刺身 一隻 ($388)刺身拼盤有8款魚

 女朋友總會問我：「又吃日本菜，不會厭嗎？」才不會呢，香港裡具質素的日本菜實在多。今次專程來嚐嚐鮨一的海膽丼。專程來吃好東西可不能獨孤一味只吃海膽丼吧。先來一份鮨一沙律，正中間搶眼的蕃茄非常 juicy、拌以蟹籽與沙律醬，加上各種魚生，足以讓味蕾熱身。還有誰會說到餐廳點沙律浪費金錢？作為蠔魔的女友，除了生蠔，就連這道辣酒煮廣島蠔也不放過。蠔身件頭挺大，蠔味甚濃，辣酒湯辛辣惹味，與蘿蔔甚為對味。女友雖然不太吃辣，也冒著滿頭大汗不斷吃，大呼過癮。開始進入作戰狀態，特上刺身拼盤共有八款刺身，每款兼具兩片，兩人叫一份不用爭吃，每一片刺身大片厚切飽滿。特喜愛帶子，真能吃出帶子鮮甜且肉質彈牙，乃非常難得。食局進入中局，該召喚主角千層海膽丼吧！師傅將海膽一層一層堆疊，最後以一抹金箔點綴，更添一層 premium 感覺，打卡一流。美好的事總會留一點遺憾：拍照時千層海膽太高倒下了！這海膽丼真的足料得過分。海膽入口感覺柔滑、甜而不帶半點腥味，份量又那麼大，十分邪惡。近來許多香港的日本餐廳都在做甲羅燒，這種邪惡美食恰巧在我眼前出現，迫使我又點一份。蟹膏郁香與蛋黃混和，塗滿與烘烤過的麵包上，其霸道又可口的味道

好耐之前已經聽聞過尖沙咀“鮨一日本料理”ge大名，聽過朋友介紹系一間高水準日本料理，今晚就同朋友一齊黎試下距！！上到去餐廳，門口已經要排隊等候，等咗大概20分鐘左右就入得啦。坐正師傅吧臺，迫不及待叫咗食物錦繡魚生沙律外貌同普通沙律差唔多，但一食入口就知唔同，首先沙律已經用咗幾款時令ge魚生刺身去做，例如帶子，三文魚，蟹子等，然後個沙律醬ge味道教得啱啱好，酸酸甜甜非常開胃！辣酒煮硯大大隻肉硯做一品料理真係無得彈~辣酒湯底濃郁惹味，硯肉鮮甜，成個料理都好正。炸蝦天婦羅自己最中意食天婦羅，呢度個天婦羅表皮層炸粉炸得香酥，而且夠薄，唔會成口粉，蝦肉鮮，唔會炸到干曬。刺身拼盤叫咗幾款刺身，中拖羅，無得輸，本來用ge材料已經好，一定好味，牡丹蝦，大大只，厚肉，肉質鮮甜，鯛魚刺身，魚味濃郁，帶子，厚肉鮮甜，北極貝，有咬口，鮮甜。幾款刺身都好好味，而且價錢都好合理。唐揚牛舌通常食牛舌都系刺身，或者串燒，或者汁煮，第一次食唐揚牛舌，好好味，唔會炸都全熟，而且外面脆，入面淋滑，真系好正。好唔錯ge日本料理餐廳，雖然無食距個出名ge海膽杯，但都試咗距其他好出色ge料理，真係好唔錯，而且重點系價錢適中，的確

最近的潮流應該吹到海膽杯上。在社交媒體上，經常會見到大大小小，形形色色的海膽杯打咭。今晚我也是其中一份子。晚上來到最近熱點之一(鮨一)餐廳，已見到排隊的人龍。這裡位置不多，坐的時候可能要親密一點。被安排都壽司吧的坐位，可以近距離欣賞一下師傅的手藝。雖然這裡給我 Omakase 的感覺，但是有單點食物的餐牌。鮨一沙律 $128沙律份量多，而且用上不同的刺身，加上沙律菜和沙律醬，口感清新。驚喜在於蕃茄，選用日本蕃茄，鮮甜清爽又多汁。磯煮鮑魚 $118磯煮鮑魚還會配上鮑魚肝醬，可以先試試鮑魚的原味，新鮮爽口，再蘸一蘸肝醬可以更突出鮑魚的味道。千層海膽飯 (大) $298還未吃的時候已經望住師傅製作其他海膽飯，當望住師傅將海膽堆積如山，我終於明白什麼叫"未出發先興奮"。這個千層海膽飯非常吸引，滿滿的海膽用"澎湃"來形容絕不過份。自己吃海膽的時候喜歡有少少飯襯托一下，但一般吃到的海膽飯，飯都比較少，而眼前的海膽和飯都一樣澎湃，吃得非常滿足。上錦繡刺身 $298三文魚，帶子，北寄貝，八爪魚，鱆紅等刺身用料豐富，加上用精心的擺位，單單賣相已經好吸引。秋刀魚刺身 $188秋刀魚刺身頗有口感，而屬於魚味

辛苦左一日,收工就想食好少少...唔洗諗啦.... 日本菜...朋友推介既...居酒屋餐廳比較細環境尚可*小tips :: 最好預先訂位... 另外係有bar 位(around 7-8個位）我係坐bar位可以見到師愽切魚生"好開心😊😂😊😂😊😂"清酒煮蜆!!! 推推推!!D 蜆size 唔細又唔細碗... 有重重芫茜味!三文魚同帶子刺身!!!黑銀雪西京燒: D魚皮好鬼脆咁樣細細片已經係150g 見到人地叫lee 個... 好似好出色... 所以跟住叫😂😂😂點知真係好出色... D 蟹膏入面有蟹肉條 味濃配埋d 脆面包!!! 正正呀!!!雜錦天婦羅... 同樣出色... 蝦有三隻有蕃薯南瓜青椒同茄子 幾抵食!!重點係•海膽飯•D 飯係好似鼓油色但係重醋味海膽好鮮味, 厚厚的海膽下有拖羅碎仲有紫菜配埋比你自己捲住食!!爽YY