魔膳廚房 (已結業)

平時都成日黎食午餐同下午茶 講到晚餐就真係第一次 媽媽去左半個月旅行終於番黎 就帶佢黎食餐飯慶祝下Menu加左$30就可以有自助沙津吧 有好多新鮮既沙津菜同水果 仲有涼拌小食可以自己拎不得不提就係食晒都唔記得影相既餐包 好香又軟綿綿 食落就好鬆軟 原來係用日本麵粉造既 餐湯我地就分別叫左個雜菜湯同松露蘑菇忌廉湯 我自己就比較中意呢度既蘑菇湯 好香松露味龍蝦汁海鮮意粉 ($168)有大蝦.青口.魷魚.蜆等等既海鮮 好足料 個汁整到好似湯咁既質地 比較稀 同個意粉好夾 意粉軟硬適中 好彈牙西冷牛扒10oz配薯菜 ($218)塊牛扒肉汁好飽滿 而薯粒都有小心機 食落隱約有陣黑松露味賣相好好 如果用放係木板上枱應該會更靚藍柑檸檬梳打 (+$5)唔止賣相好有夏日既感覺 飲落都好refreshing熱玫瑰蜜花茶 (+$3)甜度ok 有玫瑰花香味另外要讚下呢度既職員 做野好快手態度又好 見到有一家大細帶左個小朋友就即刻拎左張bb櫈過去 真係值得一讚

去APM買生日禮物比朋友，那裹應有盡有，夠你行足一日，最鍾意佢有好多運動用品店。行到晚飯的時候，總要搵嘢食，想要座得舒服，見開源道有間餐廳「魔膳廚房」近排係IG好紅，D甜品又好吸引人，咁近APM就行落去試一試。在APM 商場可以經鱷魚恤大厦，直接通過商場，就可以落到地下，轉右手邊唔洗一分鐘就會見到「魔膳廚房」嘅招牌，有一條餐廳專用的樓梯，就可以直達餐廳，非常方便。上到餐廳感到有驚喜，地方好大在香港好難得，又非常整潔，裝修有特式同心思，感覺好好。座下睇吓餐牌有咩食，有好多主餐選擇，最愛佢有一個沙律吧，好似酒店一樣，可以任意選擇，而家好多西餐廳因爲成本關係，好少會設有沙律吧了，所以呢個一定係其中一個賣點。跟餐只需要加$38就已經可以任食沙律吧，講吓沙律吧內提供了什麼食品，有好新鮮嘅沙律菜,一睇菜葉就知道佢嘅新鮮程度，唔係講笑，新鮮過係酒店食，另有三色椒、紫洋蔥，切成圈形狀，同菜一樣咁新鮮，仲有粟米、番茄🍅、車厘茄、界花青瓜、菠蘿🍍而沙拉醬有三款選擇：芝麻醬、千島醬、黑醋。總有一款啱你。沙律吧仲有水果，前菜小食任選，有西瓜、什果沙律、日式螺肉、帶子裙邊、海藻，最特別係有啫喱糖，童年回憶馬上返

今晚約左個老友係觀塘食飯, 佢係觀塘返工, 佢話食過呢個餐廳既LUNCH, 覺得唔錯, 想試下夜晚, 呢度真係唔錯, 唔單只地方夠大, 同隔離枱有距離, 服務又好, 其實好岩三五知己食飯傾計，而且食物都好好味, 價錢合理。今晚BOOK 左7點半鐘, 去到仲未係好多人, 我地2個人都有張4人枱, 所以好舒適，仲要好近SALAD BAR, 超方便。今晚我地各自都叫左DINNER SET諗住SHARE一齊食, 有湯有MAIN有野飲, 仲可以係出面SALAD BAR任拎食物，雖然個SALAD BAR唔係好多野, 都係D前菜沙律生果, 但D食物都好新鮮!! =]紐西蘭頂級西冷牛扒 10OZ $218真係頂級西冷牛扒!!!其實一上枱我已經有點意外, 因為好靚!!!要即影呃LIKE!!!除左去牛扒之外, 側邊仲有小小伴菜令到成個MAIN好完滿, 有一個煙肉焗蕃茄啦, 蘆筍煙肉, 同埋一個熟蒜頭!!真係好靚!!最驚喜既竟然係薯仔!!! 佢用左小小黑松露, 再拎個薯仔去炸一炸, 食落去一啲都唔粉!!爽爽地, 好易入口, 唔會覺得好飽, 講返主角西冷牛扒, 我揀左5成熟!!!VERY GOOD!!!!切開

今日約了朋友到觀塘晚餐, 在網上搜尋了這間在工業大廈的樓上西餐廳， 食過後，估唔到樓上西餐廳都有這麼出色的水準， 值得下次再來幫襯。這餐廳的面積非常大，有很多座位得，而餐廳裝修夠特別 ， 好有情調 ，真正坐得舒適， 感覺好正。餐牌有不同的晚餐同小食，好吸引，湯選擇了紅湯羅宋湯，入面有大量什菜，番茄蓉也很足料，不錯。叫了一客「頂級西冷牛扒10oz」牛扒十分滿意，牛味濃，口感軟熟。除了牛扒之外，其他配菜也不错，例如炸薯仔，薯仔的製作過情嚴谨，味道外脆內軟,面層噴上松露汁香味提升唔少，而煙肉包著蘆筍及粟米芯也不錯，既有煙肉味，又有菜味，十分配合。烤蒜頭十分野味。最後，烤蕃茄值得一贊，外面的蕃茄十分多汁，而且内裹有洋蔥及煙肉粒，加上面層有芝士，好juicy味道一流。整個牛扒餐的份量奇大，適合牛扒愛好者。另一主菜「香煎帶子黑松露意大利飯」帶子煎得微焦，內裹軟熟，加上有大量的蟹子，配上濃味的黑松露汁，出奇的配合。飲品有「荔枝玫瑰梳打」及「蘋果汁」先講梳打，有荔枝的甜香又不失玫瑰的幽香，解渴之選。蘋果汁香甜可口。而甜品點了「特級朱古力心太軟」呢個心太軟有好多生果，有青蘋果、火龍果、士多啤梨、哈密瓜、

今晚又幫襯魔膳，鍾意佢夠靜食物唔差。今晚試吓其他無叫過嘅嘢食，當然，餐湯都係咁香濃，個飽都係夠熱同咁軟。首先一個三文魚配沙律，三文魚感覺略細，煎得乾咗少少，個沙律唔錯，但藜麥略少。跟住叫咗另一個煎魚加紫薯茸，紫薯茸夠濃味同滑，魚就都算juicy，值得一試。再嚟美國西冷，小朋友食、七成熟，上檯仲有少少血水，整到伴碟薯仔都被血水浸淋咗，可以改善吓，但整體味道唔錯。餐飲嘅伯爵茶、加錢嘅花茶都幾香幾好味，食到飽飽無叫甜品了。

今日去左觀塘魔膳廚房，估唔到樓上cafe都有咁大地方，座位寬闊，同朋友飯聚傾偈係一個唔錯既選擇。我們叫左晚餐有麵包餐湯主菜飲品，跟餐加$38可以享用自助沙律bar，咁熱既天氣，餐前食個沙律增加下食慾。車厘茄、酸瓜、青瓜、三色椒、中華沙律、墨魚仔、啫喱糖......等等！德國烤原隻豬手配薯角跟黑椒汁$186唔好睇佢細細隻，切開之後發覺d肉都好多，個皮連住d肥肉，咬落去好彈很有口感，配合黑椒汁味道很好呢！龍蝦汁海鮮意粉$168食落口有香濃既龍蝦味道，個汁令到個意粉好入味，軟硬度又適中，隻蝦仲要煎香左好好味！另外還有蜆仔、露荀、蝦仔、青口，落足料！我轉左特飲藍柑檸檬梳打，味道同青檸梳打差不多，顏色靚又唔太甜，很不錯喔！

今天和男朋友去了觀塘的PARTY ROOM玩準備走的時候在附近看到這家餐廳因為在工廠區 突然有一家餐廳裝潢得比較顯眼所以決定上去試一試.餐廳位於2樓餐廳把地下通往2樓的樓梯裝潢得很漂亮在樓梯旁掛滿了不同的畫而且也可以順便看看菜單.一坐下男朋友就說這裡很適合包場位置夠大 而且也有投影設備小聚會也可以 看到餐廳裡也有獨立房間.點餐後立即送上餐湯和餐包忌廉周打蜆湯的忌廉味道很濃郁 隨著忌廉的味道 蜆的鮮味也會隨著出現蘑菇和蜆在湯中清晰可見如果湯可以更濃點 相信我會喝不停口.雜菜湯喝下去先酸後辣湯已經融到菜中 喝多兩口 湯的辣味會纏著你的喉嚨久久不散非常刺激.麵包上來還是暖的 但記得先把上面的牛油取下來要不然就會被熱融嘍.香煎帶子黑松露雜菌意大利飯 $168沒有很重的黑松露味道 反而忌廉味很重意大利飯沒有那種沒熟的感覺米心都熟透 但還能感到意大利飯有點硬硬的感覺帶子兩邊輕輕煎了一下在其中一邊放了鹽.墨西哥香辣豬肋骨配芝士焗瘋薯 $178豬肋骨很大一份 加上醬料有點酸酸的可以減輕吃太多肉時的油膩感旁邊的菠蘿很甜 有一點烤過的香味一切下去全是菠蘿汁薯條是厚切連皮的那種.紅桑子草莓提拉米蘇 $48提

網上見評價幾好，位置都好近apm，夠好方便就試下啦。由於已訂座，一到餐廳時，服務員為我地安排位置, 有效率👍室內環境燈光柔和，地方寬敞舒適整潔。原來仲有任食沙律吧!!雖然沙律吧種類唔算多,但勝在夠新鮮除了沙律菜，仲有啫哩，蜜桃，帶子裙邊，車厘茄，粟米粒等等。。。 飲左湯先😜~是特濃忌廉三文魚湯。😍很香，而且喝起來還吃得到三文魚粒，很有口感。 餐包👍上枱時仍時暖的，包中間有提子，令麵包吃起來更香。夠健康又有營養   紐西蘭西冷牛扒配薯角。食物擺設靚，味道亦好牛扒要左五成熟，廚師煎得啱啱好，入面既肉仲係粉紅色，沒有多餘的血水，肉質鮮嫩,甘多肉汁甘JUICY, 我覺得唔需要點汁都已經好夠味！ 伴碟有焗蒜頭，同薯角。薯角口感好香夠脆，兩者配合，完全一流！三色芝士醬燒豬肋骨配薯角 好味呀!!!!仲係好大份!!!!肉質鮮嫩又入味！ 表面層芝士醬雖然較薄, 但係味道幾香,幾特別！同豬肋骨一齊食好MATCH！ 甜品賣相好靚，值返哂啦味道也不錯，朱古力味好濃，慕絲好順滑 咖啡方面我選擇了latte，咖啡拉花靚奶味夠重，很香很好味 總括而言，值得推介！ 

同女朋友去慶祝生日, 食物都好好食, 價錢合理, 最深刻既係侍應態度好好及服務周到。入去叫佢地準備拎蛋糕出黍, 佢地識主動走埋黍問我地收吾收碟, 執拾好枱面再拎個蛋糕出黍, 過程完全冇俾女朋友發現。最後拎左個蛋糕出黍, 見到女朋友好驚喜。餐廳亦按要求俾左個比較靜既位我地。服務一流!

陪朋友續車牌，順便去試下觀塘最多嘅隱世cafe☕️ 不過就算week day 觀塘搵位泊車都係好困難，加上開源道多塞車都塞到暈呢。。因為唔熟地方，所以就睇open rice comments 搵到哩間👉🏻魔膳👈🏻款式都幾多，樣樣都想試，最後決定5個人5個唔同嘅main course happy sharing 食物呢，樣子都算精美，但係感覺好似每一樣野都唔記得落鹽？🤔 唔識形容果種感覺，但每一碟食物都好似個味差少少咁，同埋啲食物係唔熱嘅。。然後到我地食曬4個main 時，第五個一直都未黎，問waitress 想話如果忘記落單就cancel 咗佢，waitress 無答我係整緊定係漏單。。再過多15分鐘度終於都到了，但我已經停曬手 等到無曬心機食第5個main 了 (當然加上頭4個main 味道都麻麻, 所以都無乜太大期望啦。。)店內環境是普普通通無乜特別。。服務態度都非常麻麻，唔知係趕落場定咩，啲waitress 語氣都幾悔氣，食物又麻麻， 到底隱世cafe 係咪就因為地方偏僻又係工廠大廈又面所以先叫隱世呢？

巧遇同事生日，三五成群中午過嚟呢度食大餐一入個門口，嘩！好靚雖然已經book咗位，但都需要等一陣先入到去。原來佢哋安排左一間房俾我哋氣氛好好，又唔會嘈到其他人，如果係夜晚麗聚餐更加好，可以暢所欲言Menu方面都算多選擇，我揀咗B7厚切豬扒配無花果燒汁跟意粉豬扒係我咁耐以來食過最大塊同最厚ge一塊雖然係大塊，但係肉質鬆軟，一啲都唔「鞋」。正呀最後食完，侍應哥哥都有走過來問我地滿唔滿意，歡迎提出意見。總括來講我覺得呢間10分值得推介希望下次有機會晚上上嚟食！

約了朋友到觀塘行街，觀塘有很多工廈都有做埋零售生意，衣服、鞋襪、電器、傢私樣樣俱全而且價錢便宜。魔膳廚房就喺觀塘地鐵站旁邊，雖說在工廈區，內裡裝修挺不錯，牆上的掛畫增添氣氛。這裏提供的自助式沙律吧，款式尚算豐富，有中華沙律，螺仔，八爪魚，給各類新鮮的沙律菜等。今日揀咗羅宋湯，茄味十足，材料亦相當豐富。餐包軟軟帶微溫，塗牛油好吃。法式焗釀田螺，田螺肉質細滑，配上頂頭的牛油薯蓉，滿口幸福的感覺。今日我哋叫咗二人行大蝦和牛套餐，大蝦配意粉，意粉彈牙爽口，大蝦用牛油煎香，蝦肉彈牙鮮味十足。牛扒剪得外層焦焦的，非常香口，六成熟剛好，牛味十足。

又去到觀塘工廈區覓食，今次試吓位置好方便嘅「魔膳廚房」～ 餐廳位於業發大廈一期，喺鱷魚恤大廈旁邊，餐廳好大，座位舒適，環境唔錯，食物選擇眾多，好多都係set, 都幾抵食～ 而且餐廳有優惠，follow OpenRice佢哋嘅page，就可以用$1 換小食😍 我哋都叫咗兩款😝帕爾馬火腿伴哈密瓜小小的一份，大約有兩片帕爾馬火腿，唔會太咸，幾香，同哈密瓜一齊食，清新好味～糯米釀香辣雞翼有兩隻雞翼，糯米釀入雞翼裏邊，好飽満😍 雞翼外皮香脆，整體味道非常好👍🏻 推介小食😋餐湯餐包餐包新鮮柔軟，餐湯我哋揀咗忌廉湯，味道唔錯～香煎帶子黑松露雜菌意大利飯賣相討好，帶子爽口彈牙，黑松露雜菌飯好香，好creamy，配埋雜菌、蘆筍、蟹子、芝士粉，整體香濃好味👍🏻美國頂級西冷牛扒10安士好大塊西冷牛扒😍 我哋選擇咗七成熟，切開都見到粉紅色嘅肉，仍然保持到肉汁，味都唔錯，旁邊嘅配菜都好好味～荔枝玫瑰梳打/ 藍柑檸檬梳打兩杯飲品顏色都好靚，味道清新，唔會太甜👍🏻特級朱古力心太軟呢個心太軟比起其他地方食到嘅唔同，賣相好特別，係用杯裝住心太軟，旁邊鋪滿水果，配埋一齊食都幾特別，唔錯👍🏻

以前男朋友係觀塘區番工，所以個排bookmark左好多餐廳，諗住慢慢去試。魔膳廚房就係其中一間啦😄餐廳係工廈入面，我地傻傻地搭左貨上去，結果入左餐廳後門😂臨走時發現前門裝飾得好靚，係一面花花牆。下一層牆身仲掛住好多畫，幾有藝術感覺。main course有6款，對我呢d有選擇困難既人黎講都幾多，其中一樣係神秘晚餐👀聽落真係令人好好奇好想試下🙈最後我地叫左二人大蝦和牛套餐，唔洗煩小食主菜甜品揀咩😌另外加左任食沙律吧。侍應好貼心咁問我地想唔想食完沙律先上前菜。沙律吧只供應到9點，快9點既時候侍應都有提醒我地。我本身唔太鍾意食生既菜，不過有得任加芝麻醬同其他醬好開心😆沙律菜新鮮爽口。仲有日式螺肉，生果等。餐包上枱時仲係暖暖的，麵包鬆軟。小食係法式焗釀田螺。薯蓉好香😍首先上既主菜係極上和牛漢堡配薯角。薯角外脆內軟，好香口。和牛好厚好juicy😍share完呢個漢堡已經飽飽地😂跟住有扒大虎蝦配龍蝦汁扁意粉。龍蝦汁稍嫌較淡，食完大蝦後淨係意粉有d寡。大蝦好易起殼。呢個甜品真係超級artistic~😍😍玻璃罩好似一個水晶球咁包住甜品😋甜品味道唔錯，有淡淡咖啡味，碟上仲散落著彩色的乾花⚘食得又睇得😋

今日晚上要在觀塘上堂，黎到食個早晚餐。之前見到這間餐廳好多客人話好食又舒適，所以來試一試。這間在觀塘地鐵站附近，在業發一期有一條樓梯行上去，已經係好特別的樓梯，好似入咗一個魔法藝術世界，好多好靚的圖畫及設計入到去，好大的餐廳！好多座位及枱子好舒服的梳化及環境，好光猛又好多特色設計；輕快的音樂下，品嚐美食，又輕鬆又享受，可以放工後好好放下所有憂慮這裡午餐分一、三、五及二、四的，可以讓客人有更多不同選擇。但原來都有12個選擇，我叫了B8鯰魚柳配薯蓉沙律！我喜歡餐湯，所以加了$10我選了紅湯（雜菜湯），好香濃又有好多紅蘿蔔及蔬菜，酸味濃，好開胃麵包熱熱的，好鬆軟又有粒粒麥香，配合餐湯，吸收了雜菜湯的好濃，好夾香煎鯰魚柳配薯蓉沙律跟酸辣皮椒汁好大份好豐富！未食已經好吸引人啦鯰魚柳外皮微脆，魚柳好香軟又滑滑的口感，魚柳好長的一條！配上酸辣皮椒汁，酸酸甜甜又有皮椒的口感，好夾又中和肉的膩，好適合夏天喔薯蓉好似雪糕一樣，好滑好軟好香又飽肚！沙律好清新又健康，配上黑醋汁，開胃之選選擇了熱蜜桃紅茶，好香蜜桃味，不會太甜，剛剛好